Chapter 26

[English text for this chapter is available]

nārada uvāca |
atha brahmā mahādevamabhivādya kṛtāṃjaliḥ |
udvāhaḥ kriyatāṃ deva ityuvāca maheśvaram || 1 ||
[Analyze grammar]

tasya tadvacanaṃ śrutvā prāhedaṃ bhagavānharaḥ |
parādhīnā vayaṃ brahmanhimādrestava cāpi yat || 2 ||
[Analyze grammar]

yadyuktaṃ kriyatāṃ taddhi vayaṃ yuṣmadvaśe'dhunā |
tato brahmā svayaṃ divyaṃ puraṃ ratnamayaṃ śubham || 3 ||
[Analyze grammar]

udvāhārthaṃ maheśasya tatkṣaṇātsamakalpayat |
śatayojanavistīrṇaṃ prāsādaśataśobhitam || 4 ||
[Analyze grammar]

puretasminmahādevaḥ svayameva vyatiṣṭhata |
tataḥ saptamunīndevaściṃtitābyāgatānpuraḥ || 5 ||
[Analyze grammar]

prāhiṇodaṃbikāyāśca sthirapatrārthamīśvaraḥ |
sāruṃdhatīkāste tatra hlādayaṃto himācalam || 6 ||
[Analyze grammar]

sabhāryāmīśvaraguṇaiḥ sthirapatrāṇi cādadhuḥ |
tataḥ saṃpūjitāstena punarāgamya te'calāt || 7 ||
[Analyze grammar]

nyavedayaṃsryaṃbakāya sa ca tānabhyanaṃdata |
udvāhārthaṃ tato devo viśvaṃ sarvaṃ nyamaṃtrayat || 8 ||
[Analyze grammar]

samāgataṃ ca tatsava vinā daityairdurātmabhiḥ |
sthāvaraṃ jaṃgamaṃ yacca viśvaṃ viṣṇupurogamam || 9 ||
[Analyze grammar]

sabrahyakaṃ purārātermahimānamavardhayat |
tatastaṃ vidhirāhedaṃ gandhamādanaparvate || 10 ||
[Analyze grammar]

pure sthitaṃ vivāhasya deva kālaḥ pravartate |
tatastasya jaṭājūṭe caṃdrakhaṃḍaṃ pitāmahaḥ || 11 ||
[Analyze grammar]

babaṃdha praṇayodāravisphāritavilocanaḥ |
kaparddaṃ śobhanaṃ viṣṇuḥ svaya cakre'sya harṣataḥ || 12 ||
[Analyze grammar]

kapālamālāṃ vipulāṃ cāmuṇḍā mūrdhnyabaṃdhata |
uvāca cāpi giriśaṃ putraṃ janaya śaṃkara || 13 ||
[Analyze grammar]

yo daityeṃdrakulaṃ hatvā māṃ raktaistarpayiṣyati |
sūryo jvalacchikhāraktaṃ bhābāsitajagattrayam || 14 ||
[Analyze grammar]

babaṃdha devadevasyaca svayameva pramodataḥ |
śeṣavāsukimukhyāśca jvalaṃtastejasā śubhāḥ || 15 ||
[Analyze grammar]

ātmānaṃ bhūṣaṇasthāne svayaṃ te cakrurīśvare ||
vāyavaśca tatastīkṣṇaśrṛṃgaṃ himagiriprabham || 16 ||
[Analyze grammar]

vṛṣaṃ vibhūṣayāmāsurnānāratnopapattibhiḥ |
śakro gajajinaṃ gṛhya svayamagre vyavasthitaḥ || 17 ||
[Analyze grammar]

vinā bhasma samādhāya kapāle rajataprabham |
manujāsthimayīṃ mālāṃ pretanāthaśca vandanam || 18 ||
[Analyze grammar]

vahnistejomayaṃ divyamajinaṃ pradadau sthitaḥ |
evaṃ vibhūṣitaḥ sarvairbhṛtyairīśo babhau bhṛśam || 19 ||
[Analyze grammar]

tato himādreḥ puruṣā vīrakaṃ procire vacaḥ |
mā bhūtkālātyayaḥ śīghraṃ bhavasyaitannivedyatām || 20 ||
[Analyze grammar]

tato devaṃ praṇamyāha vīrakaḥ karasaṃpuṭī |
tvarayaṃti maheśānaṃ himādreḥ puruṣāstvamī || 21 ||
[Analyze grammar]

iti śrutvā vaco devaḥ śīghramityeva cābravīt |
sapta vāridhayastasya cakrurdarpaṇadarśanam || 22 ||
[Analyze grammar]

tatraikṣata mahādevaḥ svarūpaṃ sa jaganmayam |
tato baddhāṃjalirdhīmānsthāṇuṃ provāca keśavaḥ || 23 ||
[Analyze grammar]

devadeva mahādeva tripurāṃtaka śaṃkara |
śobhase'nena rūpeṇa jagadānaṃdadāyinā || 24 ||
[Analyze grammar]

maheśvara yathā sākṣādaparastvaṃ maheśvaraḥ |
tataḥ smayanmahādevo jayeti bhuvane śrutaḥ || 25 ||
[Analyze grammar]

karamālaṃbya viṣṇośca vṛṣabhaṃ ruruheśanaiḥ |
tataśca vasavo devāḥ śūlaṃ tasya nyavedayan || 26 ||
[Analyze grammar]

dhanado nidibhiryuktaḥ samīpasthastato'bhavat |
sa śūlapāṇirviśvātmā saṃcacāla tato haraḥ || 27 ||
[Analyze grammar]

devaduṃdubhinādaiśca puṣpāsāraiśca gītakaiḥ |
nṛtyadbhirapsarobhiśca jayeti ca mahāsvanaiḥ || 28 ||
[Analyze grammar]

savyadakṣiṇasaṃsthānau brahmaviṣṇūtu jagmatuḥ |
haṃsaṃ ca garuḍaṃ caiva samāruhya mahāprabhau || 29 ||
[Analyze grammar]

athāditirditiḥ sā ca danuḥ kadrūḥ suparṇajā |
paulomī surasā caiva siṃhikā surabhirmuniḥ || 30 ||
[Analyze grammar]

siddhirmāyā kṣamā durgā devī svāhā svadhā sudhā |
sāvitrī caiva gāyatrī lakṣmīḥ sā dakṣiṇā dyutiḥ || 31 ||
[Analyze grammar]

spṛhāmatirdhṛtirbuddhirmaṃthirṛddhiḥ sarasvatī |
rākā kuhūḥ sinīvālī devī bhānumatī tathā || 32 ||
[Analyze grammar]

dharaṇī dhāraṇī velā rājñī cāpi ca rohiṇī |
ityetāścānyadevānāṃ mātaraḥ patnayastathā || 33 ||
[Analyze grammar]

udvāhaṃ devadevasya jagmuḥ sarvā mudānvitāḥ |
uragā garuḍā yakṣā gaṃdharvāḥ kiṃnarā narāḥ || 34 ||
[Analyze grammar]

sāgarā girayo meghā māsāḥ saṃvatsarāstathā |
vedā maṃtrāstathā yajñāḥ śrautā dharmāśca sarvaśaḥ || 35 ||
[Analyze grammar]

huṃkārāḥ praṇavāścaiva itihāsāḥ sahasraśaḥ |
koṭiśaśca tathā devā maheṃdrādyāḥ savāhanāḥ || 36 ||
[Analyze grammar]

anujagmurmahādevaṃ koṭiśo'rbudaśaśca hi |
gaṇāśca pṛṣṭhato jagmuḥ śaṃkhavarṇāśca koṭiśaḥ || 37 ||
[Analyze grammar]

daśabhiḥ kekarākhyāśca vidyuto'ṣṭābhireva ca |
catuḥṣaṣṭyā viśākhāśca navabhiḥ pāriyātrikāḥ || 38 ||
[Analyze grammar]

