Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

athā'gastyaśaṅkhāditapastuṣṭasya bhagavata āvirbhāvaḥ |
bharadvāja uvāca |
teṣāṃ harau jagannāthe samāveśitacetasām |
dinatrayaṃ gataṃ tatra pūjāstotraparātmanām || 1 ||
[Analyze grammar]

tṛtīye divase prāpte te sarve nidritā niśi |
ante caturthayāmasya dadṛśuḥ svapnamuttamam || 2 ||
[Analyze grammar]

śaṅkhacakragadāpāṇiṃ prasannaṃ puruṣottamam |
varadānāya saṃprāptamapaśyansmeralocanam || 3 ||
[Analyze grammar]

utthāya muditātmāno gṛhānnirgatya pāvane |
svāmipuṣkariṇītoye sasnurvidhivadādarāt || 4 ||
[Analyze grammar]

vidhāya vidhivatkarma sarve dinamukhocitam |
gṛhānpratyāyayurdevamārādhayitumacyutam || 5 ||
[Analyze grammar]

sadyaḥ śreyaskaraṃ mārge nimittaṃ pakṣisṛcitam |
dṛṣṭvā prasādaṃ devasya karasthaṃ menire tadā || 6 ||
[Analyze grammar]

tatastrilokakartāraṃ pūjayitvā janārdanam |
tuṣṭuvurvividhaiḥ stotraiḥ pavitrairvedavarṇitaiḥ || 7 ||
[Analyze grammar]

stotrāvasāne kaunteya munīndraḥ kumbhasaṃbhavaḥ |
jajāpa śaṃkhasahito mantramaṣṭākṣaraṃ hareḥ || 8 ||
[Analyze grammar]

itthaṃ teṣāṃ jagatsvāminyacyute'rpitacetasām |
agrabhāge prādurabhūdekaṃ tejo mahādbhutam || 9 ||
[Analyze grammar]

anekakoṭisaṃkhyānāmādityendu havirbhujām |
ekībhūyāmbaratale jyotirjālamiva sthitam || 10 ||
[Analyze grammar]

tattejo vīkṣya te sarve'mitāntāścaryagocarāḥ |
dadhyurnārāyaṇaṃ divyaṃ paramānandavigraham || 11 ||
[Analyze grammar]

vāṅmānasapathātītaṃ viśrutaiśvaryabhāsuram |
sahasranetraṃ sāhasrabāhupādaiḥ samanvitam || 12 ||
[Analyze grammar]

taptakārtasvaranibhasphuratkāṃtimanoharama |
daṃṣṭrākarālaṃ durdarśaṃ vamantaṃ dahanacchaṭāḥ || 13 ||
[Analyze grammar]

kaustubhena virājantaṃ dadhānamurasi śriyam |
avicintyamanādyantamatyantabhayadāyakam || 14 ||
[Analyze grammar]

prakāśayantaṃ brahmāṇḍaṃ sarvamātmani sarvagam |
agastyaśaṃkhapramukhāste sarve hṛṣṭacetasaḥ || 15 ||
[Analyze grammar]

tamālokya jagannāthaṃ bhūyobhūyo vavandire |
bhramanti lokarakṣārthamāyudhāni tadā hareḥ || 16 ||
[Analyze grammar]

nijatejobalopetānyājagmustaṃ niṣevitum |
cakramarkaprabhaṃ divyā gadā khaṅgaśca nandakaḥ || 17 ||
[Analyze grammar]

puṇḍarīkaṃ cograravaḥ pāñcajanyaḥ śaśiprabhaḥ |
tadā brahmāṇḍamakhilaṃ pūrayāmāsa nirbharaḥ || 18 ||
[Analyze grammar]

pāñcajanyasya ninadaḥ sarvāsurabhayaṃkaraḥ |
pāñcajanyadhvaniṃ śrutvā nitāntāścaryabhīṣaṇam || 19 ||
[Analyze grammar]

