Chapter 13

[English text for this chapter is available]

brahmovāca |
atha gaurī purārātiṃ praṇamya jagadaṃbikā |
ayācattādṛśā śaṃbhumavinābhāvamātmanaḥ || 1 ||
[Analyze grammar]

idaṃ vijñāpayāmāsa lokānugrahakāraṇāt |
kṛpayā parayā pūrṇā gaurī saṃvādasuṃdarī || 2 ||
[Analyze grammar]

na tyājyametatte rūpamatra dṛṣṭimanoharam |
ahaṃ tvayā na ca tyājyā sāparādhāpi sarvadā |
manoharamidaṃ rūpametatte lokamaṃgalam || 3 ||
[Analyze grammar]

ālokyatāṃ sadā sarvairdivyagandhasamanvitam |
bhujaṃgagaralabrahmakapālaśivabhasmabhiḥ || 4 ||
[Analyze grammar]

bhīṣaṇairalamīśāna jaya veṣaparigrahaiḥ |
sukumāro bhaverdivyamālyagaṃdhāṃbarādibhiḥ || 5 ||
[Analyze grammar]

bhūṣito ratnabhūṣābhirviharasva maheśvara |
āgatā nityamīśāna devagandharvakanyakāḥ || 6 ||
[Analyze grammar]

sevaṃtāmatra deveśaṃ nṛtyavāditragītibhiḥ |
gaṇāśca mānuṣā bhūtvā sevaṃtāṃ tvāmaharniśam || 7 ||
[Analyze grammar]

tvatprasādādayaṃ deva sugaṃdhiḥ puṣṭivarddhanaḥ |
āvayoḥ saṃgamo dṛṣṭo bhūyātsarvārthadāyakaḥ || 8 ||
[Analyze grammar]

gṛhītamatra deveśa sarvamaṃtrātmakaṃ vapuḥ |
caritaṃ tava kaiṃkaryamastu bhaktiḥ sadā tava || 9 ||
[Analyze grammar]

jñānājñānakṛtaṃ nityamaparādhasahasrakam |
kṣamyatāṃ tava bhaktānāmananyaśaraṇekṣaṇāt || 10 ||
[Analyze grammar]

iti devyā vacaḥ śrutvā śambhuḥ śoṇācaleśvaraḥ |
tameva varadaḥ prādādvaraṃ sarvamabhīpsitam || 11 ||
[Analyze grammar]

ābhāṣya gaurīṃ kutukādraṃtukāmaḥ svayaṃ śivaḥ |
dhāraya tvaṃ mṛgamadaṃ manojñamidamūcivān || 12 ||
[Analyze grammar]

mahādeva uvāca |
pulakākhyo mahāndaityo mṛgarūpī tapodhikam |
kṛtvā prāpa varaṃ mattaḥ saugandhyaṃ paramādbhutam || 13 ||
[Analyze grammar]

labdhvā varaṃ svagandhenāmohayatsurayoṣitaḥ |
tathaivādharmasaṃprāpto babādhe sakalaṃ jagat || 14 ||
[Analyze grammar]

devairabhyarthitaḥ sohamāhūyāsuranāyakam |
vimuṃca lokarakṣārthamāsuraṃ dehamityaśām || 15 ||
[Analyze grammar]

pulaka uvāca |
tyakṣyāmi devadeveśa dehametaṃ tvadājñayā |
praṇamya bhaktimanasā māmapyarcedamūcivān || 16 ||
[Analyze grammar]

madaṃgasaṃbhavaṃ divyaṃ saurabhaṃ viśvamohanam |
dhāryatāṃ deva deveśa sadā sādaracetasā || 17 ||
[Analyze grammar]

pulakasvedajāto hi sadā prakhyāyatāṃ tava |
ayaṃ mṛgamado loke śṛṅgārarasavarddhanaḥ || 18 ||
[Analyze grammar]

tvatpriyaḥ kāṃtisaubhāgyarūpalāvaṇyadāyakaḥ |
visṛjāmi nijaṃ dehaṃ devadeva jagatpate || 19 ||
[Analyze grammar]

sadā bahumato devyā divyasaurabhalubdhayā |
madaṃśasaṃbhavā ye syurmattapolabdhasaurabhāḥ || 20 ||
[Analyze grammar]

līyaṃtāṃ tava deveśa mūrtāvālepanacchalāt |
tatheti mayyuktavati sa daityaḥ pulakābhidhaḥ || 21 ||
[Analyze grammar]

visasarja nijaṃ dehaṃ mayisanyastajīvitaḥ |
tatastadaṃgasaṃbhūtaṃ madaṃ bahulasaurabham || 22 ||
[Analyze grammar]

adhārayamahaṃ premṇā śataśṛṃgāravarddhanam |
tapasā devadeveśi taptaṃ tava vapuḥ kṛśam || 23 ||
[Analyze grammar]

madaṃgaṃ ca viyogātta idaṃ nirvāpayādhunā |
iti praśasya bahudhā pulakasnehamadbhutam || 24 ||
[Analyze grammar]

āliliṃpa mahādevaḥ pārvatīṃ premamaṃdirām |
apṛcchacca hasandevaḥ pārvatīṃ lalanākṛtim || 25 ||
[Analyze grammar]

kimetaditi hastotthaṃ dṛṣṭvā taṃ jagadaṃbikā |
abravīdaruṇādrīśamānamya jagadaṃbikā || 26 ||
[Analyze grammar]

