Chapter 38

[English text for this chapter is available]

nārada uvāca |
bhūmeryojanalakṣe ca kauravya ravimaṃḍalam |
yojanānāṃ sahasrāṇi bhāskarasya ratho nava || 1 ||
[Analyze grammar]

īṣādaṃḍastataivāsya dviguṇaḥ parikīrtitaḥ |
sārdhakoṭistathā sapta niyutāni vivasvataḥ || 2 ||
[Analyze grammar]

yojanānāṃ tu tasyākṣastatra cakraṃ pratiṣṭhitam |
trinābhi tacca paṃcāraṃ ṣaṇnemi parikīrtitam || 3 ||
[Analyze grammar]

catvāriṃśatsahasrāṇi dvitīyo'kṣo'pi vistṛtaḥ |
paṃca cānyāni sārddhāni syandanasya tu pāṃḍava || 4 ||
[Analyze grammar]

akṣapramāṇamubhayoḥ pramāṇaṃ tadyugārddhayoḥ |
hrasvo'kṣastadyugārddhaṃ ca dhruvādhāraṃ rathasya vai || 5 ||
[Analyze grammar]

dvitīyo'kṣastathā savye cakraṃ tanmānase sthitam |
hayāśca sapta cchāṃdāṃsi teṣāṃ nāmāni me śrṛṇu || 6 ||
[Analyze grammar]

gāyatrī ca bṛhatyuṣṇigjagatī triṣṭuveva ca |
anuṣṭuppaṃktirityuktāśchaṃdāṃsi harayo raveḥ || 7 ||
[Analyze grammar]

naivāstamanamarkasya nodayaḥ sarvadā sataḥ |
udayāstamanākyaṃ hi darśanādarśanaṃ raveḥ || 8 ||
[Analyze grammar]

śakradīnāṃ pure tiṣṭhanspṛśatyeṣa puratrayam |
vikīrṇo'to vikarṇasthastrikoṇārdhapure tathā || 9 ||
[Analyze grammar]

ayanasyottarasyādau makaraṃ yāti bhāskaraḥ |
tataḥ kumbhaṃ ca mīnaṃ ca rāśe rāśyaṃtaraṃ tathā || 10 ||
[Analyze grammar]

triṣveteṣvatha bhukteṣu tato vaiṣuvatīṃ gatim |
prayāti savitā kurvannahorātraṃ ca tatsamam || 11 ||
[Analyze grammar]

tato rātriḥ kṣayaṃ yāti vardhate tu dinaṃ dinam |
tataśca mithunasyāṃte parāṃ kāṣṭhāmupāgataḥ || 12 ||
[Analyze grammar]

rāśiṃ karkaṭakaṃ prāpya kurute dakṣiṇāyāṃnam |
kulālacakraparyaṃto yathā śīghraṃ nivartate || 13 ||
[Analyze grammar]

dakṣiṇāyakrame sūryastathā śīghraṃ nivartate |
ativegitayā kālaṃ vāyumārgabalāccaran || 14 ||
[Analyze grammar]

tasmātprakṛṣṭāṃ bhūmiṃ sa kālenālpena gacchati |
kulālacakramadhyastho yatā maṃdaṃ prasarpati || 15 ||
[Analyze grammar]

tathodagayane sūryaḥ sarpate maṃdavikramaḥ |
tasmāddīrgheṇa kālena bhūmimalpaṃ nigacchati || 16 ||
[Analyze grammar]

saṃdhyākāle ca maṃdehāḥ sūryamicchaṃti khāditum |
prajāpatikṛtaḥ śāpasteṣāṃ phālguna rakṣasām || 17 ||
[Analyze grammar]

akṣayatvaṃ śarīrāṇāṃ maraṇaṃ ca dinedine |
tataḥ sūryasya tairyuddhaṃ bhavatyatyaṃtadāruṇam || 18 ||
[Analyze grammar]

tato gāyatripūtaṃ yaddvijāstoyaṃ kṣipaṃti ca |
tena dahyaṃti te pāpāḥ saṃdhyopāsanataḥ sadā || 19 ||
[Analyze grammar]

ye saṃdhyāṃ nāpyupāsaṃte kṛtaghnā yāṃti rauravam |
pratimāsaṃ pṛthaksūrya ṛṣigandharvarākṣasaiḥ || 20 ||
[Analyze grammar]

apsarogrāmaṇīsarpairatho yāti ca saptabhiḥ |
dhātāryamā mitravaruṇau vivasvānindra eva ca || 21 ||
[Analyze grammar]

pūṣā ca savitā so'tha bhagastvaṣṭā ca kīrtitaḥ |
viṣṇuścaitrādimāseṣu ādityā dvādaśa smṛtāḥ || 22 ||
[Analyze grammar]

tato divākarasthānānmaṃḍalaṃ śaśinaḥ stitam |
lakṣamātreṇa tasyāpi tricakroratha ucyate || 23 ||
[Analyze grammar]

kuṃdābhā daśa caivāśvā vāmadakṣiṇato yutāḥ |
pūrṇe śatasahasre ca yojanānāṃ niśākarāt || 24 ||
[Analyze grammar]

nakṣatramaṇḍalaṃ kṛtsnamupariṣṭātprakāśate |
caturdaśa cārbudānyapyaśītiḥ saritāṃpatiḥ || 25 ||
[Analyze grammar]

viṃśatiśca tathā koṭyo nakṣatrāṇāṃ prakīrtitāḥ |
dve lakṣe cottare tasmādbudho nakṣatramaṇḍalāt || 26 ||
[Analyze grammar]

vāyvagnidravyasaṃbhūto rathaścaṃdrasutasya ca |
piśaṃgaisturasoṣṭābhirvāyavegibhiḥ || 27 ||
[Analyze grammar]

dvilakṣaścottare tasmādbudhāccāpyuśanā smṛtaḥ |
śukrasyāpi rathoṣṭābhiryukto'bhūtsaṃbhavairhayaiḥ || 28 ||
[Analyze grammar]

lakṣadvayena bhaumasya smṛto devapurohitaḥ |
aṣṭābhiḥ pāṃḍurairaśvairyukto'sya kāṃcanorathaḥ || 29 ||
[Analyze grammar]

saurirbṛhaspateścordhvaṃ dvilakṣe samupasthitaḥ |
ākāśasaṃbhavairaśvairaṣṭābhiḥ śabalai rathaḥ || 30 ||
[Analyze grammar]

svarbhānosturagāścāṣṭau bhṛṃgābhā dhūsarāratham |
vahaṃti ca sakṛdyuktā ādityādhaḥsthitāstathā || 31 ||
[Analyze grammar]

saurerlakṣaṃ smṛtaṃ cordhvaṃ tataḥ saptarṣimaṇḍalam |
ṛṣibhyaścāpi lakṣeṇa dhruvaścordhvaṃ vyavasthitaḥ || 32 ||
[Analyze grammar]

meḍhībhūtaḥ samastasya jyotiścakrasya vai dhruvaḥ |
dhruvo'pi śiṃśumārasya pucchādhāre vyavasthitaḥ || 33 ||
[Analyze grammar]

yamāhurvāsudevasya rūpamātmānamavyayam |
vāyupāśairdhruve baddhaṃ sarvametacca phālguna || 34 ||
[Analyze grammar]

navayojanasāhasraṃ maṇḍalaṃ savituḥ smṛtam |
dviguṇaṃ sūryavistārānmaṇḍalaṃ śaśinaḥ smṛtam || 35 ||
[Analyze grammar]

tulyastayostu svarbhānurbhūtvādhastātprasarpati |
uddhṛtya pṛthivīcchāyāṃ nirmalāṃ maṇḍalākṛtiḥ || 36 ||
[Analyze grammar]

candrasya ṣoḍaśo bhāgo bhārgavaśca vidhīyate |
bhārgavātpādahīnastu vijñeyo'tha bṛhaspatiḥ || 37 ||
[Analyze grammar]

bṛhaspateḥ pādahīnau vakrasaurī budhastathā |
śatāni paṃca catvāritrīṇi dve caikayojanam || 38 ||
[Analyze grammar]

yojanārdhapramāṇāni bhāni hrasvaṃ na vidyate |
bhūmilokaśca bhūrlokaḥ pādagamyaḥ prakīrtitaḥ || 39 ||
[Analyze grammar]

bhūmisūryāṃtaraṃ tacca bhuvarlokaḥ prakīrtitaḥ |
dhruvasūryāṃtaraṃ tacca niyutāni caturdaśa || 40 ||
[Analyze grammar]

svarlokaḥ so'pi gadito lokasaṃsthānaciṃtakaiḥ |
dhruvādūrdhvaṃ tathā koṭacirmaharlokaḥ prakīrtitaḥ || 41 ||
[Analyze grammar]

dve koṭyau ca jano yatra nivasaṃti catuḥsanāḥ |
caturbhiścāpi koṭībhistapolokastataḥ smaॉtaḥ || 42 ||
[Analyze grammar]

vairājā yatra te devāḥ sthitā dāhavivarjitāḥ |
ṣaḍguṇena tapolokātsatyaloko virājate || 43 ||
[Analyze grammar]

apunarmarakā yatra brahmaloko hi sa smṛtaḥ |
aṣṭādasa tathā koṭyo lakṣāṇyaśītipaṃca ca || 44 ||
[Analyze grammar]

śubhaṃ nirupamaṃ sthānaṃ tadūrdhvaṃ saṃprakāśate |
bhūrbhūvaḥsvariti proktaṃ trailokyaṃ kṛtakaṃ tvidam || 45 ||
[Analyze grammar]

janastapastathā satyamiti cākṛtakaṃ trayam |
kṛtakākṛtayormadhye marharloka iti smṛtaḥ || 46 ||
[Analyze grammar]

śūnyo bhavati kalpāṃte yotyaṃtaṃ na vinaśyati |
ete sapta samākhyātā lokāḥ puṇyairupārjitāḥ || 47 ||
[Analyze grammar]

yajñairdānairjapairhomaistīrthairvratasamuccayaiḥ |
vedādiproktairanyaiśca sādhyāṃllokānimānviduḥ || 48 ||
[Analyze grammar]

tataścāṃḍasya śiraso dhārā nīramayī śivā |
sarvalokānsamāplāvya gaṃgā merāvupāgatā || 49 ||
[Analyze grammar]

tato mahītalaṃ sarvaṃ pātālaṃ praviveśa sā |
aṃḍamūrdhni sthitā devī satataṃ dvāravāsinī || 50 ||
[Analyze grammar]

devīnāṃ koṭikoṭībhiḥ saṃvṛtā piṃgalena ca |
tatra sthitā sadā rakṣāṃ kurute'ṇḍasya sā śubhā || 51 ||
[Analyze grammar]

nihaṃti duṣṭasaṃghātānmahābalaparākramā |
vāyuskaṃdhāni saptāpiśrṛṇuyadvatsthitānyapi || 52 ||
[Analyze grammar]

pṛthivīṃ samabhikramya saṃsthito meghamaṃḍale |
pravahonāma yo meghānpravahatyatiśaktimān || 53 ||
[Analyze grammar]

dhūmajāśvoṣmajā meghāḥ sāmudraiyana pūritāḥ |
toyairbhavaṃti nīlāṃgā varṣiṣṭhāścaiva bhārata || 54 ||
[Analyze grammar]

dvitīyaścāvaho nāma nibaddhaḥ sūryamaṃḍale |
tena baddhaṃ dhruveṇedaṃ bhrāmyate sūryamaṃḍalam || 55 ||
[Analyze grammar]

tṛtīyaścodvaho nāma caṃdraskaṃdhe pratiṣṭhitaḥ |
baddhaṃ dhruveṇa yenedaṃ bhrāmyate caṃdramaṃḍalam || 56 ||
[Analyze grammar]

caturthaḥ saṃvaho nāma sthito nakṣatramaṇḍale |
vātaraśmibhirābaddhaṃ dhruveṇa saha bhrāmyate || 57 ||
[Analyze grammar]

graheṣu paṃcamaḥ so'pi vivaho nāma mārutaḥ |
grahacakramidaṃ yena bhrāmyate dhruvasaṃdhitam || 58 ||
[Analyze grammar]

ṣaṣṭhaḥ parivaho nāma sthitaḥ saptarṣimaṃḍale |
bhramaṃti dhruvasaṃbaddhā yena saptarṣayo divi || 59 ||
[Analyze grammar]

saptamaśca dhruve baddho vāyurnāmnā parāvahaḥ |
yena saṃsthāpitaṃ dhrauvyaṃ cakraṃ cānyāni bhārata || 60 ||
[Analyze grammar]

yaṃ samāsādya vegena diśāmaṃtaṃ prapedire |
dakṣasya daśa putrāṇāṃ sahasrāṇi prajāpateḥ || 61 ||
[Analyze grammar]

evamete diteḥ putrāḥ saptasapta vyavasthitāḥ |
anāramaṃtaḥ saṃvāṃti sarvagāḥ sarvadhāriṇaḥ || 62 ||
[Analyze grammar]

dhruvādūrdhvamasūryaṃ cāpyanakṣatramatārakam |
svatejasā svaśaktyā cādhiṣṭhitāste hi nityadā || 63 ||
[Analyze grammar]

ityūrdhvaṃ te samākhyāṃtaṃ pātālānyatha me śrṛṇu || 64 ||
[Analyze grammar]