Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

atha brahmādīnāṃ nairaṃtaryeṇa śrīveṃkaṭācale sthitivarṇanam |
śrīsūta uvāca |
athātaḥ saṃpravakṣyāmi veṃkaṭācalavaibhavam |
yuṣmākaṃ sāvadhānena śṛṇudhvaṃ susamāhitāḥ || 1 ||
[Analyze grammar]

lakṣakoṭisahasrāṇi sarāṃsi saritastathā |
samudrāśca mahāpuṇyā vanānyapyāśramā api || 2 ||
[Analyze grammar]

puṇyāni kṣetrajātāni vedāraṇyādikāni ca |
munayaśca vasiṣṭhādyā siddhacāraṇakiṃnarāḥ || 3 ||
[Analyze grammar]

lakṣmyā saha dharaṇyā ca bhagavānmadhusūdanaḥ |
sāvitryā ca sarasvatyā sahaiva caturānanaḥ || 4 ||
[Analyze grammar]

pārvatyā saha deveśastryambakastripurāṃtakaḥ |
herambaṣaṇmukhādyāśca devāḥ sendrapurogamāḥ || 5 ||
[Analyze grammar]

ādityādi grahāścaiva tathāṣṭavasavo dvijāḥ |
pitaro lokapālāśca tathānye devatāgaṇāḥ || 6 ||
[Analyze grammar]

mahāpātakasaṃghānāṃ nāśane lokapāvane |
divāniśaṃ vasantyaṃtarveṃkaṭācalamūrdhani || 7 ||
[Analyze grammar]

tasya darśanamātreṇa buddhisaukhyaṃ nṛṇāṃ bhavet |
tanmūrdhani kṛtāvāsā siddhacāraṇayoṣitaḥ || 8 ||
[Analyze grammar]

pūjayaṃti sadākālaṃ veṃkaṭeśaṃ kṛpānidhim |
koṭayo brahmahatyānāmagamyāgamakoṭayaḥ || 9 ||
[Analyze grammar]

aṅgalagnā vinaśyaṃti veṃkaṭācalamārutaiḥ || 10 ||
[Analyze grammar]

atha śrīveṃkaṭācalārohaṇasamayānusaṃdhyānakramaḥ |
veṃkaṭādriṃ giriṃ taṃ tu prārthayetpuṇyavardhanam |
svarṇācala mahāpuṇya sarvadevaniṣevita || 11 ||
[Analyze grammar]

brahmādayo'pi yaṃ devāḥ sevante śraddhayā saha |
taṃ bhavantamahaṃ padbhyāmākrameyaṃ nagottama || 12 ||
[Analyze grammar]

kṣamasva tadaghaṃ me'dya dayayā pāpacetasaḥ |
tvanmūrdhani kṛtāvāsaṃ mādhavaṃ darśayasva me || 13 ||
[Analyze grammar]

prārthayitvā narastvevaṃ veṃkaṭādriṃ nagottamam |
tato mṛdupadaṃ gacchetpāvanaṃ veṃkaṭācalam || 14 ||
[Analyze grammar]

veṃkaṭādrau mahāpuṇye sarvapātakanāśane |
svāmipuṣkariṇītīrthe snātvā niyamapūrvakam || 15 ||
[Analyze grammar]

piṇḍadānaṃ tataḥ kuryādapi sarṣapamātrakam |
śamīdalasamānānvā dadyātpiṃḍānpitṝnprati || 16 ||
[Analyze grammar]

svargasthā mokṣamāyāṃti svargaṃ narakavāsinaḥ || 17 ||
[Analyze grammar]

atha pāpavināśanākhyatīrthamāhātmyam |
tatastasyopari mahatsarvalokeṣu viśrutam |
sarvatīrthottamaṃ puṇyaṃ nāmnā pāpavināśanam || 18 ||
[Analyze grammar]

asti puṇyatame viprāḥ pavitre veṃkaṭācale |
yasya saṃsmaraṇādeva garbhavāso na vidyate || 19 ||
[Analyze grammar]

tatprāpya tu naraḥ snāyātsvāmitīrthasya cottare |
tatra snānānnarā yāṃti vaikuṇṭhaṃ nātra saṃśayaḥ || 20 ||
[Analyze grammar]