āgatiṃ tasya puṣpasya sadā svakaravartinaḥ || 27 ||
[Analyze grammar]

devyuvāca |
ahaṃ kailāsaśikharāddevadeva tvadājñayā |
tapaḥ kartumanuprāptā kāṃcīṃ kanakatoraṇām || 28 ||
[Analyze grammar]

avāpya mānasodbhūtaṃ kahlāramidamuttamam |
ārādhayaṃ mahādevamamlānagurusaurabham || 29 ||
[Analyze grammar]

yadakṣayamaviśrāṃtamarcanāyojitaṃ mayā |
avicchinnamahādīptiḥ kāmadhenughṛtāplutaḥ || 30 ||
[Analyze grammar]

avekṣaṇīyo bhūpālairanupālyaśca sarvadā |
dharmalakṣaṇamādheyaṃ lokarakṣārthamādarāt || 31 ||
[Analyze grammar]

sarvābhīpsitasiddhyarthaṃ matprītikaraṇāya ca |
mayā saṃsthāpitā dharmā dvātriṃśallokaguptaye || 32 ||
[Analyze grammar]

rakṣaṇīyā prayatnena tatsaṃnidhimupāgataiḥ |
sarvālaṃkārasaṃyuktaṃ sarvabhogakṛtotsavam |
ālokyatāmidaṃ rūpaṃ kanyāyāṃ mama kāṃtimat || 33 ||
[Analyze grammar]

brahmovāca |
iti devyā vacaḥ śrutvā śambhuḥ śoṇācaleśvaraḥ || 34 ||
[Analyze grammar]

tatheti varadaḥ prādādvaraṃ sarvamabhīpsitam |
eṣa śoṇācalaḥ śrīmāndṛśyate lokapūjitaḥ || 35 ||
[Analyze grammar]

sarvadā varadāgauryā sarvabhogaiśca saṃvṛtaḥ |
ya etacchāṃbhavaṃ rūpamaruṇādritayā sthitam || 36 ||
[Analyze grammar]

saṃpaśyaṃti namasyaṃti kṛtārthāḥ sarva eva te |
aruṇācalamāhātmyametacchraṇvaṃti ye bhuvi || 37 ||
[Analyze grammar]

bhavaṃti satataṃ teṣāṃ samagrāḥ sarvasaṃpadaḥ |
śrīmattvaṃ vākpatitvaṃ ca rūpamavyāhataṃ balam || 38 ||
[Analyze grammar]

labhaṃte pāpanāśaṃ ca māhātmyasyāsya dhāraṇāt |
sarvatīrthābhiṣavaṇaṃ sarvayajñakriyāphalam || 39 ||
[Analyze grammar]

sadāśivaprasādaṃ ca datte śoṇādridarśanam || 40 ||
[Analyze grammar]

iti kailāsaśikharātprāptā devī śivājñayā |
śāpamokṣagatavatī śoṇācalanirīkṣaṇāt || 41 ||
[Analyze grammar]

sthāneṣvanyeṣu devasya vidyamāneṣu ca kṣitau |
divi cātyaṃtapuṇyeṣu śaṃbhuratra prasedivān || 42 ||
[Analyze grammar]

ayaṃ sadāśivaḥ sākṣādaruṇācalarūpataḥ |
dṛśyate paramaṃ tejaḥ sargasthityaṃtakāraṇam || 43 ||
[Analyze grammar]

etattu taijasaṃ ligaṃ sarvadevanamaskṛtam |
dṛśyate karmabhūreṣā tena dharmādhikā matā || 44 ||
[Analyze grammar]

aruṇācalanāthasya tejasā dhūtakalmaṣāḥ |
bhaktimaṃto narā loke sukhamāpsyaṃti sarvataḥ || 45 ||
[Analyze grammar]

pradakṣiṇairnamaskāraistapobhirniyamairapi |
ye'rcayaṃtyaruṇādrīśaṃ teṣāṃ śaṃbhurvaśaṃgataḥ || 46 ||
[Analyze grammar]

na tathā tapasā yogairdānaiḥ prīṇāti śaṃkaraḥ |
yathā sakṛdapi prāptādaruṇācaladarśanāt || 47 ||
[Analyze grammar]

svayaṃbhuvaḥ sadā vedāḥ setihāsā divi sthitāḥ |
parito girirūpāste stuvaṃtyaruṇaparvatam || 48 ||
[Analyze grammar]

etasya vaibhavaṃ sarvaṃ na mayā na ca śārṅgiṇā |
vacasā śakyate vaktuṃ varṣakoṭiśatairapi || 49 ||
[Analyze grammar]

devāśca harimukhyāste kalpakādyāḥ suradrumāḥ |
pracchannarūpāḥ sevaṃte sarvadaivāruṇācalam || 50 ||
[Analyze grammar]

na tasya kalidoṣaḥ syānnādhivyādhivijṛṃbhaṇā |
yatra saṃpūjyate liṃgamaruṇācalasaṃjñitam || 51 ||
[Analyze grammar]

ityetatkathitaṃ sarvaṃ tava śaṃbhupadāśrayam |
caritaṃ hyaruṇasyāsya kalpapuṇyadurāsadam || 52 ||
[Analyze grammar]

sūta uvāca |
iti vidhimukhaniḥsṛtāmudārāmaruṇagirīśakathāsudhāpagāṃ hi |
śrutipuṭayugalātpibanmanojñāṃ sanakamunistapasāṃ phalaṃ sa lebhe || 53 ||
[Analyze grammar]