Chapter 32

[English text for this chapter is available]

| lomaśa uvāca |
evaṃ te śivadharmāśca kathitāstena vai dvijāḥ |
saviśeṣāḥ pāśupatāḥ prasādāccaiva vistarāt || 1 ||
[Analyze grammar]

anekāgamasaṃvītā yathātattvamudāhṛtāḥ |
kāpālikānāṃ bhedāśca proktā vyāsasamāsataḥ || 2 ||
[Analyze grammar]

dharmā nānāvidhāḥ proktā naṃdinaṃ prati vai tadā || 3 ||
[Analyze grammar]

ṛṣaya ūcuḥ |
śrutaṃ kumāracaritamaviśeṣaṃ sumaṃgalam |
asmābhiśca mahābhāgakiṃcitpṛcchāmahe vayam || 4 ||
[Analyze grammar]

śvetasya rājasiṃhasya caritaṃ paramādbhutam |
yena saṃtoṣito rudraḥ śivo bhaktyā'prameyayā || 5 ||
[Analyze grammar]

te bhaktāste mahātmāno jñāninaste ca karmiṇaḥ |
ye'rcayaṃti mahāśaṃbhuṃ devaṃ bhaktyā samāvṛtāḥ || 6 ||
[Analyze grammar]

tasmātpṛcchāmahe sarve caritaṃ śaṃkarasya ca |
vyāsaprasādātsarvaṃ yajjānāsi tvaṃ na cāparaḥ || 7 ||
[Analyze grammar]

niśamya vacanaṃ teṣāṃ munīnāṃ lomaśo'bravīt || 8 ||
[Analyze grammar]

lomaśa uvāca |
ākarṇyatāṃ mahābhāgāścaritaṃ paramādbhutam |
tasya rājño hi bhajato rājabhogāṃśca sarvaśaḥ |
matirddhirme samutpannā śvetasya ca mahātmanaḥ || 9 ||
[Analyze grammar]

pṛthivīṃ pālayāmāsa prajā dharmeṇa pālayan |
brahmaṇyaḥ satyavākchūraḥ śivabhakto niraṃtaram || 10 ||
[Analyze grammar]

rājyaṃ śaśāsātha sa śaktito nṛpo bhaktyā tadā caiva samarcayatsadā |
śaṃbhuṃ pareśaṃ paramaṃ parātparaṃ śāṃtaṃ purāṇaṃ paramātmarūpam || 11 ||
[Analyze grammar]

āyustasya parikṣīṇamarcataḥ parameśvaram |
athaitacca mahābhāga caritaṃ śrūyatāṃ mama || 12 ||
[Analyze grammar]

vāṇī śivakathāyuktā paramāścaryasaṃyutā |
na vā'dhayo hi tasyaiva vyādhayo hi mahīpateḥ || 13 ||
[Analyze grammar]

tasya rājño na bādhaṃte tathā copadravāstvamī |
nirītiko jano hyāsīnnirupadrava eva ca || 14 ||
[Analyze grammar]

akṛṣṭapacyauṣadhayastasya rājño'bhavanbhuvi |
tapasvino brāhmaṇāśca varṇāśramayutā janāḥ || 15 ||
[Analyze grammar]

na putramaraṇe duḥkhaṃ nāpamānaṃ na mārakāḥ |
na dāridryaṃ ca te sarve prāpnuvanti kadācana || 16 ||
[Analyze grammar]

evaṃ bahutaraḥ kālastasya rājño mahātmanaḥ |
gato hi saphalo viprāḥ śivapūjāratasya vai || 17 ||
[Analyze grammar]

ekadā pūjamānaṃ taṃ śaṃkaraṃ paramārthadam |
yamo hi preṣayāmāsa yamadūtānnṛpaṃ prati || 18 ||
[Analyze grammar]

vacanāccitraguptasya śveta ānīyatāmiti |
tatheti matvā te dūtā āgatāḥ śivamaṃdiram || 19 ||
[Analyze grammar]

rājānaṃ netukāmāste pāśahastā mahābhayāḥ |
yāvatsamāgatā yāmyā rājānaṃ dadṛśustvarāt || 20 ||
[Analyze grammar]

na cakrire tadā dūtā ājñāṃ dharmasya caiva hi |
jñātvā sarvaṃ yamaścaiva āgataḥ svayameva hi || 21 ||
[Analyze grammar]

uddhṛtya daṃḍaṃ sahasā netukāmastadā nṛpam |
dadarśa ca mahābāhuḥ śivadhyānaparāyaṇam || 22 ||
[Analyze grammar]

śivabhaktiyutaṃ śāṃtaṃ kevalaṃ jñānasaṃyutam |
yamo'pi dṛṣṭvā rājānaṃ paraṃ kṣobhamupāgamat || 23 ||
[Analyze grammar]

citrastho hyabhavatsdyaḥ pretarājo'tivihvalaḥ |
kālarūpaśca yo nityaṃ prajānāṃ kṣayakārakaḥ || 24 ||
[Analyze grammar]

āgatastatkṣaṇādeva nṛpaṃ prati ruṣānvitaḥ |
khaḍgena sitadhāreṇa carmaṇā paramema hi || 25 ||
[Analyze grammar]

tāvattaṃ dadṛśe so'pi sthitaṃ dvāri bhayāvṛtam |
uvāca kālo hi tadā yamaṃ vaivasvataṃ prati || 26 ||
[Analyze grammar]

kasmāttvayā dharamarāja no nīto'yaṃ nṛpo mahān |
yama dūtasahāyaśca bhītavatpratibhāsi me || 27 ||
[Analyze grammar]

kālātyayo na karttavyo vacanānmama suvrata |
kālenoktastadā dharma uvāca prastutaṃ vacaḥ || 28 ||
[Analyze grammar]

tavājñāṃ ca kariṣyāmi nātra kāryā vicāraṇā |
asau huratyayo'smākaṃ śivabhakto niraṃtaram || 29 ||
[Analyze grammar]

citrasthā iva tiṣṭhāma bhayāddevasya śūlinaḥ |
yamasya vacanaṃ śrutvā kālaḥ krodhasamanvitaḥ |
rājānaṃ haṃtumārebhe tvaritaḥ khaḍgamādade || 30 ||
[Analyze grammar]

triguṇāṣṭākrasaṃkāśaṃ praviveśa śivālayam |
yāvatkopena mahatā tāvaddṛṣṭaḥ pinākinā |
svabhaktaṃ haṃtukāmosau śvetarājānamuttamam || 31 ||
[Analyze grammar]

dhyānasthitaṃ cātmani taṃ viśuddhajñānapradīpena viśuddhacittam |
ātmānamātmātmatayā niraṃtaraṃ svayaṃprakāśaṃ paramaṃ purastāt || 32 ||
[Analyze grammar]

evaṃvidhaṃ taṃ prasamīkṣya kālaṃ saṃciṃtyamānaṃ manasā'calena |
śaivaṃ padaṃ yatparamārtharūpaṃ kaivalyasāyujyakaraṃ svarūpataḥ || 33 ||
[Analyze grammar]

sadāśivena dṛṣṭo'sau kālaḥ kālāṃtakena ca |
ucchṛṃkhalaḥ khalo darpādviśamāno nijāṃtike || 34 ||
[Analyze grammar]

naṃdikeśvaramadhyastho yāvaddṛṣṭo nijāṃtike |
śivena jagadīśena bhaktavatsalabaṃdhunā || 35 ||
[Analyze grammar]

nirīkṣitastṛtīyena cakṣuṣā parameṣṭhinā |
svabhaktaṃ rakṣamāṇena bhasmasādabhavatkṣaṇāt || 36 ||
[Analyze grammar]

dadāha taṃ kālamanekavarṇaṃ vyāttānanaṃ bhīmabahūgrarūpam |
jvālāvalībhiḥ paridahyamānamatipracaṃḍaṃ bhuvanaikabhakṣaṇam || 37 ||
[Analyze grammar]

dadarśire devagaṇāḥ sametāḥ sayakṣagaṃdharvapiśācaguhyakāḥ |
siddhāpsaraḥsarvakhagāśca pannagāḥ patatriṇo lokapālāstathaiva || 38 ||
[Analyze grammar]

jvālāmālāvṛtaṃ kālamīśvarasyāgrataḥ sthitam |
labdhasaṃjñastadā rājā kālaṃ svaṃ haṃtumāgatam || 39 ||
[Analyze grammar]

punaḥ punarddadarśātha dahyamānaṃ kṛśānunā |
prārthayāmāsa sa vyagro rudraṃ kālāgnisannibham || 40 ||
[Analyze grammar]

rājovāca |
namo rudrāya śāṃtāya svajyotsnāyātmavedhase |
niraṃtarāya sūkṣmāya jyotiṣāṃ pataye namaḥ || 41 ||
[Analyze grammar]

trātā tvaṃ hi jagannātha pitā mātā suhṛtsakhā |
tvameva baṃdhuḥ svajano lokānāṃ prabhurīśvaraḥ || 42 ||
[Analyze grammar]

kiṃ kṛtaṃ hi tvayā śaṃbho ko'sau dagdho mamāgrataḥ |
na jānāmi ca kiṃ jātaṃ kṛtaṃ kena mahattaram || 43 ||
[Analyze grammar]

evaṃ prārthayatastasya śrutvā ca paridevanam |
uvāca śaṃkaro vākyaṃ bodhayanniva taṃ nṛpam || 44 ||
[Analyze grammar]

rudra uvāca |
mayā dagdho hyayaṃ kālastavārthe ca tavāgrataḥ |
dahyamāno hi dṛṣṭaste jvālā mālākulo mahān || 45 ||
[Analyze grammar]

evamuktastadā tena śaṃbhunā rājasattamaḥ |
uvāca praśrito bhūtvā vacanaṃ śivamagrataḥ || 46 ||
[Analyze grammar]

kimanena kṛtaṃ śaṃbho akṛtyaṃ vada tattvataḥ |
ya imāṃ prāptito'vasthāṃ prāṇātyayakarīṃ bhava || 47 ||
[Analyze grammar]

evaṃ vijñāpitastena hyuvāca parameśvaraḥ |
bhakṣako'yaṃ mahārāja sarveṣāṃ prāṇināmiha || 48 ||
[Analyze grammar]

bhakṣaṇārthaṃ tava vibho so'yaṃ krūro'dhunā'gataḥ |
mamāṃtikaṃ mahārāja tasmāddagdho mayā vibho || 49 ||
[Analyze grammar]

bahūnāṃ kṣemamanvicchaṃstavārthe'nhaṃ viśeṣataḥ || 50 ||
[Analyze grammar]

ye pāpino hyadharmiṣṭhā lokasaṃhārakārakāḥ |
pāṣaṃḍavādasaṃyuktā vadhyāste mama caiva hi |
vākyaṃ niśamya rudrasya śveto vacanamabravīt || 51 ||
[Analyze grammar]

kālenaiva hi loko'yaṃ puṇyamācarate sadā |
dharmaniṣṭhāśca kecittu bhaktyā paramayā yutāḥ || 52 ||
[Analyze grammar]

upāsanāratāḥ kecijjñānino hi tathā pare |
kecidadhyātmasaṃyuktāścānye muktāśca kecana || 53 ||
[Analyze grammar]

kālo hi hartā ca carācarāṇāṃ tathā hyasau pālako'pyadvitīyaḥ |
sa sraṣṭā vai prāṇināṃ prāṇabhūtastasmādenaṃ jīvayasvāśu bhūyaḥ || 54 ||
[Analyze grammar]

yadi sṛṣṭiparo'si tvaṃ kālaṃ jīvaya satvaram |
yadi saṃhārabhūto'si sarveṣāṃ prāṇināmiha || 55 ||
[Analyze grammar]

tarhyevaṃ kuru śaṃbho tvaṃ kālasya ca mahātmanaḥ |
vinā kālena yatkiṃcidbhaviṣyati na śaṃkara || 56 ||
[Analyze grammar]

iti vijñāpitastena rājñā śaṃbhuḥ pratāpinā |
cakāra vacanaṃ tasya bhaktasya ca cikīrṣitam || 57 ||
[Analyze grammar]

śaṃbhuḥ prahasyātha tadā maheśaḥ saṃjīvayāmāsa pinākapāṇiḥ |
cakāra rūpaṃ ca yathā purāsīdāliṃgatosau yamadūtamadhye || 58 ||
[Analyze grammar]

upasthito'sau tvatha lajjamānastuṣṭāva devaṃ vṛṣabhadhvajaṃ tam |
natvā puraḥsthāgnimayaṃ hi kālaḥ savismayo vākyamidaṃ babhāṣe || 59 ||
[Analyze grammar]

kāla uvāca |
kālāṃtaka tripureśa tripurāṃtakara prabho |
madano hi tvayā deva kṛto'naṃgo jagatpate || 60 ||
[Analyze grammar]

dakṣayajñavināśaśca kṛto hi paramādbhutaḥ |
kālakūṭaṃ duḥprasahaṃ sarveṣāṃ kṣayakṛnmahat || 61 ||
[Analyze grammar]

grasitaṃ tattvayā śaṃbho anyeṣāmapi durddharam |
liṃgarūpeṇa mahatā vyāptamāsījjagattrayam || 62 ||
[Analyze grammar]

layanālliṃgamityuktaṃ sarvairapi surā suraiḥ |
yasyāṃtaṃ na vidurddevā brahmaviṣṇupurogamāḥ || 63 ||
[Analyze grammar]

liṃgasya devadevasya mahimānaṃ parasya ca |
namaste parameśāya namaste viśvamaṃgala |
namaste śitikaṇṭhāya namastasmai kapardine || 64 ||
[Analyze grammar]

namonamaḥ kāraṇakāraṇāya te namonamo maṃgalamaṃgalātmane |
jñānātmane jñānavidāṃ manīṣiṇāṃ tvamādidevo'si pumānpurāṇaḥ || 65 ||
[Analyze grammar]

tvameva sarvaṃ jagadevabaṃdho vedāṃtavedyo'si mahānubhāvaḥ |
mahānubhāvaiḥ parikīrttanīyastvameva viśveśvara viśvamānyaḥ || 66 ||
[Analyze grammar]

tvaṃ pāsi luṃpasi jagattritayaṃ maheśa sraṣṭāsi bhūtapatireva na kaścidanyaḥ || 67 ||
[Analyze grammar]

iti stutastadā tena kālena jagadīśvaraḥ |
uvāca kālo rājānaṃ śvetaṃ saṃbodhayanniva || 68 ||
[Analyze grammar]

kāla uvāca |
manuṣyaloke sakale nānyastvatto hi vidyate |
yena tvayā jito devo hyajeyo bhuvanatraye || 69 ||
[Analyze grammar]

mayā hatamidaṃ viśvaṃ jagadetaccarācaram |
jetāhaṃ sarvadevānāṃ sarveṣāṃ duratikramaḥ || 70 ||
[Analyze grammar]

sa hi te cānugo jāto mahārāja prayaccha me |
abhayaṃ devadevācca śūlinaḥ parameṣṭhinaḥ || 71 ||
[Analyze grammar]

evamuktastadā tena śvetaḥ kālena caiva hi |
uvāca prahasanvācā meghanādagabhīrayā || 72 ||
[Analyze grammar]

rājovāca |
śivasya paramaṃ rūpaṃ tvameko nāsti saṃśayaḥ |
kālastvamasi bhūtānāṃ sthitisaṃhārarūpavān || 73 ||
[Analyze grammar]

tasmātpūjyatamo'si tvaṃ sarveṣāṃ ca niyāmakaḥ |
tvadbhayātkṛtinaḥ sarve śaraṇaṃ parameśvaram |
vrajaṃti vividhairbhārvairātmalakṣaṇatatparāḥ || 74 ||
[Analyze grammar]

suta uvāca |
tenaivaṃ rakṣitataḥ kālo rājñā paramadharmiṇā |
śivaprasādamātreṇa labdhasaṃjño babhūvaha || 75 ||
[Analyze grammar]

tadā yamena stavito mṛtyunā yamadūtakaiḥ |
śivaṃ praṇamya saṃstutya śvetaṃ rājānameva ca |
yayau svamālayaṃ viprā mene svaṃ janitaṃ punaḥ || 76 ||
[Analyze grammar]

māyayā saha patnyā ca śivasya caritaṃ mahat |
anusaṃsmṛtya saṃsmṛtya vismayaṃ paramaṃ yayau || 77 ||
[Analyze grammar]

kathayāmāsa sarveṣāṃ dūtānāṃ svayameva hi |
ākarṇyatāṃ mama vaco he dūtāstvaritena hi || 78 ||
[Analyze grammar]

karttavyaṃ ca prayatnena nānyathā mama bhāṣitam || 79 ||
[Analyze grammar]

kāla uvāca |
ye tripuṇḍraṃdhārayaṃti tathā ye vai jaṭādharāḥ |
ye rudrākṣadharāścaiva tathā ye śivanāminaḥ || 80 ||
[Analyze grammar]

upajīvanahetośca bhiyā ye hyapi mānavāḥ |
pāpino'pi durācārāḥ śivaveṣadharā hyamī || 81 ||
[Analyze grammar]

nānetavyā bhavadbhiśca mama lokaṃ kadācana |
varjyāste hi prayatnena pāpino'pi sadaiva hi || 82 ||
[Analyze grammar]

anyeṣāṃ kā kathā dūtā ye'rcayaṃti sadāśivam |
bhaktyā paramayā śaṃbhuṃ rudrāste nātra saṃśayaḥ || 83 ||
[Analyze grammar]

rudrākṣamekaṃ śirasā bibharti yastathā tripuṃḍraṃ ca lalāṭamadhyake |
paṃcākṣarīṃ ye prajapaṃti sādhavaḥ pūjya bhavadbhiśca na cānyathā kvacit || 84 ||
[Analyze grammar]

yasminrāṣṭro'tha vā deśe grāme cāpi vicakṣaṇaḥ |
śivabhakto na dṛśyeta smaśānāttu viśiṣyate |
tadrāṣṭraṃ deśamityāhuḥ satyaṃ prativadāmi vaḥ || 85 ||
[Analyze grammar]

yasminna saṃti nityaṃ hi śivabhaktisamanvitāḥ |
tadgramasthā janāḥ sarve śāsanīyā na saṃśayaḥ || 86 ||
[Analyze grammar]

evamājñāpayāmāsa yamo'pi nijakiṃkarān |
tatheti matvā te sarve tūṣṇī māsansuvismitāḥ || 87 ||
[Analyze grammar]

evaṃvidho'yaṃ bhuvanaikabhartā sadāśivo lokaguruḥ sa ekaḥ |
dātā prahartā nijabhāvayuktaḥ sanātano'yaṃ jagadekabaṃdhuḥ || 88 ||
[Analyze grammar]

dagdhvā kālaṃ mahādevo nirbhayaṃ ca dadau vibhuḥ |
śvetasya rājarājasya mahīpālavarasya ca || 89 ||
[Analyze grammar]

tadā nirbhayamāpannaḥ śvetarājo mahāmanāḥ |
bhaktyā ca parayā mukto babhūva kṛtaniścayaḥ || 90 ||
[Analyze grammar]

tadā devaiḥ pūjyamāna ṛṣibhiḥ pannagaistathā |
śvato rājanyavaryo'sau śivasāyujyamāptavān || 91 ||
[Analyze grammar]

evaṃ bhaktiparāṇāṃ ca maheśe ca jagadgurau |
siddhiḥ karatale teṣāṃ satyaṃ prativadāmi vaḥ || 92 ||
[Analyze grammar]

śvapaco'pi variṣṭhaḥ syātprasādācchaṃ karasya ca |
tasmātsarvaprayatnena pūjanīyo hi śaṃkaraḥ || 93 ||
[Analyze grammar]

bahūnāṃ janamanāmaṃte śivabhaktiḥ prajāyate || 94 ||
[Analyze grammar]

jñānināṃ kṛtabuddhīnāṃ janmajanmaniśaṃkaraḥ |
kiṃ mayā bahunoktena pūjanīyaḥ sadāśivaḥ || 95 ||
[Analyze grammar]

atraivodāharaṃtīmamitihāsaṃ purātanam |
kirātena kṛtaṃ vrataṃ ca paramādbhutam |
yenaiva tāritaṃ viśvaṃ jagadetaccarācaram || 96 ||
[Analyze grammar]