Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

arjuna uvāca |
guptakṣetramidaṃ kasmātkasmādguptaṃ ca nārada |
yasya prabhāvaḥ sumahānnaiva kasyāpi saṃstutaḥ || 1 ||
[Analyze grammar]

nārada uvāca |
purātanāmatra kathāṃ guptakṣetrasya kāraṇe |
śṛṇu pāṃḍava śāpena guptamāsīdidaṃ yathā || 2 ||
[Analyze grammar]

purā nimitte kasmiṃścitsarvatīrthādhidaivatāḥ |
praṇāmāya brahmasado brahmāṇaṃ sahitā yayuḥ || 3 ||
[Analyze grammar]

puṣkarasya prabhāsasya nimiṣasyārbudasya ca |
kurukṣetrasya kṣetrasya dharmāraṇyasya devatāḥ || 4 ||
[Analyze grammar]

vastrāpathasya śvetasya phalgutīrthaṃ sya cāpi yāḥ |
kedārasya tathānyeṣāṃ kṣetrāṇāṃ koṭiśo'pi yāḥ || 5 ||
[Analyze grammar]

siṃdhusāgarayogasya mahīsāgarakasya ca |
gaṃgāsāgarayogasya adhipāḥ sūkarasya ca || 6 ||
[Analyze grammar]

gaṃgārevāmukhīnāṃ tu nadīnāmadhidevatāḥ |
śoṇahradapurogāṇāṃ hradānāṃ cādhidevatāḥ || 7 ||
[Analyze grammar]

te sarve saṃghaśo bhūtvā śraiṣṭhya jñānāya cātmanaḥ |
samupājagmuramalā mahatīṃ brahmaṇaḥ sabhām || 8 ||
[Analyze grammar]

tatra tīrthāni sarvāṇi samāyātāni vīkṣya saḥ |
uttasthau sahitaḥ sarvaiḥ sabhāsadbhiḥ pitāmahaḥ || 9 ||
[Analyze grammar]

praṇamya sarvatīrthebhyaḥ prabaddhakarasaṃpuṭaḥ |
tīrthāni bhagavānāha vismayotphullalocanaḥ || 10 ||
[Analyze grammar]

adya naḥ sadma sakalaṃ yuṣmābhiratipāvitam |
vayaṃ ca pāvitā bhūyo yuṣmākaṃ darśanādapi || 11 ||
[Analyze grammar]

tīrthānāṃ darśanaṃ śreyaḥ sparśanaṃ snānameva ca |
kīrtanaṃ smaraṇaṃ cāpi na syātpuṇyaṃ vinā param || 12 ||
[Analyze grammar]

mahāpāpānvitā raudrāstvapi ye syuḥ suniṣṭhurāḥ |
te'pi tīrthaiḥ prapūyaṃte kiṃ punardharmasaṃsthitāḥ || 13 ||
[Analyze grammar]

evamuktvā pulastyaṃ sa putramabhyādideśa ha |
śīghramarghaṃ tīrthahetoḥ samānaya yathārcaye || 14 ||
[Analyze grammar]

pulastya uvāca |
asaṃkhyānīha tīrthāni dṛśyaṃte padmasaṃbhava |
yathā diśasi māṃ tāta arghamekamupānaye || 15 ||
[Analyze grammar]

dharmapravacane śloko yata eṣa pragīyate || 16 ||
[Analyze grammar]

bhaveyuryadyasaṃkhyātā arghayogyāḥ samarcane |
tatasteṣāṃ variṣṭhāya dātavyo'rghaḥ kilaikataḥ || 17 ||
[Analyze grammar]

brahmovāca |
sābhiprāyaṃ sādhu vatsa tvayā proktamidaṃ vacaḥ |
evaṃ kuruṣvaikamarghamānaya tvaṃ suśīghrataḥ || 18 ||
[Analyze grammar]

nārada uvāca |
tataḥ pulastyo vegena samāninye'rghamuttamam |
taṃ ca brahmā kare gṛhya tīrthānyāheti bhāratīm || 19 ||
[Analyze grammar]

sarvairbhavadbhiḥ saṃhatya mukhyastvekaḥ prakīrtyatām |
tasmai cārghaṃ prayacchāmi naivaṃ māmanayaḥ spṛśet || 20 ||
[Analyze grammar]

tīrthānyūcuḥ |
na vayaṃ śreṣṭhatāṃ vidmaḥ kathaṃcana parasparam |
asmāddhetośca saṃprāptā jñātvā dehi tvameva tat || 21 ||
[Analyze grammar]

brahmovāca |
nāhaṃ vedmi śreṣṭhatāṃ vaḥ kathaṃcana namo'stu vaḥ |
sarve cāpāramāhātmyaṃ svayaṃ me vaktumarhatha || 22 ||
[Analyze grammar]

yatra gaṃgā gayā kāśī puṣkaraṃ naimiṣaṃ tathā |
kurukṣetraṃ tathā revā mahīsāgarasaṃgamaḥ || 23 ||
[Analyze grammar]

prabhāsādyāni śataśo yatra nastatra kā matiḥ || 24 ||
[Analyze grammar]

