Chapter 11

[English text for this chapter is available]

jaiminiruvāca |
nāradādbrahmaṇaḥ putrādbhagavadbhaktimuttamām |
śrutvetthaṃ paramaprīta iṃdradyumno'pyuvāca tam || 1 ||
[Analyze grammar]

iṃdradyumna uvāca |
sādhusaṃgastu vidvadbhirbhavavyādhivināśanaḥ |
mamopadiṣṭo bhagavanso'bhūtsāṃpratameva me || 2 ||
[Analyze grammar]

yena sākṣātkṛto viṣṇuḥ paramātmā parātparaḥ |
sa tvaṃ yanmaṃdirāyātastvadanyaḥ sādhuratra kaḥ || 3 ||
[Analyze grammar]

tvatsaṃnidhānādbhagavastamo me nāśamabhyagāt |
yanme tvarayate cittamarcituṃ nīlamādhavam || 4 ||
[Analyze grammar]

vetsi brahmāṃḍavṛttāṃtaṃ paryaṭansārvalaukikaḥ |
tadāvāṃ rathamāsthāya paśyāvo nīlamādhavam || 5 ||
[Analyze grammar]

puruṣottamasaṃjñasya kṣetrasyālaṃkṛtaṃ śubham |
tatra tīrthāni saṃtīti bahubhiḥ kathitāni me |
tvadvākyādyadi jānāmi bhaveyuḥ saphalāni me || 6 ||
[Analyze grammar]

nārada uvāca |
haṃta te darśayiṣyāmi kṣetraṃ kṣetrasthitāni ca |
tīrthāni śaktiśaṃbhūṃśca kṣetramāhātmyameva ca || 7 ||
[Analyze grammar]

sākṣāddrakṣyasi deveśaṃ bhaktasyātmasamarpakam |
tavānugrahataḥ śīghraṃ caturddhā saṃvyavasthitam || 8 ||
[Analyze grammar]

yasya saṃdarśanānmartyo jāyate bhaktibhājanam |
evaṃ kathāṃte tau prītāvahaḥkṛtyaṃ samāpya ca || 9 ||
[Analyze grammar]

yātrānukūlaṃ nirṇīya paṃcamyāṃ budhavāsare |
jyeṣṭhakṛṣṇetare pakṣe puṣyarkṣe lagna uttame |
ekatra śayitau rātriṃ ninyaturnṛpanāradau || 10 ||
[Analyze grammar]

tataḥ prabhāte vimala iṃdradyumno nṛpottamaḥ |
ghoṣaṇāṃ kārayāmāsa rājyasya saha baṃdhubhiḥ || 11 ||
[Analyze grammar]

yathāvibhavataḥ sainyairnīlādrigamanaṃ prati |
yāvajjīvaṃ tatra vāsaṃ kariṣyāmo viniścitam || 12 ||
[Analyze grammar]

yā vṛttiḥ kalpitā yasya sa tayā tatra jīvatu |
rājānaḥ sāvarodhāśca sāmātyāḥ saparicchadāḥ || 13 ||
[Analyze grammar]

rathairgajaisturagaiśca koṣaiḥ saha padātibhiḥ || 14 ||
[Analyze grammar]

vrajaṃtu sajjitāstatra brāhmaṇāḥ sāgnihotriṇaḥ |
vaṇijaḥ saha bhāṃḍaiśca sapaṇyāḥ paṇyajīvinaḥ || 15 ||
[Analyze grammar]

rāṣṭrakarmaṇi niṣṇātā kuśalā rājavartmasu |
jyotirvido nṛtyavido daṃḍanītau pravīṇakāḥ || 16 ||
[Analyze grammar]

nṛtyagāyanavāditracaturvidhasubuddhayaḥ |
gajavājinarāṇāṃ ca bhaiṣajye śāstra uttame || 17 ||
[Analyze grammar]

kuśalā dṛṣṭakarmāṇo vidyāsvaṣṭādaśasvapi |
upāṃgavidyāsu tathā kuhakārthakutūhalāḥ || 18 ||
[Analyze grammar]

vāṭasāhasikāścorāstathānye paśyatoharāḥ |
vicitrakathanājīvāścāṭukārāśca māgadhāḥ || 19 ||
[Analyze grammar]

śāstropajīvinaścaiva tathānye śalyahārakāḥ |
dyūtakārāśca puṃścalyo veśyā veśānugā viṭāḥ || 20 ||
[Analyze grammar]

kṛṣīvalāśca gomepacchāgoṣṭrakhararakṣakāḥ |
śakuṃtapālāśca kapivyāghraśārdūlarakṣakāḥ || 21 ||
[Analyze grammar]

āhituṃḍikagorakṣya śabarā mlecchajātayaḥ || 22 ||
[Analyze grammar]

anye ca ye mālavadeśajātā ājñāṃ madīyāmanupālayaṃti |
te yāṃtu sarve vasatau hi nīlācale yathāsvaṃ kṛtavāstubhāgāḥ || 23 ||
[Analyze grammar]

evamājñāpya nṛpatiryātrāyāṃ ca kṛtakṣaṇaḥ |
nāradena samāgamya daivajñamidamāha saḥ || 24 ||
[Analyze grammar]

sāṃvatsara muhūrttaṃ me nirṇītaṃ te yathā purā |
tāvanmāṃgalikaṃ vastujātaṃ samyagupānaya || 25 ||
[Analyze grammar]

purohitamatenāsminkṣaṇe yāvadvimṛgyate |
tenādiṣṭaḥ sa gaṇakaḥ purohitasahāyavān || 26 ||
[Analyze grammar]

ājahāra samastāni māṃgalyāni dvijottamāḥ |
atrāṃtare sa rājarṣirdivyasiṃhāsanasthitaḥ || 27 ||
[Analyze grammar]

yātrābhiṣekamāṃgalyaṃ vipraiḥ prāganubhāvitam |
śrīsūktavahnisūktābhyāṃ sūktenābdaivatena ca || 28 ||
[Analyze grammar]

pāvamānyābdhisūktena pṛthaṅmāṃgalyavarddhakaiḥ |
tīrthādbhirauṣadhībhiśca sarvagandhaiḥ pṛthakpṛthak || 29 ||
[Analyze grammar]

abhiṣiktastato rājā cīnāṃśukahṛtāṃbhasā |
rarāja vapuṣā dīpto nirdhūmaḥ pāvako yathā || 30 ||
[Analyze grammar]

āmuktaśuklavasanaḥ svācāṃtaḥ sapavitrakaḥ |
nāṃdīmukhānpitṛgaṇānpūjayitvā yathāvidhi || 31 ||
[Analyze grammar]

jayārāṣṭrabhṛto hutvā gaṇahomāṃśca yatnataḥ |
śaṃkhadhvanisugaṃdhāḍhayaṃ śvetavarṇaṃ vidhūmakam || 32 ||
[Analyze grammar]

vahniṃ pradakṣiṇaṃ cakre dakṣiṇāvarttagārciṣā |
sākṣātkāreṇa dadataṃ jayaṃ rājñe jayārthine || 33 ||
[Analyze grammar]

navagrahamakhāṃte ca grahakuṃbhena sevitaḥ || gra |
hāṇāṃ dauṣṭyanāśāya sausthyasyāpi vivṛddhaye || 34 ||
[Analyze grammar]

jyotiḥśāstroditairmaṃtrairdaivajñavidhicoditaiḥ |
tato māṃgalyanepathyavidhānamupacakrame || 35 ||
[Analyze grammar]

cīnāṃśukaprāvaraṇe vidhāya kavacaṃ nijam |
śiroveṣṭanakaṃ śubhraṃ suratnamukuṭojjvalam || 36 ||
[Analyze grammar]

sāvataṃse śrutiyuge ratnakuṃḍalabhūṣite |
graiveyakaṃ mahārghaṃ tu hāraṃ taralabhūṣitam || 37 ||
[Analyze grammar]

dadhārātha nṛpaśreṣṭhaḥ keyūrāṃgadamudrikāḥ |
madhyena trivalīsaktaṃ svarṇasūtraṃ trivṛddadhau || 38 ||
[Analyze grammar]

hiraṇyakiṃkiṇīyukta muktātoraṇamālikam |
nānāratnaiḥ sughaṭitāṃ dadhārātha sumekhalām || 39 ||
[Analyze grammar]

anarghye pādakaṭake pādayoḥ saṃnyaveśayat |
sammukhādarśitādarśe dadṛśe svaṃ vibhūṣitam || 40 ||
[Analyze grammar]

maṃgalāropaṇārthāya haimapīṭhamupāviśat |
prāṅmukhaḥ śrīdharaṃ devaṃ saṃsmaranmadhusūdanam || 41 ||
[Analyze grammar]

magalāyatanaṃ viṣṇuṃ sarvamāṃgalyakāraṇama |
smaraṇādasya naśyaṃti pātakāni bahūnyapi || 42 ||
[Analyze grammar]

saumanasyāmatho mālāmārttavīṃ gaṃdhavarṇitām |
dadhāra prathamaṃ rājā maṃtritāṃ svapurodhasā || 43 ||
[Analyze grammar]

mṛdaṃ dīpaṃ phalaṃ dūrvā dadhi gorocanāṃ tataḥ |
mantrābhimaṃtritānsarvānsiddhārthairabhirakṣitaḥ || 44 ||
[Analyze grammar]

ātmānaṃ dadṛśe rājā saurabheye haviṣyatha |
mukure maṃtrite paścātsvaṃ dṛṣṭvā nṛpakesarī || 45 ||
[Analyze grammar]

bahvṛcaiḥ śāṃtighoṣeṇa samudīrṇaśubhāyatiḥ |
yājuṣkaiḥ pathisūktena vrajanmārge'bhirakṣitaḥ || 46 ||
[Analyze grammar]

paurāṇairmaṃgalairvākyaiḥ kṛtavīryadhṛtirnṛpaḥ |
māgadhaiḥ stutipāṭhena prādurbhūtaparākramaḥ || 47 ||
[Analyze grammar]

pārijātaharaṃ satyāsahitaṃ garuḍadhvajam |
dhyāyanhṛtpaṃkaje rājā dakṣiṇaṃ pādamuddadhau || 48 ||
[Analyze grammar]

pradakṣiṇīkṛtya muniṃ nāradaṃ purataḥ sthitam |
madhyadvāramupāgacchadvetrapāṇibhirāvṛtaḥ || 49 ||
[Analyze grammar]

ādiṣṭapadamārgo'sāvagnihotrapuraḥsaraḥ |
tatrāpaśyatsthitānviprānātmano dakṣiṇena vai || 50 ||
[Analyze grammar]

māṃgalyasūktaṃ' paṭhataḥ śubhrābhānpāṃḍurāṃśukān |
lājāḥ sapuṣpā rājāgre kṣipataḥ śaṃsataḥ śubham || 51 ||
[Analyze grammar]

vāmapārśvasthitā veśyāścāmaravyagrapāṇayaḥ |
śubhrālaṃkāravasanāḥ smerapadmānanā śubhāḥ || 52 ||
[Analyze grammar]

brāhmaṇānpūjayāmāsa bhaktinamro dvijottamāḥ |
vastrālaṃkāramālyaiśca sugandhairanulepanaiḥ || 53 ||
[Analyze grammar]

toṣayāmāsa tānviprānbhagavadbuddhi bhāvitān |
veśyābhyo māgadhebhyaśca dīnānāthebhya eva ca || 84 ||
[Analyze grammar]

rājānumatyā sacivo yathārhaṃ pradadau dhanam |
śvetānpārāvatānhaṃsāñchvetāśvaṃ śvetakuṃjaram || 55 ||
[Analyze grammar]

sacūtapallavaṃ śvetamālāphalavibhūṣitam |
kadalīkāṃḍasannaddhatoraṇādhaḥ sthitaṃ nṛpaḥ |
pūrṇakuṃbhaṃ sa paśyanvai maṃgalāni bahūnyapi |
sitātapatreṇa śiraḥpradeśe vāritātapaḥ || 56 ||
[Analyze grammar]

yugapatpūryamāṇaistu kaṃbubhiḥ śatasaṃkhyakeḥ |
saṃmiśritāni śuśrāva vāditrāṇi bahūni saḥ || 57 ||
[Analyze grammar]

tathā maṃgalagītāni jayaśabdāṃśca bhūpatiḥ |
tato viveśa prāsādaṃ nṛsiṃhamavalokitum || 58 ||
[Analyze grammar]

yaṃ smṛtvā jāyate martyaḥ sarvakalyāṇabhājanam |
dṛṣṭvā sa dūrānnṛhariṃ divyasiṃhāsanasthitam || 59 ||
[Analyze grammar]

praṇamya sāṣṭāvayavaṃ santoṣyopaniṣadgirā |
dakṣapārśvasthitāṃ durgāṃ sarvadurgatimocinīm || 60 ||
[Analyze grammar]

vavaṃde caraṇābhyāśe paśyatīṃ kṛpayā nṛpaḥ |
tataḥ purodhā devāṃgādavaropya śubhā srajam || 61 ||
[Analyze grammar]

āsañjayāmāma gale sugaṃdhenānvalepayat |
nīrājayāmāsa rājñaḥ śiraścāveṣṭayanmudā || 52 ||
[Analyze grammar]

punaḥ pradakṣiṇīkṛtya tau devau nṛpasattamaḥ |
śibikāyāṃ samāropya pratasthe ca puraskṛtau || 63 ||
[Analyze grammar]

prādurbhūya bahirdvāre rathaṃ dṛṣṭvā susajjitam |
turaṃgamairvātajavairdaśabhiḥ parayojitam || 64 ||
[Analyze grammar]

pradakṣiṇīkṛtya nṛpo nāradena samāviśat |
ḍhakkāmṛdaṃganiḥsāṇabherīpaṇava gomukhāḥ || 65 ||
[Analyze grammar]

madhurīcarcarīśaṃkhā avādyaṃta sahasraśaḥ |
syandanāḥ koṭiśastatra nṛpāṇāmanujīvinām || 66 ||
[Analyze grammar]

cakāśire śreṇikṛtā indradyumnarathābhitaḥ |
nānāpraharaṇopetāḥ patākābhiralaṃkṛtāḥ || 67 ||
[Analyze grammar]

dhvajocchritāḥ svarṇaraupyaiḥ kiṃkiṇījāladarpaṇaiḥ |
yantrairnānāvidhairyuktā gaṃbhīra snigdhaniḥsvanāḥ || 68 ||
[Analyze grammar]

padātīnāṃ kuñjarāṇāṃ hayānāṃ vātaraṃhasām |
pattisaṃsphoṭanairhastibṛṃhitairhayaheṣitaiḥ || 69 ||
[Analyze grammar]

bahulai rathanirghoṣairmiśritā vādyaniḥsvanāḥ |
yugāṃtārṇavanisvānatulyāḥ śuśruvire janaiḥ || 70 ||
[Analyze grammar]

tasminkṣaṇe paurajanāḥ svasvasaṃbhārasajjitāḥ |
aśvakai rāsabhairuṣṭrairvāhakaiḥ pratitasthire || 71 ||
[Analyze grammar]

āṃdolikāśca palyaṃkāḥ koṭiśaśca turaṃgakāḥ |
śreṇībhūtāśca dṛśyaṃte rāṣṭraprasthānasaṃkule || 72 ||
[Analyze grammar]

rājāvarodhāḥ śataśo vṛtā varṣavaraistataḥ |
nānāyānasamārūḍhāḥ pālitāścādhikāribhiḥ || 73 ||
[Analyze grammar]

mahāsainyaiśca saṃruddhā rājāgārādviniryayuḥ |
yajvānaścāgnihotrāṇi śamyārūḍhāni vṛndaśaḥ || 74 ||
[Analyze grammar]

