Chapter 16

[English text for this chapter is available]

brahmovāca |
devadeva tavaiśvaryaṃ kena śakyeta veditum |
vinā bhāyaikyasulabhaṃ bhavadīyamanugraham || 1 ||
[Analyze grammar]

akartṛkāṇi vākyāni aiśvaryaṃ te niratyayam |
na stotuṃ śakyate kiṃ tu namaskurvaṃti dūrataḥ || 2 ||
[Analyze grammar]

ko viṣṇuḥ ko'hamete vā dikpālā vāsavādayaḥ |
tvameva deva karttāsi jagatsṛjanarakṣayoḥ || 3 ||
[Analyze grammar]

patistvaṃ pārvatīnātha paśavo vayamapyamī |
baddhaṃ pāśena moktuṃ vā tvamevāsmānpragalbhase || 4 ||
[Analyze grammar]

ṣaḍviṃśattattvarūpastvamabhitaścābhivarttase |
kovidaḥ ko vinirṇetuṃ tava yāthātmyamīśvaraḥ || 5 ||
[Analyze grammar]

kirātaḥ kila devastvaṃ sārameyaiḥ kilāgamaiḥ |
ṣaḍvargahiṃsrānsaṃhartuṃ karoṣyākheṭakautukam || 6 ||
[Analyze grammar]

deva dakṣādhvare pūrvaṃ varibhadrastvadājñayā |
kāṃkāṃ śikṣāmakārṣīnna iti kāpi viḍambanā || 7 ||
[Analyze grammar]

tava kālāgnirūpasya sarvabrahmāṃḍadāhinaḥ |
poṣaṇātpuṣpacāpasya prāyo jihveti śemuṣī || 8 ||
[Analyze grammar]

kṛtāparādhaḥ śūlena tvayā dīrṇo jalaṃdharaḥ |
antakoṃdhakadaityaśca prativīraśca ko'sti te || 9 ||
[Analyze grammar]

adhārayiṣyatkaṇṭhena kālakūṭaṃ na cedbhavān |
kathaṃ ca dhārayiṣyāmo vayaṃ sarve'pi jīvitam || 10 ||
[Analyze grammar]

devadāruvane pūrvaṃ munīnkevalakarmaṭhān |
prakṣobhya dhūrtaveṣastvaṃ dayayānvagrahīstathā || 11 ||
[Analyze grammar]

aṃghriṇākrāṃtavānno cedatyugrāṃ tvamapasmṛtim |
tayākrāṃtamidaṃ kṛtsnamaṃdhakārāyate jagat || 12 ||
[Analyze grammar]

ardhanārīśvaraṃ rūpaṃ tvayā cenna prakāśitam |
prabhavāmi kathaṃ sraṣṭuṃ jagadetaccarācaram || 13 ||
[Analyze grammar]

bhavatā staṃbhitaḥ śambho saṃraṃbhājjaṃbhajidbhujaḥ |
kiyaṃtaṃ haṃta kālaṃ te jayastaṃbha iva sthitaḥ || 14 ||
[Analyze grammar]

bhikṣoḥ kapālamāpūrya rudhireṇātmano hariḥ |
śūlenotkṣipya mumuhe hyetattvamavadhāraya || 15 ||
[Analyze grammar]

na cedaśikṣayaḥ sarvaśastrāstrāṇyanukaṃpayā |
nirvāpayetkathaṃ vairaṃ kruddhopi jamadagnibhūḥ || 16 ||
[Analyze grammar]

nṛhariṃ śarabhākāraḥ samahārṣīnna cedbhavān |
sa eva saṃharedviśvaṃ hiraṇyakaśiporapi || 17 ||
[Analyze grammar]

tvamācakṛkṣaḥ kalpābdhau kaivartto matsyakacchapau |
hariṃ baddhvāhirāṭsūtrairnṛsiṃhamatha sūkaram || 18 ||
[Analyze grammar]

ekone padmasāhasre svanetreṇa kṛtārcanam |
śūlinsudarśanaṃ dattvā daityadviṣamatūtupaḥ || 19 ||
[Analyze grammar]

naṃdikeśvara uvāca |
stutyaivamasya viṣṇośca prārthanena prasedivān |
dhūrjaṭiḥ sṛṣṭikartṛtvaṃ punarasyābhyamanyata || 20 ||
[Analyze grammar]

samaṃjyāsu dvijānāṃ ca pūjanaṃ cānuśiṣṭavān |
ubhāvapyabravīdetau vātsalyāccadraśekharaḥ || 21 ||
[Analyze grammar]

śrīśiva uvāca |
vatsau yuvāṃ na jñātvaivaṃ bhūyo bhavatamuddhatau |
guruṃ smarato māmeva jāgrataṃ sṛṣṭirakṣayoḥ || 22 ||
[Analyze grammar]

iha pradeśe yuvayoryanmayānugrahaḥ kṛtaḥ |
puṇyakṣetramidaṃ puṃsāṃ tato mokṣāya kalpatām || 23 ||
[Analyze grammar]

yojanatrayamātre'sminkṣetre nivasatāṃ nṛṇām |
dīkṣādikaṃ vināpyastu matsāyujyaṃ mamājñayā || 24 ||
[Analyze grammar]

yadvā tiraścāmapyatra sthāvarāṇāṃ ca dehinām |
abuddhipūrvikā buddhirapavargasya jāyatām || 25 ||
[Analyze grammar]

nṛṇāṃ ca darśanāddūre kaivalyaṃ smaraṇena vā |
astu vedāṃtavijñānaṃ na sādhyaṃ niṣprayāsataḥ || 26 ||
[Analyze grammar]

śubhāya taijasī mūrtiḥ sthāvarā mama śāśvatī |
aruṇādririti khyātā nityamevātra varttatām || 27 ||
[Analyze grammar]

yugātyayepi nainaṃ tu majjayeyurmahābdhayaḥ |
na cālayeyurmaruto na daheyuśca vahnayaḥ || 28 ||
[Analyze grammar]

jyotirmayamidaṃ liṃgaṃ jyotiḥṣvapi na jātucit |
kramaṃtā nirgamāgatyā khecarāṇi samaṃtataḥ || 29 ||
[Analyze grammar]

yasyānugrahamicchāmi jaṃto्tasyātra saṃbhavaḥ |
dehāṃte kalpatāṃ muktyai vinaupaniṣadīrgiraḥ || 30 ||
[Analyze grammar]

eṣa dūrātpraṇāmena nikarṣācca pradakṣiṇāt |
api pāpātmanāṃ puṃsāmastu niśreyasapradaḥ || 31 ||
[Analyze grammar]

atraiva niyataṃ vāsāḥ saṃbhavaṃti mahātmanām |
tasmātsthalamidaṃ hitvā na gaṃtavyaṃ kadācana || 32 ||
[Analyze grammar]

śoṇācalamanādṛtya kvacitsthitvāpi muktaye |
tasmādyuvāṃ vidhiharī vasataṃ cātra nityaśaḥ || 33 ||
[Analyze grammar]

naṃdikeśvara uvāca |
ityuktavaṃtaṃ kāmāriṃ praṇamya vidhimādhavau |
tau vyajñāpayatāṃ devaṃ dūrībhavadahaṃkriyau || 34 ||
[Analyze grammar]

vidhimādhavāvūcatuḥ |
evametajjagadādhāra jagadādhāratāṃ gataḥ |
āstāṃ girirasau kiṃ tu tejo hyasya sudussaham || 35 ||
[Analyze grammar]

atoyamuttamo rudra tejaḥ sāmānyaśailavat |
tiṣṭhatvabhedyamahimā niśreyasamahākhaniḥ || 36 ||
[Analyze grammar]

vivṛṇoti nijaṃ jyotirviśvasyāsya samṛddhaye |
pratyabdaṃ kārttike māsi kṛttikāsu dinātyaye || 37 ||
[Analyze grammar]

śarmadopi nṛṇāṃ deva śoṇādristava śāsanāt |
mahattvādarcituṃ śakyo na syādbhaktasya kasyacit || 38 ||
[Analyze grammar]

etasyopatyakāyāṃ tadadyārabhyāsmadarthanāt |
devena sannidhātavyamavanyāṃ liṃgarūpiṇā || 39 ||
[Analyze grammar]

taccāruṇagirīśānamāvāmārādhayāvahe |
abhiṣekānulepādyairupacārairyathāvidhi || 40 ||
[Analyze grammar]

saṃtyatra keśarāścūtā nāgapuṃnāgakesarāḥ |
āragvadhāḥ kurabakā mālūrāḥ pāṭalā api || 41 ||
[Analyze grammar]

atraiva sannidhātavyaṃ devadeva dayānidhe |
yatastvadbhaktidārḍhyaṃ nau bhavatāttvadupāsanāt || 42 ||
[Analyze grammar]

nānyathā cittaśuddhirnnau deve'pyevaṃ praseduṣi |
anādyavidyāvṛtaye yo bhaviṣyati nityaśaḥ || 43 ||
[Analyze grammar]

śoṇādreḥ pūrvadigbhāge sa eṣa bhṛśamunnataḥ |
sa evālaṃ nivāsāya devasya hṛdayaṃgamaḥ || 44 ||
[Analyze grammar]

sāṃgavedā dharmaśāstraṃ purāṇāni śivāgamāḥ |
kṛtvā ca sakalāḥ proktā bhavataiva bhavāvayoḥ || 45 ||
[Analyze grammar]

niśreyasāya bhaktānāṃ tvayaiva gururūpiṇā |
aṣṭāviṃśatirākhyātā āgamāḥ śaivasaṃjñitāḥ || 46 ||
[Analyze grammar]

teṣu kasya prakāreṇa kurvāṇau tvadupāsanām |
kadāpyajñānajāmārtiṃ nādhigacchāva śaṃkara || 47 ||
[Analyze grammar]

naṃdikeśvara uvāca |
iti tau dhātṛgoviṃdau pādapadmāvalaṃbinau |
jagāda karuṇāmūrttirjagatībhṛtsutāpatiḥ || 48 ||
[Analyze grammar]

śrīmahādeva uvāca |
yuktamuktamidaṃ bhadrau mayāpyevaṃ manīṣitam |
kāmikoktena mārgeṇa māmarcayitumarhathaḥ || 49 ||
[Analyze grammar]

mohato vismṛtā manye bhavadbhyāṃ śaivasaṃhitā |
adhunā matprasādena punarudbhāsatāṃ hṛdi || 50 ||
[Analyze grammar]

nandīśa uvāca |
ityuktvā śrīśavāgīśau giriśo'ntaradhādatha |
tadā prādurabhūttatra liṃgaṃ kimapi maṃgalam || 51 ||
[Analyze grammar]

taccāvalokya sāścaryyau mukundakamalāsanau |
muhuḥ praṇamya sānaṃdaṃ prārcya tuṣṭuvatuściram || 52 ||
[Analyze grammar]

tāvakārayatāṃ śoṇagirināthasya cālayam |
nānāśilpādbhutaṃ viśvakarmaṇā pracayena ca || 53 ||
[Analyze grammar]

khānayāmāsatustatra saraḥ kimapi pāvanam |
abhiṣekāya devasya sarvatīrthamayaṃ navam || 54 ||
[Analyze grammar]

aruṇākhyaṃ puraṃ cārātkalpayāmāsatuściram |
siddhyai notkaṃṭhate labdhvā kailāsāyāpi dhūrjaṭiḥ || 55 ||
[Analyze grammar]

tasyāṃ brahmarṣayo devā gaṃdharvā divyayoṣitaḥ |
siddhavidyādharā yakṣāḥ pauratvaṃ samupāyayuḥ || 56 ||
[Analyze grammar]

tīrthāni dhārya kūpatvaṃ gaṃgādyāḥ saritastathā |
naṃdanādīni ca vanānyabhavanniṣkuṭatvataḥ || 57 ||
[Analyze grammar]

goloko gogoṣṭhatayā naigamatvaṃ kilāgamāḥ |
śailāśca gopurāditvaṃ smṛtayo vidhitāṃ yayuḥ || 58 ||
[Analyze grammar]

bhūtāḥ pretāḥ piśācāśca vetālāḥ kaṭapūtanāḥ |
prapannā mānuṣaṃ dehaṃ tasyāṃ kila pṛthagjanāḥ || 59 ||
[Analyze grammar]

devopi dhūrjaṭistasyāṃ kautukī siddharūpadhṛk |
yogitvaṃ samupāsthāya mātrākaupīnamuṇḍadhṛk || 60 ||
[Analyze grammar]

na kenacidavijñātaḥ sadā sarvatra dīpyati |
tau ca keśavalokeśau jaṭilau bhasmaguṇṭhitau || 61 ||
[Analyze grammar]

dāṃtau śoṇādrināthaṃ tamarcayāmāsatuściram |
tatratyānāṃ ca sarveṣāṃ varṇānāmānuguṇyataḥ || 62 ||
[Analyze grammar]

dīkṣādikāni cakrāte svayamācāryatāṃ gatau |
krameṇa hṛtanirmālyau sarvāgamarahovidau || 63 ||
[Analyze grammar]

prātaḥ snātvā samāhṛtya puṣpapatrādikaṃ phalam |
maṃtraṃ cāruṇanāthasya tata eva rahaḥ śrutam || 64 ||
[Analyze grammar]

jaṃjalpākau jajapatuḥ sarvamaṃtrādhikaṃ sadā |
dhūpapradīpanaivedyairgītavāditranartanaiḥ || 65 ||
[Analyze grammar]

pradakṣiṇānamaskārairmudrābaṃdhairnavairnavaiḥ |
āsanena ca mūrttyā ca mūlena ca yathāvidhi || 66 ||
[Analyze grammar]

paṃcabrahmaṣaḍaṃgādyairarcayāmāsatuḥ śivam |
evaṃ varṣasahasrāṇi ṣoḍaśāruṇaśaṃkaram || 67 ||
[Analyze grammar]

vedhoviṣṇū samārādhya śivajñānamavāpatuḥ || 68 ||
[Analyze grammar]

itīdamaśrāvi mayā rahasyaṃ pituḥ śilādasya mukhātpurā yat |
niveditaṃ cādya tadeva tubhyaṃ kimanyadākarṇayituṃ manīṣā || 69 ||
[Analyze grammar]