Chapter 31

[English text for this chapter is available]

atha suvarṇamukharīprabhāvaśuśrūṣayā bharadvājaṃ pratyarjunapraśraḥ |
śrīsūta uvāca |
kṛtasāyantanavidhiṃ hutāśanasamadyutim |
sukhāsīnaṃ munipatiṃ praṇamya bharatarṣabhaḥ || 1 ||
[Analyze grammar]

tadīyaśītalāmodasudhāpūrānumoditaḥ |
gambhīraṃ praśrayopetamidaṃ vacanamabravīt || 2 ||
[Analyze grammar]

arjuna uvāca |
munipuṃgava loke'smindhanya eko'hameva hi |
putrāviśeṣaṃ bhavatā yadevaṃ samyagādṛtaḥ || 3 ||
[Analyze grammar]

bhavadādarasañjātakautukaṃ mama mānasam |
bhavadvākyāmṛtaṃ divyaṃ pātuṃ tvarayatīva mām || 4 ||
[Analyze grammar]

kasmācchailādiyaṃ jātā kenānītā mahānadī |
kiṃ puṇyaṃ snānadānādyaiḥ kṛtaistatropalabhyate || 5 ||
[Analyze grammar]

asyāḥ prabhāvaṃ prabhavaṃ prahvasya mama sanmune |
vaktumarhasi kāryo hi bhaktānugraha eva te || 6 ||
[Analyze grammar]

arjunasya vacaḥ śrutvā bharadvājo dvijottamaḥ |
tadānanaṃ samālokya vākyaṃ vākyavidabravīt || 7 ||
[Analyze grammar]

bharadvāja uvāca |
tvamarjuna mahābāho kauravānvayapāvanaḥ |
viśeṣānmama mānyo'si dharmaputrānujo yataḥ || 8 ||
[Analyze grammar]

aneke bhūmipā dṛṣṭā na te tvamiva phālguna |
līlārjavadayaudāryadhairyagāmbhīryaśālinaḥ || 9 ||
[Analyze grammar]

kulaṃ vidyā dhanaṃ caiva balināṃ madakāraṇam |
bhavādṛśānāṃ bhavyānāṃ tāni praśrayakāraṇam || 10 ||
[Analyze grammar]

prājyeṣu rājyabhogeṣu vidyamāneṣu kaurava |
ṛte bhavantaṃ ko vānyo nopaiti vikṛtervaśam || 11 ||
[Analyze grammar]

paravānasmi kaunteya guṇailākottaraistava |
kimastyakathanīyaṃ te kautukopetamānasa || 12 ||
[Analyze grammar]

śṛṇu rājankathāṃ divyāṃ mayā munimukhācchutām |
yāṃ śrutvā pātakātaṅkānmucyante sarvajantavaḥ || 13 ||
[Analyze grammar]

atha bharadvājakathita śaṃkaravivāhaprakriyā |
pūrvaṃ dākṣāyaṇī devī janakenāvamānitā |
tyaktvā tanuṃ tāṃ nīhāragirerabhavadātmajā || 14 ||
[Analyze grammar]

saptarṣibhirupāgamya prārthito dharaṇīdharaḥ |
mṛtyuṃjayāya svāṃ putrīṃ vivāhe dātumudyataḥ || 15 ||
[Analyze grammar]

vṛṣabhāṃko jagatsvāmī vivoḍhuṃ sarvamaṃgalām |
prāpto himavadāvāsamoṣadhīprasthanāmakam || 16 ||
[Analyze grammar]

tacchāsanātsamājagmuḥ sthāvarāṇi carāṇi ca |
bhūtāni bhūtanāthasya kalyāṇamabhinaṃditum || 17 ||
[Analyze grammar]

tadbhūribhārasaṃbhagnā bhūmiruttarasaṃśrayā |
nimnatāmāyayau tāvadyāvatpātālamāsthitā || 18 ||
[Analyze grammar]

nirbhāralāghavādasmādbhṛśaṃ dakṣiṇagāminī |
ūrdhvaṃ gatā ca taṃ dṛṣṭvā sarveṣāmabhavadbhayam || 19 ||
[Analyze grammar]

jñātvā tāṃ vikṛtiṃ bhūmerdṛṣṭvāgastyaṃmaheśvaraḥ |
ita ehi mahāprājñetyuktvā vacanamabravīt || 20 ||
[Analyze grammar]