ṛṣaya ūcuḥ |
sūta pāpavināśākhyatīrthasya brūhi vaibhavam |
vyāsena bodhitastvaṃ hi vetsi sarvaṃ mahāmune || 21 ||
[Analyze grammar]

śrīsūta uvāca |
brahmāśramapade vṛttāṃ pārśve himavataḥ śubhe |
vakṣyāmi brāhmaṇaśreṣṭhā yuṣmākaṃ tu kathāṃ śubhām || 22 ||
[Analyze grammar]

tadāśramapadaṃ puṇyaṃ brahmāśramapadaṃ śubham |
nānāvṛkṣasamākīrṇaṃ pārśve himavataḥ śubhe || 23 ||
[Analyze grammar]

bahugulmalatākīrṇaṃ mṛgadvipaniṣevitam |
siddhacāraṇasaṃghuṣṭaṃ ramyaṃ puṣpitakānanam || 24 ||
[Analyze grammar]

yatibhirbahubhiḥ kīrṇaṃ tāpasairupaśobhitam |
brāhmaṇaiśca mahābhāgaiḥ sūryajvalanasannibhaiḥ || 25 ||
[Analyze grammar]

niyamavratasampannaiḥ samākīrṇe tapasvibhiḥ |
dīkṣitairyāgaśīlaiśca yatāhāraiḥ kṛtātmabhiḥ || 26 ||
[Analyze grammar]

vedādhyayanasaṃpannairvaidikaiḥ pariveṣṭitam |
varṇibhiśca gṛhasthaiśca vānaprasthaiśca bhikṣubhiḥ || 27 ||
[Analyze grammar]

svāśramācāranirataiḥ svavarṇoktavidhāyibhiḥ |
vālakhilyaiśca ṛṣibhiḥ samaṃtātpariveṣṭitam || 28 ||
[Analyze grammar]

atha dṛḍhamatyākhyaśūdravṛttāntaḥ |
tatrāśrame purā kaścicchūdro dṛḍhamatirdvijāḥ |
sāhasī brāhmaṇābhyāśamājagāma mudānvitaḥ || 29 ||
[Analyze grammar]

āgato hyāśramapadaṃ pūjitaśca tapasvibhiḥ |
nāmnā dṛḍhamatiḥ śūdraḥ sāṣṭāṃgaṃ praṇanāma vai || 30 ||
[Analyze grammar]

tānsa dṛṣṭvā munigaṇāndevakalpānmahaujasaḥ |
kurvato vividhānyajñānsaṃprāśahṛṣyata śūdrakaḥ || 31 ||
[Analyze grammar]

athāsya buddhirabhavattapaḥ kartumanuttamam |
tato'bravītkulapatiṃ munimāgatya tāpasam || 32 ||
[Analyze grammar]

dṛḍhamatiruvāca |
tapodhana namaste'stu rakṣa māṃ karuṇānidhe |
tava prasādādicchāmi yāgaṃ kartuṃ prasīda me || 33 ||
[Analyze grammar]

atha dṛḍhamatiṃ prati kulapatyākhyamunyupadiṣṭaśūdradharmāḥ |
evamuktastu śūdreṇa tamāha brāhmaṇastadā || 34 ||
[Analyze grammar]

kulapatiruvāca |
yāge dīkṣayituṃ śakyo na śūdro hīnajanmabhāk |
bhūyate yadi te buddhiḥ śuśrūṣā nirato bhava || 35 ||
[Analyze grammar]

upadeśo na kartavyo jātihīnasya karhicit |
upadeśe mahāndoṣa upādhyāyasyavidyate || 36 ||
[Analyze grammar]

nādhyāpayedbudhaḥ śūdraṃ tathā naiva ca yājayet |
na pāṭhayettathā śūdraṃ śāstraṃ vyākaraṇādikam || 37 ||
[Analyze grammar]

kāvyaṃ vā nāṭakaṃ vāpi tathālaṃkārameva vā |
purāṇamitihāsaṃ ca śūdraṃ naiva tu pāṭhayet || 38 ||
[Analyze grammar]

yadi copadiśedvipraḥ śūdrasyaitāni karhicit |
tyajeyurbrāhmaṇā vipraṃ te grāmādbrahmasaṃkulāt || 39 ||
[Analyze grammar]

śūdrāya copadeṣṭāraṃ dvijaṃ caṇḍālavattyajet |
śūdraṃ cākṣarasaṃyuktaṃ dūrataḥ parivarjayet || 40 ||
[Analyze grammar]

tacchuśrūṣasva bhadraṃ te brāhmaṇācchaddhayāsaha |
śūdrasya dvijaśuśrūṣā manvādibhirudīritā || 41 ||
[Analyze grammar]

na hi naisargikaṃ karma parityaktuṃ tvamarhasi |
evamuktaḥ sa muninā sa śūdro'cintayattadā || 42 ||
[Analyze grammar]

kiṃ kartavyaṃ mayā tvadya vrate śraddhā hi me parā |
yathā syānmamasujñāna yatiṣye'haṃ tathādya vai || 43 ||
[Analyze grammar]

iti niścitya manasā śūdro dṛḍhamatistadā |
gatvāśramapadādūraṃ kṛtavānuṭajaśubham || 44 ||
[Analyze grammar]

tatra vai devatāgāraṃ puṇyānyāyatanāni ca |
puṣpārāmādikaṃ cāpi taṭākakhananādikam || 45 ||
[Analyze grammar]

śraddhayā kārayāmāsa tapaḥ siddhyarthamātmana |
abhiṣekāṃśca niyamānupavāsādikānapi || 46 ||
[Analyze grammar]

baliṃ kṛtvā ca hutvā ca daivatānyabhyapūjayat |
saṃkalpaniyamopetaḥ phalāhāro jiteṃdriyaḥ || 47 ||
[Analyze grammar]

nityaṃ kandaiśca mūlaiśca puṣpairapi tathā phalaiḥ |
atithīnpūjayāmāsa yathāvatsamupāgatān || 48 ||
[Analyze grammar]

evaṃ hi sumahānkālo vyaticakrāma tasya vai || 49 ||
[Analyze grammar]

atha dṛḍhamataye sumatyākhyavipraprakāśitakarmānuṣṭhānakramaḥ |
athāśramamagāttasya sumatirnāma nāmataḥ |
dvijo gargakulodbhūtaḥ satyavādī jiteṃdriyaḥ || 50 ||
[Analyze grammar]

svāgatairmunimārādhya toṣayitvā phalādikaiḥ |
kathayanvai kathāḥ puṇyāḥ kuśalaṃ paryapṛcchata || 51 ||
[Analyze grammar]

itthaṃ vipraḥ sa pādyādyairupacāraistu pūjitaḥ |
āśīrbhirabhinandyainaṃ pratigṛhya ca satkriyām || 52 ||
[Analyze grammar]

tamāpṛcchatprahṛṣṭātmā svāśramaṃ punarāyayau |
evaṃ dinedine vipraḥ śūdre'sminpakṣapātavān || 53 ||
[Analyze grammar]

āgacchadāśramaṃ tasya draṣṭuṃ taṃ śūdrayonijam |
bahukālaṃ dvijasyābhūtsaṃsargaḥ śūdrayoninā || 54 ||
[Analyze grammar]

snehasya vaśamāpannaḥ śūdroktaṃ nāticakrame |
athāgataṃ dvijaṃ śūdraḥ prāha snehavaśīkṛtam || 55 ||
[Analyze grammar]

havyakavyavidhānaṃ me brūhi tvaṃ tu gururmataḥ |
evamuktaḥ sa śūdreṇa sarvametadupādiśat || 56 ||
[Analyze grammar]

kārayāmāsa śūdrasya pitṛkāryādikaṃ tadā |
pitṛkārye kṛte tena visṛṣṭaḥ sa dvijottamaḥ || 57 ||
[Analyze grammar]

atha śūdrasya vaidikakarmopadeśena sumatyanubhūtadurgatiḥ |
atha dīrgheṇa kālena poṣitaḥ śūdrayoninā |
tyakto vipragaṇaiḥ so'yaṃ pañcatvamagamaddvijaḥ || 58 ||
[Analyze grammar]

vaivasvatabhaṭairnītvā pātito narakeṣvapi |
kalpakoṭisahasrāṇi kalpakoṭiśatāni ca || 59 ||
[Analyze grammar]

bhuktvā krameṇa narakāṃstadante sthāvaro'bhavat |
gardabhastu tato jajñe viḍvarāhastataḥ param || 60 ||
[Analyze grammar]

jajñe'tha sārameyo'sau paścādvāyasatāṃ gataḥ |
atha caṇḍālatāṃ prāpya śūdrayonimagāttataḥ || 61 ||
[Analyze grammar]

gatavānvaiśyatāṃ paścātkṣatriyastadanantaram |
prabalairbādhyamāno'sau brāhmaṇo vai tadābhavat || 62 ||
[Analyze grammar]

upanītaḥ sa pitrā tu varṣe garbhāṣṭame dvijaḥ |
vartamānaḥ piturgehe svācārābhyāsatatparaḥ || 63 ||
[Analyze grammar]

gacchankadācidgahane gṛhīto brahmarakṣasā |
rudanbhramanskhalanmūḍhaḥ pralapanprahasannasau || 64 ||
[Analyze grammar]

śaśvaddhāheti ca vadanvaidikaṃ karma so'tyajat |
dṛṣṭvā sutaṃ tathābhūtaṃ pitā duḥkhena pīḍitaḥ || 65 ||
[Analyze grammar]

sutamādāya ca snehādagastyaṃ śaraṇaṃ yayau |
suvarṇamukharītīre tapasyantaṃ śivāgrataḥ || 66 ||
[Analyze grammar]

bhaktyā muniṃ praṇamyāsau pitā tasya sutasya vai |
tasmai nivedayāmāsa svaputrasya viceṣṭitam || 67 ||
[Analyze grammar]

athāgastyoktyā durgatyapanodanārthaṃ sumaterveṃkaṭādrigamanam |
abravīcca tadā vipraḥ kumbhajaṃ munipuṃgavam |
eṣa me tanayo brahmangṛhīto brahmarakṣasā || 68 ||
[Analyze grammar]

sukhaṃ na labhate brahmanrakṣa taṃ karuṇādṛśā |
nāsti me tanayo'pyanyaḥ pitṝṇāmṛṇamuktaye || 69 ||
[Analyze grammar]

tasya pīḍāvināśārthamupāyaṃ brūhi kumbhaja |
tvatsamastriṣu lokeṣu tapaḥśīlo na vidyate || 70 ||
[Analyze grammar]

tvāṃ vināsya paritrātā na me putrasya vidyate |
putre dayāṃ kuru guro dayāśīlā hi sādhavaḥ || 71 ||
[Analyze grammar]

śrīsūta uvāca |
evamuktastadā tena kumbhajo dhyānamāsthitaḥ |
dhyātvā tu suciraṃ kālamabravīdbrāhmaṇaṃ tataḥ || 72 ||
[Analyze grammar]

agastya uvāca |
pūrvajanmani te putro brāhmaṇo'yaṃ mahāmate |
sumatirnāma vipro'yaṃ matiṃ śūdrāya vai dadau || 73 ||
[Analyze grammar]

karmāṇi vaidikānyeṣa sarvāṇyupadideśa vai |
ato'yaṃ narakānbhuktvā kalpakoṭisahasrakam || 74 ||
[Analyze grammar]

jāto bhuvi tadanteṣu sthāvarādiṣu yoniṣu |
idānīṃ brāhmaṇo jātaḥ karmaśeṣeṇa te sutaḥ || 75 ||
[Analyze grammar]

yamena preṣitenātra gṛhīto brahmarakṣasā |
krūreṇa pātakenādya pūrvajanmakṛtena vai || 76 ||
[Analyze grammar]

upāyaṃ te pravakṣyāmi brahmarakṣovināśane |
śṛṇuṣva śraddhayā yuktaḥ samādhāya ca mānasam || 77 ||
[Analyze grammar]

suvarṇamukharītīre ṛṣisaṃghaniṣevite |
vartate daivataiḥ sevyaḥ pāvano veṃkaṭācalaḥ || 78 ||
[Analyze grammar]

tasyopari mahātīrthaṃ nāmnā pāpavināśanam |
asti puṇyaṃ prasiddhaṃ ca mahāpātakanāśanam || 79 ||
[Analyze grammar]

bhūtapretapiśācānāṃ vetālabrahmarakṣasām |
mahatāṃ caiva rogāṇāṃ tīrthaṃ tannāśakaṃ smṛtam || 80 ||
[Analyze grammar]

sutamādāya gaccha tvaṃ tattīrthaṃ girimadhyagam |
prayataḥ snāpaya sutaṃ tīrthe pāpavināśane || 81 ||
[Analyze grammar]

snānena tridinaṃ tatra bahmarakṣo vinaśyati |
naivopāyāntaraṃ tasya vināśe vidyate bhuvi || 82 ||
[Analyze grammar]

tasmācchīghraṃ prayāhi tvaṃ veṃkaṭāhvayaparvatam |
tatra pāpavināśākhyatīrthe snāpaya te sutam || 83 ||
[Analyze grammar]

mā vilambaṃ kuruṣvātra tvarayā yāhi vai dvija |
ityuktaḥ sa dvijo'gastyaṃ praṇamya bhuvi daṇḍavat || 84 ||
[Analyze grammar]

anujñātaśca tenāsau prayayau veṃkaṭācalam |
sutena sākaṃ vipro'sau gatvā pāpavināśanam || 85 ||
[Analyze grammar]

atha sumateḥ pāpanāśanasnānena durgatyapanodanam |
saṃkalpapūrvaṃ saṃsnāpya dinatrayamasau sutam |
sasnau svayaṃ ca viprendraḥ pitā pāpavināśane || 86 ||
[Analyze grammar]

samāgataḥ papau toyaṃ kṛtvā cāpyāhnikakramam |
atha tasya sutastatra vimukto brahmarakṣasā || 87 ||
[Analyze grammar]

samajāyata nīrogaḥ svasthaḥ sundararūpadhṛk |
sarvasaṃpatsamṛddho'sau bhuktvā bhogānanekaśaḥ || 88 ||
[Analyze grammar]

dehānte prayayau muktiṃ snānātpāpavināśane |
pitāpi tatra snānena dehānte muktimāptavān || 89 ||
[Analyze grammar]

atha vaidikakarmānuṣṭhāturdṛḍhamaterdurgatiprāptyapanodanam |
tenopadiṣṭo'yaṃ śūdraḥ sa bhuktvā narakānkramāt |
anekāsu janitvā ca kutsitāsvapi yoniṣu || 90 ||
[Analyze grammar]

gṛdhrajanmābhavatpaścādveṃkaṭācalabhūdhare |
sa kadācijjalaṃ pātuṃ tīrthe pāpavināśane || 91 ||
[Analyze grammar]

samāgataḥ papau toyaṃ siṣice cātmanastanum |
tadaiva divyadehaḥ sansarvābharaṇabhūṣitaḥ || 92 ||
[Analyze grammar]

divyaṃ vimānamāruhya prayayāvamarālayam || 93 ||
[Analyze grammar]

śrīsūta uvāca |
evamprabhāvametadvai tīrthaṃ pāpavināśanam |
pāpānāṃ nāśanādviprāḥ pāpanāśābhidhaṃ hi tat || 94 ||
[Analyze grammar]

itthaṃ rahasyaṃ kathitaṃ munīndrāstadvaibhavaṃ pāpavināśanasya |
yatrābhiṣekātsahasā vimuktau dvijaśca śūdraśca vinindyakṛtyau || 95 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmyaṃ pāpavināśanatīrthamahimānuvarṇanaṃnāmaikonaviṃśatitamo'dhyāyaḥ || 19 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 19

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Help me keep this site Ad-Free

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: