Chapter 24

[English text for this chapter is available]

lomaśa uvāca |
tathaiva sarvaṃ parayā mudānvitaścakre girīṃdraḥ svasutārthameva |
gargaṃ puraskṛtya mahānubhāvo maṃgalyabhūmiṃ parayā vibhūtyā || 1 ||
[Analyze grammar]

āhūya viśvakarmāṇaṃ kārayāmāsa sādaram |
maṃḍapaṃ ca suvistīrṇaṃ vedikābhirmanoramam || 2 ||
[Analyze grammar]

ayutenaiva vistāraṃ yojanānāṃ dvijottamāḥ |
maṃḍapaṃ ca guṇopetaṃ nānāścaryasamanvitatam || 3 ||
[Analyze grammar]

sthāvaraṃ jaṃgamaṃ caiva sadṛśaṃ ca manoharam |
jaṃgamaṃ ca jitaṃ tatra sthāvareṇa tathaiva ca || 4 ||
[Analyze grammar]

jaṃgamena ca tatraiva jitaṃ sthāvarameva ca |
payasā ca jitā tatra sthalabhūmirabhūttadā || 5 ||
[Analyze grammar]

jalaṃ kiṃ nu sthalaṃ tatra na vidustattvato janāḥ |
kvacitsiṃhāḥ kvaciddhaṃsāḥ sārasāśca mahāprabhāḥ || 6 ||
[Analyze grammar]

kvacicchikhaṃḍinastatra kṛtrimāḥ sumanoharāḥ |
tathā nāgāḥ kṛtrimāśca hayāścaiva tathā mṛgāḥ || 7 ||
[Analyze grammar]

ke satyāḥ ke asatyāśca saṃskṛtā viśvakarmaṇā |
tathaiva caivaṃ vidhinā dvārapāḥ adbhutāḥ kṛtāḥ || 8 ||
[Analyze grammar]

puṃso dhanūṃṣi cotkṛṣya sthāvarā jaṃgamopamāḥ |
tathāśvāḥ sādibhiścaiva gajāśca gajasādibhiḥ || 9 ||
[Analyze grammar]

cāmarairvījyamānāśca kecitpuṣpāṃkurānvitāḥ |
kecicca puruṣāstatra virejuḥ sragviṇastathā || 10 ||
[Analyze grammar]

kṛtrimāśca tathā bahvyaḥ patākāḥ kalpitāstathā |
dvāri sthitā mahālakṣmīḥ kṣīrodadhisamudbhavā || 11 ||
[Analyze grammar]

gajāḥ svalaṃkṛtā hyāsankṛtrimā hyakṛtopamāḥ |
tathāśvāḥ sādibhiścaiva gajāśca gajasādibhiḥ || 12 ||
[Analyze grammar]

rathā rathiyutā hyāsankṛtrimā hyakṛtopamāḥ |
sarveṣāṃ mohanārthāya tathā ca saṃsadaḥ kṛtāḥ || 13 ||
[Analyze grammar]

mahādvāri sthito naṃdī kṛtastena hi maṃḍape |
śuddhasphaṭikasaṃkāśo yathā naṃdī tathaiva saḥ || 14 ||
[Analyze grammar]

tasyopari mahaddivyaṃ puṣpakaṃ ratnabhūṣitam |
rājitaṃ pallavācchatraiścāmaraiśca suśobhitam || 15 ||
[Analyze grammar]

vāmapārśve gajau dvau ca śuddhakāśmīrasannibhau |
caturdatau ṣaṣṭivarṣau mahātmānau mahāprabhau || 16 ||
[Analyze grammar]

tathaiva dakṣiṇe pārśve dvāvaśvau daṃśitau kṛtau |
ratnālaṃkārasaṃyuktāṃllokapālāṃstathaiva ca || 17 ||
[Analyze grammar]

ṣoḍaśaprakṛtīstena yāthātathyena dhīmatā |
sarve devā yathārthena kṛtā vai viśvakarmaṇā || 18 ||
[Analyze grammar]

tathaiva ṛṣayaḥ sarve bhṛgvādyaśca tapodhanāḥ |
viśve ca pārṣadaiḥ sākamiṃdro hi paramārthataḥ || 19 ||
[Analyze grammar]

kṛtāḥ sarve mahātmāno yāthātathyena dhīmatā |
evaṃbhūtaḥ kṛtastena maṃḍapo divyarūpavān || 20 ||
[Analyze grammar]

anekāścaryasaṃbhūto divyo divyavimohanaḥ |
etasminnaṃtare tatra āgato nāradogrataḥ || 21 ||
[Analyze grammar]

brahmaṇā noditastatra himālayagṛhaṃ prati |
nāradotha dadarśāgre ātmānaṃ vinayānvitam || 22 ||
[Analyze grammar]

bhrāṃto hi nāradastena kṛtrimeṇa mahāyaśāḥ |
avalokaparastatra caritaṃ viśvakarmaṇaḥ || 23 ||
[Analyze grammar]

praviṣṭo maṃḍapaṃ tasya himādre ratnacitritam |
suvarṇakalaśairjuṣṭaṃ raṃbhādyairupaśobhitam || 24 ||
[Analyze grammar]

sahasa3stambhasaṃyuktaṃ tato'driḥ svagaṇairvṛtaḥ |
tamṛṣiṃ pūjayāmāsa kiṃ kāryamiti pṛṣṭavān || 25 ||
[Analyze grammar]

nārada uvāca |
āgatāste mahātmāno devā indrapurogamāḥ |
tathā maharṣayaḥ sarve gaṇaiśca parivāritāḥ |
mahādevo vṛṣārūḍho hyāgatodvahanaṃ prati || 26 ||
[Analyze grammar]

tatastadvacanaṃ śrutvā himavāngirisattamaḥ |
uvāca nāradaṃ vākyaṃ praśastamadhuraṃ mahat || 27 ||
[Analyze grammar]

pūjayitvā yathānyāyaṃ gaccha tvaṃ śaṃkaraṃ prati || 28 ||
[Analyze grammar]

tatastadvacanaṃ śrutvā munirhimavato gireḥ |
tathaiva matvā vacanaṃ śailarājānabravīt |
menākena ca sahyena meruṇā giriṇā saha || 29 ||
[Analyze grammar]

ebhiḥ sameto hyadhunāmahāmate yatasva śīghraṃ śivamatra cānaya |
devaiḥ sametaṃ ca maharṣivaryaiḥ surāsuraircitapādapaṃkajam || 30 ||
[Analyze grammar]

tatheti matvā sa jagāma tūrṇāṃ sahai va taiḥ parvatarājabhiśca |
tvarāgataścaikapadena śaṃbhuṃ prāpnodṛṣīṇāṃ pravaro mahātmā || 31 ||
[Analyze grammar]

tāvaddṛṣṭo mahādevo devaiśca parivāritaḥ |
tadā brahmā ca viṣṇuśca rudraścaiva suraiḥ saha || 32 ||
[Analyze grammar]

papracachurnāradaṃ sarve ye'nye rudracarā bhṛśam |
kathyatāṃ pṛcchamānānāmasmākaṃ kathyate na hi || 33 ||
[Analyze grammar]

ekaikasyātmajāḥ svāḥ svāḥ sahyamainākameravaḥ |
kanyāṃ dāsyaṃti vā śaṃbhoḥ kiṃ tvidānīṃ pravartate || 34 ||
[Analyze grammar]

tato'vocanmahātejā nāradaścarṣisattamaḥ |
brahmāṇaṃ purataḥ kṛtvā viṣṇuṃ prati sahetukam || 35 ||
[Analyze grammar]

ekāṃtamāśritya tadā surendraṃ sa nārado vākyamidaṃ babhāṣe |
tvaṣṭrā kṛtaṃ vai bhavanaṃ mahattaraṃ yenaiva sarve ca vimohitā vayam || 36 ||
[Analyze grammar]

purā kṛtaṃ tasya mahātmanastvayā kiṃ vismṛtaṃ tatsakalaṃ śacīpate |
tasmādasau tvāṃ vijigīṣukāmo gṛhe vasaṃstasyagirermahātmanaḥ || 37 ||
[Analyze grammar]

