Chapter 2

[English text for this chapter is available]

naṃdikeśvara uvāca |
sthānaṃ tvayā mune pṛṣṭamasti māheśvarāgraṇi |
carācarāṇāṃ sarveṣāṃ bhūtānāmapi śarmaṇe || 1 ||
[Analyze grammar]

prakalpitaṃ hi devena tattatkarmānuguṇyataḥ |
śarīrabhājāṃ jananaṃ tāsutāsvapi yoniṣu || 2 ||
[Analyze grammar]

tvayā śuśruṣitaṃ teṣāṃ hitāya mahate hyalam |
anyathā saṃsṛterhāniḥ kalpakoṭiśatairnahi || 3 ||
[Analyze grammar]

svalpairhi karmabhirjñānairapi prāptā punaḥpunaḥ |
ghaṭīyaṃtranayājjanmamaraṇe naiva śāmyataḥ || 4 ||
[Analyze grammar]

kathaṃ nu virato dehī garbhamokasamāgamāt |
viśrāṃtaye prakalpeta viśuddhajñānato vinā || 5 ||
[Analyze grammar]

pradeśāḥ kathitāḥ pūrvaṃ prasaṃgavaśato mayā |
ṛṣibhedādikaṃ teṣu nivāsaḥ kṛttivāsasaḥ || 6 ||
[Analyze grammar]

kecittīreṣu gaṃgāyāḥ kecitsārasvate taṭe |
kāliṃdītīrayoranye katicicchoṇarodhasi || 7 ||
[Analyze grammar]

apare narmadātīre pare godāvarītaṭe |
katicidgomatītīreṣvanye haimavatītaṭe || 8 ||
[Analyze grammar]

samudrapārśveṣvitaraṃ dvīpeṣvanye sarasvatām |
mukheṣu kecitsiṃdhūnāṃ saṃbhedeṣvapi kecana || 9 ||
[Analyze grammar]

kṛṣṇaveṇītaṭe kecittuṃgabhadrāṃtike pare |
upaveṇyāṃ katipaye pare śaktyāpagāṃtike || 10 ||
[Analyze grammar]

kāverītīra itare kecidvegavatītaṭe |
anye tu tāmraparṇyāśca katicinmuralātaṭe || 11 ||
[Analyze grammar]

kecidairāvatītīre tvitare yātukāṃkṣike || 12 ||
[Analyze grammar]

kanyātaṭeṣu katicitkaticitkumārītīre pare ca tamasāvaruṇāṃtikenye |
maṃdākinīsavidhayoritare pare'pi śiprātaṭe parisareṣu pare sarayvāḥ || 13 ||
[Analyze grammar]

vipāśābhyāśa itare śatadrutitaṭe pare |
carmaṇvatyupakaṃṭhe'nye kecidbhīmarathītaṭe || 14 ||
[Analyze grammar]

kecidbiṃdusarobhyarṇe pare paṃpāsarastaṭe |
abhyarṇakepi bhairavyāḥ katicitkauśikītaṭe || 15 ||
[Analyze grammar]

apare mālinītīre pare gaṃdhavatītaṭe |
 katicinmānasopāṃte kecidacchodarodhasi || 16 ||
[Analyze grammar]

iṃdradyumnasarasyanya eke tu maṇikarṇike |
pare tu varadātīre tāpyāṃ katicanāpare |
pātālagaṃgāsavidhe śarāvatyaṃtike pare || 17 ||
[Analyze grammar]

lohityākūlayoḥ kecitkaticitkālamātaṭe |
vitastopāṃtike tvanye caṃdrabhāgāṃtike pare || 18 ||
[Analyze grammar]

suralopāṃtike kecitpayoṣṇītīrayoḥ pare |
kecinmadhumatītīre kecanānu pinākinīm || 19 ||
[Analyze grammar]

uktaṃ vārāṇasīkṣetraṃ krośapaṃcakapāvanam |
devastatrāvimuktākhyo viśālākṣyā samarcitaḥ || 20 ||
[Analyze grammar]

kapālamocanaṃ yatra yatrāste kālabhairavaḥ |
mṛtānāṃ yatra rudratvaṃ kāśīṃ viddhi hi tāṃ mune || 21 ||
[Analyze grammar]

gayāprayāgāvapi te kathitau sarvasiddhidau |
yatra piṃḍapradānena tuṣyaṃti pitaraḥ kila || 22 ||
[Analyze grammar]

ākarṇitaṃ ca kedāraṃ yasminmahiṣarūpadhṛk |
devopi ca hato devyā sarvaśreyaskaro nṛṇām || 23 ||
[Analyze grammar]

sarvasiddhikaraṃ puṃsāṃ kṣetraṃ badarikāśramam |
yatrāste tryaṃbako devyā naranārāyaṇārcitaḥ || 24 ||
[Analyze grammar]

śrutaṃ hi naimiṣaṃ kṣetraṃ tvayā yatra maheśvaraḥ |
devadevābhidhaḥ puṇyo devī sāraṃgadhāriṇī || 25 ||
[Analyze grammar]

amareśamiti sthānaṃ proktaṃ sarvārthasādhakam |
oṃkāranāmā tatreśaścaṃḍikākhyā maheśvarī || 26 ||
[Analyze grammar]

puṣkarākhyaṃ mahāsthānaṃ śrutaṃ te kathitaṃ mayā |
yatra devo rujogaṃdhiḥ puruhūtā maheśvarī || 27 ||
[Analyze grammar]

āṣāḍhīnāma te sthānaṃ pāvanaṃ kathitaṃ mayā |
āṣāḍheśo harastatra ratīśā parameśvarī || 28 ||
[Analyze grammar]

daṃḍimuṃḍī samākhyaṃ ca sthānaṃ te kathitaṃ mayā |
yatra muṃḍī mahādevo daṃḍikā parameśvarī || 29 ||
[Analyze grammar]

lākulaṃnāma te sthānaṃ saṃśuddhaṃ kathitaṃ mayā |
lākulīśo haro yasminnanaṃgā sarvamaṃgalā || 30 ||
[Analyze grammar]

bhārabhūtiriti sthānaṃ bhavato'bhihitaṃ mayā |
yatra bhārābhidhaḥ śaṃbhurbhūtyākhyā bhūdharātmajā || 31 ||
[Analyze grammar]

arālakeśvaraṃ nāma sthānaṃ te kathitaṃ mayā |
yatra sūkṣmābhidhaḥ śūlī sūkṣmākhyā śailanaṃdinī || 32 ||
[Analyze grammar]

gayānāma mahākṣetraṃ tava prastāvitaṃ mayā |
maṃgalākhyā śivā yatra śaṃkaraḥ prapitāmahaḥ || 33 ||
[Analyze grammar]

kurukṣetramiti sthānaṃ bhavate viniveditam |
yatra sthāṇupriyā devī devaḥ sthāṇusamāhvayaḥ || 34 ||
[Analyze grammar]

uktaṃ kanakhalaṃnāma mayā te sthānamuttamam |
ugro yatra purārātirugrā girivarātmajā || 35 ||
[Analyze grammar]

tālakākhyaṃ mahākṣetraṃ mārkaṃḍeya mayoditam |
devī svāyaṃbhuvī yatra svayaṃbhūḥ parameśvaraḥ || 36 ||
[Analyze grammar]

aṭṭahāsamiti proktaṃ mahāsthānaṃ mayā tava |
yatrārkaḥ pūjayitveśamāsītpūrṇamanorathaḥ || 37 ||
[Analyze grammar]

kṛttivāsābhidhaṃ kṣetramuktaṃ te vedavittama |
yaḥ kailāsādapi ślāghyo nivāsaḥ kṛttivāsasaḥ || 38 ||
[Analyze grammar]

bhramarāṃbikayā devyā maheśo mallikārjunaḥ |
śrīśaile sṛṣṭisiddhayarthaṃ pūjitaḥ parameṣṭhinā || 39 ||
[Analyze grammar]

suvarṇamukharītīre kālahastīti śaṃkaraḥ |
vyāsenārādhito bhṛṃgamukharālakayāṃbayā || 40 ||
[Analyze grammar]

kāṃcyāmekāmramūlasthaḥ kāmākṣyā kāmaśāsanaḥ |
tapasyaṃtyābhisaṃśliṣṭo valayenāṃkito'bhavat || 41 ||
[Analyze grammar]

asti vyāghrapuraṃnāma tillikānanamadhyagam |
yatra nṛtyaṃtamīśānaṃ paryupāste pataṃjaliḥ || 42 ||
[Analyze grammar]