nārada uvāca |
evamukte padmabhuvā kopi novāca kiṃcana |
cireṇedaṃ tataḥ prāha mahīsāgarasaṃgamaḥ || 25 ||
[Analyze grammar]

mamainamarghaṃ tvaṃ yaccha caturānana śīghrataḥ |
yataḥ koṭikalāyāṃ vā mama ko'pi na pūryate || 26 ||
[Analyze grammar]

yataścendradyumnarājñā tāpyamānā vasuṃdharā |
sarvatīrthadravībhūtā mahīnāmābhavannadī || 27 ||
[Analyze grammar]

sā ca sarvāṇi tīrthāni saṃyuktāni mayā saha |
sarvatīrthamayastasmādasmi khyāto jagattraye || 28 ||
[Analyze grammar]

guhena ca mahāliṃgaṃ kumāreśvaramīśvaram |
saṃsthāpya tīrthamukhyatvaṃ mama dattaṃ mahātmanā || 29 ||
[Analyze grammar]

nāradenāpi mattīre sthānaṃ saṃsthāpya śobhanam |
sarvebhyaḥ puṇyakṣetrebhyo dattaṃ śraiṣṭhyaṃ purā mama || 30 ||
[Analyze grammar]

evaṃ tribhirhetuvarairmamevārghaḥ pradīyatām |
guṇaikadeśe'pi samaṃ mama tīrthaṃ na vai param || 31 ||
[Analyze grammar]

ityukte vacane pārtha tīrtharājena bhārata |
sarve nocuḥ kiṃcanāpi kiṃ brahmā vakṣyatīti yat || 32 ||
[Analyze grammar]

tato brahmasuto jyeṣṭhaḥ śvetamālyānulepanaḥ |
dakṣiṇaṃ bāhumuddhatya dharmo vacanamabravīt || 33 ||
[Analyze grammar]

aho kaṣṭamidaṃ kūktaṃ tīrtharājena mohataḥ |
santo'pi na guṇā vācyāḥ svayaṃ sadbhiḥ svakā yataḥ || 34 ||
[Analyze grammar]

svīyānguṇānsvayaṃ yo hi sampatsu prakṣipanparān |
bravīti rājasastveṣa hyahaṃkāro jugupsitaḥ || 35 ||
[Analyze grammar]

tasmādasmādahaṃkārātsatsvapyeṣu guṇeṣu ca |
aprakhyātaṃ dhvastarūpamidaṃ tīrthaṃ bhaviṣyati || 36 ||
[Analyze grammar]

staṃbhatīrthamiti khyātaṃ stambho garvaḥ kṛto yataḥ |
staṃbhasya hi phalaṃ sadyo brahmāpi prāpa kiṃ paraḥ || 37 ||
[Analyze grammar]

ityukte dharmadevena hāheti rava utthitaḥ |
tataḥ śīghraṃ samāyāto yogīśo'haṃ ca pāṃḍava || 38 ||
[Analyze grammar]

guhastato vacaḥ prāha dharmadevasamāgame |
ayuktametacchāpo'yaṃ datto yaddharma dhārṣṭyataḥ || 39 ||
[Analyze grammar]

bravītu ko'pi sarveṣāṃ tīrthānāṃ teṣu vartatām |
yadyaiśvaryaṃ nārhatesau mahīsāgarasaṃgamaḥ || 40 ||
[Analyze grammar]

tiṣṭhatvātmaguṇo yacca tīrtharājena varṇitaḥ |
tatra ko viguṇo nāma mithyāvādī yato guṇaḥ || 41 ||
[Analyze grammar]

aho na yuktaṃ pālānāṃ yadi te'pyavimṛśya ca |
evamarthānkariṣyaṃti kaṃ yāṃti śaraṇaṃ prajāḥ || 42 ||
[Analyze grammar]

evamukte guhenātha dharmo vacanamabravīt |
satyametadyadarho'yaṃ mahīsāgarasaṃgamaḥ || 43 ||
[Analyze grammar]

mukhyatvaṃ sarvatīrthānāmarghaṃ cāpi pitāmahāt |
kiṃtu nātmaguṇā vācyāḥ satāmetatsadā vratam |
parokṣepi svapraśaṃsā brahmāṇamapi cālayet || 44 ||
[Analyze grammar]

svapraśaṃsāṃ prakurvāṇaḥ parākṣepasamanvitām |
kiṃ divaḥ pṛthivīṃ pūrvaṃ yayātirna papāta ha |
yāni pūrvaṃ pramāṇāni kṛtānīśena dhīmatā || 45 ||
[Analyze grammar]

tāni sampālanīyāni tāni ko'ti kramedbudhaḥ |
tava pitrā samādiśya yadarthaṃ sthāpitā vayam || 46 ||
[Analyze grammar]

pālayāmāsa etacca tvaṃ pālayitumarhasi |
īśvarāḥ svapramāṇena bhavaṃto yadi kurvate || 47 ||
[Analyze grammar]

tadasmābhiridaṃ yuktaṃ śāsanaṃ diśyatāṃ param |
evamuktvā svīyamudrāṃ moktukāmaṃ vṛṣaṃ tadā || 48 ||
[Analyze grammar]

ahaṃ prastāvamanvīkṣya vākyametadudairayam |
namo dharmāya mahate viśvadhātre mahātmane || 49 ||
[Analyze grammar]

brahmaviṣṇuśivairnityaṃ pūjitāyāghanāśine |
yadi mudrāṃ bhavāndharma parityakṣyati karhicit || 50 ||
[Analyze grammar]

tadasmākaṃ kuto bhāvo mā viśvaṃ nāśaya prabho |
yogīśvaraṃ guhaṃ cāpi saṃmānayitumarhasi || 51 ||
[Analyze grammar]

