Chapter 4

[English text for this chapter is available]

naṃdikeśvara uvāca |
mune manaḥparīkṣārthaṃ tathā tvaṃ bhāṣito mayā |
tava cennābhidhāsyāmi kasya vānyasya kathyate || 1 ||
[Analyze grammar]

tvādṛganyosti kiṃ loke śivadharmaparāyaṇaḥ |
yena svalpāyuṣāpyevaṃ nityenābhāvi bhaktitaḥ || 2 ||
[Analyze grammar]

kasyānyasya kṛte devaḥ svasyaivājñākaraṃ yamam |
kruddho niyaṃtrayāmāsa caraṇāṃguṣṭhapīḍitam || 3 ||
[Analyze grammar]

tvameva śāṃkarāndharmānsarvānviddhi rahasyataḥ |
yogre'si kālavadbhrāṃtaḥ paripakvosi cetasā || 4 ||
[Analyze grammar]

tvayaivānyena kenāhamevaṃ śuśrūṣitaściram |
tvayīva kasminnanyasminmamāpi prītirīdṛśī || 5 ||
[Analyze grammar]

upadekṣyāmi te kṣetraṃ guptaṃ taddharmaśāsanaiḥ |
bhaktyāvadhāraṇīyaṃ yadbhaktikaivalyakāṃkṣibhiḥ || 6 ||
[Analyze grammar]

ādarādanuyuṃjānaṃ śiṣyaṃ yo deśikaḥ svayam |
upadeśena saṃtuṣṭaṃ na karoti sa kiṃ guruḥ || 7 ||
[Analyze grammar]

samāhitamanā bhūtvā viśvāsaṃ kuru śāśvatam |
mayopadiśyamāne'sminrahasye pārameśvare || 8 ||
[Analyze grammar]

smara smarāṃtakaṃ devaṃ vaṃdasvādhyāya śāṃkarīm |
upāṃśūccārayoṃkāraṃ śreyaste mahadāgatam || 9 ||
[Analyze grammar]

asti dakṣiṇadigbhāge drāviḍeṣu tapodhana |
aruṇākhyaṃ mahākṣetraṃ taruṇeṃduśikhāmaṇeḥ || 10 ||
[Analyze grammar]

yojanatrayavistīṇamupāsyaṃ śivayogibhiḥ |
tadbhūmerhṛdayaṃ viddhi śivasya hṛdayaṃgamam || 11 ||
[Analyze grammar]

tatra devaḥ svayaṃ śambhuḥ parvatākāratāṃ gataḥ |
aruṇācalasaṃjñāvānasti lokahitāvahaḥ || 12 ||
[Analyze grammar]

āvāsaḥ sarvasiddhānāṃ maharṣīṇāṃ suparvaṇām |
vidyādharāṇāṃ yakṣāṇāṃ gaṃdharvāpsarasāmapi || 13 ||
[Analyze grammar]

sumerorapi kailāsādapyasau mandarādapi |
mānanīyo maharṣīṇāṃ yaḥ svayaṃ parameśvaraḥ || 14 ||
[Analyze grammar]

spṛhayaṃti yadīyebhyo jaṃtubhyopi divaukasaḥ |
ayatnalabhyamuktibhyo divāvāsapravaṃcitāḥ || 15 ||
[Analyze grammar]

na kalpavṛkṣāḥ sadṛśā yatratyānāṃ mahīruhām |
patrapuṣpaphalairnityaṃ yercayaṃti girau haram || 16 ||
[Analyze grammar]

hiṃsaikarucayo vyādhā api rūpānusārataḥ |
anaṃtā yatra devasya prādakṣiṇyaphalāspadam || 17 ||
[Analyze grammar]

yaduddeśacarā meghāḥ śikharāṇyabhibaṃdhakāḥ |
gaṃgāvato himavato'pyadhikaṃ svaṃ vijānate || 16 ||
[Analyze grammar]

kalārāvāḥ khagā yatra kvaṇaṃte kīcakā api |
yakṣakiṃnaragandharvailabhyate durlabhaṃ padam || 19 ||
[Analyze grammar]

smaranto yatra khadyotāḥ kṛṣṇapakṣe niśāgame |
ārārtikapradātṝṇāṃ devasyāśnuvate padam || 20 ||
[Analyze grammar]

