Chapter 30

[English text for this chapter is available]

lomaśa uvāca |
valgamānaṃ tamāyāṃtaṃ tārakā suramojasā |
ājaghāna ca vajreṇa iṃdro matimatāṃ varaḥ || 1 ||
[Analyze grammar]

tena vajraprahāreṇa tārako vihvalīkṛtaḥ |
patito'pi samutthāya śaktyā taṃ prāharaddvipam || 2 ||
[Analyze grammar]

puraṃdaraṃ gajasthaṃ hi apātayā bhūtale |
hāhākāro mahānāsītpatite ca puraṃdare || 3 ||
[Analyze grammar]

tārakeṇāpi tatraiva yatkṛtaṃ tacchṛṇu prabho |
patitaṃ ca padākramya hastādvajraṃ pragṛhya ca || 4 ||
[Analyze grammar]

hataṃ deveṃdramālokya tārako ripusūdanaḥ |
vajraghātena mahatā'tāḍayattu puraṃdaram || 5 ||
[Analyze grammar]

triśūlamudyamya mahābalastadā sa vīrabhadro ruṣitaḥ puraṃdaram |
saṃrakṣamāṇo hi jaghāna tārakaṃ śūlena daityaṃ ca mahāprabheṇa || 6 ||
[Analyze grammar]

śūlaprahārābhihato nipapāta mahītale |
patito'pi mahātejāstārakaḥ punarutthitaḥ || 7 ||
[Analyze grammar]

jaghāna parayā śaktyā vīrabhadraṃ tadorasi |
vīrabhadropi patitaḥ śaktighātena tasya vai || 8 ||
[Analyze grammar]

sagaṇāścaiva devāśca gaṃdharvoragarākṣasāḥ |
hāhākāreṇa mahatā cukruśuśca punaḥpunaḥ || 9 ||
[Analyze grammar]

tadotthitaḥ sahasā mahābalaḥ sa vīrabhadro dviṣatāṃ nihaṃtā |
triśūlamudyamya taḍitprakāśaṃ jājvalyamānaṃ prabhayā niraṃtaram |
svarociṣā bhāsitadigvitānaṃ sūyadubiṃbāgnyuḍumaṇḍalābham || 10 ||
[Analyze grammar]

triśūlena tadā yāvaddhaṃtukāmo mahābalaḥ |
nivāritaḥ kumāreṇa māvadhīstvaṃ mahāmate || 11 ||
[Analyze grammar]

jagarja ca mahātejāḥ kārttikeyo mahābalaḥ || 12 ||
[Analyze grammar]

tadā jayetyabhihito bhūtairākāśasaṃsthitaiḥ |
śaktyā paramayā vīrastārakaṃ haṃtumudyataḥ || 13 ||
[Analyze grammar]

tārakasya kumārasya saṃgrāmastatra duḥsahaḥ |
jātastato mahāghoraḥ sarvabhūtabhayaṃkaraḥ || 14 ||
[Analyze grammar]

śaktihastau ca tau vīrau yuyudhāte parasparam |
śaktibhyāṃ bhinnahastau tau mahāsāhasasaṃyutau || 15 ||
[Analyze grammar]

parasparaṃ vaṃcayaṃtau siṃhāviva mahābalau |
vaitālikīṃ samāśritya tathā vai khecarīṃ gatim || 16 ||
[Analyze grammar]

pārvataṃ matamāśritya śaktyā śaktiṃ nijaghnatuḥ |
ebhirmatairmahāvīrau cakraturyuddhamuttamam || 17 ||
[Analyze grammar]

anyonyasādhakau bhūtvā mahābalaparākramau |
jaghnatuḥ śaktidhārābhī raṇe raṇaviśāradau || 18 ||
[Analyze grammar]

mūrdhni kaṇṭhe tathā bāhvorjānvoścaiva kaṭītaṭe |
vakṣasyurasi pṛṣṭhe ca cicchidatuḥ parasparam || 19 ||
[Analyze grammar]

tadā tau yudhyamānau ca hantukāmau mahābalau |
prekṣakā hyabhavansarve devagandharvaguhyakāḥ || 20 ||
[Analyze grammar]

ūcuḥ parasparaṃ sarve ko'sminyuddhe vijeṣyate |
tadā nabhogatā vāṇī uvāca parisāṃtvya vai || 21 ||
[Analyze grammar]

tārakaṃ hi surāścādya kumāro'yaṃ haniṣyati |
mā śocyatāṃ surāḥ sarvaiḥ sukhena sthīyatāṃ divi || 22 ||
[Analyze grammar]

śrutvā tadā tāṃ gagane samīritāṃ tadaiva vācaṃ pramathaiḥ parītaḥ |
kumārakastaṃ prati haṃtukāmo daityādhipaṃ tārakamugrarūpam || 23 ||
[Analyze grammar]

śaktyā tayā mahābāhurājaghāna stanāṃtare |
tārakaṃ hyasuraśreṣṭhaṃ kumāro balavattaraḥ || 24 ||
[Analyze grammar]

taṃ prahāramanā dṛtya tārako daityapuṃgavaḥ |
kumāraṃ cā'pi saṃkruddhaḥ svaśaktyā cājaghāna vai || 25 ||
[Analyze grammar]

tena śaktiprahāreṇa śāṃkarirmūrcchito'bhavat |
muhūrtāccetanāṃ prāptaḥ stūyamāno maharṣibhiḥ || 26 ||
[Analyze grammar]

yathā siṃho madonmatto haṃtukāmastathaiva ca |
kumārastārakaṃ daityamājaghāna pratāpavān || 27 ||
[Analyze grammar]

evaṃ paraspareṇaiva kumāraścaiva tārakaḥ |
yuyudhāte'tisaṃrabdhau śaktiyuddhaparāyaṇau || 28 ||
[Analyze grammar]

abhyāsaparamāvāstāmanyonyavijigīṣayā |
tathā tau yudhyamānau ca citrarūpau tapasvinau || 29 ||
[Analyze grammar]

dhārābhiśca aṇībhīśca suprayuktau ca jaghnatuḥ |
avalokaparāḥ sarve devagandharvakinnarāḥ || 30 ||
[Analyze grammar]

vismayaṃ paramaṃ prāptā nocuḥ kiṃcana tasya vai |
na vavau ca tadāvāyurniṣprabho'bhūddivākaraḥ || 31 ||
[Analyze grammar]

himālayo'tha meruśca śvetakūṭaśca darduraḥ |
malayo'tha mahāśailo maināko viṃdhyaparvataḥ || 32 ||
[Analyze grammar]

lokālokau mahāśailau mānasottaraparvataḥ |
kailāso mandaro mālyo gandhamādana eva ca || 33 ||
[Analyze grammar]

udayādrirmaheṃdraśca tathaivāstagirirmahān || 34 ||
[Analyze grammar]

ete cānye ca bahavaḥ parvatāśca mahāprabhāḥ |
snehārdditāstadājagmuḥ kumāraṃ ca parīpsavaḥ || 35 ||
[Analyze grammar]

tataḥ sa dṛṣṭvā tānsarvānbhayabhītāṃśca śāṃkariḥ |
parvatāngirijāputro babhāṣe pratibodhayan || 36 ||
[Analyze grammar]

kumāra uvāca |
mā khidyata mahābhāgā mā ciṃtā kriyatāṃ nagāḥ |
ghātayāmyadya pāpiṣṭhaṃ sarveṣāmiha paśyatām || 37 ||
[Analyze grammar]

evaṃ samāśvāsya tadā manasvī tānparvatāndevagaṇaiḥ sametān |
praṇamya śaṃbhuṃ manasā haripriyaḥ svāṃ mātaraṃ caiva nataḥ kumāraḥ || 38 ||
[Analyze grammar]

kārttikeyastataḥ śaktyā nicakarta ripoḥ śiraḥ |
tacchiro nipapātorvyāṃ tārakasya ca tatkṣaṇāt |
evaṃ sa jayamāpede kārttikeyo mahāprabhuḥ || 39 ||
[Analyze grammar]

dadṛśustaṃ suragaṇā ṛṣayo guhyakāḥ khagāḥ |
kiṃnarāścāraṇāḥ sarpāstathā caivāpsaro gaṇāḥ || 40 ||
[Analyze grammar]

harṣeṇa mahatāviṣṭāstuṣṭuvustaṃ kumārakam |
vidyādharyaśca nanṛturgāyakāśca jagustadā || 41 ||
[Analyze grammar]

evaṃ vijayamāpannaṃ dṛṣṭvā sarve mudā yutāḥ |
tato harṣātsamāgamya svāṃkamāropya cātmajam || 42 ||
[Analyze grammar]

pariṣvajya tu gāḍhena girijāpi tutoṣa vai |
svotsaṃge ca samāropya kumāraṃ sūryavarcasam || 43 ||
[Analyze grammar]

lālayāmāsa tanvaṃgī pārvatī rucirekṣaṇā |
ṛṣībhiḥ satkṛtaḥ śaṃbhuḥ pārvatyā sahitastadā || 44 ||
[Analyze grammar]

āryāsanagatā sādhvī śuśubhe mitabhāṣiṇī |
saṃstūyamānā munibhiḥ siddhacāraṇapannagaiḥ || 45 ||
[Analyze grammar]

nīrājitā tadā devaiḥ pārvatī śaṃbhunā saha |
kumāreṇa sahaivātha śomamānā tadā satī || 46 ||
[Analyze grammar]

himālayastadāgatya putraiśca parivāritaḥ |
mervādyaiḥ parvataiścaiva stūyamānaḥ paro'bhavat || 47 ||
[Analyze grammar]

tadā devagaṇāḥ sarva indrādya ṛṣibhiḥ saha |
puṣpavarṣeṇa mahāta vavarṣuramitadyutim |
kumāramagrataḥ kṛtvā nīrājanaparā babhuḥ || 48 ||
[Analyze grammar]

gītavāditraghoṣeṇa brahmaghoṣeṇa bhūyasā |
saṃstūyamāno vividhaiḥ sūktairvedavidāṃ varaiḥ || 49 ||
[Analyze grammar]

kumāravijayaṃnāma caritraṃ paramādbhutam |
sarvapāpaharaṃ divyaṃ sarvakāmapradaṃ nṛṇām || 50 ||
[Analyze grammar]

ye kīrttayaṃti śucayo'mitabhāgyayuktāścānaṃtyarūpamajarāmaramādadhānāḥ |
kaumāravikramamahātmyamudārametadānaṃdadāyakamanorthakaraṃ nṛṇāṃ hi || 51 ||
[Analyze grammar]

yaḥ paṭhecchṛṇuyādvāpi kumārasya mahātmanaḥ |
caritaṃ tārakākhyaṃ ca sarvapāpaiḥ samucyate || 52 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kedārakhaṃḍe śivaśāstre tārakāsuravadhapūrvakaṃ svāmikārttikeyavijayotsavavarṇanaṃ nāma triṃśo'dhyāyaḥ || 30 ||
[Analyze grammar]