Chapter 33

[English text for this chapter is available]

ṛṣaya ūcuḥ |
kinnāmā ca kirāto'bhūtkiṃ tena vratamāhitam |
tattvaṃ kathaya vipreṃdra paraṃ kautūhalaṃ hi naḥ || 1 ||
[Analyze grammar]

tatsarvaṃ śrotumicchāmo yāthātathyena kathyatām |
na hyanyo vidyate loke tvadvinā vadatāṃ varaḥ |
tasmātkatha bho vipra sarvaṃ śuśrūṣatāṃ hi naḥ || 2 ||
[Analyze grammar]

evamuktastadā tena śaunakena mahātmanā |
kathayāmāsa tatsarvaṃ puṣkasena kṛtaṃ yat || 3 ||
[Analyze grammar]

lomaśa uvāca |
āsītpurā mahāraudraścaḍonāma durātmavān |
krūrasaṃgo niṣkṛtiko bhūtānāṃ bhayavāhakaḥ || 4 ||
[Analyze grammar]

jālena matsyānduṣṭātmā ghātayatyaniśaṃ khalu |
bhallairmṛgāñchāpadāṃśca kṛṣṇasārāṃśca śallakān || 5 ||
[Analyze grammar]

khaḍgāṃścaiva ca duṣṭātmā dṛṣṭvā kāṃścicca pāpavān |
pakṣiṇo'ghātayatkruddho brāhmaṇāṃśca viśeṣataḥ || 6 ||
[Analyze grammar]

lubdhako hi mahāpāpo duṣṭo duṣṭajanapriyaḥ |
bhāryā tathāvidhaā tasya puṣkasasya mahābhayā || 7 ||
[Analyze grammar]

evaṃ viharatastasya bahukālotyavartata |
gate bahutithekāle pāpaughaniratasya ca || 8 ||
[Analyze grammar]

niṣaṃge jalamādāya kṣutpipāsārddito bhṛśam |
ekadā niśi pāpīyācchrīvṛkṣopari saṃsthitaḥ |
kolaṃ haṃtuṃ dhanuṣpāṇirjāgraccānimiṣeṇa hi || 9 ||
[Analyze grammar]

māghamāse'sitāyāṃ vai caturdaśyāmathāgrataḥ |
mṛgamārgavilokārthī bilvapatrāṇyapātayat || 10 ||
[Analyze grammar]

śrīvṛkṣaparṇāni bahūni tatra sa cchedayāmāsa ruṣānvitopi |
śrīvṛkṣamūle parivartamāne liṃgaṃ tasyoparidṛṣṭabhāvaḥ || 11 ||
[Analyze grammar]

vavarṣa gaṃḍūṣajalaṃ durātmā yadṛcchayā tāni śive pataṃti |
śrīvṛkṣaparṇāni ca daivayogājjātaṃ ca sarvaṃ śivapūjanaṃ tat || 12 ||
[Analyze grammar]

gaṃḍūṣavāriṇā tena snapanaṃ ca kṛtaṃ mahat |
bilvapatrairasaṃkhyātairarcanaṃ mahatkṛtam || 13 ||
[Analyze grammar]

ajñānenāpi bho viprāḥ puṣkasena durātmanā |
māghamāse'site pakṣe caturdaśyāṃ vidhūdaye || 14 ||
[Analyze grammar]

puṣkaso'tha durācāro vaॉkṣādavatatāra saḥ |
āgatya jalasaṃkāśaṃ matsyānhaṃtuṃ pracakrame || 15 ||
[Analyze grammar]

lubdha kasyāpi bhāryābhūnnāmnā caiva ghanodarī |
duṣṭā sā pāpaniratā paradravyāpahāriṇī || 16 ||
[Analyze grammar]

gṛhānnirgatya sāyāhne puradvārabahiḥ sthitā |
vanamārgaṃ prapaśyaṃtī patyurāgamanecchayā || 17 ||
[Analyze grammar]

cirādbhartarī nāyāte cintayāmāsa lubdhakī |
adya sāyāhnavelāyāmāgatāḥ sarvalubdhakāḥ || 18 ||
[Analyze grammar]

tamaḥ stomena saṃchannāścatasro vidiśo diśaḥ |
rātrau yāmadvayaṃ yātaṃ kiṃ mataṃgaḥ samāgataḥ || 19 ||
[Analyze grammar]

kiṃ vā kesaralobhena siṃhenaiva vidāritaḥ |
kiṃ bhujaṃgaphaṇāratnahārī sarpaviṣārditaḥ || 20 ||
[Analyze grammar]

kiṃ vā varāhadaṃṣṭrāgraghātaiḥ paṃcatvamāgataḥ |
madhulobhena vṛkṣāgrātsa vai prapatito bhuvi || 21 ||
[Analyze grammar]

kvānveṣayāmi pṛcchāmi kva gacchāmi ca kaṃ prati |
evaṃ vilapya bahudhā nivṛttā svaṃ gṛhaṃ prati || 22 ||
[Analyze grammar]

naivānnaṃ no jalaṃ kiṃcinna bhuktaṃ taddine tayā |
ciṃtayaṃtī patiṃ cāpi lubdhakī tvayanniśām || 23 ||
[Analyze grammar]

atha prabhāte vimale puṣkasī vanamāyayau |
aśanārthaṃ ca tasyānnamādāya tvaritā satī || 24 ||
[Analyze grammar]

bhramamāṇāvane tasmindadarśa mahatīṃ nadīm |
tasyāstīre samāsīnaṃ svapatiṃ prekṣya harṣitā || 25 ||
[Analyze grammar]

tadannaṃ kūlanaḥ sthāpya nadīṃ tartuṃ pracakrame |
nirīkṣya cātha matsyānsa jālaprotānsamānayat || 26 ||
[Analyze grammar]

tāvattayoktaścaṇḍo'sāvehi śīghraṃ ca bhakṣaya |
annaṃ tvadarthamānītamupoṣya divasaṃ mayā || 27 ||
[Analyze grammar]

kṛtaṃ kimadya re maṃda gate'hani ca kiṃ kṛtam |
nā'śitaṃ ca tvayā mūḍha laṃghitenādya pāpinā || 28 ||
[Analyze grammar]

nadyāṃ snātau tathā tau ca dampatī ca śuci vratau |
yāvadgataśca bhoktuṃ sa tāvacchvā svayamāgataḥ || 29 ||
[Analyze grammar]

tena sarvaṃ bhakṣitaṃ ca tadannaṃ svayameva hi |
caṃḍī prakupitā caiva śvānaṃ haṃtumupasthitā || 30 ||
[Analyze grammar]

āvayorbhakṣitaṃ cānnamanenaiva ca pāpinā |
kiṃ ca bhakṣayase mūḍha bhavitādya vubhukṣitaḥ || 31 ||
[Analyze grammar]

evaṃ tayoktaścaṇḍo'sau babhāṣe tāṃ śivapriyaḥ |
yacchunā bhakṣitaṃ cānnaṃ tenāhaṃ paritoṣitaḥ || 32 ||
[Analyze grammar]

kimanena śarīreṇa naśvareṇa gatāyuṣā |
śarīraṃ durlabhaṃ loke pūjyate kṣaṇabhaṃguram || 33 ||
[Analyze grammar]

ye puṣṇaṃti nijaṃ dehaṃ sarvabhāvena cāhatāḥ |
mūḍhāste pāpino jñeyā lokadvayabahiṣkṛtāḥ || 34 ||
[Analyze grammar]

tasmānmānaṃ parityajya krodhaṃ ca duravagraham |
svasthā bhava vimarśena tattvabuddhyā sthirā bhava || 35 ||
[Analyze grammar]

bodhitā tena caṃḍī sā puṣkasena tadā bhṛśam |
jāgarādi ca saṃprāptaḥ puṣkaso'pi caturdaśīm || 36 ||
[Analyze grammar]

śivarātriprasaṃgācca jāyate yaddhyasaṃśayam |
tajjñānaṃ paramaṃ prāptaḥ śivarātriprasaṃgataḥ || 37 ||
[Analyze grammar]

yāmadvayaṃ ca saṃjātamamāvāsyāṃ tu tatra vai |
āgatāśca gaṇāstatra bahavaḥ śivanoditāḥ || 38 ||
[Analyze grammar]

vimānāni bahūnyatra āgatāni tadaṃtikam |
dṛṣṭāni tena tānyeva vimānāni gaṇāstathā || 39 ||
[Analyze grammar]

uvāca parayā bhaktyā puṣkaso'pi ca tānprati |
kasmātsamāgatā yūyaṃ sarve rudrākṣadhāriṇaḥ || 40 ||
[Analyze grammar]

vimānasthāśca kecicca vṛṣārūḍhāśca kecana |
sarve sphaṭikasaṃkāśāḥ sarve caṃdrārddhaśekharāḥ || 41 ||
[Analyze grammar]

kaparddinaścarmaparītavāsaso bhujaṃgabhogaiḥ kṛtahārabhūṣaṇāḥ |
śriyānvitā rudrasamānavīryā yathātathaṃ bho vadatātmanocitam || 42 ||
[Analyze grammar]

puṣkasena tadā pṛṣṭā ūcuḥ sarve ca pārpadāḥ |
rudrasya devadevasya saṃnamrāḥ kamalekṣaṇāḥ || 43 ||
[Analyze grammar]

gaṇā ūcuḥ |
preṣitāḥ smo vayaṃ caṃḍa śivena parameṣṭhinā |
āgaccha tvarito bhutvā sastrīko yā namāruha || 44 ||
[Analyze grammar]

liṃgārccanaṃ kṛtaṃ yacca tvayā rātrau śivasya ca |
tena karmavipākena prāpto'si śivasannidhim || 45 ||
[Analyze grammar]

tathokto vīrabhadreṇa uvāca prahasanniva |
puṣkaso'pi svayā buddhyā prastāvasadṛśaṃ vacaḥ || 46 ||
[Analyze grammar]

puṣkasa uvāca |
kiṃ mayā kṛtamadyaiva pāpinā hiṃsakena ca |
mṛgayārasikenaiva puṣkasena durātmanā || 47 ||
[Analyze grammar]

pāpācāro hyahaṃ nityaṃ kathaṃ svargaṃ vrajāmyaham |
kathaṃ liṃgārcanamidaṃ kṛtamasti taducyatām || 48 ||
[Analyze grammar]

paraṃ kautukamāpannaḥ pṛcchāmi tvāṃ yathātatham |
kathayasva mahābhāga sarvaṃ caiva yathāvidhi || 49 ||
[Analyze grammar]

ityevaṃ pṛcchatastasya puṣkasasya yathāvidhi |
kathayāmāsa tatsarvaṃ śivadharma mudānvitaḥ || 50 ||
[Analyze grammar]

vīrabhadra uvāca |
devadevo mahādevo devānāṃ patirīśvaraḥ |
parituṣṭo'dya he caṃḍa sa maheśa umāpatiḥ || 51 ||
[Analyze grammar]

prāsaṃgikatayā māghe kṛtaṃ liṃgārcanaṃ tvayā |
śivatuṣṭikaraṃ cādya pūto'si tvaṃ na saṃśayaḥ |
śivarātryāṃ prasaṃgena kṛtamarcanameva ca || 52 ||
[Analyze grammar]

kolaṃ nirīkṣamāṇena bilvapatrāṇi caiva hi |
ccheditāni tvayā caṃḍa patitāni tadaiva hi |
liṃgasya mastake tāni tena tvaṃ sukṛtī prabho || 53 ||
[Analyze grammar]

tataśca jāgaro jāto mahānvṛkṣopari dhruvam |
tenaiva jāgareṇaiva tutoṣa jagadīśvaraḥ || 54 ||
[Analyze grammar]

chalenaiva mahābhāga kolasaṃdarśanena hi |
śivarātridine cātra svapnaste na ca yoṣitaḥ || 55 ||
[Analyze grammar]

tenopavāsena ca jāgareṇa tuṣṭo hyasau devavaro mahātmā |
tava prasādāya mahānubhāvo dadāti sarvānvarado mahāṃśca || 56 ||
[Analyze grammar]

evamuktastadā tena vīrabhadreṇa dhīmatā |
puṣkaso'pi vimānāgryamāruhoha ca paśyatām || 57 ||
[Analyze grammar]

gaṇānāṃ devatānāṃ ca sarveṣāṃ prāṇināmapi |
tadā duṃdubhayo nedurbheryastūryāṇyanekaśaḥ || 58 ||
[Analyze grammar]

vīṇāveṇumṛdaṃgāni tasya cāgre gatāni ca |
jagurgaṃdharvapatayo nanṛtuścāpsarogaṇāḥ || 59 ||
[Analyze grammar]

vidyādharagaṇāḥ sarve tuṣṭuvuḥ siddhacāraṇāḥ |
cāmaraivarvījyamāno hi cchatraiśca vividhairapi |
mahotsavena mahatā ānīto gaṃdhamādanam || 60 ||
[Analyze grammar]

śivasānnidhyamāgaccaṃḍosau tena karmaṇā |
śivarātryupavāsena paraṃ sthānaṃ samāgamat || 61 ||
[Analyze grammar]

puṣkaso'pi tathā prāptaḥ prasaṃgena sadāśivam |
kiṃ punaḥ śraddhayā yuktāḥ śivāya paramātmane || 62 ||
[Analyze grammar]

puṣpādikaṃ phalaṃ gaṃdhaṃ tāṃbūlaṃ bhakṣyamṛddhimat |
ye prayacchaṃti loke'sminrudrāste nātra saṃśayaḥ || 63 ||
[Analyze grammar]

caṃḍena vai puṣkasena saphalaṃ tasya cābhavat |
prasaṃgenāpi tenaiva kṛtaṃ taccālpabuddhinā || 64 ||
[Analyze grammar]

ṛṣaya ūcuḥ |
kiṃ phalaṃ tasya coddeśaḥ kena caiva punā kṛtam |
kasmādvratamidaṃ jātaṃ kṛtaṃ kena purā vibho || 65 ||
[Analyze grammar]

lomaśa uvāca |
yadā sṛṣṭaṃ jagatsarvaṃ brahmaṇā parameṣṭhinā |
kālacakraṃ tadā jātaṃ purā rāśimanvitām || 66 ||
[Analyze grammar]

dvādaśa rāśayastatra nakṣatrāṇi tathaiva ca |
saptaviṃśatisaṃkhyāni mukhyāni siddhaye || 67 ||
[Analyze grammar]

ebhiḥ sarvaṃ pracaṃḍaṃ ca rāśibhiruḍubhistathā |
kālacakrānvitaḥ kālaḥ krīḍayansṛjate jagat || 68 ||
[Analyze grammar]

ābrahmastaṃbaparyaṃtaṃ sṛjatya vati haṃti ca |
nibaddhamasti tenaiva kālenaikena bho dvijāḥ || 69 ||
[Analyze grammar]

kālo hi balavāṃlloke eka eva na cāparaḥ |
tasmātkālātmakaṃ sarvamidaṃ nāstyatra saṃśayaḥ || 70 ||
[Analyze grammar]

ādau kālaḥ kālanācca lokanāyakanāyakaḥ |
tato lokā hi saṃjātāḥ sṛṣṭiśca tadanaṃtaram || 71 ||
[Analyze grammar]

sṛṣṭerlavo hi saṃjāto lavācca kṣaṇameva ca |
kṣaṇācca nimiṣaṃ jātaṃ prāṇināṃ hi niraṃtaram || 72 ||
[Analyze grammar]

nimiṣāṇāṃ ca ṣaṣṭyā vai phala ityabhidhīyate |
paṃcadaśyā ahorātraiḥ pakṣaityabhidhīyate || 73 ||
[Analyze grammar]

pakṣābhyāṃ māsa eva syānmāsā dvādaśa vatsaraḥ |
taṃ kālaṃ jñātukāmena kāryaṃ jñānaṃ vicakṣaṇaiḥ || 74 ||
[Analyze grammar]

pratipaddinamārabhya paurṇamāsyaṃtameva ca |
pakṣaṃ pūrṇo hi yasmācca pūrṇimetyabhidhīyate || 75 ||
[Analyze grammar]

pūrṇacaṃdramasī yā tu sā pūrṇā devatāpriyā |
naṣṭastu caṃdro yasyāṃ vā amā sā kathitā budhaiḥ || 76 ||
[Analyze grammar]

agniṣvāttādipitṝṇāṃ priyātīva babhūva ha |
triṃśaddināni hyetāni puṇyakālayutāni ca |
teṣāṃ madhye viśeṣo yastaṃ śrṛṇudhvaṃ dvijottamāḥ || 77 ||
[Analyze grammar]

yogānāṃ vā vyatīpāta ūḍūnāṃ śravaṇastathā |
amāvāsyā tithīnāṃ ca pūrṇimā vai tathaiva ca || 78 ||
[Analyze grammar]

saṃkrāṃtayastathājñeyāḥ pavitrā dānakarmaṇi |
tathāṣṭamī priyā śaṃbhorgaṇeśasya caturthikā || 79 ||
[Analyze grammar]

pañcamī nāgarājasya kumārasya ca ṣaṣṭhikā |
bhānośca saptamī jñeyā navamī caṇḍikāpriyā || 80 ||
[Analyze grammar]

brahmaṇo daśamī jñeyā rudrasyaikādaśī tathā |
viṣṇupriyā dvādaśī ca aṃtakasya trayodaśī || 81 ||
[Analyze grammar]

caturddaśī tathā śaṃbhoḥ priyā nāstyatra saṃśayaḥ |
niśīthasaṃyutā yā tu kṛṣṇapakṣe caturddaśī |
upoṣyā sā tithiḥ śreṣṭhā śivasāyujyakāriṇī || 82 ||
[Analyze grammar]

śivarātritithiḥ khyātā sarvapāpapraṇāśinī |
atraivodāharaṃtīmamitihāsaṃ purātanam || 83 ||
[Analyze grammar]

brāhmaṇī vidhavā kācitpurā hyāsīcca caṃcalā |
śvapacābhiratā sā ca kāmukī kāmahetutaḥ || 84 ||
[Analyze grammar]

tasyāṃ tasya suto jātaḥ śvapacasya durātmanaḥ |
duḥ saho duṣṭanāmātmā sarvadharmabahiṣkṛtaḥ || 85 ||
[Analyze grammar]

mahāpāpaprayogācca pāpamārabhate sadā |
kitavaśca surāpāyī steyī ca gurutalpagaḥ || 86 ||
[Analyze grammar]

mṛgayuśca durātmāsau karmacaṇḍāla eva saḥ |
adharmiṣṭho hyasadvṛttaḥ kadācicca śivālayam |
śivarātryāṃ ca saṃprāpto hyuṣitaḥ śivasannidhau || 87 ||
[Analyze grammar]

śravaṇaṃ śaivaśāstrasya yadṛcchājātamaṃtike |
śivasya liṃgarūpasya svayaṃbhuvo yadā tadā || 88 ||
[Analyze grammar]

sa ekatroṣito duṣṭaḥ śivarātryāṃ tu jāgarāt |
tena karmavipākena puṇyāṃ yonimavāptavān || 89 ||
[Analyze grammar]

bhuktvā puṇyatāmāṃllokānuṣitvā śāśvatīḥ samāḥ |
citrāṃgadasya putrobhūdbhūpāleśvaralakṣaṇaḥ || 90 ||
[Analyze grammar]

nāmnā vicitravīryo'sau subhagaḥ saṃdurī priyaḥ |
rājyaṃ mahattaraṃ prāpya niḥstaṃbho hi mahānabhūt || 91 ||
[Analyze grammar]

śive bhaktiṃ prakurvāṇaḥ śivakarmaparo'bhavat |
śaivaśāstraṃ puraskṛtya śivapūjanatatparaḥ |
rātrau jāgaraṇaṃ yatnātkaroti śivasannidhau || 92 ||
[Analyze grammar]

śivasya gāthā gāyaṃstu ānaṃdāśrukaṇānmuhuḥ |
pramuṃcaṃścaiva netrābhyāṃ romāṃcapulakāvṛtaḥ || 93 ||
[Analyze grammar]

āyuṣyaṃ ca gataṃ tasya śivadhyānaparasya ca |
śivo hi sulabho loke paśūnāṃ jñānanināmapi || 94 ||
[Analyze grammar]

saṃsevituṃ sukhaprāptyai hyeka eva sadāśivaḥ |
śivarātryupavāsena prāpto jñānamanuttamam || 95 ||
[Analyze grammar]

jñānātsarvamanuprāptaṃ bhūtasāmyaṃ niraṃtaram |
sarvabhūtātmakaṃ jñātvā kevalaṃ ca sadā śivam |
vinā śivena yatkiṃcinnāsti vastvatra na kvacit || 96 ||
[Analyze grammar]

evaṃ pūrṇaṃ niṣprapaṃcaṃ jñānaṃ prāpnoti durlabham |
prāptajñānastadā rājā jāto hi śivavallabhaḥ || 97 ||
[Analyze grammar]

muktiṃ sāyujyatāṃ prāptaḥ śivarātrerupoṣaṇāt |
tena labdhaṃ śivājjanma purā yatkathitaṃ mayā || 98 ||
[Analyze grammar]

dākṣāyaṇīvīyo gācca jaṭājūṭena vistarāt |
ya utpanno mastakācca śivasya paramātmanaḥ |
vīrabhadreti vikhyāto dakṣayajñavināśanaḥ || 99 ||
[Analyze grammar]

śivarātrivratenaiva tāritā bahavaḥ purā |
prāptāḥ siddhiṃ purā viprā bharatādyāśca dehinaḥ || 100 ||
[Analyze grammar]

māṃdhātā dhundhumāriśca hariścandrādayo nṛpāḥ |
prāptāḥ siddhimaneneva vratena parameṇa hi || 101 ||
[Analyze grammar]

tato girīśo girijāsametaḥ krīḍānvito'sau girirājamastake |
dyūtaṃ tathaivākṣayutaṃ pareśo yukto bhavānyā sa bhṛśaṃ cakāra || 102 ||
[Analyze grammar]