śvetāraṇyamiti sthānamuktaṃ tava mayā purā |
bhagnamairāvato daṃtaṃ bheje yatra śivārcanāt || 43 ||
[Analyze grammar]

setubaṃdhamiti sthānamavocaṃ tatra rāghavaḥ |
rāmanāthākhyayā devamaṃhoghnaṃ pratyatiṣṭhipat || 44 ||
[Analyze grammar]

gatapratyāhvaya sthānaṃ vidyate vṛṣabhadhvajaḥ |
yatra jaṃbūtarormūle jagadrakṣārthamāśritaḥ || 45 ||
[Analyze grammar]

maṇimuktānadīmanvakkṣetre vṛddhācalāhvaye |
nityaṃ sannihito deva ityākarṇita eva te || 46 ||
[Analyze grammar]

śrīmanmadhyārjunaṃnāma śrutaṃ sthānamanuttamam |
yasminvaraprado nityaṃ gaurīsahacaro haraḥ || 47 ||
[Analyze grammar]

āsthitaṃ somanāthena somatīrthaṃ tvayā śrutam |
yatra tyaktavatāṃ dehaṃ na bhūyo bhavabaṃdhanam || 48 ||
[Analyze grammar]

ākarṇitaṃ hi bhavatā kṣetraṃ siddhavaṭāhvayam |
yatra siddhāḥ samarcaṃti jyotirliṃgamanuttamam || 49 ||
[Analyze grammar]

aśrāvi khalu te kṣetraṃ kamalālayasaṃjñakam |
valmīkeśārcanāllebhe yatra śrīrjīvitā hareḥ || 50 ||
[Analyze grammar]

śrutavānasi kaṃkādriṃ yatra saṃnihito haraḥ |
idānīmapyupāsāte mokṣāya brahmakeśavau || 51 ||
[Analyze grammar]

śrīmaddroṇapuraṃ vetsi yasminkaliyugakṣaye |
naukāmārūḍhavānabdhau kṣubhite pārvatīpatiḥ || 52 ||
[Analyze grammar]

śrutaṃ brahmapuraṃnāma kṣetraṃ yatreṃdrajitpurā |
āryapuṣkariṇītīre sthāpayāmāsa dhūrjaṭim || 53 ||
[Analyze grammar]

śrīkoṭikākhyaṃ jñānābhikṣetraṃ yatreṃduśekharaḥ |
samārādhayatāṃ puṃsāṃ pāpakoṭīrvyapohati || 54 ||
[Analyze grammar]

ākarṇitaṃ ca gokarṇaṃ śivaṃ yatsaṃnidhānataḥ |
ārirādhayiṣuḥ svargaṃ jāmadagnyo na kāṃkṣati || 55 ||
[Analyze grammar]

tripurāṃtakamuktaṃ te kṣetraṃ yatra triyaṃbakaḥ |
nirākaroti nirayādbhayaṃ dṛṣṭavatāṃ nṛṇām || 56 ||
[Analyze grammar]

uktaṃ kālāṃjanaṃ kṣetraṃ yadvāsī kālakaṃdharaḥ |
nirvāpayati bhaktānāṃ ghorasaṃsārasaṃjvaram || 57 ||
[Analyze grammar]

priyālavaṇamākhyātaṃ kṣetraṃ yatrāṃbikāpatiḥ |
payorthine payaḥsiṃdhuṃ vitatāropamanyave || 58 ||
[Analyze grammar]

kṣetraṃ prabhāsamuktaṃ te yatra khaṃḍeṃduśekharaḥ |
pūjitaḥ śaurisīribhyāṃ dattavānakṣayaṃ phalam || 59 ||
[Analyze grammar]

vedāraṇyaṃ vijānīṣe yasminpramathanāyakaḥ |
abhyarthito'bhūnmokṣārthaṃ dakṣeṇa prākkṛtāgasā || 60 ||
[Analyze grammar]

hemakūṭaṃ tvamaśrauṣīḥ sthānaṃ viṣamacakṣuṣaḥ |
puṃsāṃ tapasyatāṃ yatra punarjananato na bhīḥ || 61 ||
[Analyze grammar]

kṣetraṃ veṇuvanaṃnāma vidyate pāpanāśanam |
yatra vaṃśalatāgarbhājjāto muktāmaṇiḥ śivā || 62 ||
[Analyze grammar]

jālaṃdharamiti sthānamaṃdhakārestvayā śrutam |
lebhe gaṇapatāṃ tatra tapasyābhirjalaṃdharaḥ || 63 ||
[Analyze grammar]

jvālāmukhamiti sthānamajñāsīḥ kathitaṃ mayā |
yatra jvālāmukhī devī kālarudramapūjayat || 64 ||
[Analyze grammar]

asti bhadravaṭonāma kṣetramuktaṃ śrutaṃ tvayā |
tryaṃbakaṃ yatra heraṃbaḥ saṃpade paryapūjayat || 65 ||
[Analyze grammar]

nyagrodhāraṇyamuktaṃ te yatrogro nirmame kila |
uccaṃḍatāṃḍavaṃ kālyā sākaṃ saṃgharṣameyivān || 66 ||
[Analyze grammar]

gaṃdhamādanasaṃjñaṃ tatkṣetramākarṇitaṃ tvayā |
āṃjaneyena racitaṃ yatra mṛtyuṃjayārcanam || 67 ||
[Analyze grammar]

goparvatamiti sthānaṃ śaṃbhoḥ prakhyāpitaṃ mayā |
yatra pāṇininā lebhe vaiyākaraṇikāgryatā || 68 ||
[Analyze grammar]

vīrakoṣṭhamiti kṣetrasthānaṃ nanvavadhāritam |
yatra pracetasā lebhe tapasā kavimukhyatā || 69 ||
[Analyze grammar]

mahātīrthamiti proktaṃ jānīṣe yatra śaṃbhunā |
adhyāpitāssuparvāṇaḥ sarve'pi druhiṇādayaḥ || 70 ||
[Analyze grammar]

mayūrapuramuktaṃ te kṣetraṃ māheśvaraṃ mayā |
lebhe yatra vratasthena hrādinī vajrapāṇinā || 71 ||
[Analyze grammar]

śrīsuṃdaramiti kṣetramuktaṃ vegavatī taṭe |
kalāvapi yuge yasmindevadevena dīpyate || 72 ||
[Analyze grammar]

kuṃbhakoṇamiti sthānaṃ śaṃbhorvetsi hi yatra sā |
gaṃgāpi māghe sānnidhyaṃ kurute svāghaśāṃtaye || 73 ||
[Analyze grammar]

anugodāvarītīraṃ tryaṃbakaṃnāma te śrutam |
śaktiṃ yatra guho lebhe tārakāsuraghātinīm || 74 ||
[Analyze grammar]

śrīpāṭalaṃ vyāghrapuramākhyātaṃ vedavittama |
triśaṃkunā jātiśuddhyai yatra gaṃgādharorcitaḥ || 75 ||
[Analyze grammar]

kṣetraṃ kadaṃbapuryyākhyaṃ bhavatā cāvadhāritam |
tvatkṛte yatra śūlena kṛtāṃtaṃ śambhurakṣiṇot || 76 ||
[Analyze grammar]

avināśākhyamuktaṃ te kṣetraṃ yatra vṛṣadhvajaḥ |
sānnidhyaṃ paḍikaṇṭhāya vitatāra prasedivān || 77 ||
[Analyze grammar]

raktaikānanamākhyātaṃ mayā kṣetraṃ tavānagha |
mitrāvaruṇayoryatra rudro'jani varapradaḥ || 78 ||
[Analyze grammar]

śrīhāṭakeśvaraṃ kṣetraṃ pātālasthaṃ tvayā śrutam |
yatra vairocanirdevaṃ svapadaprāptayercati || 79 ||
[Analyze grammar]

vetsi śaṃbhoḥ priyāvāsaṃ kailāsaṃ nityasevakaḥ |
yatra yakṣeśvarastryakṣamayarcayati bhaktitaḥ || 80 ||
[Analyze grammar]

sthānāni khaṃḍaparaśorityuktāni mayā purā |
tvayāpyavadhṛtānyeva kiṃ bhūyaḥ śrotumicchasi || 81 ||
[Analyze grammar]

ityūcivāneṣa śilādanaṃdano munermṛkaṇḍostanayaṃ munīśvaram |
bhaktyā namaṃtaṃ padayoḥ kareṇa pasparśa maulau karuṇārasārdraḥ || 82 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe mahīmaṇḍalasthavividhaśivakṣetravarṇanaṃnāma dvitīyo'dhyāyaḥ || 2 ||
[Analyze grammar]