Chapter 36

[English text for this chapter is available]

nārada uvāca |
evaṃ dṛṣṭvā kṣitau tāni liṃgāni harasūnunā |
haribrahmeṃdrapramukhā devāḥ procuḥ parasparam || 1 ||
[Analyze grammar]

aho dhanyaḥ kumāro'yaṃ mahīsāgarasaṃgame |
yena catvārī liṃgāni stāpitāni sudurlabhe || 2 ||
[Analyze grammar]

vayamapyatra śuddhyarthaṃ toṣārthaṃ skandarudrayoḥ |
sādhvarthe cātmalābhāya kurmo liṃgaparaṃparām || 3 ||
[Analyze grammar]

athavā koṭiśo devā munayo naiva saṃkhyayā |
sarve cetsthāpayiṣyaṃti liṃgānyatra mahītaṭe || 4 ||
[Analyze grammar]

pūjā teṣāṃ kataṃ bhāvi bahutvāccātra paṭhyate |
yasya rāṣṭre rudraliṃgaṃ pūjyate naiva śaktitaḥ || 5 ||
[Analyze grammar]

tasya sīdati tadrāṣṭraṃ durbhikṣavyādhitaskaraiḥ |
saṃbhūya sthāpayiṣyāmo liṃgamekaṃ tataḥ śubham || 6 ||
[Analyze grammar]

iti kṛtvā matiṃ sarve prāpyānujñāṃ maheśvarāt |
praharṣitā suhaścaiva haribrahmamukhāḥ surāḥ || 7 ||
[Analyze grammar]

bhūmibhāgaṃ śubhaṃ vīkṣya vijane liṃgamuttamam |
sthāpayāmāsuratha te svayaṃ brahmavinirmitam || 8 ||
[Analyze grammar]

siddhārthaiḥ stāpitaṃ yasmā ddevairbrahmādibhiḥ svayam |
siddheśvaramiti prāha nāma liṃgasya vai guhaḥ || 9 ||
[Analyze grammar]

sarvairdevaistatra liṃge khānitaṃ sara uttamam |
sarvatīrthodakaiḥ śubhraiḥ pūritaṃ ca mahātmabhiḥ || 10 ||
[Analyze grammar]

etasminnaṃtare pārtha pātālāccheṣanaṃdanaḥ |
kumudonāma āgatya prāha śeṣāhipannagān || 11 ||
[Analyze grammar]

asmiṃstārakayuddhe tu pralaṃbonāma dānavaḥ |
palāyitvā skaṃdabhītyā pāpaḥ pātālamāviśat || 12 ||
[Analyze grammar]

sa vo vasūni putrāṃśca bhāryāḥ kanyā gṛhāṇi ca |
vidhvaṃsayati nāgeṃdrāḥ śīghraṃ dhāvatadhāvata || 13 ||
[Analyze grammar]

śeṣātmajasya tadvākyaṃ kumadasya niśamyate |
autsukyamāpurnāgeṃdrā yāmayāmeti vādinaḥ || 14 ||
[Analyze grammar]

tānnivārya tataḥ skaṃdaḥ kruddhaḥ śaktimathādade |
pātālāya mumocātha procya daityo nihanyatām || 15 ||
[Analyze grammar]

tataḥ skaṃdabhujotsṛṣṭā bhuvaṃ nirbhidya vegataḥ |
praviṣṭā sahasā śaktiryathā daivaṃ naraṃ prati || 16 ||
[Analyze grammar]

sā taṃ hatvā pralaṃbaṃ ca koṭibhirdaśabhirvṛtam |
naṃdayitvā gatā nāgāñjalakallopūrvikā || 17 ||
[Analyze grammar]

yāṃtyā śaktyā tayā pārtha yatkṛtaṃ vivaraṃ bhuvi |
pātālagaṃgātoyena pūritaṃ pāpahāriṇā || 18 ||
[Analyze grammar]

tasya nāma dadau skaṃdaḥ siddhakūpa iti smṛtaḥ |
kṛṣmāṣṭamyāṃ caturdaśyāmupavāsī naraḥ svayam || 19 ||
[Analyze grammar]

snātvā kūpe'rcayedīśaṃ siddheśvaramananyadhīḥ |
prabhūtabhavasaṃbhūtapāpaṃ tasya vilīyate || 20 ||
[Analyze grammar]

siddhakuṃḍe ca yaḥ snātvā śrāddhaṃ kuryādvicakṣaṇaḥ |
sarvakalmaṣanirmukto bhaktiyogyo bhavebhave || 21 ||
[Analyze grammar]

