Chapter 3

[English text for this chapter is available]

mārkaṃḍeya uvāca |
bhagavanvaṃcanenālaṃ tvadekapravaṇe mayi |
kiṃ mādṛśo'sti te śiṣyastvatkṛpaivātra sākṣiṇī || 1 ||
[Analyze grammar]

sthāneṣu prāktvadukteṣu phalāni ca pṛthakpṛthak |
yatra sarvaphalaprāptiḥ sthānaṃ tadvada me vibho || 2 ||
[Analyze grammar]

carācarāṇāṃ bhūtānāṃ jānatāmapyajānatām |
yasya smaraṇamātreṇa muktistadvada deśika || 3 ||
[Analyze grammar]

paśyaitena mayaikena bhagavānnānurādhyase |
sarvairapyetadarthaṃ hi munibhiḥ parivāryase || 4 ||
[Analyze grammar]

pulahena pulastyena vaśiṣṭhena marīcinā |
agastyena dadhīcena nakruṇā bhṛguṇātriṇā || 5 ||
[Analyze grammar]

jābālinā jaimininā dhaumyena jamadagninā |
upayājena yājena bharatenārvarīvatā || 6 ||
[Analyze grammar]

pippalādena kaṇṭhena kumudenopamanyunā |
kumudākṣeṇa kutsena vatsena varataṃtunā || 7 ||
[Analyze grammar]

vibhāṃḍakena vyāsena kaṇvarīṣeṇa kaṃḍunā |
māṃḍavyena mataṃgena kukṣiṇā māṃḍakarṇinā || 8 ||
[Analyze grammar]

caṃḍakauśikaśāṃḍilyaśākaṭāyanakauśikaiḥ |
śātātapamadhucchandogargasaubhariromaśaiḥ || 9 ||
[Analyze grammar]

āpastaṃbapṛthustaṃbabhārgavodaṃkaparvataiḥ |
bhāradvājena dālbhyena dāṃtena śvetaketunā || 10 ||
[Analyze grammar]

kauṃḍinyapuṇḍarīkābhyāṃ raibhyeṇa tṛṇabindunā |
vālmīkinā nāradena vahninā dṛḍhamanyunā || 11 ||
[Analyze grammar]

bodhāyanasubodhābhyāṃ hārītena mṛkaṇḍunā |
durvāsasātitīkṣṇena jālapādena śaktinā || 12 ||
[Analyze grammar]

kāṃkvāryeṇa nadantena devadattena nyaṃkunā |
suśrutā cāgniveśyena gālavena marutvatā || 13 ||
[Analyze grammar]

lokākṣiṇā viśravasā saiṃdhavena sumaṃtunā |
śiśupāyanamaudgalyapathyacāvanamāturaiḥ || 14 ||
[Analyze grammar]

ṛṣyaśṛṅgaikapātkrauṃcadṛḍhagomukhadevalaiḥ |
aṃgirovāmadevaurvapataṃjalikapiṃjalaiḥ || 15 ||
[Analyze grammar]

sanatkumārasanakasanaṃdanasanātanaiḥ |
hiraṇyanābhasatyākhyavātāśanasuhotṛbhiḥ || 16 ||
[Analyze grammar]

maitreyapuṣpajitsatyatapaḥśālīṣyaśaiśiraiḥ |
nidāghotathyasaṃvarttaśaulkāyaniparāśaraiḥ || 17 ||
[Analyze grammar]

vaiśaṃpāyanakauśalyaśāradvatakapidhvajaiḥ |
kuśasvārcikakaivalyayājñavalkyāśvalāyanaiḥ || 18 ||
[Analyze grammar]

kṛṣṇātapottamānaṃtakaruṇāmalakapriyaiḥ |
carakeṇa pavitreṇa kapilena kaṇāśinā || 19 ||
[Analyze grammar]

naranārāyaṇābhyāṃ ca divyaiścānyairmaharṣibhiḥ |
matpraśnottaraśuśrūṣātatparaiḥ pratyavekṣyase || 20 ||
[Analyze grammar]

māheśvarāgragaṇyastvaṃ samastāgamapāragaḥ |
vyāptaśca sarvalokeṣu yasmāttadanusādhi naḥ || 21 ||
[Analyze grammar]

tvanmukhādeva bhagavanvayamete suśikṣitāḥ |
pūrvameva tvayā deva kiṃ vānyadupapadyate || 22 ||
[Analyze grammar]

divyāgamapurāṇāni draṣṭavyaḥ parameśvaraḥ |
kātyāyanī vā skando vā bhagavānvātha vā bhavān || 23 ||
[Analyze grammar]

tvayi yadyasti no bhaktirdayā cāsmāsu te yadi |
rahasyamidamudghāṭya prasādaṃ kartumarhasi || 24 ||
[Analyze grammar]

itthaṃ mṛkaṇḍutanayena sa naṃdikeśo vijñāpitaḥ savinayaṃ smayamānavaktram |
taṃ prāha connatataraṃ śivabhaktimastu prāgbhaktitoṣitaśivāptaśarīrasiddhim || 25 ||
[Analyze grammar]