śakaṭeṣu samāropya sapatnīkāḥ pratasthire |
tathā pustakabhārāṃśca devatārcākaraṃḍakān || 75 ||
[Analyze grammar]

idhmabarhikuśānpātrīḥ saṃbhārānhomasaṃbhṛtān |
vāhayāmāsuranyaiśca śakaṭāvāhakadvijaiḥ || 76 ||
[Analyze grammar]

sāmantāmātyabhṛtyāśca purodhā ṛtvijaśca ye |
rājñaḥ prakṛtada sāśca upacāraniyoginaḥ || 77 ||
[Analyze grammar]

sarvopacārasaṃbhārānāsate'nye prayāyinaḥ |
koṣāgāraniyuktāśca koṣajātamaśeṣataḥ || 78 ||
[Analyze grammar]

samādāya yayustūrṇaṃ rājño'vasarasevakāḥ |
mālākārādayaḥ sarve paṇyajīvādayastathā || 79 ||
[Analyze grammar]

svaṃ svaṃ paṇyaṃ samādāya yayū rājaniyoginaḥ |
śreṣṭhaśreṇyādayaḥ sarve purakharvaṭavāsibhiḥ || 80 ||
[Analyze grammar]

samaṃ viniryayuḥ svasvavyavahāravilāsakāḥ |
indradyumnasya nṛpateryātrāsamayavāditān || 81 ||
[Analyze grammar]

bherīmṛdaṃgapaṭahānvyaśnuvānāndigaṃtaram |
śrutvā janapadāvāsijanāḥ sarve sasaṃbhramāḥ || 82 ||
[Analyze grammar]

rājājñāṃ mūrdhni saṃmānya nirgatā nīlaparvatam |
yasya yaśca ṛjuḥ paṃthāḥ sa ca tenaiva jagmivān || 83 ||
[Analyze grammar]

na rājamārgaṃ prajavādvyamṛgyaṃta nṛpājñayā |
nīlādriprāptimārgeṇa durgameṇāpi te yayuḥ || 84 ||
[Analyze grammar]

indradyumno'pi rājendraḥ samastapuravāsibhiḥ |
caturaṃgānīkinībhiḥ saharṣābhiśca veṣṭitaḥ || 85 ||
[Analyze grammar]

śreṇībhūtakṣitipatisyandanāvalimadhyage |
rathe rarāja rājarṣiḥ śakratulya paricchadaḥ || 86 ||
[Analyze grammar]

purastrīmaṅgalācāragītalājaprasūnakaiḥ |
maṅgalācāraśobhābhiḥ prasannaśubhacetanaḥ || 87 ||
[Analyze grammar]

vātaraṃhairhayairyuktarathena prayayau mudā |
anukūlānilaprodyadghanacchāyasuśītale || 88 ||
[Analyze grammar]

nīrajaske mahīpṛṣṭhe samīkṛtacatuṣpathe |
deśādhvanīnaiḥ puruṣaiḥ kānanāṃtaravedibhiḥ || 89 ||
[Analyze grammar]

ādiṣṭavartmā nṛpatirmārgasyobhayapārśvagān |
deśānaraṇyāni muhuḥpaśyannānandalocanaḥ || 90 ||
[Analyze grammar]

sīmāmutkaladeśasya vibhajaṃtīṃ vanāṃtare |
mārgasthāṃ carcikāṃ prāpa carcitāṃ muṃḍamālayā || 91 ||
[Analyze grammar]

avatīrya rathādrājā vinato nāradājñayā |
sāṣṭāṃgapātaṃ tāṃ natvā tuṣṭāvānaṃdacetanaḥ || 92 ||
[Analyze grammar]

indradyumna uvāca |
namaste tridaśeśāni sarvāpadvinivāriṇi |
brahmaviṣṇuśivādyābhiḥ kalpanābhirudīrite || 93 ||
[Analyze grammar]

kāraṇaṃ jagatāmādye prasīda parameśvari |
tvayā vinā jagannaitatkṣaṇamutsahate śive || 94 ||
[Analyze grammar]

siddhayaḥ sarvakāryāṇāṃ maṃgalāni ca śāśvate |
tvatpādārādhanaphalaṃ martyaloke hi nānyathā || 95 ||
[Analyze grammar]

carācarapaterviṣṇoḥ śaktistvaṃ parameśvari |
yayā sṛjatyavati ca jagatsaṃharate vibhuḥ || 96 ||
[Analyze grammar]

carācaraguruṃ devaṃ nīlācalanivāsinam |
anugṛhṇīṣva māṃ devi yathā paśye svacakṣuṣā || 97 ||
[Analyze grammar]

jaiminiruvāca |
nāradasyopadeśena stutvā devīṃ narādhipaḥ |
āruroha rathaṃ tūrṇaṃ vivasvānudayaṃ yathā || 98 ||
[Analyze grammar]

tataḥ pratasthe tarasā sa rājā śrāṃtavāhanaḥ |
citrotpalamahānadyāstīre viralakānane || 99 ||
[Analyze grammar]

dhātukandaravikhyāte nyaveśayadanīkinīm |
aparāhṇakriyāṃ kartuṃ yāvadāhnikamādṛtaḥ || 100 ||
[Analyze grammar]

jalāvataraṇe nadyāṃ viveśa svapurodhasā |
pūrvaṃ saṃśodhite prājñairviṣakaṇṭakavarjite || 1 ||
[Analyze grammar]

snātvā saṃtarpya devāṃśca pitṝnatha viśāṃpatiḥ |
saṃpūjya vidhivadviṣṇuṃ nṛpatīnprakṛtīstataḥ || 2 ||
[Analyze grammar]

saṃmānayāmāsa nṛpaḥ saṃniveśāsanādibhiḥ |
nāradena saha śrīmānpraviśyāṃtaḥpuraṃ tataḥ || 3 ||
[Analyze grammar]

sudhārasāni bhojyāni bubhuje prītamānasaḥ |
paścimādriṃ tato yāte vivasvati viśāṃpatiḥ || 4 ||
[Analyze grammar]

sāyaṃ vidhiṃ samāpyāśu śītabhānau samudyate |
anujīviviśāṃ nāthaḥ sabhāmadhya upāviśat || 5 ||
[Analyze grammar]

tatra tasminnarapatirbabhau sātrājyalakṣaṇaḥ |
saṃpūrṇamaṃḍalaścandro jyotiṣāmiva śāradaḥ || 6 ||
[Analyze grammar]

kavayaḥ kavayāṃcakuḥ kīrtiṃ tasya sudhāmalām |
jagurgāthāṃ sugrathitāṃ gāyakāḥ kalasusvarāḥ || 7 ||
[Analyze grammar]

rūpayauvanalāvaṇyagarvitā gaṇikāstataḥ |
layatānāṃgahāraiśca suśuddhairnanṛtuḥ puraḥ || 8 ||
[Analyze grammar]

māgadhāstuṣṭuvuścainaṃ lokottaraśubhākṛtim |
gadyapadyaprabandhādyaiścitraiḥ padakadambakaiḥ || 9 ||
[Analyze grammar]

tataḥ sa rājā prānarca vaiṣṇavāgryānsabhāsadaḥ |
susaṃmatairgaṃdhamālyatāṃbūlairatiśobhanaiḥ || 110 ||
[Analyze grammar]

nṛpāṃśca śataśastatra sukhāsīnānnṛpājñayā |
saṃbhāvayāmāsa yathāyogyaṃ nṛpatibhājanaiḥ || 11 ||
[Analyze grammar]

athāpṛcchanmunivaraṃ nāradaṃ bhagavatpriyam |
siṃhāsanārhe svāsīnaṃ bahumānapuraḥsaram |
bhagavaccaritaṃ śrotuṃ sarvapāpāpanodanam || 12 ||
[Analyze grammar]

indradyumna uvāca |
bhagavanvedavedāṃganidhāna bhagavatpriya |
tvameva caritaṃ viṣṇorjānāsi jñānacakṣuṣā || 13 ||
[Analyze grammar]

hareścāritrasudhayā dṛḍhapaṃkamalīmasam |
kṣālayāṃtarmama mune yadyanukrośako mayi || 14 ||
[Analyze grammar]

itthamālāpasaṃmiśre munirājñoḥ kathāṃtare |
praviveśa nṛpaṃ dvāḥstha utkaleśaprasevakaḥ || 15 ||
[Analyze grammar]

uvāca devadvārāṃte tiṣṭhatyutkalabhūmipaḥ |
sopāyano devapādapadmaṃ draṣṭuṃ samaulikaḥ || 16 ||
[Analyze grammar]

vijñāpitaḥ sa rājarṣi dvāsthenaivaṃ sasaṃbhramaḥ |
uvāca taṃ hi bho viprāḥ śrutvā taddeśamaṇḍanam || 17 ||
[Analyze grammar]

kṣetraṃ śrīpuruṣeśasya tadvārttākarṇanotsukaḥ |
praveśayāvilaṃbaṃ taṃ śrīmadoḍhramahīpatim || 18 ||
[Analyze grammar]

sa hi nīlagirau viṣṇuṃ samārādhya sunirmalaḥ |
yasya saṃdarśanātsarve bhaviṣyāmo hatāṃhasaḥ || 19 ||
[Analyze grammar]

śrutvā tadvacanaṃ sadyo dvārapālo mahīpatim |
praveśayāmāsa sabhāmiṃdradyumnasya bhūpateḥ || 120 ||
[Analyze grammar]

viveśoḍhrapatistūrṇaṃ sacivaivairṣṇavaiḥ saha |
nanāmāṃghriyugaṃ vandyamindradyumnasya sādaram || 21 ||
[Analyze grammar]

yugaṃ vandyamindradyumnasya sādaram || 21 ||
[Analyze grammar]

tamutthāpya ca rājeṃdraḥ puraskṛtya sa vaiṣṇavam |
svāsanāṃte niveśyātha proce sapraśrayaṃ vacaḥ || 22 ||
[Analyze grammar]

rājansarvatra kuśalī bhavānoḍhrapate kila |
api devo vijayate nīlādriśikharālayaḥ || 23 ||
[Analyze grammar]

kaccitte nirmalā buddhirbhagavatpādapadmayoḥ |
upaiti samacittasya sarvabhūteṣu te harau || 24 ||
[Analyze grammar]

oḍhrādhīśastadā tasya vacaḥ śrutvā kṛtāṃjaliḥ |
uvāca praśritaṃ vākyaṃ harṣavismayacaṃcukaḥ || 25 ||
[Analyze grammar]

svāminsarvatra kuśalaṃ tvatpādānugrahānmama |
sūrye tapatyaṃdhakāraḥ kathaṃ vā prabhaviṣyati || 26 ||
[Analyze grammar]

nisargaguṇasaṃsargavaśīkṛtamahībhujā |
tvayā sanāthā pṛthivī jiṣṇunevāmarāvatī || 27 ||
[Analyze grammar]

sadā dharmaścatuṣpādastvayi śāsati medinīm |
niṣedhācaraṇa rājankevalaṃ śrūyate śrutau || 28 ||
[Analyze grammar]

rājanītiṣu ye rājñāṃ guṇāḥ samuditāstvayi |
ta ekaikaṃ kṣitibhujāṃ gatā dārṣṭāṃtikaṃ vibho || 29 ||
[Analyze grammar]

etāvadapi sāmrājyaṃ durlabhaṃ te nṛpottama |
aṣṭādaśadvīpavatī kṣitirekagṛhopamā || 130 ||
[Analyze grammar]

yadi tvāṃ nāsṛjadbrahmā vatsalaṃ sarvajaṃtuṣu |
kathaṃ śokavihīnāḥ syurmṛteṣvātmajabaṃdhuṣu || 31 ||
[Analyze grammar]

sādhāraṇā nṛpatayo viṣṇoraṃśā iti śrutiḥ |
bhavānsākṣāttu bhagavānko'nya īdṛgguṇākaraḥ || 32 ||
[Analyze grammar]

dakṣiṇodadhi tīre'sti nīlādriḥ kānanāvṛtaḥ |
na tatra lokasaṃcārastatrāste sā'pi devatā || 33 ||
[Analyze grammar]

vātyayā vālukākīrṇaḥ sāṃprataṃ śrūyate tu saḥ |
tadvaśānmama rājye'pi durbhikṣamarakādikam || 34 ||
[Analyze grammar]

tvayyāgate tu sarvasminkuśalaṃ me bhaviṣyati |
ityuktavaṃtaṃ nṛpatirutkaleśaṃ dvijottamāḥ || 35 ||
[Analyze grammar]

visarjayāmāsa tadā saṃniveśāya mānayan |
nāradaṃ prekṣya nirviṇṇaḥ kimetaditi bho mune || 36 ||
[Analyze grammar]

yadarthaṃ me śramastaṃ ca viphalaṃ hi vitarkaye |
ityuktavaṃtaṃ taṃ prāha nāradastu trikālavit || 37 ||
[Analyze grammar]

na kāryo vismayaste'tra bhāgyavānvaiṣṇavottamaḥ |
vaiṣṇavānāṃ na vāṃchā hi viphalā jāyate kvacit || 38 ||
[Analyze grammar]

avaśyaṃ prekṣase rājanbibhrataṃ pārthivaṃ vapuḥ |
kāraṇaṃ jagatāmādiṃ nārāyaṇamanāmayam || 39 ||
[Analyze grammar]

tvadanugrahahetorvai kṣitāvavatariṣyati |
jagaccarācaraṃ sarvaṃ viṣṇorvaśamupāgatam || 140 ||
[Analyze grammar]

na kasyāpi vaśe so'pi paramātmā sanātanaḥ |
kevalaṃ bhaktivaśago bhagavānbhaktavatsalaḥ || 41 ||
[Analyze grammar]

brahmādikīṭaparyaṃtaṃ suguptaṃ yasya māyayā |
sa kathaṃ parataṃtraḥ syādṛte bhaktajanānnṛpa || 42 ||
[Analyze grammar]

dharmārthakāmamokṣāṇāṃ mūlaṃ bhaktirmuradviṣaḥ |
saiva tadgrahaṇopāyastāmṛte nāsti kiṃcana || 43 ||
[Analyze grammar]

eka eva yadā viṣṇurbahudhā svasya māyayā |
tamṛte paramātmānaṃ sukhaheturna vidyate || 44 ||
[Analyze grammar]

ye'pyanye śivadurgādyāstaistaiḥ karmabhirāvṛtāḥ |
yacchaṃti pūjitāḥ kāmaṃ te'pi viṣṇuparāyaṇāḥ || 45 ||
[Analyze grammar]

antaryāmī sa bhagavāndevānāmapi hṛtsthitaḥ |
yāvatphalaṃ prerayati tāvadeva dadatyamī || 46 ||
[Analyze grammar]

vaiṣṇavastvaṃ ca rājeṃdra padmayoneśca paṃcamaḥ |
aṣṭādaśānāṃ vidyānāṃ pārago vṛttasaṃsthitaḥ || 47 ||
[Analyze grammar]

nyāyena rakṣitā pṛthvīṃ viśeṣādbrāhmaṇārcakaḥ |
avaśyaṃ drakṣyasi kṣetre vaikuṇṭhaṃ carmacakṣuṣā || 48 ||
[Analyze grammar]

pitāmaho'pyatra kārye bhavato māṃ niyuktavān |
sarvaṃ te kathayiṣyāmi prāpte kṣetrottame nṛpa || 49 ||
[Analyze grammar]

sāṃprataṃ rātriśeṣo hi tṛtīyaṃ yāmamṛcchati |
svāntānniveśānnirgaṃtuṃ rājña ājñāpayādhunā || 150 ||
[Analyze grammar]

tvamapyaṃtargṛhaṃ yāhi nidrāyā vaśamāgataḥ || 151 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye jaiminiṛṣi saṃvāda ekādaśo'dhyāyaḥ || 11 ||
[Analyze grammar]