ṣaḍbhiḥ sarvāṃtakaḥ śrīmāṃstathaiva vikṛtānanaḥ |
jvālākeśo dvādaśabhiḥ koṭibhiḥ saṃvṛto yayau || 39 ||
[Analyze grammar]

saptabhiḥ samadaḥ śrīmānduṃdubhoṣṭhābhireva ca |
paṃcabhiśca kapālīśaḥ ṣaḍbhiḥ saṃhrādakaḥ śubhaḥ || 40 ||
[Analyze grammar]

koṭikoṭibhirevaikaḥ kuṃḍakaḥ kuṃbhakastathā |
viṣṭaṃbho'ṣṭābhireveha gaṇapaḥ sarvasattamaḥ || 41 ||
[Analyze grammar]

pippalaśca sahasreṇa sannādaśca tathā balī |
āveśanastathāṣṭābhiḥ saptabhiścaṃdratāpanaḥ || 42 ||
[Analyze grammar]

mahākeśaḥ sahasreṇa naṃdirdvādaśabhistathā |
nagaḥ kālaḥ karālaśca mahākālaḥ śatena ca || 43 ||
[Analyze grammar]

agnikaḥ śatakoṭyā vai koṭyāgnimukha eva ca |
ādityamūrdhā koṭyā ca koṭyā caiva dhanāvahaḥ || 44 ||
[Analyze grammar]

sannāgaśca śatenaiva kumudaḥ koṭibhistribhiḥ |
amoghaḥ kokilaścaiva koṭikoṭyā sumaṃtrakaḥ || 45 ||
[Analyze grammar]

kākapādastatā ṣaṣṭyā ṣaṣṭyā saṃtānako gaṇaḥ |
mahābalaśca navabhirmadhupiṃgaśca piṃgalaḥ || 46 ||
[Analyze grammar]

nīlo navatyā saptatyā caturvaktraśca pūrvapāt |
vīrabhadraścaścatuḥṣaṣṭyā karaṇo bālakastathā || 47 ||
[Analyze grammar]

paṃcākṣaḥ śatamanyuśca meghamanyuśca viṃśatiḥ |
kāṣṭhakoṭiścatuḥṣaṣṭyā sukośo vṛṣabhastathā || 48 ||
[Analyze grammar]

viśvarūpastālaketuḥ paṃcāśacca sitānanaḥ |
īśāno vṛddhadevaśca dīptātmā mṛtyuhā tathā || 49 ||
[Analyze grammar]

viṣādo yamahā caiva gaṇo bhṛṃgariṭistathā |
aśanī hāsakaścaiva catuḥṣaṣṭyā sahasrapāt || 50 ||
[Analyze grammar]

ete cānye ca gaṇapā asaṃkhyātā mahābalāḥ |
sarve sahasrahastāśca jaṭāmukuṭadhārīṇaḥ || 51 ||
[Analyze grammar]

caṃdralekhāvataṃsāśca nīlakaṃṭhāstrilocanāḥ |
hārakuṃḍalakeyūramukuṭādyairalaṃkṛtāḥ || 52 ||
[Analyze grammar]

aṇimādiguṇairyuktāḥ śaktāḥ śāpaprasādayoḥ |
sūryakoṭipratīkāśāstatrājagmurgaṇeśvarāḥ || 53 ||
[Analyze grammar]

pātālāṃbarabhūmisthāḥ sarvalokanivāsinaḥ |
tuṃbururnārado hāhā hūhūścaiva tu sāmagāḥ || 54 ||
[Analyze grammar]

taṃtrīmādāya vādyāṃścā'vādayañchaṃkarotsave |
ṛṣayaḥ kṛtsnaśaścaiva vedagītāṃstapodhanāḥ || 55 ||
[Analyze grammar]

puṇyānvaivāhikānmaṃtrāñjeṣuḥ saṃhṛṣṭamānasāḥ |
evaṃ pratasthegiriśo vījyamānaśca gaṃgayā || 56 ||
[Analyze grammar]

tathā yamunayā cāpāṃpatinā dhṛtacchatrayā |
strībhirnānāvidhālāpailājābhiścānumoditaḥ || 57 ||
[Analyze grammar]

mahotsavena deveśo giristhānaṃ viveśa saḥ |
prabhāsatsvarṇakalaśaṃ toraṇānāṃ śatairyutam || 58 ||
[Analyze grammar]

vaiḍūryabaddhabhūmisthaṃ ratnajaiśca gṛhairyutam |
tatpraviśya stūyamāno dvāramabhyāsasāda ha || 59 ||
[Analyze grammar]

tato himācalastatra dṛśyate vyākulākulaḥ |
ādiśadātmabhṛtyānāṃ mahādeva upasthite || 60 ||
[Analyze grammar]

tato brahmāṇamacalo gurutve prārthayattadā |
kṛtyānāṃ sarvabhāreṣu vāsudevaṃ ca buddhimān || 61 ||
[Analyze grammar]

pratyāha ca vivāha'sminkumārībhrātaraṃ vinā |
bhaviṣyati kathaṃ viṣṇo lājahomādikarmasu || 62 ||
[Analyze grammar]

suto hi mama mainākaḥ sa praviṣṭo'rṇave sthitaḥ |
iti ciṃtāviṣaṇṇaṃ taṃ viṣṇurāhamahāmatiḥ || 63 ||
[Analyze grammar]

atra ciṃtā na kartavyā girirāja kathaṃcana |
ahaṃ bhrātā jaganmāturetade vaṃ ca nānyathā || 64 ||
[Analyze grammar]

tataḥ pramuditaḥ śailaḥ pārvatīṃ ca svalaṃkṛtām |
sakhībhiḥ koṭisaṃkhyābhirvṛtāṃ praveśayatsadaḥ || 65 ||
[Analyze grammar]

tato nīlamayastaṃbhaṃ jvalatkāṃcanakuṭṭimam |
muktājālapariṣkāraṃ jvalitau ṣadhidīpitam || 66 ||
[Analyze grammar]

ratnāsanasahasrāḍhyaṃ śatayojanavistṛtam |
vivāhamaṃḍapaṃ śarvo viveśānucarāvṛtaḥ || 67 ||
[Analyze grammar]

tataḥ śailaḥ sapatnīkaḥ pādau prakṣālya harṣitaḥ |
bhavasya tena toyena siṣice svaṃ jagattathā || 68 ||
[Analyze grammar]

pādyamācamanaṃ dattvā madhuparkaṃ ca gāṃ tathā |
pradānasya prayogaṃ ca saṃciṃtayaṃti brāhmaṇāḥ || 69 ||
[Analyze grammar]

dauhitrīṃ kavyavāhānāṃ dadmi putrīṃ svakāmaham |
ityuktvā tasthivāñchailo na jānāti harasya saḥ || 70 ||
[Analyze grammar]

tataḥ sarvānapṛcchatsa kulaṃ ko'pi na veda tat |
tato viṣṇuridaṃ prāha pṛchyaṃte'nye kimarthataḥ || 71 ||
[Analyze grammar]

ajñātakulatāṃ tasya pṛchyatāmayameva ca |
ahireva aheḥ pādānvetti nānyo himācala || 72 ||
[Analyze grammar]

svagotraṃ yadi na brūte na deyā bhaginī mama |
tato hāsastadā jajñe sarveṣāṃ sumahāsvanaḥ || 73 ||
[Analyze grammar]

nivṛttaśca kṣaṇādbhūyaḥ kiṃ vakṣyati harastviti |
tato vimṛśya bahudhā kiṃcidbhītānano yatā || 74 ||
[Analyze grammar]

lajjājaḍaḥ smitaṃ cakre tataḥ pārtha sa vai haraḥ |
tato viśiṣṭā bruvati śīghraṃ kālo'tivartate || 75 ||
[Analyze grammar]

hariḥ prāha maheśānaṃ bibhyadāvedmayahaṃ tava |
mātāmahaṃ ca pitaraṃ prayogaṃ śrṛṇu bhūdhara || 76 ||
[Analyze grammar]

ātmaputrāya te śaṃbho ātmadauhitrakāya te |
ityukte viṣṇunā sarve sādhusādhviti te jaguḥ || 77 ||
[Analyze grammar]

devo'pyudāharedvuddhiṃ sarvebhyo'pyadhikāṃ varām |
tataḥ śailastathā coktvā dattvā devīṃ ca sodakam || 78 ||
[Analyze grammar]

ātmānaṃ cāpi devāya pradadau sodakaṃ nagaḥ |
tataḥ sarve tuṣṭuvustaṃ vivāhaṃ vismayānvitāḥ || 79 ||
[Analyze grammar]

dātā mahībhṛtāṃ nātho hotā devaścaturmukhaḥ |
varaḥ paśupatiḥ sākṣātkanyā viśvaraṇistathā || 80 ||
[Analyze grammar]

tataḥ stuvatsu muniṣu puṣpavarṣe mahatyapi |
nadatsu devatūryeṣu karaṃ jagrāha tryambakaḥ || 81 ||
[Analyze grammar]

devo devīṃ samālokya salajjāṃ himaśailajām |
na tṛpyati na cāhlādatsā ca devāṃ vṛṣadhvajam || 82 ||
[Analyze grammar]

tatra brahmādimunayo devīmadbhutarūpiṇīm |
paśyaṃtaḥ śaraṇaṃ jagmurmanasā parameśvaram || 83 ||
[Analyze grammar]

mā muhyāma pārvatīṃ ca yathā nāradaparvatau |
tatastathaiva taccakre sarveṣāmīpsitaṃ vacaḥ || 84 ||
[Analyze grammar]

tato devaiśca munibhiḥ saṃstutaḥ parameśvaraḥ |
praviveśa śubhāṃ vedīṃ mūrtimajjvalanāśritām || 85 ||
[Analyze grammar]

vedhāḥ śrutīritairmaṃ trairmūrtimadbhirupasthitaiḥ |
mūrtamagniṃ juhāva triḥ parikramya ca taṃ haraḥ || 86 ||
[Analyze grammar]

lājāhoma umābhrātā prāha taṃ sasmitaṃ hariḥ |
bahavo militāḥ saṃti lokāḥ saṃmarda īśvara || 87 ||
[Analyze grammar]

sāvadhānena rakṣyāṇi bhūṣaṇāni tvayā hara |
tato haraśca taṃ prāha svajane mā'tigopaya || 88 ||
[Analyze grammar]

kiṃcitprārthaya dāsyāmi prāha viṣṇustato varam |
tvayi bhaktirdṛḍhā me'stu sa ca taddurlabhaṃ dadau || 89 ||
[Analyze grammar]

dadatuḥ sṛṣṭisaṃrakṣāṃ brahmaṇe dakṣiṇāmubhau |
agnaye yajñabhāgāṃśca prītau harajanārdanau || 90 ||
[Analyze grammar]

bhṛgvādīnāṃ tato dattvā śrutirakṣaṇadakṣiṇām |
tato gītaiśca nṛtyaiśca bhojanaiśca yathepsitaiḥ || 91 ||
[Analyze grammar]

mahotsavairanekaiśca vismayaṃ samapadyata |
visṛjya lokaṃ taṃ sarvaṃ kimicchādānakairbhavaḥ || 92 ||
[Analyze grammar]

sarasvatyā ca pitarau devyāścā'śvāsya duḥkhitau |
āmaṃtrya himaśaileṃdraṃ brahmaṇaṃ ca sakeśavam || 93 ||
[Analyze grammar]

jagāma maṃdaragiriṃ giriṇā yānugorcitaḥ || 94 ||
[Analyze grammar]

tato gate bhagavati nīlalohite sahomayā girimamalaṃ hi bhūdharaḥ |
sabāṃdhavo ruditi hi kasya no mano visaṃṣṭhaṃlaṃ jagati hi kanyakāpituḥ || 95 ||
[Analyze grammar]

imaṃ vivāhaṃ girirājaputryāḥ śrṛṇoti cādhyeti ca yo naraḥ śuciḥ |
viśeṣataścāpi vivāhamaṃgale sa maṃgalaṃ vṛddhimavāpnute ciram || 96 ||
[Analyze grammar]