Chapter 34

[English text for this chapter is available]

athāgastyatīrthāgastyeśvarayoḥ prabhāvaḥ |
arjuna uvāca |
śrotrāñjalibhyāṃ pītvāpi bhavadvākyāmṛtaṃ muhuḥ |
mano nopaiti me tṛptiṃ bhūyaḥ śravaṇakāṅkṣayā || 1 ||
[Analyze grammar]

kriyāsamabhihāro me tvadvākyākarṇanaiṣiṇaḥ |
manaḥ khedāya mā bhūtte karuṇābharitātmanaḥ || 2 ||
[Analyze grammar]

idānīṃ śrotumicchāmi nadyāmasyāṃ mahāmune |
kutra kutra samarthāni tīrthānyaghanibarhaṇe || 3 ||
[Analyze grammar]

kāḥ kāḥ puṇyataraṃgiṇyaḥ saṅgatā anayā mune |
kutra snānena kṛttāghā nopayāṃti yamādbhayam || 4 ||
[Analyze grammar]

harācyutādidevānāṃ puṇyānyāyatanāni ca |
yāniyāni ca puṇyāni tiṣṭhantyasyāstaṭadvaye || 5 ||
[Analyze grammar]

teṣu kṣetreṣu manujairyatphalaṃ samavāpyate |
vihitairvidhivatsnānadānādiśubhakarmabhiḥ || 6 ||
[Analyze grammar]

sopākhyānamidaṃ sarvaṃ veditaṃ vedavittama |
saṃjātā mahatī prītirvistāryācakṣva me kramāt || 7 ||
[Analyze grammar]

bharadvāja uvāca |
yatpṛṣṭaṃ bhavatā pārtha kramādvistārya kathyate |
ārabhyāgastyatīrthendrādasyāstīrthaughavaibhavam || 8 ||
[Analyze grammar]

akhaṇḍajñānarūpeṇa sarvalokahitaiṣiṇā |
surāsurāṇāṃ saṃbhāvyenāgastyena mahātmanā || 9 ||
[Analyze grammar]

vasudhāmavatīrṇāyāṃ prathamaṃ taddharādharāt |
snātvā yatra mahānadyāṃ saṃprāpnoti kṛtārthatām || 10 ||
[Analyze grammar]

agastyatīrthamityuktaṃ pāvanaṃ tajjagattraye |
tatra snānena śuddhiḥ syānmahāpātakināmapi || 11 ||
[Analyze grammar]

anekajanmācaritamahāpātakasaṃhatiṃm |
nira divi modante tatra snānaratā janāḥ || 12 ||
[Analyze grammar]

ye tatra tīrthe yatinaḥ kṛtasnānā yatendriyāḥ |
gobhūtilahiraṇyādimahādānāni kurvate || 13 ||
[Analyze grammar]

te prāpnuvanti saṃpūrṇaṃ gaṃgādvāre samāhitaiḥ |
vihitānāṃ śataguṇaṃ dānānāṃ phalamarjuna || 14 ||
[Analyze grammar]

atrāsti bhagavānīśaḥ khyāto'gastyeśasaṃjñayā |
sthāpito'gastyamuninā lokānandavidhāyinā || 15 ||
[Analyze grammar]

snātvā tasyāṃ mahānadyāṃ talliṃgaṃ pūjayanti ye |
daśānāmaśvamedhānāṃ phalaṃ saṃprāpnuvaṃti te || 16 ||
[Analyze grammar]

atha suvarṇamukharīsnānakālanirṇayaḥ |
dhanūrāśiṃ parityajya yadā makaramaṃśumān |
viśettadayanaṃ puṇyamuttaraṃ parikīrtitam || 17 ||
[Analyze grammar]

tasmindine ye niyatā nadyāṃ snātvā samāhitāḥ |
paśyanti pārvatīnāthamagastyeśaṃ surārcitam || 18 ||
[Analyze grammar]

agniṣṭomasahasrasya vājapeyaśatasya ca |
phalaṃ saṃprāpya modante divi devagaṇārcitāḥ || 19 ||
[Analyze grammar]

mṛgasaṃkramavelāyāṃ puruṣairmaṃgalārthibhiḥ |
avaśyameva kartavyamagastyeśasya darśanam || 20 ||
[Analyze grammar]

atha devarṣipitṛtīrthamāhātmyam |
aiśānyāṃ tasya tīrthasya deśe krośamite'rjuna |
asti tīrthatrayaṃ khyātaṃ devarṣipitṛnāmabhiḥ || 21 ||
[Analyze grammar]

devarṣipitarastatra muninā tena pūjitāḥ |
pradadurhṛṣṭamanasaḥ sarvānsamabhivāñchitān || 22 ||
[Analyze grammar]

tadā devarṣipitṛbhiridaṃ tīrthatrayaṃ kramāt |
asmannāmabhirīḍyaṃ syādityuktaṃ tasya sannidhau || 23 ||
[Analyze grammar]

