Chapter 29

[English text for this chapter is available]

lomaśa uvāca |
ubhe sene tadā teṣāṃ surāṇāṃ cāmaradviṣām |
anekāścaryasaṃvīte caturaṃgabalānvite |
virejatustadānyo'nyaṃ garjato vāṃbudāgame || 1 ||
[Analyze grammar]

etasminnantare tatra valgamānāḥ parasparam |
devāsurāstadā sarve yuyudhuśca mahābalāḥ || 2 ||
[Analyze grammar]

yuddhaṃ sutumulaṃ hyāsīddevadaityasamākulam |
ruṇḍamuṇḍāṃkitaṃ sarvaṃ kṣaṇena samapadyata || 3 ||
[Analyze grammar]

bhūmau nipatitāstatra śataśo'tha sahasraśaḥ |
keṣāṃcidbāhaviśchinnāḥ khaḍgapātaiḥ sudāruṇaiḥ || 4 ||
[Analyze grammar]

mucukuṃdo hi balavāṃstrailokye'mitavikramaḥ || 5 ||
[Analyze grammar]

tārako hi tadā tena mucukuṃdena dhīmatā |
khaḍgena cāhatāstatra sarvaprāṇena vakṣasi |
prasahya tatprahāraṃ ca prahasanvākyamabravīt || 6 ||
[Analyze grammar]

kiṃ re mūḍha tvayā cādya kṛtamasti balādidam |
na tvayā yoddhumicchāmi mānuṣeṇaiva lajjayā || 7 ||
[Analyze grammar]

tārakasya vacaḥ śrutvā mucukuṃdo'bhyabhāṣata |
mayā hato'si daityeṃdra nānyo bhavitumarhasi || 8 ||
[Analyze grammar]

dṛṣṭvā me khaḍgasaṃpātaṃ na tvaṃ tiṣṭhasi cāgrataḥ |
tvāṃ hanmi paśya me śauryaṃ daityarāja sthiro bhava || 9 ||
[Analyze grammar]

evamuktvā tadā vīro mucukuṃdo mahābalaḥ |
yāvajjaghāna khaḍgena tāvacchaktyā samāhataḥ |
māṃdhātustanayastatra papāta raṇamaṃḍale || 10 ||
[Analyze grammar]

patitastatkṣaṇādeva cotthitaḥ paravīrahā || 11 ||
[Analyze grammar]

sa sajjamānotimahābalo vai haṃtuṃ tadā daityapatiṃ ca tārakam |
brahmāstramudyamya dhanurgṛhītvā māṃdhātṛputro bhuvanaikajetā || 12 ||
[Analyze grammar]

sa tārakaṃ yoddhakāmastarasvī ruṣānvitotphullavilocano mahān |
sa nārado brahmasuto babhāṣe tadā nṛvīraṃ mucukuṃdamevam || 13 ||
[Analyze grammar]

na tārako hanyate mānuṣeṇa tasmādetanmā vimocīrmahāstram || 14 ||
[Analyze grammar]

niśamya vacanaṃ tasya devarṣernāradasya ca |
mucukuṃda uvācedaṃ bhavitā ko'sya mārakaḥ || 15 ||
[Analyze grammar]

tadovāca mahātejā nārado divyadarśanaḥ |
enaṃ haṃtā kumāraśca kumāro'yaṃ śivātmajaḥ || 16 ||
[Analyze grammar]

tasmādbhavadbhiḥ sthātavyamaikapadyena yudhyatām |
tiṣṭha tvaṃ cāyato bhūtvā mucukuṃda mahāmate || 17 ||
[Analyze grammar]

niśamya vākyaṃ ca manoharaṃ śubhaṃ hyudīritaṃ tena mahāprabheṇa |
sarve surāḥ śāṃtiparā babhūvustenaiva sākaṃ nṛvareṇayatnāt || 18 ||
[Analyze grammar]

tato duṃdubhayo neduḥ śaṃkhāśca kṛtaniścayāḥ |
tāḍitā vividhairvādyaiḥ surāsurasamanvitaiḥ || 19 ||
[Analyze grammar]

jagarjurasurāstatra devānprati kṛtodyamāḥ |
śivakopodbhavo vīro vīrabhadro ruṣānvitaḥ || 20 ||
[Analyze grammar]

gaṇairbahubhirāsādya tārakaṃ ca mahābalam |
mucukuṃdaṃ pṛṣṭhataḥ kṛtvā tathaiva ca surānapi || 21 ||
[Analyze grammar]

tadā te pramathāḥ sarve puraskṛtya kumārakam |
yuyudhuḥ saṃyuge tatra vīrabhadrādayo gaṇāḥ || 22 ||
[Analyze grammar]

triśūlairṛṣṭibhiḥ pāśaiḥ khaḍgaiḥ paraśupāṭṭiśaiḥ |
nijaghnuḥ samarenyonyaṃ surāsuravimarddane || 23 ||
[Analyze grammar]

tārako vīrabhadreṇa triśūlena hato bhṛśam |
papāta sahasā tatra kṣaṇa mūrchāpariplutaḥ || 24 ||
[Analyze grammar]

utthāya ca muhūrttācca tārako daityapuṃgavaḥ |
labdhasaṃjño balāviṣṭo vīrabhadraṃ jaghāna ca || 25 ||
[Analyze grammar]

sa śaktiṃ ca mahātejā vīrabhadro hi tārakam |
triśūlena ca ghoreṇa śivasyānucaro balī || 26 ||
[Analyze grammar]

evaṃ saṃyudhyamānau tau jaghnatuścetaretaram |
dvaṃdvayuddhaṃ sutumulaṃ tayorjātaṃ mahātmanoḥ || 27 ||
[Analyze grammar]

surāstatraiva samare prekṣakāhyabhavaṃstadā |
tayorbherīmṛdaṃgāśca paṭahānakagomukhāḥ || 28 ||
[Analyze grammar]

tathā ḍamarūnādena vyāptamāsījjagattrayam |
tena ghoṣeṇa mahatā yudyamānau mahābalau || 29 ||
[Analyze grammar]

śuśubhāte'tisaṃrabdhau prahārairjarīkṛtau |
anyonyamabhisaṃrabdhau tau budhāṃgārakāviva || 30 ||
[Analyze grammar]

nāradena tadā khyāto vīrabhadrasya tadvadhaḥ |
na rocate ca tadvākyaṃ vīrabhadrasya vai tadā || 31 ||
[Analyze grammar]

nāradena yaduktaṃ hi tārakasya vadhaṃ prati |
yathā rudrastathā so'pi vīrabhadro mahābalaḥ || 32 ||
[Analyze grammar]

evaṃ prayudhyamānau tau jaghnatuścetaretaram |
anyonyaṃ svarddhamānau tau garjaṃtau siṃhayoriva || 33 ||
[Analyze grammar]

evaṃ tadā tau bhuvi yudhyamānau mahātmanā jñānavatāṃ vareṇa |
sa vīrabhadro hi tadā nivārito vākyairanekairatha nāradena || 34 ||
[Analyze grammar]

tathā niśamya tadvākyaṃ nāradasya mukhodgatam |
vīrabhadro ruṣāviṣṭo nāradaṃ pratyuvāca ha || 35 ||
[Analyze grammar]

tārakaṃ ca vadhiṣyāmi paśya me'dya parākramam |
ānayaṃti ca ye vīrāḥ svāminaṃ raṇasaṃsadi |
te pāpino hyadharmiṣṭhā vimṛśaṃtiraṇaṃ gatāḥ || 36 ||
[Analyze grammar]

bhīravaste tu vijñeyā na vācyāste kadācana |
tvaṃ na jānāsi devarṣe yodhānāṃ ca pratikriyām || 37 ||
[Analyze grammar]

mṛtyuṃ ca pṛṣṭhataḥ kṛtvā raṇabhūmau gatavyathāḥ |
śastrāśastrairbhinnagātrāḥ praśastā nātra saṃśayaḥ || 38 ||
[Analyze grammar]

ityuktvā cāvadaddevānvīrabhadro mahābalaḥ |
śruṇvaṃtu mama vākyāni devā indrapurogamāḥ || 39 ||
[Analyze grammar]

atārakāṃ mahīṃ cādya kariṣye nātra saṃśayaḥ || 40 ||
[Analyze grammar]

atha triśūlamādāya tārakeṇa yuyodha saḥ |
vṛṣārūḍhairanekaiśca triśūlavaradhāribhiḥ || 41 ||
[Analyze grammar]

kaparddino vṛṣāṃkāśca gaṇāstetiprahāriṇaḥ |
vīrabhadraṃ puraskṛtya vīrabhadraparākramāḥ || 42 ||
[Analyze grammar]

triśūladhāriṇaḥ sarve sarve sarpāgabhūṣaṇāḥ |
sacaṃdraśekharāḥ sarve jaṭājūṭavibhūṣitāḥ || 43 ||
[Analyze grammar]

nilakaṇṭhā daśabhujāḥ pañcakattrāstrilocanāḥ |
chatracāmarasaṃvītāḥ sarve te'tyugrabāhavaḥ || 44 ||
[Analyze grammar]

vīrabhadraṃ puraskṛtya sarve haraparākramāḥ |
yuyudhuste tadā daityāstākāsurajīvinaḥ || 45 ||
[Analyze grammar]

punaḥ punastaiśca tadā babhūvurgaṇairjitāste hyasurāḥ parāṅmukhāḥ |
babhūva teṣāṃ ca tadātisaṃgaro mahābhayo daityavaraistadānīm || 46 ||
[Analyze grammar]

amṛṣyamāṇāḥ paramāstrakovidaistato gaṇāste jayino babhūvuḥ |
gaṇairjitāste hyasurāḥ parābhavaṃ taṃ tārakaṃ te vyathitāḥ śaśaṃsuḥ || 47 ||
[Analyze grammar]

vināmya cāpaṃ hi tathā ca tārakaḥ sa yoddhukāmaḥ praviveśa senām |
yathā jhaṣo vai praviveśa sāgaraṃ tathā hyasau daityavaro mahātmā || 48 ||
[Analyze grammar]

gaṇaiḥ sameto yuyudhe tadānīṃ sa vīrabhadro hi mahābalaśca |
sarvānsurāṃśceṃdramukhānmahābalastathā gaṇānyakṣapiśācaguhyakān |
sa daityavaryo'tiruṣaṃ praviṣṭaḥ saṃmardayāmāsa mahābalo hi || 49 ||
[Analyze grammar]

tataḥ samabhavadyuddhaṃ devadānavasaṃkulam |
devadānavayakṣāṇāṃ sannipātakaraṃ mahat || 50 ||
[Analyze grammar]

tathā vṛṣā garjamānā aśvāñjaghnuśca sādibhiḥ |
rathibhiśca rathāñjaghnuḥ kuṃjarānsādibhiḥ saha || 51 ||
[Analyze grammar]

vṛṣārūḍhauḥ sarathaiste ca sarve niṣpāṭitā hyasurāḥ pothitāśca || 52 ||
[Analyze grammar]

kṣayaṃ praṇītā bahavastadānīṃ petuḥ pṛthivyāṃ nihatāśca kecit |
kecitpraviṣṭā hi rasātalaṃ ca palāyamānā bahavastathaiva || 53 ||
[Analyze grammar]

kecicca śaraṇaṃ prāptā rudrānucarakiṃkarān |
evaṃ naṣṭaṃ tadā sainyaṃ vilokyāsurapālakaḥ |
tārako hi ruṣāviṣṭo haṃtuṃ devagaṇānyayau || 54 ||
[Analyze grammar]

bhujānāmayutaṃ kṛtvā daityarājo hi tārakaḥ |
āruhya siṃhaṃ sahasā ghātayāmāsa tānraṇe || 55 ||
[Analyze grammar]

daṃśitena ca siṃhena vṛṣāḥ kecidvidāritāḥ |
tathaiva tārakeṇaiva ghātitā bahavo gaṇāḥ || 56 ||
[Analyze grammar]

evaṃ kṛtaṃ tadā tena tārakeṇa mahātmanā |
sarveṣāmeva devānāmaśakyastārako mahān || 57 ||
[Analyze grammar]

jātastadā mahābāhustrailokyakṣayakārakaḥ |
tārakasyānugā daityā ajeyā balavattarāḥ || 58 ||
[Analyze grammar]

mahārūḍhā daṃśitāśca karālāste prahāriṇaḥ |
tai rāhṛtā gaṇāḥ sarve siṃhaiśca vṛṣabhā hatāḥ || 59 ||
[Analyze grammar]

evaṃ nihanyamānā vai gaṇāste raṇamaṇḍale |
prahasya viṣṇuḥ provāca kumāraṃ śivavallabham || 60 ||
[Analyze grammar]

viṣṇuruvāca |
nānyo haṃtāsya pāpasya tvadvinā kṛttikāsuta |
tasmāttvayā hi karttavyaṃ vacanaṃ ca mahābhuja || 61 ||
[Analyze grammar]

tārakasya vadhārthāya utpanno'si śivātmaja |
tasmāttvayaiva karttavya nidhanaṃ tārakasya ca || 62 ||
[Analyze grammar]

tacchrutvā bhagavānkruddhaḥ pārvatīnandano mahān |
uvāca prahasanvākyaṃ viṣṇuṃ prati yathocitam || 63 ||
[Analyze grammar]

mayā nirīkṣyate samyakcitrayuddhaṃ mahātmanām |
anibhijño'smyahaṃ viṣṇo kāryākāryavicāraṇe || 64 ||
[Analyze grammar]

ke'smadīyāḥ pare caiva na jānāmi kathaṃcana |
kimarthaṃ yudhyamānā vai parasparavadhe sthitāḥ || 65 ||
[Analyze grammar]

kumārasya vacaḥ śrutvā nārado vākyamabravīt || 66 ||
[Analyze grammar]

nārada uvāca |
kumāro'si mahābāho śaṃkarasyāṃśasaṃbhavaḥ |
tvaṃ trātā jagatāṃ svāmī devānāṃ ca parā gatiḥ || 67 ||
[Analyze grammar]

tārakeṇa purā vīra tapastaptaṃ sudāruṇam |
yenaiva vijitā devā yena svargastathā jitaḥ || 68 ||
[Analyze grammar]

tapasā tena cogreṇa ajeyatvamavāptavān |
anenāpi jitaśceṃdro lokapālāstathaiva ca || 69 ||
[Analyze grammar]

trailokyaṃ ca jitaṃ sarvaṃ hyanenaiva radurātmanā |
tasmāttvayā nihaṃtavyastārakaḥ pāpapūruṣaḥ || 70 ||
[Analyze grammar]

sarveṣāṃ śaṃ vidhātavyaṃ tvayā nāthena cādya vai |
nāradasya vacaḥ śrutvā kumāraḥ prahasanmahān |
vimānā davatīryātha padātiḥ paramo'bhavat || 71 ||
[Analyze grammar]

padmyāṃ tadāsau paridhāvamānaḥ śivātmajoyaṃ ca kumārarūpī |
kare samādāya mahāprabhāvāṃ śaktiṃ maholkāmiva dīptiyuktām || 72 ||
[Analyze grammar]

dṛṣṭvā tamāyāṃtamatīva caṃḍamavyaktarūpaṃ balināṃ variṣṭham |
daityo babhāṣe surasattamānamasau kumāro dviṣatāṃ nihaṃtā || 73 ||
[Analyze grammar]

anena sārddhaṃ hyahameva vīro yotsyāmi sarvānahameva vīrān |
gaṇāṃśca sarvānapi ghātayāmi maheśvarāṃllokapālāṃśca sadyaḥ || 74 ||
[Analyze grammar]

ityevamuktvā satataṃ mahābalaḥ kumāramuddiśya yayau ca yoddham |
jagrāha śaktiṃ paramādbhutāṃ ca sa tārako vākyamidaṃ babhāṣe || 75 ||
[Analyze grammar]

tāraka uvāca |
kumāro megrataścādya bhavadbhiśca kathaṃ kṛtaḥ |
yūyaṃ gatatrapā devā yeṣāṃ rājā puraṃdaraḥ || 76 ||
[Analyze grammar]

purā yena kṛtaṃ karma viditaṃ sarvameva tat |
prasuptāścārdditā garbhe jaṭharasthā nipātitāḥ || 77 ||
[Analyze grammar]

kaśyapasyātmajenaiva bahurūpo hato'suraḥ |
namuciśca hato vīro vṛtraścaiva tathā hataḥ || 78 ||
[Analyze grammar]

kumāraṃ haṃtumosau deveṃdro balaghātakaḥ |
kumāro'yaṃ mayā devā ghātitodya na saṃśayaḥ || 79 ||
[Analyze grammar]

purā hatāstvayā viprā dakṣayajñe hyanekaśaḥ |
tatkarmaṇaḥ phalaṃ cādya vīrabhadra mahāmate |
darśayiṣyāmi te vīra raṇe raṇaviśārada || 80 ||
[Analyze grammar]

ityevamuktvā sa tadā mahātmā daityādhipo vīravaraḥ sa ekaḥ |
jagrāha śaktiṃ paramādbhutāṃ ca sa tārako yuddhavidāṃ variṣṭhaḥ || 81 ||
[Analyze grammar]

iti paramaruṣabhibhūto dititanayaḥ parīvṛto'sureṃdraiḥ |
yudhi matimakarottadā nihaṃtuṃ samaravijayī sa tārako balīyān || 82 ||
[Analyze grammar]