aho vimohitastena pratirūpeṇa bhāsvatā |
tathā viṣṇuḥ kṛtastena śaṃkhacakragadādibhṛt || 38 ||
[Analyze grammar]

brahmā caiva tathābhūtastaṃ caiva kṛtavānasau || 39 ||
[Analyze grammar]

māyāmayo vṛṣabhastena veṣātkṛto hi nāgośvatarastathaiva |
tathā cānyānyāpyanenāmarendra sarvāṇyevollikhitānyatra viddhi || 40 ||
[Analyze grammar]

tacchrutvā vacanaṃ tasya deveṃdro vākyamabravīt || 41 ||
[Analyze grammar]

viṣṇuṃ prati tadā śīghraṃ dṛṣṭvā yāmi vasātra bhoḥ |
putraśokena tapto'sau vyājenānyena vā'karot || 42 ||
[Analyze grammar]

tasya tadvacanaṃ śrutvā devadevo janārddanaḥ |
uvāca prahasanvākyaṃ śakramāptabhayaṃ tadā || 43 ||
[Analyze grammar]

nivātakavacaiḥ pūrvaṃ mohito'si śacīpate |
vidyā'mṛtā tatra mayā samānītopasattaye || 44 ||
[Analyze grammar]

mahāvidyābalenaiva praviśya maṇḍape'dhunā |
parvato himavāneṣa tathānye parvatottamāḥ || 45 ||
[Analyze grammar]

vipakṣā hi kṛtāḥ sarve mama vākyācca vāsava |
hetuṃ smṛtvātha vai tvaṣṭā māyayā hyakarodidam || 46 ||
[Analyze grammar]

jayamicchaṃti vai mūḍhā na ca bhetavyamaṇvapi || 47 ||
[Analyze grammar]

evaṃ vivadamānāṃstāndevāñchakrapurogamān |
sāṃtvayāmāsa vai viṣṇurnāradaṃ te tato'bruvan || 48 ||
[Analyze grammar]

dadāti vā na dadāti kanyāṃ girīndraḥ svāṃ vai kathyatāṃ śīghrameva |
kiṃ tena dṛṣṭāṃ kiṃ kṛtaṃ cādya śaṃsa tatsarvaṃ bho nārada te namo'stu || 49 ||
[Analyze grammar]

tacchrutvā prahasañchaṃbhuruvāca vacanaṃ tadā |
kanyāṃ dāsyati cenmahyaṃ parvato hi himālayaḥ |
māyayā mama kiṃ kāryaṃ vada viṣṇo yathātatham || 50 ||
[Analyze grammar]

kenāpvupāyena phalaṃ hi sādhyamityucyate paṃḍitairnyāyavidbhiḥ |
tasmātsarvairgamyatāṃ śīghrameva kāryārthobhiścendrapurogamaiśca || 51 ||
[Analyze grammar]

tadā śivo'pi viśvātmā paṃcabāṇena mohitaḥ |
mahābhūtena bhūteśastvanyeṣāṃ caiva kā kathā || 52 ||
[Analyze grammar]

evaṃ ca vidyamāne'sau śaṃbhuḥ paramaśobhanaḥ |
kṛto hyanaṃgena vaśe yathānyaḥ prākṛto janaḥ || 53 ||
[Analyze grammar]

madano hi balī loke yena sarvamidaṃ jagat |
jitamasti nijaprauḍhyā sadevarṣisamanvitam || 54 ||
[Analyze grammar]

sarveṣāmeva bhūtānāṃ devānāṃ ca viśeṣataḥ |
rājā hyanaṃgo balavānyasya cājñā balīyasī || 55 ||
[Analyze grammar]

pārvatīstrīsvarūpeṇa ajeyo bhuvanatraye |
tāṃ dṛṣṭvā hi striyaṃ sarve ṛṣayo'pi vicakṣaṇāḥ || 56 ||
[Analyze grammar]

devā manuṣyā gandharvāḥ piśācoragarākṣasāḥ |
ājñānullaṃghinaḥ sarve madanasya mahātmanaḥ || 57 ||
[Analyze grammar]

tapobalena mahatā tathā dānabalena ca |
vettuṃ na śakyo madaṃno vinayena vinā dvijāḥ || 58 ||
[Analyze grammar]

tasmādanaṃgasya mahānkrodho hi balavattaraḥ |
īśvaraṃ madanenaivaṃ mohitaṃ vīkṣya mādhavaḥ || 59 ||
[Analyze grammar]

uvāca vākyaṃ vākyajño mā ciṃtāṃ kuru vai prabho |
yaduktaṃ nāradenaiva maṃḍapaṃ prati sarvaśaḥ || 60 ||
[Analyze grammar]

tvaṣṭrā kṛtaṃ vicitraṃ ca tatsarvaṃ madanātprabhoḥ |
tadānīṃ śaṃkaro vākyamuvāca madhusūdanam || 61 ||
[Analyze grammar]

avidyayā vṛtaṃ tena kṛtaṃ tvaṣṭrā hi maṇḍapam |
kiṃ tu vakṣyāmahe viṣṇo maṇḍapaḥ kevalena hi || 62 ||
[Analyze grammar]

vivāho hi mahābhāga avidyāmūla eva ca |
tasmātsarve vayaṃ yāma udvāhārthaṃ ca saṃprati || 63 ||
[Analyze grammar]

nāradaṃ ca puraskṛtya sarve devāḥ savāsavāḥ |
himādrisahitā jagmurmandiraṃ paramādbhutam |
anekāścaryasaṃyuktaṃ vicitraṃ viśvakarmaṇā || 64 ||
[Analyze grammar]

kṛtaṃ ca tenādya pavitramuttamaṃ taṃ yajñavāṭaṃ bahubhiḥ puraskṛtam |
vicitracitraṃ manaso haraṃ ca taṃ yajñavāṭaṃ sa cakāra buddhimān || 65 ||
[Analyze grammar]

pravekṣyamāṇāste sarve surendrā ṛṣibhiḥ saha |
dṛṣṭā himādriṇā tatra abhyutthānagato'bhavat || 66 ||
[Analyze grammar]

tathaiva teṣāṃ ca manoharāṇi harmyāṇi tena pratikalpitāni |
gandharvayakṣāḥ pramathāśca siddhā devāśca nāgāpsarasāṃ gaṇāśca |
vasaṃti yatraiva sukhena tebhyaḥ sa tatratatropavanaṃ cakāra || 67 ||
[Analyze grammar]

teṣāmarthe mahārhāṇi dhārājiragṛhāṇi ca |
atyadbhutāni śobhaṃte kṛtānyeva mahātmanā || 68 ||
[Analyze grammar]

nivāsārthe kalpitāni sāvakāśāni tatra vai |
devānāṃ caiva sarveṣāmṛṣīṇāṃ bhāvitātmanām || 69 ||
[Analyze grammar]

evaṃ vistārayāmāsa viśvakarmā bahūnyapi |
mandirāṇi yathāyogyaṃ yatra tatraiva tiṣṭhatām || 70 ||
[Analyze grammar]

bhairavāḥ kṣetrapālāśca ye'nye ca kṣetravāsinaḥ |
śmaśānavāsinaścānye ye'nye nyagrodhavāsinaḥ || 71 ||
[Analyze grammar]

aśvatthasevinaścānye khecarāśca tathā pare |
yeye yatropaviṣṭāśca tatratatraiva tena vai || 72 ||
[Analyze grammar]

kṛtāni ca manojñāni bhavanāni mahāṃtivai |
teṣāmevānukūlāni bhūtānāṃ viśvakarmaṇā || 73 ||
[Analyze grammar]

tatraiva te sarvagaṇaiḥ sametā nivāsitāstena himādriṇā svayam |
seṃdrāḥ surā yakṣapiśācarakṣasāṃ gandharvavidyāpsarasāṃ samūhāḥ || 74 ||
[Analyze grammar]