vṛścāpyakṣayastasya tuṣṭo rudro varaṃ dadau |
prayāga vaṭatulyo'yametatsatyaṃ na saṃśayaḥ || 22 ||
[Analyze grammar]

atrāgatya mahābhāgaḥ kṣāddhaṃ kuryātsubhaktitaḥ |
pitṝṇāmakṣayaṃ tacca sarveṣāṃ piṃḍapātanam || 23 ||
[Analyze grammar]

tato brahmādayo devāḥ skaṃdena sahitāstadā |
siddhāṃbikāṃ mahāśaktiṃ prārthayāmāsurīśvarīm || 24 ||
[Analyze grammar]

tvayāviṣṭo hi bhagavānmatsyarūpī janārdanaḥ |
jagaduddhāraṇārthāya cakre karmāmyanekaśaḥ || 25 ||
[Analyze grammar]

iti tāṃ prārthayāmāsuratra tyājyaṃ na te śubhe |
atra sthitāḥ sarva ime kṣetrapālā mahābalāḥ || 26 ||
[Analyze grammar]

aṣṭamyāṃ vā caturdaśyāṃ balipuṣpaiśca tvāṃ śubhe |
ye pūjayaṃti te pālyāḥ sarvāpatsu ca yā sadā || 27 ||
[Analyze grammar]

evamuktā siddhamātā tatheti pratyapadyata |
sthāpayāmāsuratha tāṃ liṃgāduttarabhāgataḥ || 28 ||
[Analyze grammar]

tataḥ kṣetrapatīndevāścatuḥṣaṣṭiṃ maheśvaram |
siddheyaṃ nāma kṣetrasya rakṣārthaṃ nidadhuḥ svayam || 29 ||
[Analyze grammar]

tvāṃ ca ye pūjayiṣyaṃti kāryārabheṣu sarvadā |
varṣe varṣe rājamāṣabalinā ca viśeṣataḥ || 30 ||
[Analyze grammar]

tānasau pālayettuṣṭaḥ pitā lokāniva svakān |
siddhikṛto devāstatra siddhivināyakam || 31 ||
[Analyze grammar]

kaparditanayaṃ prārthya sthāpayācakrire mudā |
taṃ ca ye pūjayaṃtyatra kāryāraṃbheṣu sarvadā || 32 ||
[Analyze grammar]

teṣāṃ siddhiṃ dadātyeṣa prabalo vighnarāḍbhavaḥ |
yadyatra pūjayedyastu satataṃ siddhasaptakam || 33 ||
[Analyze grammar]

paśyedvā smarate vāpi sarvadoṣairvimucyate |
siddheśvaraḥ siddhavaṭaśca sākṣātsiddhāṃbikā siddhavināyakaśca |
siddheyakṣetrādhipatiśca siddhasarastathā siddhakūpaśca sapta || 34 ||
[Analyze grammar]

atra tuṣṭo dadau rudraḥ surāṇāṃ durlabhānvarān |
vaiśākhamāsasyāṣṭamyāṃ kṛṣṇāyāṃ siddhakūpake || 35 ||
[Analyze grammar]

snātvā piṃḍānvaṭe kṛtvā pūjayanmāṃ ca siddhabhāk |
sadā yo'bhyarcayenmāṃ ca brahmacārī jiteṃdriyaḥ || 36 ||
[Analyze grammar]

aṣṭāviṣṭakarā nityaṃ bhaveyustasya siddhayaḥ |
maṃtrajāpyaṃ baliṃ homamatra yaḥ kurute naraḥ || 37 ||
[Analyze grammar]

ekacittaḥ śucirbhūtvā so'bhūṣṭāṃ siddhimāpnuyāt |
samāhitamanāścātha siddheśaṃ yastu paśyati || 38 ||
[Analyze grammar]

tasya siddhirbhavatyeva vighnairyadi na hanyate |
siddhāṃbikā mahādevī hyatra saṃnihitāsti yā || 39 ||
[Analyze grammar]

siddhidā sādhakeṃdrāṇāṃ mahāvidyāṃ japaṃti ye |
dhīrebhyo brahmacāribhyaḥ satyacittebhya eva ca || 40 ||
[Analyze grammar]

maṃtrajāpyāddadātyeṣā sarvasiddhīryathopsitāḥ |
pātālasya bilaṃ caitadguhaśaktyā kṛtaṃ mahat || 41 ||
[Analyze grammar]

siddhāṃ bikāprasādena vighnakṣetrapayormama |
pratyakṣaṃ bhavitā yatra nānāścaryāṇi bhūriśaḥ || 42 ||
[Analyze grammar]

atra siddhiṃ prayāsyaṃti koṭiśaḥ puruṣāḥ surāḥ |
vidyādharatvaṃ devatvaṃ gaṃdharvatvaṃ ca nāgatā || 43 ||
[Analyze grammar]

yakṣatvaṃ cāmaratvaṃ ca prāpsyaṃtyatra ca sādhakāḥ |
atra vai vijayonāma sthaṃḍilasya prabhāvataḥ || 44 ||
[Analyze grammar]

siddhāṃbikāṃ samārādhya siddhimāpsyati durlabhām |
yo māṃ drakṣyati cātrasthaṃ yaśca māṃ pūjayiṣyati |
vādapracārato vāpi puṇyāvāptirbhaviṣyati || 45 ||
[Analyze grammar]

nārada uvāca |
tryaṃbakeṇa vareṣvevaṃ datteṣvapi surottamāḥ || 46 ||
[Analyze grammar]

prahṛṣṭāḥ samapadyaṃta gāthāṃ cemāṃ jagustadā |
tena yajñairjapaiḥstotraistapo bhistoṣitā vayam || 47 ||
[Analyze grammar]

sarve devāḥ siddhiliṃgaṃ yo naraḥ pūjayiṣyati |
sarvakāmaphalāvāptirityevaṃ śaṃkaro'bravīt || 48 ||
[Analyze grammar]

ityuktvā te jayaṃ prāptāḥ skaṃdena sahitāḥ surāḥ |
kārāyyaṃ ramyaprāsādānramyaistārakasaṃbhavaiḥ || 49 ||
[Analyze grammar]

caturvargaphalāvāptiṃ dattvā kṣetrasya saṃyayuḥ |
kecitskaṃdaṃ praśaṃsaṃtastīrthamanye hariṃ pare || 50 ||
[Analyze grammar]

kecilliṃgāni paṃcāpi yuddhaṃ keciddivaṃ yayuḥ |
tatoṃ'tarikṣe cāliṃgya mahāsenaṃ haro'bravīt || 51 ||
[Analyze grammar]

saptame mārutaskaṃdhe va sa nityaṃ priyātmaja |
kāryeṣvahaṃ tvayā putra saṃpraṣṭavyaḥ sadaiva hi || 52 ||
[Analyze grammar]

darśanānmama bhaktyā ca śreyaḥ paramavāpsyasi |
staṃbhatīrthe ca vatsye'haṃ na vimokṣyāmi karhicit || 53 ||
[Analyze grammar]

ityuktvā visasarjainaṃ pariṣvajya maheśvaraḥ |
brahmaviṣṇumukhāṃścaiva bhaktyā tairabhinaṃditaḥ || 54 ||
[Analyze grammar]

visarjitāḥ surājagmuḥ svānisvānyālayāni ca |
śarvo jagāma kailāsaṃ skaṃdhaṃ vai saptamaṃ guhaḥ || 55 ||
[Analyze grammar]

ityetatkathitaṃ pārtha liṃgapaṃcakasaṃbhavam |
yaḥ paṭhetskaṃdasaṃbaddhāṃ kathāṃ martyo mahāmatiḥ || 56 ||
[Analyze grammar]

śrṛṇuyācchrāvayedvāpi sa bhavetkīrtimānnaraḥ |
bahvāyuḥ subhagaḥ śrīmānkāṃtimāñchubhadarśanaḥ || 57 ||
[Analyze grammar]

bhūtebhyo nirbhayaścāpi sarvaduḥkhavivarjitaḥ |
śucirbhūtvā pumānyaśca kumāreśvarasannidhau || 58 ||
[Analyze grammar]

śrṛṇuyātskaṃdacaritaṃ mahādhanapatirbhavet |
bālānāṃ vyādhiduṣṭānāṃ rājadvāropasevinām || 59 ||
[Analyze grammar]

idaṃ tatparamaṃ dhanyaṃ sarvadoṣaharaṃ sadā |
tanukṣaye ca sāyujyaṃ ṣaṇmukhasya vrajennaraḥ || 60 ||
[Analyze grammar]

varamenaṃ dadurdevāḥ skaṃdasyātha gatā divam || 61 ||
[Analyze grammar]