Chapter 49

[English text for this chapter is available]

arjuna uvāca |
atyadbhutāni tīrthāni liṃgāni ca mahāmune |
śrutvā tava mukhāṃbhojādbhṛśaṃ me hṛṣyate manaḥ || 1 ||
[Analyze grammar]

mahīnagarakasyāpi sthāpitasya tvayā mune |
yāni tīrthāni mukhyāni tāni varṇaya me prabho || 2 ||
[Analyze grammar]

nārada uvāca |
śrīmanmahīnagarake yāni tīrthāni phālguna |
tāni vakṣyāmi yatrāste jayā dityo raviḥ prabhuḥ || 3 ||
[Analyze grammar]

jayādityasya yo nāma kīrtayediha mānavaḥ |
sarvarogavinirmukto labhetso'pi hṛdīpsitam || 4 ||
[Analyze grammar]

yasya saṃdarśanādeva kalyāṇairapi pūryate |
mucyate cāpyakalyāṇaiḥ śraddhāvānpārtha mānavaḥ || 5 ||
[Analyze grammar]

tasya devasya cotpattiṃ śṛṇu pārtha vadāmi te |
śṛṇvanvā kīrtayanvāpi prasādaṃ bhāskarāllabhet || 6 ||
[Analyze grammar]

ahaṃ saṃsthāpya saṃsthānametatkālena kenacit |
prayāto bhāskaraṃ lokaṃ darśanārthī yadṛcchayā || 7 ||
[Analyze grammar]

sa māṃ praṇatamāsīnamabhyarcyārgheṇa bhāskaraḥ |
prahasanniva prāhedaṃ devo madhurayā girā || 8 ||
[Analyze grammar]

kuta āgamyate vipra kva ca vā pratigamyate |
kva cāyaṃ nāradamune kālaste vihṛto'bhavat || 9 ||
[Analyze grammar]

nārada uvāca |
evamukto bhāskareṇa taṃ tadā prābravaṃ vacaḥ |
bhārate vihṛtaḥ khaṇḍe mahīnagarakādapi |
darśanārthaṃ tava vibho samāyāto'smi bhāskara || 10 ||
[Analyze grammar]

raviruvāca |
yattvayā sthāpitaṃ sthānaṃ tatra ye saṃti brāhmaṇāḥ |
teṣāṃ guṇānmama brūhi kiṃguṇā nanu te dvijāḥ || 11 ||
[Analyze grammar]

nārada uvāca |
evaṃ pṛṣṭo bhagavatā punarevābravaṃ vacaḥ || 12 ||
[Analyze grammar]

yadi tānbhoḥ praśaṃsāmi svīyānstautīti vācyatā |
niṃdāmyanarhānkasmādvā kaṣṭamevobhayatra ca || 13 ||
[Analyze grammar]

athavā pāramāhātmye sati teṣāṃ mahātmanām |
alpe kṛte varṇane syāddoṣa eva mahānmama || 14 ||
[Analyze grammar]

madarcitadvijeṃdrāṇāṃ yadi syācchravaṇepsutā |
tataḥ svayaṃ vilokyāste gatvedaṃ me mataṃ rave || 15 ||
[Analyze grammar]

iti śrutvā mama vaco ravirāsītsuvismitaḥ |
svayaṃ drakṣyāmi covāca punaḥpunaraharpatiḥ || 16 ||
[Analyze grammar]

so'tha vipratanuṃ kṛtvā māṃ visarjyaiva bhāskaraḥ |
pratapandivi yogācca prayātorṇavarodhasi || 17 ||
[Analyze grammar]

jaṭāṃ triṣavaṇasnānapiṃgalāṃ dhārayannatha |
vṛddhadvijo mahātejā dadṛśe brāhmaṇairmama || 18 ||
[Analyze grammar]

tato hārītapramukhāḥ praharṣotphullalocanāḥ |
utthāya brahmaśālāyāste dvijā dvijamādravan || 19 ||
[Analyze grammar]

namaskṛtya dvijāgryaṃ te praharṣādidamabruvan || 20 ||
[Analyze grammar]

adya no divasaḥ puṇyaḥ sthānamadyottamaṃ tvidam |
yattvayā viprapravara svayamāgamanaṃ kṛtam || 21 ||
[Analyze grammar]

dhanyasya hi gṛhasthasya kṛpayaiva dvijottamāḥ |
ātithyaveṣeṇāyāṃti pāvanārthaṃ na saṃśayaḥ || 22 ||
[Analyze grammar]

tattvaṃ gehāni cāsmākaṃ pādacaṃkramaṇena ca |
darśanādbhojanātsthānādasmābhiḥ saha pāvaya || 23 ||
[Analyze grammar]

atithiruvāca |
bhojanaṃ dvividhaṃ viprā prākṛtaṃ paramaṃ tathā |
tadahaṃ samyagicchāmi dattaṃ paramabhojanam || 24 ||
[Analyze grammar]

ityetadatitheḥ śrutvā hārītaḥ putramabravīt |
aṣṭavarṣaṃ tu kamaṭhaṃ vetsi putra dvijoditam || 25 ||
[Analyze grammar]

kamaṭha uvātra |
tāta praṇamya tvāṃ vakṣye tādṛkparamabhojanam |
dvijaṃ ca tarpayiṣyāmi dattvā paramabhojanam || 26 ||
[Analyze grammar]

sutena kila jātena jāyate cānṛṇaḥ pitā |
satyaṃ kariṣye tadvākyaṃ saṃtarpyātithimuttamam || 27 ||
[Analyze grammar]

bhojanaṃ dviprakāraṃ ca pravibhāgastayorayam |
prākṛtaṃ procyate tvevamanyatparamabhojanam || 28 ||
[Analyze grammar]

tatra yatprākṛtaṃ nāma prakṛtipramukhasya tat |
caturviṃśatitattvānāṃ gaṇasyoktaṃ hi tarpaṇam || 29 ||
[Analyze grammar]

ṣaḍrasaṃ bhojanaṃ tacca paṃcabhedaṃ vadaṃti ca |
yena bhuktena tṛptaṃ syātkṣetraṃ yaddehalakṣaṇam || 30 ||
[Analyze grammar]

yathāparaṃ paraṃnāma proktaṃ paramabhojanam |
paramaḥ procyate cātmā tasya tadbhojanaṃ bhavet || 31 ||
[Analyze grammar]

tato nānāprakārasya dharmasya śravaṇaṃ hi yat |
tadannaṃ procyate bhoktā kṣetrajñaḥ śravaṇau mukham || 32 ||
[Analyze grammar]

taddāsyāmi dvijāgryāya pṛccha vipra yadicchasi |
śaktitastarpayiṣyāmi tvāmahaṃ viprasaṃsadi || 33 ||
[Analyze grammar]

nārada uvāca |
kamaṭhasyaitadākarṇya so'tithirvacanaṃ mahat |
manasaiva praśasyāmuṃ praśnamenamathākarot || 34 ||
[Analyze grammar]

kathaṃ saṃjāyate jaṃtuḥ kathaṃ cāpi pralīyate |
bhasmatāmatha saṃprāpya kva cāyaṃ prati padyate || 35 ||
[Analyze grammar]

kamaṭha uvāca |
gurave prāṅnamaskṛtya dharmāya tadanaṃtaram |
chaṃdogītamamuṃ praśnaṃ śaktyā vakṣyāmi te dvija || 36 ||
[Analyze grammar]

janane trividhaṃ karma heturjaṃtorbhavetkila |
puṇyaṃ pāpaṃ ca miśraṃ ca sattvarājasatāmasam || 37 ||
[Analyze grammar]

tatra yaḥ sāttviko nāma sa svargaṃ pratipadyate |
svargātkālaparibhraṣṭo dhanī dharmī sukhī bhavet || 38 ||
[Analyze grammar]

tathā yastāmaso nāma narakaṃ pratipadyate |
bhuktvā bahvīryātanāśca sthāvaratvaṃ prapadyate || 39 ||
[Analyze grammar]

mahatāṃ darśanasparśairupabhogasahāsanaiḥ |
mahatā kālayogena saṃsaranmānavo bhavet || 40 ||
[Analyze grammar]

so'pi duḥkhadaridrādyairveṣṭito vikaleṃdriyaḥ |
pratyakṣaḥ sarva lokānāṃ pāpasyaitaddhi lakṣaṇam || 41 ||
[Analyze grammar]

atha yo miśrakarmā syāttiryaktvaṃ pratipadyate |
mahatāmeva saṃsargātsaṃsaranmānavo bhavet || 42 ||
[Analyze grammar]

yasya puṇyaṃ pṛthutaraṃ pāpamalpaṃ hi jāyate |
sa pūrvaṃ duḥkhito bhūtvā paścātsaukhyānvito bhavet || 43 ||
[Analyze grammar]

pāpaṃ pṛthutaraṃ yasya puṇyamalpataraṃ bhavet |
pūrvaṃ sukhī tato duḥkhī miśrasyaitaddhi lakṣaṇam || 44 ||
[Analyze grammar]

tatra mānuṣasaṃbhūtiṃ śṛṇu yādṛgasau bhavet |
puruṣasya striyāścaiva śukraśoṇitasaṃgame || 45 ||
[Analyze grammar]

sarvadoṣavinirmukto jīvaḥ saṃsarate sphuṭam |
guṇānvitamanobuddhiśubhāśubhasamanvitaḥ || 46 ||
[Analyze grammar]

jīvaḥ praviṣṭo garbhaṃ tu kalale pratitiṣṭhati |
mūḍhaśca kalale tatra māsamātraṃ ca tiṣṭhati || 47 ||
[Analyze grammar]

dvitīyaṃ tu tathā māsaṃ ghanībhūtaḥ sa tiṣṭhati |
tasyāvayavanirmāṇaṃ tṛtīye māsi jāyate || 48 ||
[Analyze grammar]

asthīni ca tathā māsi jāyaṃte ca caturthake |
tvagjanma paṃcame māsi paṣṭhe romṇāṃ samudbhavaḥ || 49 ||
[Analyze grammar]

saptame ca tathā māsi prabodhaścāsya jāyate |
māturāhārapītaṃ ca saptame māsyupāśnute || 50 ||
[Analyze grammar]

aṣṭame navame māsi bhṛśamudvijate tataḥ |
jarāyuṇā veṣṭitāṃgo mukhe baddhakarāṃguliḥ || 51 ||
[Analyze grammar]

madhye klībastu vāme strī dakṣiṇe puruṣastathā |
tiṣṭhatyudarabhāge ca pṛṣṭheragnimukhaḥ kila || 52 ||
[Analyze grammar]

yasyāṃ tiṣṭhatyasau yonau tāṃ ca vetti na saṃśayaḥ |
sarvaṃ smarati vṛttāṃtaṃ bahūnāṃ janmanāmapi || 53 ||
[Analyze grammar]

aṃdhe tamasi kiṃ dṛśyo gaṃdhānmohaṃ dṛḍhaṃ labhet |
śīte mātrā jale pīte śītamuṣṇaṃ tathoṣṇake || 54 ||
[Analyze grammar]

vyāyāme labhate mātuḥ kleśaṃ vyādheśca vedanām |
alakṣyāḥ pitṛmātṛbhyāṃ jāyaṃte vyādhayaḥ parāḥ || 55 ||
[Analyze grammar]

saukumāryādrujaṃ tīvrāṃ janayaṃti ca tasya te |
svalpamapyatha taṃ kālaṃ vetti varṣaśatopamam || 56 ||
[Analyze grammar]

saṃtapyate bhṛśaṃ garbhe karmabhiśca purātanaiḥ |
manorathāṃśca kurute sukṛtārthaṃ punaḥpunaḥ || 57 ||
[Analyze grammar]

janma cedahamāpsyāmi mānuṣye jīvitaṃ tathā |
tatastatprakariṣyāmi yena mokṣo bhavetsphuṭam || 58 ||
[Analyze grammar]

evaṃ tu ciṃtayānasya sīmaṃtonnayanādanu |
māsadvayaṃ tadvrajati pīḍatastriyugākṛti || 59 ||
[Analyze grammar]

tataḥ svakāle saṃpūrṇe sūtimārutacālitaḥ |
bhavatyavāṅmukho jaṃtuḥ pīḍāmanubhavanparām || 60 ||
[Analyze grammar]

adhomukhaḥ saṃkaṭena yonidvāreṇa niḥsaret |
pīḍayā pīḍamāno'pi carmotkartanatulyayā || 61 ||
[Analyze grammar]

karapatrasamasparśaṃ karasaṃsparśanādikam |
asau jāto vijānāti māsamātraṃ vimohitaḥ || 62 ||
[Analyze grammar]

prākkarmavaśagasyāsya garbhajñānaṃ ca naśyati |
tataḥ karoti karmāṇi śvetaraktāsitāni ca || 63 ||
[Analyze grammar]

asthipaṭṭatulāstaṃbhasnāyubaṃdhena yaṃtritam |
raktamāṃsamṛdāliptaṃ viṇmūtradravyabhājanam || 64 ||
[Analyze grammar]

saptabhittisusaṃbaddhaṃ channaṃ roma tṛṇairapi |
vadanaikamahādvāraṃ gavākṣāṣṭavibhūṣitam || 65 ||
[Analyze grammar]

oṣṭhadvayakapāṭaṃ ca daṃtārgalavimudritam |
nāḍīsvedapravāhaṃ ca kaphapittapariplutam || 66 ||
[Analyze grammar]

jarāśokasamāviṣṭaṃ kālavaktrānalasthitam |
rāgadveṣādibhirdhvastaṃ ṣaṭkauśikasamudbhavam || 67 ||
[Analyze grammar]

evaṃ saṃjāyate puṃso dehagehamidaṃ dvija |
yasminvasati kṣetrajño gṛhastho buddhigehinī || 68 ||
[Analyze grammar]

mokṣaṃ svargaṃ ca narakamāste saṃsādhayannapi || 69 ||
[Analyze grammar]

iti śrīskānde mahāpurāṇa ekāśīti sāhasryāṃ saṃhitāyāṃ prathame māheśvarakhaṇḍe kaumārikākhaṃḍe kamaṭhasūryasaṃvāde jīvasya dehotpattivarṇanaṃnāmaikonapañcāśattamo'dhyāyaḥ || 49 ||
[Analyze grammar]