tasmiṃstīrthatraye ye tu snātvā vihitatarpaṇāḥ |
ṛṇatrayavinirmuktāste yānti divamakṣayām || 24 ||
[Analyze grammar]

atha veṇāsuvarṇamukharīsaṃgamavarṇanam |
tataḥ prāguttarakṣoṇyāṃ yojanadvayasīmani |
prāptā suvarṇamukharī veṇānāma mahānadī || 25 ||
[Analyze grammar]

samudagrarayāghātanipātitataṭadrumā |
kulyānirgatavāḥpūrasamāplāvitakānanā || 26 ||
[Analyze grammar]

uttuṅgapulinotsaṃgakhelatkokakulākulā |
ambujāmodalolālimālālīlāravānvitā || 27 ||
[Analyze grammar]

atikramya samuttuṃgānanekāndharaṇīdharān |
prabhūtatoyarucirā suvarṇamukharīṃ gatā || 28 ||
[Analyze grammar]

nadīdvayavyatikare kṛtasnānā yathāvidhi |
daśānāmaśvamedhānāmakhaṇḍaṃ prāpnuyuḥ phalam || 29 ||
[Analyze grammar]

saṃgatā veṇayā puṇyā suvarṇamukharī nadī |
giridurgamamārgeṇa yayāvuttaravāhinī || 30 ||
[Analyze grammar]

madhyagena mahīdhrāṇāṃ mārgeṇa viṣameṇa sā |
gatvā vireje taṭinī yojanānāṃ catuṣṭayam || 31 ||
[Analyze grammar]

pūrvatastasya deśasya viṣaye sārdhayojane |
udakkūle mahānadyāḥ prāgvāhinyā manohare || 32 ||
[Analyze grammar]

agastyeśvara nāmāste khyātaṃ liṃgaṃ puradviṣaḥ |
smaraṇaṃ devamartyānāṃ samastāghanivāraṇam || 33 ||
[Analyze grammar]

tatra snātvā mahānadyāṃ ye narā niyatendriyāḥ |
paśyanti pārvatīnāthamagastyena pratiṣṭhitam || 34 ||
[Analyze grammar]

anekaiḥ pūrvajananairarjitaṃ pāpasañcayam |
te nirasya surāvāse modante kālamakṣayam || 35 ||
[Analyze grammar]

tataḥ sodaṅmukhī bhūtvā suvarṇamukharī yayau |
yojanārdhamidaṃ deśaṃ tīrthasaṃghasamanvitā || 36 ||
[Analyze grammar]

atha suvarṇamukharyā vyāghrapadāhvaya nadīsaṃgamaḥ |
tasmindeśe tu hintālatālasālamanorame |
gatā suvarṇamukharī nadī vyāghrapadāhvayā || 37 ||
[Analyze grammar]

durvārabhūriduritavinivāraṇapeśalā |
nīraṃdhatīravānīravanamaṇḍalamaṃḍitā || 38 ||
[Analyze grammar]

siddhagaṃdharvalalanā līlāgāhanaśālinī |
tapasvikanyāniḥkṣipta balipuṣpavirājitā || 39 ||
[Analyze grammar]

haṃsakāraṇḍavakrauñcakulakolāhalākulā |
prākpravāhā samāgatya śailāntaragatādhvanā || 40 ||
[Analyze grammar]

saṃgame saritostatra kṛtasnānā narottamāḥ |
samagramaśvamedhānāṃ daśānāprāpnuyuḥ phalam || 41 ||
[Analyze grammar]

atha śaṃkhatīrthavarṇanam |
tatra vyāghrapadākhyāyāstaṭe lokamalāpahe |
anaghaṃ sarvapāpaghnaṃ śaṃkhatīrthaṃ virājate || 42 ||
[Analyze grammar]

brahmarṣiniyatāvāsaṃ suragandharvasevitam |
darśanasnānapānādyairamitānandadāyakam || 43 ||
[Analyze grammar]

tatrāste bhagavānīśaḥ śaṃkheśonāma phālguna |
śaṃkhanāmnā munīṃdreṇa liṃgarūpaṃ pratiṣṭhitam || 44 ||
[Analyze grammar]

ye tatra tīrthe susnātāḥ paśyanti vṛṣavāhanam |
daśāśvamedhajaṃ puṇyaṃ labdhvā yāṃti surālayam || 45 ||
[Analyze grammar]

yuktā tayā vyāghrapadābhidhānayā gatvā tato yojanasaṃmitāṃ bhuvam |
yayau munīndrairvṛṣabhācalāṃtikaṃ saṃsevyamānā śubhanirmalodakā || 46 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye'gastyatīrthādivividhatīrthamāhātmyavarṇanaṃnāma catustriṃśo'dhyāyaḥ || 34 ||
[Analyze grammar]