āyayurdevatāḥ sarvāḥ svaṃsvaṃ vāhanamāsthitāḥ |
brahmā rudraḥ śatamakhaḥ sanakādyāśca yoginaḥ || 20 ||
[Analyze grammar]

vasiṣṭhamukhyā munayo gandharvoragakinnarāḥ |
viṣvakseno garutmāṃśca viṣṇubhṛtyā jayādayaḥ || 21 ||
[Analyze grammar]

sarūpāścaiva ye nityāḥ śvetadvīpanivāsinaḥ |
sumanodrumasaṃbhūtā sumanovṛṣṭiradbhutā || 22 ||
[Analyze grammar]

papāta medurāmodamoditāśeṣamānasā |
nanṛturdivyasudṛśo jaguḥ kinnarapuṅgavāḥ || 23 ||
[Analyze grammar]

tuṣṭuvurharṣataralāḥ suragandharvacāraṇāḥ |
dṛṣṭvā te puṇḍarīkākṣaṃ prasannaṃ bhaktavatsalam || 24 ||
[Analyze grammar]

praṇamya toṣayāmāsuḥ sāṣṭāṃgaṃ vividhaistavaiḥ || 25 ||
[Analyze grammar]

brahmādaya ūcuḥ |
jaya viṣṇo kṛpāsindho jaya tāmarasekṣaṇa |
jaya lokaikavarada jaya bhaktārtibhañjana || 26 ||
[Analyze grammar]

anantamakṣaraṃ śāntamavāṅmanasagocaram |
ko vā bhavantaṃ jānāti cidānandamayātmakam || 27 ||
[Analyze grammar]

aṇoraṇutaraṃ sthūlātsthūlaṃ sarvāntarasthitam |
tvāmāmananti puruṣaṃ prakṛteḥ paramacyutam || 28 ||
[Analyze grammar]

vedāntasārarūpaṃ tvāṃ sarvāntarbāhyavartinam |
ko hi varṇayituṃ śakto māyāyatteṣu dehiṣu || 29 ||
[Analyze grammar]

bhavadīyamidaṃ rūpaṃ dṛṣṭvātibhayadāyakam |
bhayodvignā vayaṃ sarve śāntaṃ rūpaṃ bhajasva ha || 30 ||
[Analyze grammar]

bharadvāja uvāca |
iti stuto viriñcādyaiḥ prasanno garuḍadhvajaḥ |
meghaghoṣapratimayā vācā sādaramabravīta || 31 ||
[Analyze grammar]

atha brahmādiprārthanayā bhagavadgṛhītasaumyarūpaprakāraḥ |
śrībhagavānuvāca |
bhayāvahāmimāṃ mūrtimutsṛjyāhaṃ priyāvaham |
śāntaṃ rūpaṃ bhajiṣyāmi māṃ paśyata nirākulāḥ || 32 ||
[Analyze grammar]

ityuktvāntarhito bhūtvā tasminneva kṣaṇāṃtare |
vimāne ratnakhacite babhūva sukhadarśanaḥ || 33 ||
[Analyze grammar]

candrabimbānanaḥ śānto nīlotpaladaladyutiḥ |
suvarṇavarṇavasano ratnabhūṣaṇabhūṣitaḥ || 34 ||
[Analyze grammar]

śaṃkhacakragadāpadmalasatkaracatuṣṭayaḥ |
tamālokya ramākāntaṃ bhūyo bhūyo vavaṃdire || 35 ||
[Analyze grammar]

santoṣayitvā brahmādīnabhīṣṭapratipādanaiḥ |
avocadvinayānamramagastyaṃ munipuṃgavam || 36 ||
[Analyze grammar]

śrībhagavānuvāca |
tvaṃ munīndra vratairghoraiścīrṇairmāṃ prati saṃprati |
parikliṣṭo'si dāsyāmi varāṃste'bhīpsitānvada || 37 ||
[Analyze grammar]

bharadvāja uvāca |
niśamya vākyaṃ śrībhartuḥ praṇamya ca punaḥpunaḥ |
sa romāñcitasarvāṃgaḥ kumbhajanmā vaco'bravīt || 38 ||
[Analyze grammar]

athāgastyaprārthanayā svarṇamukharīnadyā bhagavadvattasarvādhikatvaprāptiḥ |
agastya uvāca |
yaddhutaṃ yattapastaptaṃ yadadhītaṃ śrutaṃ mayā |
tatsarvaṃ saphalaṃ jātamādṛto'smi yatastvayā || 39 ||
[Analyze grammar]

eṣo'hameva dharmātmā triṣu lokeṣvapi prabho |
tvāṃ vicinvantamadhunā māmanviṣyāgato'si yat || 40 ||
[Analyze grammar]

tvatprasādātpuraivāhaṃ prāptākhilamanorathaḥ |
na paśyāmi vicintyāpi prāpyaṃ saṃprati mādhava || 41 ||
[Analyze grammar]

tathāpi cāpalādetattava vijñāpyate prabho |
tvatpādāmbujayorbhaktimevaṃ kuru nirantaram || 42 ||
[Analyze grammar]

avadhāraya caitattvaṃ suraprārthanayā mayā |
nadī suvarṇamukharī snātāghaughavināśinī || 43 ||
[Analyze grammar]

sā bhavacchailakaṭakasamāsannā samāgatā |
tāṃ kṛtārthaya lokeśa tvadanugrahavṛttibhiḥ || 44 ||
[Analyze grammar]

suvarṇamukharītoye snātvā ye veṃkaṭe sthitam |
paśyaṃti bhuktimuktyostu bhūyāsurbhājanāni te || 45 ||
[Analyze grammar]

alpāyuṣo narā mūḍhā jñānayogaparicyutāḥ |
na śaknuvaṃti tvāṃ draṣṭuṃ vratādhyayanakarmabhiḥ || 46 ||
[Analyze grammar]

sadāsminnāsthitaḥ śaile sarveṣāṃ ca jagadguro |
prasādasumukho deva kāṃkṣitārthaprado bhava || 47 ||
[Analyze grammar]

śrībhagavānuvāca |
yatprārthitaṃ tvayā vipra tattathaiva bhaviṣyati |
nūnamapratimā loke mayi bhaktiḥ kṛtā tvayā || 48 ||
[Analyze grammar]

jāhnavīva nadī seyaṃ suvarṇamukharī mune |
syādāśāsyā surāṇāṃ ca vāṃchitaśrīvidhāyinī || 49 ||
[Analyze grammar]

svāmipuṣkariṇī ceyaṃ nadī mūrtyā samanvitā |
saṃkramiṣyati tāṃ divyāṃ nadīṃ tīrthaughasaṃśrayām || 50 ||
[Analyze grammar]

vaikuṇṭhanāmni śaile'sminnadyaprabhṛti sarvadā |
kṛtāvāso bhaviṣyāmi mune prārthanayā tava || 51 ||
[Analyze grammar]

suvarṇamukharīsnānakṣālitāghaughakardamāḥ |
asminvaikuṇṭhaśaile māṃ ye paśyaṃti samāhitāḥ || 52 ||
[Analyze grammar]

bhuvi putrādisaṃpannāḥ sarvaiśvaryasamanvitāḥ |
mṛtāstriviṣṭape bhogānākalpamanubhūya ca || 53 ||
[Analyze grammar]

punarāvṛttirahitaṃ kevalānandabhāsuram |
matpadaṃ samavāpsyanti nātra kāryā vicāraṇā || 54 ||
[Analyze grammar]

māṃ draṣṭumāgatānsarvānpratīkṣyābhīpsitaiḥ śubhaiḥ |
yojayiṣyāmi satataṃ tvadvacogauravānmune || 55 ||
[Analyze grammar]

putrārthināṃ bahūnputrāndhanāni ca dhanārthinām |
tathaivārogyakāmānāṃ rogaśāṃtiṃ garīyasīm || 56 ||
[Analyze grammar]

tīvrāpatparibhūtānāṃ tathaivāpannivāraṇam |
dāsyāmyabhīpsitānbhogāndurlabhānapi sarvadā || 57 ||
[Analyze grammar]

ye yānkāmānapekṣyeha prekṣante māṃ samāgatāḥ |
avāpnuvanti te sarve tāṃstānkāmānna saṃśayaḥ || 58 ||
[Analyze grammar]

sthitā vā yatra kutrāpi māṃ smaranti narottamāḥ |
te sarve vāñchitāṃ siddhiṃ labhante matprasādataḥ || 59 ||
[Analyze grammar]

atha śaṅkhanṛpavarapradānapūrvakaṃ bhagavadantardhānam |
bharadvāja uvāca |
ityuktvā taṃ muniṃ devaḥ śaṃkhamālokya bhūpatim |
śṛṇvatāṃ brahmamukhyānāmidaṃ vacanamabravīt || 60 ||
[Analyze grammar]