āgateṣu samasteṣu bhūteṣvatra vasundharā |
tadbhāreṇa samākrāntā vikṛtiṃ samupāgatā || 21 ||
[Analyze grammar]

tadbhuvaḥ sāmyakaraṇe tvamarhasi mahāmate |
ṛte tvāmatra hi tvattaḥ pareṇaitatkathaṃ bhavet || 22 ||
[Analyze grammar]

mattejaḥsaṃbhavo hi tvaṃ lokasaṃrakṣaṇodyataḥ |
tasmānmadvacanādvatsa bhuvametāṃ samīkuru || 23 ||
[Analyze grammar]

matpāṇigrahaṇāllokakautukāyattabuddhiṣu |
āgateṣu samasteṣu sthātavyaṃ bhavatā'pi ca || 24 ||
[Analyze grammar]

tvaṃ na tiṣṭhasi cedatra na kaścidvikṛtiṃ bhuvaḥ |
apanetuṃ hi śaknoti tadgantavyaṃ tvayānagha || 25 ||
[Analyze grammar]

imāṃ girisutāpāṇigrahakalyāṇabhāsurām |
mūrtiṃ pradarśayiṣyāmi yatra tiṣṭhasi tatra te || 26 ||
[Analyze grammar]

atha bhūsāmyakaraṇāyāgastyasya himādrerdakṣiṇadiggamanam |
ityuktvā taṃ pariṣvajya visasarja maheśvaraḥ |
tatheti praṇamyāsau yayau yāmyāṃ diśaṃ muniḥ || 27 ||
[Analyze grammar]

vindhyādriṃ samatikramya dakṣiṇāmāgate diśam |
agastye muniśārdūle mahī sāmyamupāyayau || 28 ||
[Analyze grammar]

bhuvo'panīya vikṛtiṃ sthitaṃ kalaśajaṃ munim |
tuṣṭuvurharṣataralāḥ suragandharvakinnarāḥ || 29 ||
[Analyze grammar]

sa dadarśa tato gatvā kaścicchailaṃ samunnatam |
vitatairdharaṇīṃ pādairdhṛtvā saṃsthitamagrataḥ || 30 ||
[Analyze grammar]

mahauṣadhīnāṃ ratnānāmaśeṣāṇāṃ svayaṃbhuvā |
akhaṇḍatejodīptānāṃ vinirmitamivākaram || 31 ||
[Analyze grammar]

samunnatairyaḥ śikharairnipatadvyomabhūtale |
udāradhārāsaṃpannairdadhātīva nirantaram || 32 ||
[Analyze grammar]

śanairāruhya taṃ śailamagastyo munipuṃgavaḥ |
nivāsāya matiṃ cakre ramye tacchikharasthale || 33 ||
[Analyze grammar]

tasyāmṛtopameyasya padmotpalakulaśriyaḥ |
nānādrumaparītasya kāsārasyottare taṭe || 34 ||
[Analyze grammar]

manohare mahībhāge vidhāyāśramamuttamam |
ārādhya pitṛdevarṣīnvidhivadvāstudevatām || 35 ||
[Analyze grammar]

uvāsa suciraṃ tatra munisaṅghasamanvitaḥ |
devatāsiddhagandharvāpsarojuṣṭamahīdhare || 36 ||
[Analyze grammar]

tapaḥ samāveśitavittavṛttau tapovane tiṣṭhati kumbhajāte |
praśastasaubhāgyasamanvito'driragastyaśailāhvayamāsasāda || 37 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe veṃkaṭācalamāhātmye suvarṇamukharīmāhātmyapraśaṃsāyāmarjunabharadvājasaṃvāde śaṃkaravivāhāgastyadakṣiṇadiggamanavarṇananāmaikatriṃśo'dhyāyaḥ || 31 ||
[Analyze grammar]