Chapter 20

[English text for this chapter is available]

nārada uvāca |
taṃ dṛṣṭvā dānavāḥ sarve kruddhāḥ svaiḥsvairbalairvṛtāḥ |
saraghā iva mākṣikaṃ rurudhuḥ sarvatastataḥ || 1 ||
[Analyze grammar]

parvatābhe gaje bhīme madasrāviṇi durdame |
sitacitrapatāke tu prabhinnakaraṭāmukhe || 2 ||
[Analyze grammar]

svarṇavarṇāṃcite yadvannage dāvāgnisaṃvṛte |
āruhyajau nimirdaityo hariṃ pratyudyayau balī || 3 ||
[Analyze grammar]

tasyāsandānavā raudrā gajasya parirakṣiṇaḥ |
saptaviṃśatikoṭyaśca kirīṭakavacojjavalāḥ || 4 ||
[Analyze grammar]

aśvamāruhya śailābhaṃ harimādravat |
paṃcayojanapragrīvamuṣṭramāsthāya jaṃbhakaḥ || 5 ||
[Analyze grammar]

śumbho meṣaṃ samāruhyāvrajaddvādaśayojanam |
apare dānavendrāśca yattā nānāstrāpāṇayaḥ || 6 ||
[Analyze grammar]

ājagmuḥ samare kruddhā viṣṇumakliṣṭakāriṇam |
paragheṇa nimirdaityo mathano mudgareṇa ca || 7 ||
[Analyze grammar]

śumbhaḥ śūlena tīkṣṇena prāsena grasanastathā |
cakreṇa krathanaḥ kruddho jaṃbhaḥ śaktyā mahāraṇe || 8 ||
[Analyze grammar]

jaghnurnārāyaṇaṃ śeṣā viśikhairmarmabhedibhiḥ |
tānyastrāṇi prayuktāni viviśuḥ puruṣottamam || 9 ||
[Analyze grammar]

upadeśā guroryadvatsacchiṣyaṃ bahudheritāḥ |
tataḥ kruddho harirgṛhya dhanurbāṇāṃśca puṣkalān || 10 ||
[Analyze grammar]

mamarda daityasenāṃ taddharmamarthavaco yathā |
nimiṃ vivyādha viṃśatyā vāṇairanalavarcasaiḥ || 11 ||
[Analyze grammar]

mathanaṃ daśabhiścaiva śumbhaṃ paṃcabhireva ca |
śatena mahiṣaṃ kruddho vivyādhorasi mādhavaḥ || 12 ||
[Analyze grammar]

jaṃbhaṃ dvādaśabhistīkṣṇaiḥ sarvāṃścaikaika śo'ṣṭabhiḥ |
tasya tallāghavaṃ dṛṣṭvā dānavāḥ krodhamūrchitāḥ || 13 ||
[Analyze grammar]

cakrurgāḍhataraṃ yatnamāvṛṇvānā hariṃ śaraiḥ |
cicchedātha dhanurjyāṃ ca nimirbhallena dānavaḥ || 14 ||
[Analyze grammar]

hastāccāpaṃ ca saṃraṃbhācciccheda mahiṣāsuraḥ |
ṣīḍayāmāsā garuḍaṃ jaṃbho bāṇāyutaistribhiḥ || 15 ||
[Analyze grammar]

bhujāvasya ca vivyādha śaṃbho bāṇāyutena vai |
tato vismitacittastu gadāṃ jagrāha mādhavaḥ || 16 ||
[Analyze grammar]

tāṃ prāhiṇotsa vegena mathanāya mahāhave |
tāmāprāptāṃ nimirbāṇairmuśalābhaiḥ sahasraśaḥ || 17 ||
[Analyze grammar]

āhatya pātayāmāsa vinadankālameghavat |
tatoṃ'tarikṣe hāheti bhūtānāṃ jajñire kathāḥ || 18 ||
[Analyze grammar]

naitadasti balaṃ vyaktaṃ yatrāśīryata sā gadā |
tāṃ hariḥ patitāṃ dṛṣṭvā asthāne prārthanāmiva || 19 ||
[Analyze grammar]

jagrāha mudgaraṃ ghoraṃ divyaratnapariṣkṛtam |
taṃ mumocātivegena nimimuddiśya dānavam || 20 ||
[Analyze grammar]

tamāyāṃtaṃ viyatyeva trayo daityā hyavārayan |
gadayā daṃbhadaityastu grasanaḥ paṭṭiśena tu || 21 ||
[Analyze grammar]

śaktyā ca mahiṣo daityo vinadaṃto mahāraravam |
nirākṛtaṃ tamālokya durjanaiḥ sujanaṃ yathā || 22 ||
[Analyze grammar]

jagrāha śaktimugrogrāṃ śataghaṃṭāmahāsvanām |
jaṃbhāya tāṃ samuddiśya prāhiṇodbhīṣaṇeraṇe || 23 ||
[Analyze grammar]

tāmāyāntīmathālokya jaṃbho'nyasya rathāttvarāt |
āplutya līlayā gṛhṇankāminīṃ kāmuko yathā || 24 ||
[Analyze grammar]

tayaiva garuḍaṃ mūrdhni jaghne sa prahasanbalī |
tato bhūyo rathaṃ prāpya ghanurgṛhyabhyayojayat || 25 ||
[Analyze grammar]

vicetāścābhavadyuddhe garuḍaḥ śaktipīḍitaḥ |
tataḥ prahasya taṃ viṣṇuḥ sādhusādhviti bhārata || 26 ||
[Analyze grammar]

karasparśena kṛtavānvimohaṃ vinatātmajam |
samāśvāsya ca taṃ vāgbhiḥ śaktiṃ dṛṣṭvā ca niṣphalām || 27 ||
[Analyze grammar]

kubhāryasya yathā puṃsaḥ sarvaṃsyācciṃtitaṃ vṛthā |
dṛṭhasāramahāmaurvīmanyāṃ saṃyojayattataḥ || 28 ||
[Analyze grammar]

kṛtvā ca talanirghoṣaṃ raudramastraṃ mumoca saḥ |
tato'stratejasā sarvamākāśaṃ naiva dṛśyate || 29 ||
[Analyze grammar]

bhūmirdiśaśca vidiśo bāmajālamayā bubhuḥ |
dṛṣṭvā tadastramāhātmyaṃ senānīrgrasano'suraḥ || 30 ||
[Analyze grammar]

brāhmamastraṃ cakārāśu sarvāstravinivāraṇam |
tena tatpraśamaṃ yātaṃ raudrāstraṃ lokabhīṣaṇam || 31 ||
[Analyze grammar]

astre pratihate tasminviṣṇurdānavasūdanaḥ |
kāladaṃḍāstramakarotsarvalokabhayaṃkaram || 32 ||
[Analyze grammar]

saṃdhīyamānestre tasminmārutaḥ paruṣo vavau |
cakaṃpe ca mahī devī bhinnāścāṃbudhayo'bhavan || 33 ||
[Analyze grammar]

tadastramugraṃ dṛṣṭvā tu dānavā yuddhadurmadāḥ |
cakrurastrāṇi divyāni nānārūpāṇi saṃyuge || 34 ||
[Analyze grammar]

nārāyaṇāṃstraṃ grasanastu cakre tvāṣṭraṃ nimiścāstravaraṃ mumoca |
aiṣīkamastraṃ ca cakāra jaṃbho yuddhasya daṇḍāstra nivāraṇāya || 35 ||
[Analyze grammar]

yāvacca saṃdhānavaśaṃ prayāṃti nārāyaṇādīni nivāraṇāya |
tāvatkṣaṇenaiva jaghāna koṭīṃdaityeśvarāṇāṃ kila kāladaṃḍaḥ || 36 ||
[Analyze grammar]

anaṃtaraṃ śāṃtabhayaṃ tadastraṃ daityāstrayogena ca kāladaṇḍam |
śāṃtaṃ tadālokya hariḥ svamastraṃ kopena kālānalatulyamūrtiḥ || 37 ||
[Analyze grammar]

jagrāha cakraṃ tapanā yutaprabhamugrāramātmānamiva dvitīyam |
cikṣepa senāpataye jvalaṃtaṃ caturbhūjaḥ saṃyati saṃpragṛhya || 38 ||
[Analyze grammar]

tadāvrajaccakramatho vilokya sarvātmanā daityavarāḥ svavīryāt |
nāśaknunvārayituṃ pracaṃḍaṃ daivaṃ yathā pūrvamivopapannam || 39 ||
[Analyze grammar]

tadapratarkyaṃ navahetitulyaṃ cakraṃ papāta grasanasya kaṇṭhe |
tadraktadhārā ruṇaghoranābhi jagāma bhūyopi karaṃ murāreḥ || 40 ||
[Analyze grammar]

cakrāhataḥ saṃyati dānavaśca papāta bhūmau pramamāra cāpi |
daityāśca śeṣā bhṛśaśaukamāpuḥ krodhaṃ ca kecitpipiṣurbhujāṃśca || 41 ||
[Analyze grammar]

tato vinihate daitye grasane balanāyake |
nirmaryādamayudhyaṃta hariṇā saha dānavāḥ || 42 ||
[Analyze grammar]

paṭṭiśairmuśalaiḥ prāsaigni dābhiḥ kaṇapairapi |
tīkṣṇānanaiśca nārācaiścakraiḥ śaktibhireva ca || 43 ||
[Analyze grammar]

tadastrajālaṃ tairmuktaṃ labdhalakṣo janārdanaḥ |
ekaikaṃ śatadhā cakre bāṇairagni śikhopamaiḥ || 44 ||
[Analyze grammar]

jaghāna teṣāṃ saṃkruddhaḥ koṭikoṭiṃ janārdanaḥ |
tataste sahasā bhūtvā nyapatankeśavopari || 45 ||
[Analyze grammar]

garuḍaṃ jagṛhuḥ kecitpādayoḥ śataśo'surāḥ |
lalaṃbire ca pakṣābhyāṃ mukhe cānye lalaṃbire || 46 ||
[Analyze grammar]

keśavasyāpi dhanuṣi bhujayoḥ śīrṣa eva ca |
lalaṃbire mahādaityā ninadaṃto muhurmuhuḥ || 47 ||
[Analyze grammar]

tadadbhutaṃ mahaddṛṣṭvā siddhacāraṇavārtikāḥ |
hāheti mumucurnādasaṃbare cāstuvanharim || 48 ||
[Analyze grammar]

tato harirvinirdhūya pātayāmāsa tānbhuvi |
yathā prabuddhaḥ puruṣo doṣānsaṃsārasaṃbhavān || 49 ||
[Analyze grammar]

vikośaṃ ca tataḥ naṃdakaṃ khaḍgamuttamam |
carma cāpyamalaṃ viṣṇuḥ padātistānadhāvata || 50 ||
[Analyze grammar]

tato muhūrtamātreṇa padmāni daśa keśavaḥ |
cakartta mārge bahubhirvicarandaityasattamān || 51 ||
[Analyze grammar]

tato nimiprabhṛtayo vinadyāsurasattamāḥ |
adhāvaṃta maheṣvāsāḥ keśavaṃ pādacāriṇam || 52 ||
[Analyze grammar]

garutmāṃścābhyayāttūrṇamāruroha ca taṃ hariḥ |
uvāca ca garutmaṃtaṃ tasmiṃśca tumule raṇe || 53 || || 9 ||
[Analyze grammar]

aśrāṃto yadi tārkṣyāsi mathanaṃ prati tadvraja |
śrāṃtaścecca muhūrtaṃ tvaṃ raṇādapasṛto bhava || 54 ||
[Analyze grammar]

tārkṣya uvāca |
na me śramo'sti lokeśa kiṃcitsaṃsmarataśca me |
yanme sutānvāhanatve kalpayāmāsa tārakaḥ || 55 ||
[Analyze grammar]

iti bravanraṇe daityaṃ mathanaṃ prati so'gamat |
daityastavabhimukhaṃ dṛṣṭvā śaṃkhacakragadādharam || 56 ||
[Analyze grammar]

jaghāna bhiṃḍipālena śitadhāreṇa vakṣasi |
taṃ prahāramaciṃtyaiva viṣṇustasminmahāhave || 57 ||
[Analyze grammar]

jaghāna paṃcabhirbāṇairgirīṃdrasyāpi bhedakaiḥ |
ākarṇakṛṣṭairdaśabhiḥ punarviddhaḥ stanāṃtare || 58 ||
[Analyze grammar]

vicetano muhūrtātsa saṃstabhya mathanaḥ punaḥ |
gṛhītvā parighaṃ mūrdhni janārdanamatāḍayat || 59 ||
[Analyze grammar]

viṣṇustena prahāreṇa kiṃcidāghūrṇito'bhavat |
tataḥ kopavivṛttākṣo gadāṃ jagrāha mādhavaḥ || 60 ||
[Analyze grammar]

tayā saṃtāḍayāmāsa mathanaṃ hṛdaye dṛḍham |
sa papāta tathā bhūmau cūrṇitāṃgo mamāra ca || 61 ||
[Analyze grammar]

tasminnipatite bhūmau mathane mathite bhṛśam |
avasādaṃ yuyurdaityāḥ sarve te yuddhamaṇḍale || 62 ||
[Analyze grammar]

tatasteṣu viṣaṇṇeṣu dānaveṣvatimāniṣu |
cukopa raktanayano mahiṣo dānaveśvaraḥ || 63 ||
[Analyze grammar]

pratyudyayau hariṃ raudraḥ svabāhubalamāśritaḥ |
rīkṣṇadhāreṇa śūlena mahiṣo harimardayan || 64 ||
[Analyze grammar]

śaktyā ca garuḍaṃ vīro hṛdaye'bhyahanaddṛḍham |
tato vivṛtya vadanaṃ mahāmalaguhānibham || 65 ||
[Analyze grammar]

grastumaicchadraṇe daityaḥ sagarutmaṃtamacyutam |
athācyuto'pi vijñāya dānavasya cikīrṣitam || 66 ||
[Analyze grammar]

vadanaṃ pūrayāmāsa divyaistrairmahābalaḥ |
sa tairbāṇairabhihato mahiṣo'calasaṃnibhaḥ || 67 ||
[Analyze grammar]

parivartitakāyārdhaḥ papātātha mamāra ca |
mahiṣaṃ patitaṃ dṛṣṭvā jīvayitvā punarhariḥ || 68 ||
[Analyze grammar]

mahiṣaṃ prāha mattastvaṃ vadhaṃ nārhasi dānava |
yoṣidvadhyaḥ puroktastvaṃ sākṣātkamalayoninā || 69 ||
[Analyze grammar]

uttiṣṭha gaccha manmukto drutamasmānmahāraṇāt |
ityukto hariṇā tasmāddeśādapagato'suraḥ || 70 ||
[Analyze grammar]

tasminparāṅmukhe daitye mahiṣe śuṃbhadānavaḥ |
saṃdaṣṭauṣṭhapuṭāṭopo bhṛkuṭīkuṭilānanaḥ || 71 ||
[Analyze grammar]

nirmadhya pāṇinā pāṇiṃ dhanurādāya bhairavam |
sajjīkṛtya mahāghorānmumoca śataśaḥ śarān || 72 ||
[Analyze grammar]

sa citrayodhī dṛḍhamuṣṭipātastataśva viṣṇuṃ ca daityaḥ |
bāṇairjvaladvahniśikhānikāśaiḥ kṣiptairasaṃkhyaiḥ pratighāhīnaiḥ || 73 ||
[Analyze grammar]

viṣṇuśca daityeṃdraśarārdito bhṛśaṃ bhuśuṃḍimādāya kṛtāṃtatulyām |
tayā mukhaṃ cāsya pipeṣa saṃkhye śuṃbhasya jatruṃ ca dharādharābham || 74 ||
[Analyze grammar]

tatastribhiḥ śaṃbhubhujaṃ dviṣaṣṭyā sūtasya śīrṣaṃ daśakṣiśca ketum |
viṣṇurvikṛṣṭaiḥ śravaṇāvasānaṃ daityasya bāṇairjvalanārkavarṇaiḥ || 75 ||
[Analyze grammar]

sa taiśca viddho vyathito babhūva daityeśvaro visrutaśoṇitāktaḥ |
tato'sya kiṃciccalitasya dhairyāduvāca śaṃkhāṃbujasārṅgapāṇiḥ || 76 ||
[Analyze grammar]

yoṣitsuvadhyo'si raṇaṃ vibhuṃca śuṃbhā'śubha svalpatarairahobhiḥ |
mattorhasi tvaṃ na vṛthaiva mūḍha tato'payātaḥ sa ca śaṃbhadānavaḥ || 77 ||
[Analyze grammar]

jambho'tha tadviṣṇumukhānniśamya jagarja coccaiḥ kṛtasiṃhanādaḥ |
provāca vākyaṃ ca salīlamājau mahāṭṭahāsena jagadvikaṃpya || 78 ||
[Analyze grammar]

kimebhiste jalāvāsa daityairhīnaparākramaiḥ |
māmāsādaya yuddhe'sminyadi te pauruṣaṃ kvacit || 79 ||
[Analyze grammar]

yatte pūrvaṃ hatā daityā hiraṇyākṣamukhāḥ kila |
jaṃbhastadābhavannaiva paśya māmadya saṃsthitam || 80 ||
[Analyze grammar]

paśya tālapratī kāśau bhujāvetau hare mama |
vakṣo vā vajrakaṭhinaṃ mayi prahara tatsukham || 81 ||
[Analyze grammar]

ityuktaḥ keśavastena sṛkkiṇī saṃlihanruṣā |
mumoca parighaṃghoraṃ virīṇāmapi dāraṇam || 82 ||
[Analyze grammar]

tatastasyāpyanupadaṃ kālāyasamayaṃ dṛḍham |
mumoca mudgaraṃ viṣṇurdvitīyaṃ parvataṃ yathā || 83 ||
[Analyze grammar]

tadāyudhadvayaṃ dṛṣṭvā jaṃbho nyasya rathe dhanuḥ |
āplutya parighaṃ gṛhya garuḍaṃ tena jaghnivān || 84 ||
[Analyze grammar]

dvitīyaṃ mudgaraṃ cānu gṛhītvā vinadanraṇe |
sarvaprāṇena goviṃdaṃ tena mūrdhni jaghāna saḥ || 85 ||
[Analyze grammar]

tābhyāṃ cātiprahārābhyāmubhau garuḍakeśavau |
mohāviṣṭau vicetaskau mṛtakalpāvivāsatām || 86 ||
[Analyze grammar]

tadadbhutaṃ mahaddṛṣṭvā jagarjurdaityasattamāḥ |
naitānharṣamadoddhūtānidaṃ sehe jagattadā || 87 ||
[Analyze grammar]

siṃhanādaistalonnāhairdhanurnādaiśca bāṇajaiḥ |
jaṃbhaṃ te harṣayāmāsurvāsāṃsyādudhuvuśca te || 88 ||
[Analyze grammar]

śaṃkhāṃśca pūrayāmāsuścikṣipurdevatā bhṛśam || 89 ||
[Analyze grammar]

saṃjñāmavāpyātha mahāraṇe hariḥ savainateyaḥ parirabhya jaṃbham |
parāṅmukhaḥ saṃyugādapradhṛṣyātpalāyanaṃ vegaparaścakāra || 90 ||
[Analyze grammar]