śrībhagavānuvāca |
prīto'smi śaṃkha bhaktyā te vṛṇīṣvābhīpsitaṃ varam |
dadāmi varado'haṃ te kraśiṣṭhasya tapasyataḥ || 61 ||
[Analyze grammar]

śaṃkha uvāca |
na yāce'nyanmahābāho tvatpādāmbujasevanāt |
yāṃ prāpnuvaṃti tvadbhaktāstāṃ yāce gatimuttamām || 62 ||
[Analyze grammar]

śrībhagavānuvāca |
yatprārthitaṃ tvayā śaṃkha tattathaiva bhaviṣyati |
matsevāyogabhavyānāmalabhyaṃ kimu vidyate || 63 ||
[Analyze grammar]

ākalpamindralokastho hyapsarogaṇasevitaḥ |
bhuktvā bahuvidhānbhogāṃstato mallokameṣyasi || 64 ||
[Analyze grammar]

evaṃ dadau varāniṣṭāñchaṅkhāya pṛthivīpate |
nārāyaṇo jagadyonirbhajatāṃ kalpabhūruhaḥ || 65 ||
[Analyze grammar]

tato brahmādikānsarvānvisṛjya kamalekṣaṇaḥ |
saṃstūya mānasairbhaktyā tatraivāṃtardadhe prabhuḥ || 66 ||
[Analyze grammar]

atha bharadvājavarṇitaśrīveṃkaṭācalamāhātmyanigamanam || |
bharadvāja uvāca |
veṃkaṭādreḥ prabhāvo'yamākhyāto bhavate'rjuna |
narāḥ pāpaiḥ pramucyaṃte śrutvemāṃ pāvanīṃ kathām || 67 ||
[Analyze grammar]

vārāhaṃ rūpamutsṛjya brahmaṇābhyarthito hariḥ |
mumodātrādbhutākāro māyayā mohayañjagat || 68 ||
[Analyze grammar]

paścādagastyaśaṃkhābhyāṃ prārthitaḥ sukhadarśanam |
dadau nitāntasubhagaṃ śāntaṃ bhogātmakaṃ vapuḥ || 69 ||
[Analyze grammar]

nārāyaṇaṃ veṃkaṭādriṃ svāmipuṣkariṇīṃ tathā |
imāmākhyāṃ ca saṃsmṛtya mucyaṃte pātakairjanāḥ || 70 ||
[Analyze grammar]

veṃkaṭādrisamaṃ sthānaṃ brahmāṇḍe nāsti kiñcana |
veṃkaṭeśasamo devo na bhūto na bhaviṣyati || 71 ||
[Analyze grammar]

veṃkaṭādrisamaṃ sthānaṃ na bhūtaṃ na bhaviṣyati |
svāmitīrthasarastulyaṃ na kutrāpi ca vidyate || 72 ||
[Analyze grammar]

prātarutthāya ye nityaṃ veṃkaṭeśaṃ smaraṃti vai |
teṣāṃ karasthā mokṣaśrīrnātra kāryā vicāraṇā || 73 ||
[Analyze grammar]

svāmipuṣkariṇītīrthe snātvā sarvātmakaṃ harim |
ye vā paśyaṃti niyatā varāhācalavāsinam || 74 ||
[Analyze grammar]

te'śvamedhasahasrasya vājapeyaśatasya ca |
prāpnuvaṃti phalaṃ pūrṇaṃ nātra kāryā vicāraṇā || 75 ||
[Analyze grammar]

veṃkaṭācalamāhātmyaṃ ye śṛṇvaṃti narottamāḥ |
teṣāṃ muktiśca bhuktiśca iha loke paratra ca || 76 ||
[Analyze grammar]

veṃkaṭācalamāhātmyaṃ saṃkṣipya kathitaṃ tava |
ataḥ paraṃ mahānadyāḥ prabhāvaḥ kathyate'rjuna || 77 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye suvarṇamukharīmāhātmyapraśaṃsāyāmagastyaśaṅkhāditapastuṣṭaśrīveṃkaṭeśāvirbhāvādimāhātmyavarṇanaṃ nāmāṣṭatriṃśo'dhyāyaḥ || 38 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 38

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: