Chapter 16

[English text for this chapter is available]

tāraka uvāca |
rājyena budbudābhena strībhirakṣaiśca pānakaiḥ |
mohito janma labdhvātra tyajate pauruṣaṃ naraḥ || 1 ||
[Analyze grammar]

janma tasya vṛthā sarvamākalpāṃtaṃ na saṃśayaḥ || 2 ||
[Analyze grammar]

mātāpitṛbhyāṃ na karoti kāmānbandhūnaśokānna karoti yo vā |
kīrtiṃ hi vā nārjayate na mānaṃ naraḥ sa jāto'pi mṛto'tra loke || 3 ||
[Analyze grammar]

tasmājjayāyāmarapuṃgavānāṃ trailokyalakṣmīharaṇāya śīghram |
saṃyojyatāṃ me rathamaṣṭacakraṃ balaṃ ca me durjayadaityacakram || 4 ||
[Analyze grammar]

dhvajaṃ ca me kāṃcanapaṭṭabandhaṃ chatraṃ ca me mauktikajālabaddham |
adyāhamāsāṃ surakāminīnāṃ dhammīllakāṃścāgrathitānkariṣye || 5 ||
[Analyze grammar]

yathā purā markaṭako jananyāstasyāśca satyena tu tārakaḥ syām || 6 ||
[Analyze grammar]

nārada uvāca |
tārakasya vacaḥ śrutvā grasanonāma dānavaḥ |
senānīrdaityarājasya tathā cakre'vilaṃbitam || 7 ||
[Analyze grammar]

āhatya bherīṃ gambhīrāṃ daityānāhūya satvaraḥ |
sajjaṃ cakre rathaṃ daityo daityarājasya dhīmataḥ || 8 ||
[Analyze grammar]

garuḍānāṃ sahasreṇa garuḍopamitatviṣā |
te hi putrāḥ suparṇasya saṃsthitā merukandare || 9 ||
[Analyze grammar]

vijitya daityarājena vāhanatve prakalpitāḥ |
aṣṭāṣṭacakraḥ sarathaścaturyojanavistṛtaḥ || 10 ||
[Analyze grammar]

nānākrīḍāgṛhayuto gītavādyamanoharaḥ |
gaṃdharvanagarākāraḥ saṃyuktaḥ pratyadṛsyata || 11 ||
[Analyze grammar]

ājagmustatra daityāśca daśā caṃḍaparākramāḥ |
koṭikoṭiparivārā anye ca bahavo raṇe || 12 ||
[Analyze grammar]

teṣāmagresaro jambhaḥ kujambhonaṃtarastathā |
mahiṣaḥ kuñjaro meṣaḥ kālanemirnimistathā || 13 ||
[Analyze grammar]

mathano jaṃbhakaḥ śumbho daityeṃdrā daśa nāyakāḥ |
daityeṃdrā girivarṣmāṇaḥ saṃti caṃḍaparākramāḥ || 14 ||
[Analyze grammar]

nānāvidhapraharaṇā nānāśastrāstrapāragāḥ |
tārakasyābhavatketurbahūrūpo mahābhayaḥ || 15 ||
[Analyze grammar]

kvacicca rākṣaso ghoraḥ piśācadhvāṃkṣagṛdhrakaḥ |
evaṃ bahuvidhākāraḥ sa ketuḥ pratyadṛśyata || 16 ||
[Analyze grammar]

ketunā makareṇāpi senānīrgrasano babhau |
paiśācaṃ yatra vadanaṃ jaṃbhasyāsīdayasmayam || 17 ||
[Analyze grammar]

kharo vidhutalāṃgūlaḥ kujambhasyābhavaddhvaje |
mahiṣasya ca gomāyuḥ kāṃto haimastathāṃ babhau || 18 ||
[Analyze grammar]

gṛdhro vai kuṃjarasyāsīnmeṣasyābhūcca rākṣasaḥ |
kālanemermahākālo nimerāsīnmahātimiḥ || 19 ||
[Analyze grammar]

rākṣasī mathanasyāpi dhvāṃkṣo'bhūjjaṃbhakasya ca |
mahāvṛkaśca śumbhasya dhvajā evaṃvidhā babhuḥ || 20 ||
[Analyze grammar]

anekākāravinyāsādanyeṣāṃ ca dhvajā bhavan |
śatena śīghravegānāṃ vyāghrāṇāṃ hemamālinām || 21 ||
[Analyze grammar]

grasanasya ratho yukto mahāmegharavo babhau |
śatena cāpi siṃhānāṃ ratho jaṃbhasya yojitaḥ || 22 ||
[Analyze grammar]

kujaṃbhasya ratho yuktaḥ piśācavadanaiḥ kharaiḥ |
tāvadbhirmahiṣasyoṣṭairgajasya ca hayairyutaḥ || 23 ||
[Analyze grammar]

meṣasya dvīpibhirbhīmaiḥ kuñjaraiḥ kālaneminaḥ |
parvataṃ vai samārūḍho niścitya vidhṛtaṃ gajaiḥ || 24 ||
[Analyze grammar]

caturdaṃṣṭrairgaṃdhavadbhiścarbhirmeghasannibhaiḥ |
śatahastāyate kṛṣṇe turaṃge hemabhūṣaṇe || 25 ||
[Analyze grammar]

sitacāmarajālena śobhite puṣpadāmani |
mathanonāma daityendraḥ pāśahasto vyarājata || 26 ||
[Analyze grammar]

kiṃkiṇīmālinaṃ coṣṭramārūḍho'bhūcca jaṃbhakaḥ |
kālamuṃcaṃ mahāmeghamārūḍhaḥ śumbhadānavaḥ || 27 ||
[Analyze grammar]

anye ca dānavā vīrā nānāvāhanahetayaḥ |
pracaṇḍacitravarmāṇaḥ kuṇḍaloṣṇīṣabhūṣitāḥ || 28 ||
[Analyze grammar]

nānāvidhottarāsaṃgā nānāmālyavibhūṣaṇāḥ |
nānāsugaṃdhagaṃdhāḍhyā nānābaṃdhiśatastutāḥ || 29 ||
[Analyze grammar]

nānāvādyaparisyaṃdasāgresaramahārathāḥ |
nānāśauryakathāsaktāstasminsainye mahārathāḥ || 30 ||
[Analyze grammar]

tadbalaṃ daityasiṃhasya bhīmarūpaṃ vyadṛśyata |
bhūmireṇusamāliṃgatturaṃgarathapattikam || 31 ||
[Analyze grammar]

sa ca daityeśvaraḥ kruddhaḥ samārūḍho mahāratham |
daśabhiḥ śuśube daityairdaśabāhuriveśvaraḥ |
jagaddhaṃtuṃ pravṛtto vā pratasthe'sau surānprati || 32 ||
[Analyze grammar]

etasminnaṃtare vāyurdevadūtaḥ surālayam |
dṛṣṭvā taddānava balaṃ jagāmeṃdrasya śaṃsitum || 33 ||
[Analyze grammar]

sa gatvā tu sabhāṃ divyāṃ maheṃdrasya mahātmanaḥ |
śaśaṃsa madhye devānāmidaṃ kāryamupasthitam || 34 ||
[Analyze grammar]

tacchrutvā devarājaḥ sa nimīlitavilocanaḥ |
bṛhaspatimuvācedaṃ vākyaṃ kāle mahāmatiḥ || 35 ||
[Analyze grammar]

indra uvāca |
saṃprāpto'tivimardo'yaṃ devānāṃ dānavaiḥ saha |
kāryaṃ kimatra tadbruhi nītyupāyopabṛṃhitam || 36 ||
[Analyze grammar]

etacchrutvā ca vacanaṃ maheṃdrasya girāṃpatiḥ |
pratyuvāca mahābhāgo baॉhaspati rudāradhīḥ || 37 ||
[Analyze grammar]

bṛhaspatiruvāca |
sāmapūrvaṃ smṛtā nītiścaturaṃgāmanīkinīm |
jigīṣatāṃ suraśreṣṭha sthitireṣā sanātanī || 38 ||
[Analyze grammar]

sāma dānaṃ ca bhedaśca caturtho daṃḍa eva ca |
nītau kramātprayojyāśca deśakālaviśeṣataḥ || 39 ||
[Analyze grammar]

tatra sāma prayoktavyamāryeṣu guṇavatsu ca |
dānaṃ lubdheṣu bhedaśca śaṃkitoṣvito niścayaḥ || 40 ||
[Analyze grammar]

daṇḍaścāpi prayoktavyo nityakālaṃ durātmasu |
sāma daityeṣu naivāsti nirguṇatvāddurātmasu || 41 ||
[Analyze grammar]

śriyā teṣāṃ ca kiṃ kāryaṃ samṛddhānāṃ tathāpi yat |
jātidharmeṇa cābhedyā vidhāturapi te matāḥ || 42 ||
[Analyze grammar]

eko hyupāyo daṃḍo'tra bhavatāṃ yadi rocate |
durjanaḥ sujanatvāya kalpate na kadācana || 43 ||
[Analyze grammar]

lālitaḥ pālito vāpi svasvabhāvaṃ na muṃcati |
evaṃ me manyate buddhirbhavaṃto yadvyavasyatām || 44 ||
[Analyze grammar]

evamuktaḥ sahasrākṣa evamevetyuvāca ha |
kartavyatāṃ ca saṃciṃtya provācāmarasaṃsadi || 45 ||
[Analyze grammar]

bahumānena me vācaṃ śrṛṇudhvaṃ nākavāsinaḥ || 46 ||
[Analyze grammar]

bhavaṃto yajñabhoktāraḥ satāmiṣṭāśca sāttvikāḥ |
svesve pade sthitā nityaṃ jagataḥ pālane ratāḥ || 47 ||
[Analyze grammar]

bhavatāṃ ca nimittena bādhaṃte dānaveśvarāḥ |
teṣāṃ samādi naivāsti daṃḍa eva vidhīyatām || 48 ||
[Analyze grammar]

kriyatāṃ samare buddhiḥ sainyaṃ saṃyojyatāmiti |
āvādyaṃtāṃ ca śastrāṇi pūjyaṃ tāṃ śastradevatāḥ || 49 ||
[Analyze grammar]

ityuktāḥ samanahyaṃta devānāṃ ye pradhānataḥ |
vājināmayutenājau hemapaṭṭapariṣkṛtāḥ || 50 ||
[Analyze grammar]

vāhanāni vimānāni yojayaṃtu mamāmarāḥ |
yamaṃ senāpatiṃ kṛtvā śīghraṃ niryāta devatāḥ || 51 ||
[Analyze grammar]

nānāścaryaguṇopetā durjayā devadānavaiḥ |
ratho mātalinā yukto maheṃdrasyāpyadṛśyata || 52 ||
[Analyze grammar]

yamo mahiṣamāsthāya senāgre samavartata |
caṃḍakiṃkiṇivṛṃdena sarvataḥ parivāritaḥ || 53 ||
[Analyze grammar]

kalpakālojjavālāpūritāṃbaragocaraḥ |
hutāśa uraṇārūḍhaḥ śaktihasto vyavasthitaḥ || 54 ||
[Analyze grammar]

pavanoṃ'kuśapāṇistu vistāritamahājavaḥ |
mahāṛkṣaṃ samārūḍhaṃ senāgre samadṛśyata || 55 ||
[Analyze grammar]

bhujagendraṃ samārūḍho jaleśo bhagavānsvayam |
mahāpāśadharo vīraḥ senāyāṃ samavartata || 56 ||
[Analyze grammar]

narayukte rathe divye dhanādhyakṣo vyacīcarat |
mahāsiṃharavo yuddhe gadāhasto vyavasthitaḥ || 57 ||
[Analyze grammar]

rākṣaseśo'tha nirṛtī rathe rakṣomukhairhayaiḥ |
dhanvī rakṣogaṇavṛto mahārāvo vyadṛśyata || 58 ||
[Analyze grammar]

caṃdrādityāvaśvinau ca vasavaḥ sādhyadevatāḥ |
viśvedevāśca rudrāśca sannaddhāstasthurāhave || 59 ||
[Analyze grammar]

hemapīṭhattarāsaṃgāścitravarmāyudhadhvajāḥ |
gaṃdharvāḥ pratyadṛśyanta kṛtvā viśvāvasuṃ mukhe || 60 ||
[Analyze grammar]

tathā raktottarāsaṃgā nirmalāyovibhūṣaṇāḥ |
gṛdhradhvajā adṛśyaṃta rākṣasā raktamūrdhajāḥ || 61 ||
[Analyze grammar]

tathā bhīmāśanikarāḥ kṛṣṇavastrā mahārathāḥ |
yakṣāstatra vyadṛśyaṃta maṇibhadrādikoṭiśaḥ || 62 ||
[Analyze grammar]

tāmrolūkadhvajā raudrā dvīpicarmāṃbarāstathā |
piśācāstatra rājaṃte mahāvegapuraḥsarāḥ || 63 ||
[Analyze grammar]

tathaiva śvetavasanāḥ sitapaṭṭapatākinaḥ |
mattebhavāhanaprāyāḥ kiṃnarāstasthurāhave || 64 ||
[Analyze grammar]

muktājāla piraṣkāro haṃso hārasamaprabhaḥ |
keturjaladhināthasya saumyarūpo vyarājata || 65 ||
[Analyze grammar]

paṃcarāgamahāratnaviṭaṃko dhanadasya ca |
dhvajaḥ samutthito bhāti yātukāma ivāṃbaram || 66 ||
[Analyze grammar]

kārṣṇalohamayo dhvāṃkṣo yamasyābhūnmahādhvajaḥ |
rākṣaseśasya vadanaṃ pretasya dhvaja ābabhau || 67 ||
[Analyze grammar]

hemasiṃhadhvajau devau candrārkavamitadyuti |
kuṃbhena citravarṇena keturāśvinayorabhūt || 68 ||
[Analyze grammar]

mātaṃgo hemaracitaścitraratnapariṣkṛtaḥ |
dhvajaḥ śatakratorāsītsitacā marasaṃsthitaḥ || 69 ||
[Analyze grammar]

anyeṣāṃ ca dhvajāstatra nānārūpā babhū raṇe |
sanāgayakṣagaṃdharvamahoraganiśācarā || 70 ||
[Analyze grammar]

senā sā devarājasya durjayā pratyadṛśyata |
koṭayastāstrayastriṃśannānādevakāyinām || 71 ||
[Analyze grammar]

haimācalābhe sitakarṇacāmare suvarṇapadmāmalasuṃdarasraji |
kṛtābhirāmojjvalakuṃkumāṃkure kapolalītāvivimuktarāve || 72 ||
[Analyze grammar]

śritastadairāvaṇanāmakuṃjare mahābalaścitraviśeṣitāṃbaraḥ |
viśālavajrāṃgavitānabhūṣitaḥ prakīrṇakeyūrabhujāgramaṃḍalaḥ || 73 ||
[Analyze grammar]

sahasradṛgbaṃdisahasrasaṃstutastriviṣṭape'śobhata pākaśāsanaḥ || 74 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārīkākhaṇḍe tārakāsuradevendrayuddhopakramavarṇanaṃnāma ṣoḍaśo'dhyāyaḥ || 16 ||
[Analyze grammar]