Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

nārada uvāca |
tatastaṃ girivarṣmāṇaṃ patitaṃ vasudhopari |
āliṃgitamiva pṛthvyā guṇinyā guṇinaṃ yathā || 1 ||
[Analyze grammar]

dṛṣṭvā devā vismitāste jayaṃ jagustathā muhuḥ |
kecitsamīpamāgaṃtuṃ bibhyati tridivaukasaḥ || 2 ||
[Analyze grammar]

utthāya tārako daityaḥ kadā cinno nihaṃti cet |
taṃ tathā patitaṃ dṛṣṭvā vasudhāmaṇḍale guhaḥ || 3 ||
[Analyze grammar]

āsīddīnamanāḥ pārtha śuśoca ca mahāmatiḥ |
stavanaṃ cāpi devānāṃ vārayitvā vaco'bravīt || 4 ||
[Analyze grammar]

śocyaṃ pātakinaṃ māṃ ca saṃstuvadhvaṃ kathaṃ surāḥ |
paṃcānāmapi yo bhartā prākṛto'sau na kīrtyate || 5 ||
[Analyze grammar]

sa tu rudrāṃśajaḥ proktastasya druhyanna rudraṃvat |
svāyaṃbhuvena gītaśca ślokaḥ saṃśrūyate tathā || 6 ||
[Analyze grammar]

vīraṃ hi puruṣaṃ hatvā gosahasreṇa mucyate |
yathākathaṃcitpuruṣo na haṃtavyastato budhaiḥ || 7 ||
[Analyze grammar]

pāpaśīlasya hanane doṣo yadyapi nāsti ca |
tathāpi rudrabhakto'yaṃ saṃsmaranniti śocimi || 8 ||
[Analyze grammar]

tadahaṃ śrotumicchāmi prāyāścittaṃ ca kiṃcana |
prāyaścittairapaityeno yatopi mahadarjitam || 9 ||
[Analyze grammar]

iti saṃśocatastasya śivaputrasya dhīmataḥ |
vāsudevo guruḥ puṃsāṃ devamadhye vaco'bravīt || 10 ||
[Analyze grammar]

śrutiḥ smṛtiścetihāsāḥ purāṇaṃ ca śivātmaja |
pramāṇaṃ cettato duṣṭavadhe doṣo na vidyate || 11 ||
[Analyze grammar]

svaprāṇānyaḥ paraprāṇaiḥ prapuṣṇātyaghṛṇaḥ pumān |
tadvadhastasya hi śreyo yaddoṣādyātyadhaḥ pumān || 12 ||
[Analyze grammar]

annāde bhrūṇahā mārṣṭi patyau bhāryā pacāriṇī |
gurau śiṣyaśca yājyaśca steno rājani kilbiṣam || 13 ||
[Analyze grammar]

pāpinaṃ puruṣaṃ yo hi samartho na nihaṃti ca |
tasya tāvaṃti pāpāni tadardhaṃ so'pyavāśrute || 14 ||
[Analyze grammar]

pāpino yadi vadhyaṃte naiva pālanasaṃsthitaiḥ |
tato'yamakṣamo lokaḥ kaṃ yāti śaraṇaṃ guha || 15 ||
[Analyze grammar]

kathaṃ yajñāśca vedāśca vartate viśvadhārakāḥ |
tasmāttvayā puṇyamāptaṃ na ca pāpaṃ kathaṃcana || 16 ||
[Analyze grammar]

atha cedrudrabhakteṣu bahumānastava prabho |
tatra te kīrtayiṣyāmi prāyaścittaṃ mahottamam || 17 ||
[Analyze grammar]

ājanmasaṃbhavaiḥ pāpaiḥ pumānyena vimucyate |
ākalpāṃta ca vā yena rudraloke pramodate || 18 ||
[Analyze grammar]

kṛte pāpe'nutāpo vai yasya skanda prajāyate |
rudrārādhanato'nyacca prāyaśtittaṃ paraṃ na hi || 19 ||
[Analyze grammar]

na yasyālamapi brahmāmahimānaṃ vivarṇitum |
śrutiśca bhītā yaṃ vakti kiṃ tasmātparamaṃ bhavet || 20 ||
[Analyze grammar]

akāṃḍe yacca brahmāṃḍakṣayodyuktaṃ halāhalam |
kaṇṭhe dadhāra śrīkaṇṭhaḥ kastasmātparamo bhavet || 21 ||
[Analyze grammar]

duḥkhatāṃḍavadīno'bhūdaṇḍasaṃkīrṇamānasaḥ |
māramāraśca yo devaḥ kastasmātparamo bhavet || 22 ||
[Analyze grammar]

viyadvyāpī surasaritpravāho vipruṣākṛtiḥ |
babhūva yasya śirasi kastasmātparamo bhavet || 23 ||
[Analyze grammar]

yajñādikāśca ye dharmā vinā yasyārcanaṃ vṛthā |
dakṣo'tra satyadṛṣṭāṃtaḥ kastasmātparamo bhavet || 24 ||
[Analyze grammar]

kṣoṇī ratho vidhiryaṃtā śaro'haṃ mandaro dhanuḥ |
rathāṃge cāpi caṃdrārkau yuddhe yasya ca traipure || 25 ||
[Analyze grammar]

ārādhanaṃ tasya kecidyogamārgeṇa kurvate |
duḥkhasādhyaṃ hi tatteṣāṃ nityaṃ śūnyamupāsatām || 26 ||
[Analyze grammar]

tasmāttasyārcayelliṃgaṃ bhuktimuktī ya icchati |
sṛṣṭyādau liṃgarūpī sa vivādo mama brahmaṇaḥ || 27 ||
[Analyze grammar]

abhūdyasya paricchede nālamāvāṃ babhūviva |
carācaraṃ jagatsarvaṃ yato līnaṃ sadātra ca || 28 ||
[Analyze grammar]

tasmālliṃgamiti proktaṃ devai rudrasya dhīmataḥ |
toyena snāpayelliṃgaṃ śraddhayā śucinā ca yaḥ || 29 ||
[Analyze grammar]

brahmāditṛṇaparyaṃtaṃ tenedaṃ tarpitaṃ jagat |
paṃcāmṛtena talliṃgaṃ snāpayedyaśca buddhimān || 30 ||
[Analyze grammar]

tarpitaṃ tena viśvaṃ syātsudhayā pitṛbhiḥ samam |
puṣpairabhyarcayelliṃgaṃ yathākālodbhavaiścayaḥ || 31 ||
[Analyze grammar]

tena saṃpūjitaṃ viśvaṃ sakalaṃ nātra saṃśayaḥ |
naivedyaṃ tatra yo dadyālliṃgasyāgre vicakṣaṇaḥ || 32 ||
[Analyze grammar]

bhojitaṃ tena viśvaṃ syālliṃgasyaivaṃ phalaṃ mahat |
kimatra bahunoktena svalpaṃ vā yadi va bahu || 33 ||
[Analyze grammar]

liṃgasya kriyate yacca tatsarvaṃ viśvaprītidam |
tacca ligaṃ sthāpayedyaḥ śucau deśe subhaktitaḥ || 34 ||
[Analyze grammar]

sa sarvapāpanirmukto rudraloke pramodate |
yannityaṃ yajato yajñaiḥ phalamāhurmanīṣiṇaḥ || 35 ||
[Analyze grammar]

tacca sthāpayato liṃgaṃ śivasya śubhalakṣaṇam |
yathāgniḥ sarvadevānāṃ mukhaṃ skanda prakīrtyate || 36 ||
[Analyze grammar]

tathaiva sarvajagatāṃ mukhaṃ liṃgaṃ na saṃśayaḥ |
prāraṃbhānmucyate pāpaiḥ sarvajanmakṛtairapi || 37 ||
[Analyze grammar]

atītaṃ ca tathāgāmi kulānāṃ tārayecchatam |
mṛnmayaṃ kāṣṭhaniṣpannaṃ pakveṣṭaṃ śailameva ca || 38 ||
[Analyze grammar]

kṛtamāyatanaṃ dadyātkramācchataguṇaṃ phalam |
kalaśaṃ tatra cāropya ekaviṃśatkulairyutaḥ || 39 ||
[Analyze grammar]

ākalpāṃtaṃ rudraloke modate rudravatsukhī |
evaṃvidhaphalaṃ liṃgamato bhūyo'pyadho na hi || 40 ||
[Analyze grammar]

tasmādatra mahāsena liṃgaṃ sthāpitumarhasi |
yaduktametadaślīlaṃ yadi kiṃcana cātra cet || 41 ||
[Analyze grammar]

tadbravītu mahā sena svayaṃ sākṣī maheśvaraḥ |
evaṃ vadati goviṃde sādhuvādo mahānabhūt || 42 ||
[Analyze grammar]

mahādevo hyathāliṃgya skandaṃ vacanabravīt |
yadbhavānmama bhakteṣu prakaroti kṛpāṃ parām || 43 ||
[Analyze grammar]

tenāpi paramā prītirmama jātā tavopari |
kiṃ tu yadbhagavānāha vāsudevo jagadguruḥ || 44 ||
[Analyze grammar]

tattthā nānyathā kiṃcidatra proktaṃ hi viṣṇunā |
yo hyahaṃ sa harirjñeyo yo hariḥ so'hamityutā || 45 ||
[Analyze grammar]

nāvayoraṃtaraṃ kiṃciddīpayoriva suvrata |
enaṃ dveṣṭi sa māṃ dveṣṭiyonvetyenaṃ sa mā'nugaḥ || 46 ||
[Analyze grammar]

iti skanda vijānāti sa madbhaktonyathā na hi || 47 ||
[Analyze grammar]

skanda uvāca |
evamevāsmi jānāmi tvāṃ ca viṣṇuṃ ca śaṃkara || 48 ||
[Analyze grammar]

yacca liṃgakṛte prāha harirmāṃ dharmavatsalaḥ |
khe vāṇī tārakavadhe evameva purāha mām || 49 ||
[Analyze grammar]

liṃgaṃ saṃsthāpayiṣyāmi sarvapāpā pahaṃ tataḥ |
ekaṃ yatra pratijñā me gṛhītāsya vadhāya ca || 50 ||
[Analyze grammar]

dvitīyaṃ yatra niḥsattvasatyaktaḥ śaktyā'suro'bhavat |
tṛtīyaṃ yatra nihato hatyā pāpopaśāṃtidam || 51 ||
[Analyze grammar]

ityuktvā viśvakarmāṇamāhūya prāha pāvakiḥ |
trīṇi liṃgāni śuddhāni śīghraṃ tvaṃ kartumarhasi || 52 ||
[Analyze grammar]

vacanādbāhuleyasya nirmame devavarddhakiḥ |
trīṇi liṃgāni śuddhāni nyavedayata tāni ca || 53 ||
[Analyze grammar]

tato brahmādibhiḥ sārdhaṃ viṣṇunā śaṃkareṇa ca |
pūrvaṃ saṃsthāpayāmāsa paścimāyāmadūrataḥ || 54 ||
[Analyze grammar]

pratijñeśvaramityeva liṃgaṃ paramaśobhanam |
aṣṭamyāṃ bahule cātra caitre snātvā upoṣya ca || 55 ||
[Analyze grammar]

pūjāṃ ca jāgaraṃ kṛtvā mucyetpāruṣyapāpataḥ |
ityāha skaṃdaprītyarthaṃ svayaṃ tatra maheśvaraḥ || 56 ||
[Analyze grammar]

tato dvitīyaṃ liṃgaṃ tu vahnikoṇāśritaṃ tathā |
sthāpayāmāsa saraso yatra śaktirviniryayau || 57 ||
[Analyze grammar]

kapāleśvaramityeva liṃgaṃ pāpāpahaṃ śubham |
śaktiṃ ca tāmabhiṣṭūya sthāpayāmāsa tatra ca || 58 ||
[Analyze grammar]

kapāleśvarasāṃnidhyaṃ devīṃ kāpālikeśvarīm |
tatra cottaradigbhāge śakticchidraṃ pracakṣate || 59 ||
[Analyze grammar]

pātālagaṃgā yatrāstiṃ sarvapāpaharā śivā |
tatra snātvā dadau skaṃdaḥ kṛpayābhipariplutaḥ || 60 ||
[Analyze grammar]

tadā toyaṃ tārakāya sahitaḥ sarvadaivataiḥ || 61 ||
[Analyze grammar]

kāśyapeyāya vajrāṃgatanayāya mahātmane |
rudrabhaktāya satilamakṣayyodakamastviti || 62 ||
[Analyze grammar]

tato maheśvaraḥ prītaḥ prāha skaṃdasya śrṛṇvataḥ |
caturdaśyāṃ kṛṣṇapakṣe madhau caivātra yo naraḥ |
snātvopoṣya samabhyarcya kapāleśvaramīśvarīm || 63 ||
[Analyze grammar]

tejovadhasamudbhūtapātakena sa mucyate || 64 ||
[Analyze grammar]

asyāmeva tithau somaḥ śivayogaśca taitilam |
ṣaḍyogaḥ śakticchidreyo dinaṃ rudraṃ japanniśi |
snātvātra saśarīro vai rudralokaṃ vrajīṣyati || 65 ||
[Analyze grammar]

kapāleśasya sāṃnidhye śakticchidraṃ hi kīrtyate |
tasya tulyaṃ paraṃ tīrthaṃ pṛthivyāṃ naiva vidyate || 66 ||
[Analyze grammar]

iti śrutvā rudravākyaṃ skaṃdaḥ prīto'bhavadbhṛśam |
devāśca muditāḥ sarve sādhusādhviti te jaguḥ || 67 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 33

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: