Chapter 7

[English text for this chapter is available]

arjuna uvāca |
mahīsāgaramāhātmyamadbhutaṃ kīrtitaṃ tvayā |
vismayaḥ paramo mahyaṃ praharṣaścopajāyate || 1 ||
[Analyze grammar]

tadahaṃ vistarācchrotumidamicchāmi nārada |
kasya yajñe mahī glānā vahnitāpābhitāpitā || 2 ||
[Analyze grammar]

nārada uvāca |
mahādākhyānamākhyāsye yathā jātā mahīnadī |
śrṛṇvannetāṃ kathāṃ puṇyāṃ puṇyamāpsyasi pāṃḍava || 3 ||
[Analyze grammar]

purābhūdbhūpatirbhūmāvindradyumna iti śrutaḥ |
vadānyaḥ sarvadharmajño mānyo mānayitā prabhuḥ || 4 ||
[Analyze grammar]

ucitajño vivekasya nivāso guṇasāgaraḥ |
na tadasti dharāpṛṣṭhe nagaraṃ grāmapattanam || 5 ||
[Analyze grammar]

tadīyapūrtadharmasya cihnena na yadaṃkitam |
kanyādānāni bahudhā brāhmeṇa vidhinā vyadhāt || 6 ||
[Analyze grammar]

bhūpālo'sau dadau dānamāsahasrāddhanārthinām |
daśamīdivase rātrau gajapṛṣṭhena dundubhiḥ || 7 ||
[Analyze grammar]

tāḍyate tatpure prātaḥ kāryamekādaśīvratam |
yajvanā tena bhūpena vicchinnaṃ somapāyinām || 8 ||
[Analyze grammar]

svaraṇairāstṛtā darbhairdvyaṃgulotsedhitā mahī |
gaṃgāyāṃ sikatā dhārā varṣato divi tārakāḥ || 9 ||
[Analyze grammar]

śakyā gaṇayituṃ prājñaistadīyaṃ sukṛtaṃ na tu |
īdṛśaiḥ sukṛtaireṣa tenaiva vapuṣā nṛpaḥ || 10 ||
[Analyze grammar]

dhāma prajāpateḥ prāpto vimānena kurūdvaha |
bubhuje sa tadā bhogāndurlabhānamarairapi || 11 ||
[Analyze grammar]

atha kalpaśatasyāṃte vyatīte taṃ mahīpatim |
prāha prajāpatiḥ sevāvasarāyātamātmanaḥ || 12 ||
[Analyze grammar]

brahmovāca |
iṃdradyumna drutaṃ gaccha dharāpṛṣṭhaṃ nṛpottama |
na stātavyaṃ madīyedya loke kṣaṇamapi tvayā || 13 ||
[Analyze grammar]

iṃdradyumna uvāca |
kasmādbrahmannito bhūmau māṃ preṣayasi samprati |
sati puṇye madīye tu bahule vada kāraṇam || 14 ||
[Analyze grammar]

brahmovāca |
na puṇyaṃ kevalaṃ rājanguptaṃ svargasya sādhakam |
vinā niṣkalmaṣāṃ kīrti trilokītalavistṛtām || 15 ||
[Analyze grammar]

tava kīrtisamucchedaḥ sāṃprataṃ vasudhātale |
saṃjātaścirakālena gatvā tāṃ kuru nūtanām || 16 ||
[Analyze grammar]

yadi vāṃchā mahīpāla mama dhāmani saṃsthitau || 17 ||
[Analyze grammar]

indradyumna uvāca |
madīyaṃ sukṛtaṃ brahmankathaṃ bhūmau bhavediti |
kiṃ kartavyaṃ mayā naitanmama cetasi tiṣṭhati || 18 ||
[Analyze grammar]

brahmovāca |
balavāneṣa bhūpāla kālaḥ kalayati svayam || 19 ||
[Analyze grammar]

brahmāṃḍānyapi māṃ caiva gaṇanā kā bhavādṛśām |
tadetadeva manye'haṃ tava bhūpāla sāṃpratam || 20 ||
[Analyze grammar]

yatkīrtimātmano vyaktiṃ nītvābhyehi punardivam |
śuśruvāniti vācaṃ sa brahmaṇaḥ pṛthivīpatiḥ || 21 ||
[Analyze grammar]

paśyatisma tathātmānaṃ mahītalamupāgatam |
kāṃpilyanagare bhūyaḥ papracchātmānamātmanā || 22 ||
[Analyze grammar]

nagaraṃ sa tadā deśamaprākṣīditi vismitaḥ |
janā ūcuḥ |
na jānīmo vayaṃ bhūpamiṃdradyumnaṃ na tatpuram || 23 ||
[Analyze grammar]

yattvaṃ pṛcchasi bho bhadra kañcitpṛccha cirāyuṣam |
indradyumna uvāca |
kaḥ saṃprati dharāpṛṣṭhe cirāyuḥ prathito janāḥ || 24 ||
[Analyze grammar]

pṛthivījayarājyesminyatra prabūta mā ciram |
janā ūcuḥ |
śrūyate naimiṣāraṇye saptakalpasmaro muniḥ || 25 ||
[Analyze grammar]

mārkaṃḍeya iti khyātastaṃ gatvā pṛccha saṃśayam |
tathopadiṣṭastairgatvā tatra taṃ munipuṃgavam || 26 ||
[Analyze grammar]

niśamya praṇipatyāha nṛpaḥ svahṛdayasthitam |
iṃdradyumna uvāca |
cirāyurbhagavānbhūmau viśrutaḥ sāṃprataṃ tataḥ || 27 ||
[Analyze grammar]

pṛcchāmyahaṃ bhavānvetti iṃdradyumnaṃ nṛpaṃ na vā || 28 ||
[Analyze grammar]

śrīmārkaṃḍeya uvāca |
saptakalpāntare nābhūtkopīṃdradyumnasaṃjñitaḥ |
bhūpāla kimahaṃ vacmi tavānyatpṛccha saṃśayam || 29 ||
[Analyze grammar]

sa nirāśastadākarṇya vaco bhūpognisādhane |
samudyogaṃ tadā cakre taṃ dṛṣṭvāha tadā muniḥ || 30 ||
[Analyze grammar]

mārkaṃḍeya uvāca |
mā sāhasamidaṃ kārṣīrbhadra vācaṃ śrṛṇuṣva me |
eti jīvaṃtamānaṃdo naraṃ varṣaśatādapi || 31 ||
[Analyze grammar]

tatkaromi pratīkāraṃ tava duḥkhopaśāṃtaye |
śrṛṇu bhadra mamāstīha bako mitraṃ ciraṃtanaḥ || 32 ||
[Analyze grammar]

nāḍījaṃgha iti khyātaḥ sa tvā jñāsyatyasaṃśayam |
tasmādehi drutaṃ yāvadāvāṃ tatra vrajāvahe || 33 ||
[Analyze grammar]

paropakāraikaphalaṃ jīvitaṃ hi mahātmanām |
yadi jñāsyatyasaṃdigdhamiṃdradyumnaṃ sa vakṣyati || 34 ||
[Analyze grammar]

tau prasthitāviti tadā vipreṃdranṛpapuṃgavau |
himācalaṃ prati prītau nāḍījaṃghālayaṃ prati || 35 ||
[Analyze grammar]

bako'tha mitraṃ svaṃ vīkṣya cirakālādupāgatam |
mārkaṃḍeyaṃ yayau prītyutkaṃṭhitaḥ sammukhaṃ dvijaiḥ || 36 ||
[Analyze grammar]

kṛtasaṃvidabhūtpūrvaṃ kuśalasvāgatādinā |
papracchānaṃtaraṃ kāryaṃ vadāgamanakāraṇam || 37 ||
[Analyze grammar]

mārkaṃḍeyotha taṃ prāha bakaṃ prastutamīpsitam |
iṃdradyumnaṃ bhavānvetti bhūpālaṃ pṛthivītale || 38 ||
[Analyze grammar]

etasya mama mitrasya tena jñātena kāraṇam |
no vāyaṃ tyajati prāṇānpurā vahnipraveśanāt || 39 ||
[Analyze grammar]

etasya prāṇarakṣārthaṃ brūhi jānāsi cennṛpam || 40 ||
[Analyze grammar]

naḍījaṃgha uvāca |
caturdaśa smarāmyasmi kalpānvipreṃdra sāṃpratam |
āstāṃ taddarśanaṃ vārtāmapi vā na smarāmyaham || 41 ||
[Analyze grammar]

iṃdradyumno mahīpālaḥ ko'pi nāsīnmahītale |
etāvanmātramevāhaṃ jānāmi dvijapuṃgava || 42 ||
[Analyze grammar]

nārada uvāca |
tataḥ sa vismayāviṣṭastasyāyuriti śuśruvān |
papraccha rājā ko heturdānasya tapaso'tha vā |
yadāyurīdṛśaṃ dīrghaṃ saṃjātamiti vismitaḥ || 43 ||
[Analyze grammar]

nāḍījaṃgha uvāca |
ghṛtakaṃbalamāhātmyānmama devasya śūlinaḥ |
dīrghamāyuridaṃ vipra śāpādbakavapuḥ śrṛṇu || 44 ||
[Analyze grammar]

purā janmanyahaṃ bālo brāhmaṇasyābhavaṃ bhuvi |
pārāśaryasagotrasya viśvarūpasya sanmuneḥ || 45 ||
[Analyze grammar]

bālako baka ityevaṃ pratīto'tipriyaḥ pituḥ |
capalo'tīva bālatve nisargādeva bhadraka || 46 ||
[Analyze grammar]

atha mārakataṃ liṃgaṃ devatāvasarātpituḥ |
cāpalyādvālabhāvāccāpahṛtya nihitaṃ mayā || 47 ||
[Analyze grammar]

ghṛtasya kuṃbhe saṃkrāṃtau makarasyottarāyaṇe |
atha prātarvyatītāyāṃ niśi yāvatpitā mama || 48 ||
[Analyze grammar]

nirmālyāpanayaṃ cakre tāvacchūnyaṃ śivālayam |
niśamya kāṃdiśīko māṃ papraccha madhurasvaram || 49 ||
[Analyze grammar]

vatsa kva nu tvayā liṃgaṃ nūnaṃ vinihitaṃ vada |
dāsyāmi vāṃchitaṃ yatte bhakṣyamanyattavepsitam || 50 ||
[Analyze grammar]

tato mayā bālabhāvādbhakṣyalubdhena tatpituḥ |
ghṛtakuṃbhāṃtarākṛṣya bhadraliṃgaṃ samarpitam || 51 ||
[Analyze grammar]

atha kāle tu saṃprāpte pramīto'haṃ nṛpālaye |
jāto jātismārastāvadānartādhipateḥ sutaḥ || 52 ||
[Analyze grammar]

ghṛtakaṃbalamāhātmyānmakarasthe divākare |
api bālyādavajñānātsaṃyogādghṛtaliṃgayoḥ || 53 ||
[Analyze grammar]

tataḥ saṃsthāpitaṃ liṃgaṃ prāgjanma smaratā mayā |
tataḥ prabhṛti liṃgāni ghṛtenācchādayāmyaham || 54 ||
[Analyze grammar]

pitṛpaitāmahaṃ prāpya rājyaṃ śaktyanurūpataḥ |
tataḥ prasanno bhagavānpārvatīpatirāha mām || 55 ||
[Analyze grammar]

pūrvajanmani tuṣṭo'haṃ ghṛtakaṃbalapūjayā |
prayacchāmyasmi ta rājyamadhunābhimataṃ vṛṇu || 56 ||
[Analyze grammar]

tato mayā vṛtaḥ prādādgāṇapatyaṃ madīpsitam |
kailāse māṃ śivo nityaṃ saṃtuṣṭaḥ prāha ceti ca || 57 ||
[Analyze grammar]

tenaiva hi śarireṇa praṇataṃ purataḥ sthitam |
adyaprabhṛti saṃkrāṃtau makarasyāparopi yaḥ || 58 ||
[Analyze grammar]

ghṛtena pūjāṃ kartāsau bhāvī mama gaṇaḥ sphuṭam |
ityuktvā māṃ śivo bhadra gaṇakoṭīśvaraṃ vyadhāt || 59 ||
[Analyze grammar]

pratīpapālakaṃnāma saṃsthitaṃ śivaśāsanam |
tataḥ kāmādibhiḥ ṣaḍbhiḥ padaiścaṃkramaṇātmikām || 60 ||
[Analyze grammar]

nisargacapalāṃ prāpya bhramarīmiva tāṃ śriyam |
naivālamabhavaṃ tasyā dhāraṇe daivayogataḥ || 61 ||
[Analyze grammar]

vicacāra tadā mattaḥ kilāhaṃ vāraṇo yathā |
kṛtyākṛtyavicāreṇa vimukto'tīva garvitaḥ || 62 ||
[Analyze grammar]

vidyāmabhijanaṃ lakṣmīṃ prāpya nīcanaro yathā |
āpadāṃ pātratāmeti siṃdhūnāmiva sāgaraḥ || 63 ||
[Analyze grammar]

atha kāle vyatikrāṃte kiyanmātre yadṛcchayā |
vicarannagamaṃ śailaṃ himānīruddhakaṃdaram || 64 ||
[Analyze grammar]

tapasyati munistatra gālavo bhāryayā saha |
sadaiva tīvratapasā kṛśo dhamanisaṃtataḥ || 65 ||
[Analyze grammar]

brāhmaṇasya hi dehoyaṃ naivaihikaphalapriyaḥ |
kṛcchrāya tapase ceha pretyānaṃtasukhāya ca || 66 ||
[Analyze grammar]

tasya bhāryā'tirūpeṇa vijigye viśvavarṇinī |
tanvī śyāmā mṛgākṣī sā pīnonnatapayodharā || 67 ||
[Analyze grammar]

haṃsagadgadasaṃbhāṣā mattamātaṃgagāminī |
vistīrṇajaghanā madhye kṣāmā dīrghaśiroruhā || 68 ||
[Analyze grammar]

nimnanābhirvidhātraiṣā nirmitā saṃdidṛkṣuṇā |
vikīrṇamiva sauṃdaryamekapātramiva sthitam || 69 ||
[Analyze grammar]

tato'vinītastāṃ vīkṣya bhadra gālavavallabhām |
ahamāsaṃ śaravrātaistāḍitaḥ puṣpadhanvinā |
vivekino'pi munayastāvadeva vivekinaḥ || 70 ||
[Analyze grammar]

yāvanna hariṇākṣīṇāmapāṃgavivarekṣitāḥ |
mayā vyavasitaṃ citte tadānīṃ tāṃ jihīrṣuṇā || 71 ||
[Analyze grammar]

iti ceti hariṣyāmi tapasā rakṣitāṃ muneḥ |
asyāḥ kṛte yadi śapenmunistatra parābhavaḥ || 72 ||
[Analyze grammar]

mama bhāvī bhavedeṣā bhāryā mṛtyurutāpi me |
tasmācchiṣyo bhavāmyasya śuśrūṣānirato muneḥ || 73 ||
[Analyze grammar]

prāpyāṃtaraṃ hariṣyāmi nāsya yogyeyamaṃganā |
iti vyavasya vidyārthimūrtimāsthāya gālavam || 74 ||
[Analyze grammar]

namaskṛtya vaco'vocamiti bhāvyarthanoditaḥ |
tathā matistathā mitraṃ vyavasāyastathā nṛṇām || 75 ||
[Analyze grammar]

bhavedavaśyaṃ tadbhāvi yathā puṃbhiḥ purā kṛtam |
vivekavairāgyayuto bhagavaṃstvāsamupasthitaḥ || 76 ||
[Analyze grammar]

śiṣyo'haṃ bhavatā pāṭhyaṃ karṇadhāraṃ mahāmunim |
apārapāradaṃ viṣṇuṃ vipramūrtimupāśritam || 77 ||
[Analyze grammar]

namasye cetanaṃ brahmā pratyakṣaṃ gālavākhyayā |
avidyākṛṣṇasarpeṇa daṣṭaṃ tadviṣapīḍitam || 78 ||
[Analyze grammar]

upadeśamahāmaṃtrairmāṃ jāṃgulika jīvaya |
mahāmohamahā vṛkṣo hṛdyāvāpasamutthitaḥ || 79 ||
[Analyze grammar]

tvadvākyatīkṣṇadhāreṇa kuṭhāreṇa kṣayaṃ vrajet |
apavargapathavyāpī mūḍhasaṃsargasecanaḥ || 80 ||
[Analyze grammar]

chidyatāṃ sūtradhāreṇa vidyāparaśunādhunā |
bhajāmi tava śiṣyo'haṃ varivasyāparaściram || 81 ||
[Analyze grammar]

samiddarbhānmūlaphalaṃ dārūṇi jalameva ca |
āhariṣye'nugṛhṇīṣva vinītaṃ māmupasthitam || 82 ||
[Analyze grammar]

itthaṃ purā bakābhikhyaṃ bakavṛttimupāśritam |
tadā'rjave kṛtamatiranujagrāha māṃ muniḥ || 83 ||
[Analyze grammar]

tato'tīva vinīto'haṃ bhūtvā taṃ brāhmaṇīyutam |
viśvāsanāya sudṛḍhaṃ toṣayāmi dinedine || 84 ||
[Analyze grammar]

sa ca jānanmuniḥ patnīṃ pātrabhūtāmaviśvasan |
strīcaritravidaṃke tāṃ vidhāya svapiti dvijaḥ || 85 ||
[Analyze grammar]

athānyasmindine sābhūdbrāhmaṇyatha rajasvalā |
taddūraśāyinī rātrau viśvāsānme tapasvinī || 86 ||
[Analyze grammar]

idamantaramityaṃtarviciṃtyāhaṃ praharṣitaḥ |
malimlucākṛtirbhūtvā niśīthe tāmathāharam || 87 ||
[Analyze grammar]

vilalāpa tadā bālā hriyamāṇā mayoccakaiḥ |
maivaṃ maivamiti jñātvā māṃ svareṇābravīnmunim || 88 ||
[Analyze grammar]

bakavṛttirayaṃ duṣṭo dharmakaṃcukamāśritaḥ |
harate māṃ durācārastasmāttvaṃ trāhi gālava || 89 ||
[Analyze grammar]

tava śiṣyaḥ purā bhūtvā kopveṣodya malimlucaḥ |
māṃ jihīrṣati tadrakṣa śaraṇya śaraṇaṃ bhava || 90 ||
[Analyze grammar]

tadvākyasamakālaṃ sa prabuddho gālavo muniḥ |
tiṣṭhatiṣṭheti māmuktvā gatistambhaṃ vyadhānmama || 91 ||
[Analyze grammar]

tataścitrākṛtirahaṃ stambhito muninā'bhavam |
vrīḍitaṃ praviśāmīva svāṃgāni kila lajjayā || 92 ||
[Analyze grammar]

tataḥ prakupitaḥ prāha māmabhyetyātha gālavaḥ |
tadvajraduḥsahaṃ vākyaṃ yenāhamabhavaṃ bakaḥ || 93 ||
[Analyze grammar]

gālava uvāca |
bakavṛttimupāśritya vaṃcito'haṃ yatastvayā |
tasmādbakastvaṃ bhavitā cirakālaṃ narādhama || 94 ||
[Analyze grammar]

iti śapto'hamabhavaṃ muninā'dharmamāśritaḥ |
paradāropasevārthamanarthamimamāgataḥ || 95 ||
[Analyze grammar]

na hīdṛśamanāyuṣyaṃ loke kiṃcana vidyate |
yādṛśaṃ puruṣasyeha paradāropasevanam || 96 ||
[Analyze grammar]

tataḥ satī sā matsparśadūṣitāṃgī tapasvinī |
mayā vimuktā snātvā māṃ tathaivānuśaśāpa ha || 97 ||
[Analyze grammar]

evaṃ tābhyāmahaṃ śapto hyaśvatthaparṇavadbhayāt |
kaṃpamānaḥ praṇamyobhāvavocaṃ tatra dampatī || 98 ||
[Analyze grammar]

gaṇo'hamīśvarasyaiva durvinītataro yuvām |
nirodhamevaṃ kurutaṃ bhagavaṃtāvanugraham || 99 ||
[Analyze grammar]

vāci kṣuro nāvanītaṃ hṛdayaṃ hi dvijanmanām |
prakupyaṃti prasīdaṃti kṣaṇenāpi prasāditāḥ || 100 ||
[Analyze grammar]

tvayi vipratipannasya tvameva śaraṇaṃ mama |
bhūmau skhalitapādānāṃ bhūmirevāvalaṃbanam || 101 ||
[Analyze grammar]

gaṇādhipatyamapi me jātaṃ paribhavāspadam |
viṣadaṃtā hi jāyante durvinītasya sampadaḥ || 102 ||
[Analyze grammar]

vidureṣyaddhiyā'pāyaṃ parato'nye vivekinaḥ |
naivobhayaṃ vidurnīcā vinā'nubhavamātmanaḥ || 103 ||
[Analyze grammar]

durvīnītaḥ śriyaṃ prāpya vidyāmaiśvaryameva vā |
na tiṣṭhati ciraṃ sthāne yathāhaṃ madagarvitaḥ || 104 ||
[Analyze grammar]

vidyāmado dhanamadastṛtīyo'bhijano madaḥ |
ete madā madāṃdhānāmeta eva satāṃ damāḥ || 105 ||
[Analyze grammar]

nodarkaśālinī buddhiryeṣāmavijitātmanām |
taiḥ śriyaścapalā vācyaṃ nīyaṃte mādṛśairjanaiḥ || 106 ||
[Analyze grammar]

tatprasīda muniśreṣṭha śāpāṃtaṃ me'dhunā kuru |
durvinīteṣvapi sadā kṣamācārā hi sādhavaḥ || 107 ||
[Analyze grammar]

itthaṃ vacasi vijñapte vinītenāpi vai mayā |
prasādapravaṇo bhūtvā śāpāṃtaṃ me tadā vyadhāt || 108 ||
[Analyze grammar]

gālava uvāca |
channakīrtisamuddhārasahāyastvaṃ bhaviṣyasi |
yadendradyumnabhūpasya tadā mokṣamavāpsyasi || 109 ||
[Analyze grammar]

ityahaṃ muniśāpena tadāprabhṛti parvate |
himācale bako bhūtvā kāśyapeyo vasāmi ca || 110 ||
[Analyze grammar]

rājyaṃ cirāyuriti me ghṛtakambalasya jātismaratvamadhunāpi tathānu bhāvān |
śāpādbakatvamabhavanmunigālavasya tadbhadra sarvamuditaṃ bhavatādya pṛṣṭam || 111 ||
[Analyze grammar]