niṣpratyūhakṛtāśleṣā nityaṃ yattaṭinīruhāḥ |
saubhīgyagarvato devīmaparṇāmavamanvate || 21 ||
[Analyze grammar]

yasyottuṃgasya śṛṃgāgrasaṃgamā api tārakāḥ |
ātmano labdhasāmānyāścandreṇa bahu manvate || 22 ||
[Analyze grammar]

mṛgāḥ sarvepi satataṃ caraṃto yatra sānuṣu |
pāṇipraṇayinaṃ śambhoreṇamapyavajānate || 23 ||
[Analyze grammar]

yasya pādāṃtikacaraiḥ prāyeṇa śabarairapi |
nikumbhakumbhasādṛśyamayatnādupalabhyate || 24 ||
[Analyze grammar]

kiṃ bahūktyābhyasūyaṃte dvaimāturakumārayoḥ |
yadaṃgarūḍhāstaravastiryaṃcaḥ śabarā api || 25 ||
[Analyze grammar]

siṃhavyāghradvipā yasminkāle tyaktakalevarāḥ |
vāsapradatvānmānyaṃte dhruvaṃ śoṇādriśambhunā || 26 ||
[Analyze grammar]

asya bhāskaranāmādriḥ pūrvasyāṃ diśi dṛśyate |
yatra sthitaḥ sadā vajrī sevate śoṇaparvatam || 27 ||
[Analyze grammar]

pratīcyāṃ diśi daṃḍādririti kaścinmahīdharaḥ |
prācetasastadagagaḥ sevate'ruṇaparvatam || 28 ||
[Analyze grammar]

dakṣiṇasyāṃ ca śoṇādreradrirastyamarācalaḥ |
kālaḥ śoṇādrisevārthamadhyāste tadadhityakām || 29 ||
[Analyze grammar]

uttare'sminharidbhāge siddhādhyāsitakandaraḥ |
virājate triśūlādriḥ śrīdena paripālitaḥ || 30 ||
[Analyze grammar]

tatparyaṃtaprabhūtānāmanyeṣāmapi bhūbhṛtām |
taṭakeṣvapare caiva dikpālāḥ paryupāsate || 31 ||
[Analyze grammar]

dhāritā yena satataṃ sarvepi dharaṇīruhāḥ |
ārādhanādapyadhikamadhigacchaṃti vaibhavam || 32 ||
[Analyze grammar]

yasmingirīśe saṃdṛṣṭe menātuhinabhūbhṛtoḥ |
samānasaṃbaṃdhatayā pramodo varddhatetarām || 33 ||
[Analyze grammar]

tarupallavalakṣeṇa lakṣyamāṇajaṭādharaḥ |
sthāvaroyaṃ svayaṃ śambhuriheśa iva jaṃgamaḥ || 34 ||
[Analyze grammar]

jyotiṣmattoyaśṛṃgasya dvipārśvasthendubhāskaraḥ |
vyanakti svasya lokebhyastejastritayanetratām || 35 ||
[Analyze grammar]

varṣāsu śikharādhastādabhinīlabalāhakaḥ |
virājate yaḥ kaṇṭhena kālakūṭamivodvahan || 36 ||
[Analyze grammar]

sahasrapādaḥ sāhasraśīrṣo yaḥ parvateśvaraḥ |
ukto na kevalaṃ śrutyā sākṣādapyupalakṣyate || 37 ||
[Analyze grammar]

śirolīnāmarasaritsrotāḥ prāgiti nādbhutam |
girīśo'dyāpi yaḥ śṛṃgalīnānekasaridgaṇaḥ || 38 ||
[Analyze grammar]

āsāditāpakaṭakaḥ śāradairyaḥ payodharaiḥ |
viḍaṃbayati gośreṣṭhamārūḍhavṛṣapuṃgavam || 39 ||
[Analyze grammar]

yatra śṛṅgāgrasaṃlagrasaṃlagnanīlalohitaḥ |
sthāṇutvaṃ sthāvaratvena gahanatvena bhīmatām || 40 ||
[Analyze grammar]

sudurgamatvādugratvamapi dhatte na nāmataḥ |
kṣudrāḥ sarīsṛpā yatra kaṭakeṣu kṛtāspadāḥ || 41 ||
[Analyze grammar]

takṣakānaṃtasarpādyaiḥ spardhante bhujageśvaraiḥ |
aṣṭābhiryo'bhitaḥ koṇairāvibhūrto vibhūtibhiḥ || 42 ||
[Analyze grammar]

suspaṣṭaṃ viśinaṣṭīva svakīyāmaṣṭamūrtitām |
yerṇyāśaktitaraṃgiṇyo iḍāpiṃgalayoḥ svayam || 43 ||
[Analyze grammar]

śivasya śṛṅgato madhye suṣumnā kamalāpagā |
jyotiḥstaṃbhasvarūpasya mūlāgre yasya vīkṣatum || 44 ||
[Analyze grammar]

kolahaṃsākṛtī nālaṃ brahmaviṣṇū babhūvatuḥ |
tābhyāṃ ca prārthitaḥ śambhustasminsāṃnidhyavānabhūt || 45 ||
[Analyze grammar]

aruṇācalanāthākhyaṃ prapannaḥ pramadaiḥ samam |
gautamastatra yogīṃdraḥ sahasraṃ parivatsarān || 46 ||
[Analyze grammar]

taptvā tapāṃsi tīvrāṇi sākṣāccakre sadāśivam |
prāleyaśailakanyāpi tatra kṛtvā tapaḥ purā || 47 ||
[Analyze grammar]

alabdha vāmadehārddhaṃ manmathāreḥ praseduṣaḥ |
gauryā pratiṣṭhitaṃ tatra pravālādrīśvarābhidham || 48 ||
[Analyze grammar]

liṃgaṃ bhogapradaṃ puṃsāṃ kaivalyāya prakalpate |
tatra gaurīnideśena durgā mahiṣamardinī || 49 ||
[Analyze grammar]

sākṣādbhūya satāṃ datte mantrasiddhimavighnataḥ |
khaḍgatīrthamiti khyātaṃ tatra gauryāśrame navam || 50 ||
[Analyze grammar]

sakṛnnimajjanānnṝṇāṃ paṃcapātakanāśanam |
durgayā cārcitaṃ liṃgaṃ pāpanāśananāmakam || 51 ||
[Analyze grammar]

sakṛtpraṇāmamātreṇa sarvapāpapraṇāśanam |
tatra vajrāṃgado rājā vittasāro vyatikramāt || 52 ||
[Analyze grammar]

punastadbhaktimāhātmyācchivasāyujyamāptavān |
tasya pradakṣiṇenaiva kāṃtiśālikalādharau || 53 ||
[Analyze grammar]

vidyādhareśvarau muktau durvāsaḥśāpabandhanāt |
nāsti śoṇādritaḥ kṣetraṃ nāsti paṃcākṣarānmanuḥ || 54 ||
[Analyze grammar]

nāsti māheśvarāddharmo nāsti devo maheśvarāt |
nāsti jñānaṃ śivajñānānnāsti śrīrudrataḥ śrutiḥ || 55 ||
[Analyze grammar]

nāsti śaivāgraṇīrviṣṇornāsti rakṣā vibhūtitaḥ |
nāsti bhakteḥ sadācāro nāsti rakṣākarādguruḥ || 56 ||
[Analyze grammar]

nāsti rudrākṣato bhūṣā nāsti śāstraṃ śivāgamāt |
nāsti bilvadalātpatraṃ nāsti puṣpaṃ suvarṇakāt || 57 ||
[Analyze grammar]

nāsti vairāgyataḥ saukhyaṃ nāsti mukteḥ paraṃ padam |
nāruṇādreḥ samo merurna kailāso na maṃdaraḥ || 58 ||
[Analyze grammar]

te nivāsā girivyāptāḥ so'yaṃ tu giriśaḥ svayam || 59 ||
[Analyze grammar]

iti vadati śilādanaṃdane muditamanāḥ sa mṛkaṇḍunaṃdanaḥ |
punarapi bahuśaḥ praṇamya taṃ cakitamanā bhavato vyajijñapat || 60 ||
[Analyze grammar]

kiṃ kiṃ nṛṇāṃ karma bhavāya jāyate kathaṃ nu tattannarakāya śrūyate |
teṣāṃ ca teṣāṃ ca kathaṃ pratikriyā kathaṃ nu tattanmama kathyatāmiti || 61 ||
[Analyze grammar]