śivavanmānanīyo hi yataḥ sākṣācchivātmajaḥ |
tvāṃ ca devo guhaḥ svāmī saṃmānayitumarhati || 52 ||
[Analyze grammar]

yuvayoraikyabhāvena sukhaṃ jīvedidaṃ jagat |
tvayā pradattaḥ śāpo'yaṃ mā pratyākhyātilakṣaṇaḥ || 53 ||
[Analyze grammar]

anugrahaśca kriyatāṃ tīrtharājasya mānada || 54 ||
[Analyze grammar]

evamuccaramāṇaṃ māṃ praśasyāhāpi padmabhūḥ |
sādhvetannāradenoktaṃ dharmaitadvacanaṃ kuru |
sammānaya guhaṃ cāpi guhaḥ svāmī yato hi naḥ |
evamukte brahmaṇā ca dharmo vacanamabravīt || 56 ||
[Analyze grammar]

namo guhāya siddhāya kiṃkarāyasya te vayam |
madīyāṃ skanda vijñaptiṃ nāthaināmavadhāraya || 57 ||
[Analyze grammar]

staṃbhādetanmahātīrthamaprasiddhaṃ bhaviṣyati |
staṃbhatīrthamiti khyātaṃ suprasiddhaṃ bhaviṣyati || 58 ||
[Analyze grammar]

stambhatīrthamiti khyātaṃ sarvatīrthaphalapradam |
yaścātra snānadānāni prakariṣyati mānavaḥ || 59 ||
[Analyze grammar]

yathoktaṃ ca phalaṃ tasya sphuṭaṃ sarvaṃ bhaviṣyati |
śanivāre hyamāvāsyā bhavettasyāḥ phalaṃ ca yat || 60 ||
[Analyze grammar]

mahīsāgarayātrāyāṃ bhavettaccāvadhāraya |
prabhāsadaśayātrābhiḥ saptabhiḥ puṣkarasya ca || 61 ||
[Analyze grammar]

aṣṭābhiśca prayāgasya tatphalaṃ prabhaviṣyati |
paṃcabhiḥ kurukṣetrasya nakulīśasya ca tribhiḥ || 62 ||
[Analyze grammar]

arbudasya ca yatṣaḍbhistatphalaṃ ca bhaviṣyati |
vastrāpathasya tisṛbhirgaṃgāyāḥ paṃcabhiśca yat || 63 ||
[Analyze grammar]

kūpodaryāścaturbhiśca tatphalaṃ prabhaviṣyati |
kāśyāḥ ṣaḍbhistathā yatsyādgodāvaryāśca paṃcabhiḥ || 64 ||
[Analyze grammar]

tatphalaṃ staṃbhatīrthe vai śanidarśe bhaviṣyati |
evaṃ datte vare skaṃdastadā prītamanābhavat || 65 ||
[Analyze grammar]

brahmāpi staṃbhatīrthāya dadāvarghaṃ samāhitaḥ |
dadau ca sarvatīrthānāṃ śreṣṭhatvamamitadyutiḥ || 66 ||
[Analyze grammar]

tīrthāni ca guhaṃ nāthaṃ sammānya visasarja saḥ |
evametatpurā vṛttaṃ guptakṣetrasya kāraṇam || 67 ||
[Analyze grammar]

bhūyaścāpi prasiddhyarthaṃ preṣitāpsaraso'tra me |
vimokṣitā grāharūpāttvayā tāśca kurūdvaha || 68 ||
[Analyze grammar]

yato dharmasya sarvasya nānārūpaiḥ pravartataḥ |
paritrāṇāya bhavataḥ kṛṣṇasya ca bhavo bhave || 69 ||
[Analyze grammar]

tadidaṃ varṇitaṃ tubhyaṃ sarvatīrthaphalaṃ mahat |
śrutvaitadāditaḥ pūrvaṃ pumānpāpaiḥ pramucyate || 70 ||
[Analyze grammar]

sūta uvāca |
śrutveti vijayo dhīmānpraśaśaṃsa suvismitaḥ |
visṛṣṭo nāradādyaiśca dvārakāṃ prati jagmivān || 71 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe mahīsāgaramāhātmyavarṇane'rjunatīrthayātrāparisamāptivarṇanaṃnāmaṣṭapaṃcāśattamo'dhyāyaḥ || 58 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 58

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: