Chapter 6

[English text for this chapter is available]

naṃdikeśvara uvāca |
vistarātkathayāmyadya prāyaścittaṃ mahāṃhasām |
sarveṣāmavadhatsva tvamavalaṃbyāstikīṃ dhiyam || 1 ||
[Analyze grammar]

brahmahā prāpya śoṇādriṃ nimagnaḥ khaḍgatīrthake |
japanpaṃcākṣaraṃ maṃtraṃ bhasmarudrākṣadhārakaḥ || 2 ||
[Analyze grammar]

kṛtopavāsaḥ saṃpūjya prayataḥ parameśvaram |
brāhmaṇānbhojayedvarṣaṃ bhikṣāśī niyateṃdriyaḥ || 3 ||
[Analyze grammar]

viśeṣapūjāśuśrūṣāṃ kuryāddevasya bhaktitaḥ |
brahmahatyā vinirmukto brahmaloke mahīyate || 4 ||
[Analyze grammar]

surāpo'pyaruṇakṣetre varṣamekaṃ vasanprati |
prāgvatkṛtasamācāraḥ saṃpūjyaivaṃ maheśvaram || 5 ||
[Analyze grammar]

kṣīreṇa snāpayeddevaṃ śatarudrīyamuccaran |
surāpānodbhavenāśu pāpena parimucyate || 6 ||
[Analyze grammar]

suvarṇasteyakṛcchoṇakṣetre bilvadalairharam |
abhyarcya bhojayedviprānpāpānmucyeta duṣkarāt || 7 ||
[Analyze grammar]

gurudāraratirgatvā kṛttikāsvaruṇācalam |
yathāpūrvaṃ vratī bhūtvā sahasreṇa pradīpakaiḥ || 8 ||
[Analyze grammar]

māsatrayaṃ samārādhya śrīśoṇācalaśaṃkaram |
pradadyādbhūṣitāṃ kanyāṃ brāhmaṇāya sudhīmate || 9 ||
[Analyze grammar]

ṣaḍakṣaraṃ japennityaṃ tena mucyeta pāpmanā |
śivaloke ca nivasedāsaṃsāraṃ na saṃśayaḥ || 10 ||
[Analyze grammar]

paradārāpaharttā ca kṣetresminniyateṃdriyaḥ |
māsamekaṃ navaiḥ puṣpairabhyarcyāruṇaśaṃkaram || 11 ||
[Analyze grammar]

māheśvarāya vitareddhanaṃ śaktyānuguṇyataḥ |
tatkṣaṇena vinirmuktastasmātpāpādbhaviṣyati || 12 ||
[Analyze grammar]

garado'pyaruṇakṣetre vratī bhūtvā yathāpurā |
kṣīropahāraṃ devāya dattvā doṣeṇa mucyate || 13 ||
[Analyze grammar]

piśuno'pyaruṇakṣetre vratī vedarato naraḥ |
adhyāpayeddvijānmukhyāṃstato niṣkalmaṣo bhavet || 14 ||
[Analyze grammar]

agnido'pyaruṇakṣetre trīnmāsānpūrvavadvratī |
dadyācchaivāya nirmāyya gṛhaṃ tatpāpaśāṃtaye || 15 ||
[Analyze grammar]

dharmaniṃdākaraḥ śoṇakṣetre varṣaṃ vratī vasan |
satrādikaṃ prakurvīta yathāśaktyaghaśāṃtaye || 16 ||
[Analyze grammar]

pitṛdrohyaruṇakṣetre tiṣṭhanmāsamataṃdritaḥ |
girīśāya dvijebhyopi pradadyādgāḥ sahasraśaḥ || 17 ||
[Analyze grammar]

grahoparāgakāleṣu bhojayitvā dvijānbahūn |
vimuṃcedvṛṣabhaṃ nīlaṃ vimucyeta tatoṃ'hasaḥ || 18 ||
[Analyze grammar]

strīghnaścāpi śiśughno'pi śoṇakṣetramupeyivān |
vyatīpāte tilāndadyāddvijabhyo duritacchide || 19 ||
[Analyze grammar]

pracchannapāpakṛcchoṇakṣetre'sminniyateṃdriyaḥ |
guptadānāni kurvīta bhavedvai gatakalmaṣaḥ || 20 ||
[Analyze grammar]

mṛṣābhāṣyaruṇakṣetre ṣaṇmāsānnivasanvratī |
śoṇācaleśvarastotrapāṭhena syādakalmaṣaḥ || 21 ||
[Analyze grammar]

kūpādibhedakṛcchoṇakṣetramāsādya bhaktitaḥ |
taṭākānkhānayettatra dhruvaṃ nirvṛjino bhavet || 22 ||
[Analyze grammar]

kṣetrāpahārī devāya kṣetraṃ dadyānmahāphalam |
ārāmakaṃṭakopyasmai dadyādudyānamuttamam || 23 ||
[Analyze grammar]

gṛhāpahārī kurvīta devasyāyatanaṃ navam |
aṃhasā tena nirmuktaḥ śivasāyujyamāpnuyāt || 24 ||
[Analyze grammar]

paradrohī vasañchoṇakṣetre māheśvarāndhanaiḥ |
prīṇayitvā parāṃllokānniḥsaṃśayamavāpnuyāt || 25 ||
[Analyze grammar]

paśvādimāṃsabhukchoṇakṣetre pakṣatrayaṃ vratī |
prīṇayedaruṇeśānaṃ sopahārairmanoharaiḥ || 26 ||
[Analyze grammar]

triḥśoṇācalanātheti ninadannanagho bhavet |
nivasannaruṇakṣetre pūjayedaruṇeśvaram || 27 ||
[Analyze grammar]

aruṇeśvaramaṃtraṃ ca japenmokṣecchurādarāt |
yadyasyābhihitaṃ tena padbhyāmeva pradakṣiṇām || 28 ||
[Analyze grammar]

kurvatāruṇaśailasya tatprāpyaṃ śubhamaṃjasā |
śruteṣu skhaliteṣvatyāhite duḥsvapnadarśane || 29 ||
[Analyze grammar]

prītyutkarṣe'pi ca budhairuccāryo'ruṇaśaṃkaraḥ |
api varṇāśramabhraṣṭaḥ śivadroharato'pi vā || 30 ||
[Analyze grammar]

trīṇyahānyaruṇakṣetre vasanmucyeta pātakaiḥ |
pārthivaḥ śivaloko'yaṃ mūrttametattrayīśiraḥ || 31 ||
[Analyze grammar]

eṣa dakṣiṇakailāso yosāvaruṇaparvataḥ |
anyeṣu siddhakṣetreṣu tapobhiḥ siddhayo nṛṇām || 32 ||
[Analyze grammar]

asminsmaraṇamātreṇa tāratamyaṃ viciṃtyatām |
yadgaṃgāyāṃ prayāge yatkāśyāṃ vai puṣkareṣu yat || 33 ||
[Analyze grammar]

karma setau ca yatpuṃsāṃ śoṇakṣetre tato'dhikam |
agniṣṭomaṃ vājapeyaṃ vairājaṃ sarvatomukham || 34 ||
[Analyze grammar]

rājasūyāśvamedhau ca kuryācchoṇācale budhaḥ |
ekāhaṃ vāruṇakṣetre naro yatsyādupoṣitaḥ || 35 ||
[Analyze grammar]

tasya cāṃdrāyaṇaśataṃ bhavetsāṃtapanāyutam |
ṣoḍaśāpi mahādānānyaruṇakṣetrasaṃnidhau || 36 ||
[Analyze grammar]

anuṣṭhitāni kalpoktaṃ kurvaṃti dviguṇaṃ phalam || 37 ||
[Analyze grammar]

iti naṃdikeśvaramukhena śuśruvānmuninaṃdanotha nirayapratikriyām |
abhinaṃdya taṃ vada dinartuvatsarapramukhārhaṇakramamiti vyajijñapat || 38 ||
[Analyze grammar]