Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

| lomaśa uvāca |
karmaṇā paribhūto hi maheṃdro gurumabravīt |
vinā yatnena saṃklesāttartuṃ karmma kimucyatām || 1 ||
[Analyze grammar]

bṛhaspatiruvācedaṃ tyaktvā caivāmarāvatīm |
yāsyāmo'nyatra sarve vai sakuṭuṃbā jigīpavaḥ || 2 ||
[Analyze grammar]

tathā cakruḥ surāḥ sarve hitvā caivāmarāvatīm |
barhiṇo rupamāsthāya gataḥ sadyaḥ puraṃdaraḥ || 3 ||
[Analyze grammar]

kāko bhūtvā yamaḥ sākṣātkṛkalāso dhanādhipaḥ |
agniḥ kapotako bhūtvā bheko bhūtvā maheśvaraḥ || 4 ||
[Analyze grammar]

nairṛtastatkṣaṇādeva kapoto'bhūttato gataḥ |
pāśī kapiṃjalo bhūtvā vāyuḥ pārāvato'bhavat || 5 ||
[Analyze grammar]

evaṃ nānātanubhṛto hitvā te tridivaṃ gatāḥ |
kaśyapasyāśramaṃ puṇyaṃ saṃprāptāste bhayāturāḥ || 6 ||
[Analyze grammar]

aditiṃ mātaraṃ sarve śaśaṃsurdaityaceṣṭitam || 7 ||
[Analyze grammar]

apriyaṃ tadupākarṇya hyaditiḥ putralālasā |
uvāca kaśyapaṃ sā tu surāṇāṃ vyasanaṃ mahat |
maharṣe śrayatāṃ vākyaṃ śrutvā tatkartumarhasi || 8 ||
[Analyze grammar]

daityaiḥ parājitā devā hitvā caivāmarāvatīm |
tvadīyamāśramaṃ prāptāstānrakṣasva prajāpate || 9 ||
[Analyze grammar]

tasyāstadvacanaṃ śrutvā kaśyapo vākyamabravīt |
tapasā mahatā tanvi jānīhi tvaṃ ca bhāmini |
ajeyā hyasurāḥ sādhvi bhṛguṇā hyanumoditāḥ || 10 ||
[Analyze grammar]

teṣāṃ jayo hi tapasā ugreṇā'dyena bhāmini |
kuru śīghratareṇaiva surāṇāṃ kāryasiddhaye || 11 ||
[Analyze grammar]

vratametanmahābhāge kathayāmyarthasiddhaye |
tatkuruṣva prayatnena yathoktavidhinā śubhe || 12 ||
[Analyze grammar]

māsi bhādrapade devi daśamyāṃ niyatā śuciḥ |
ekabhaktaṃ prakurvīta viṣṇoḥ prītyarthameva ca || 13 ||
[Analyze grammar]

prarthanīyo hariḥ sākṣātsarvakāmavareśvaraḥ |
maṃtreṇānena subhage tadbhaktairvaravarṇini || 14 ||
[Analyze grammar]

tava bhaktosmyahaṃ nātha daśamyādidinatrayam |
vrataṃ carāmyahaṃ viṣṇo anujñāṃ dātumarhasi || 15 ||
[Analyze grammar]

anenaiva ca maṃtreṇa prārthanīyo jagatpatiḥ |
ekabhaktaṃ prakurvīta tacca bhaktaṃ ca kevalam || 16 ||
[Analyze grammar]

raṃbhāpatre ca bhoktavyaṃ varjitaṃ lavaṇena hi |
ekādaśyāṃ copavāsaṃ prakurvīta prayatnataḥ || 17 ||
[Analyze grammar]

rātrau jāgaraṇaṃ kuryātprayatnena sumadhyame |
dvādaśyāṃ nipuṇatvena pāraṇā tu vidhānataḥ |
kartavyā jñātibhiḥ sārddhaṃ bhojayitvā dvijīttamān || 18 ||
[Analyze grammar]

evaṃ dvādaśamāsāṃstu kuryādvratamataṃdritaḥ |
māsi bhādrapade prāpte ekādaśyāṃ prayatnataḥ |
viṣṇumabhyarcya yatnena kalaśopari saṃsthitam || 19 ||
[Analyze grammar]

sauvarṇaṃ rājataṃ vāpi yatāśaktyā prakalpayet |
śravaṇena tu saṃyuktāṃ dvādaśīṃ pāpanāśinīm |
vratī upavasedyatnātsarvadoṣapraśāṃtaye || 20 ||
[Analyze grammar]

evaṃ hi kaśyapenoktaṃ śrutvā'ditirathācarat |
vrataṃ sāṃvatsaraṃ yāvanniyamena samanvitatā || 21 ||
[Analyze grammar]

varṣāṃtena vratenaiva parituṣṭo janārdanaḥ |
prādurbabhūva dvādaśyāṃ śravaṇena tadā dvijāḥ || 22 ||
[Analyze grammar]

baṭurūpadharaḥ śrīśo dvibhujaḥ kamalekṣamaḥ |
atasīpuṣpasaṃkāśo vanamālāvibhūṣitaḥ || 23 ||
[Analyze grammar]

taṃ dṛṣṭvā vismayāviṣṭā pūjāmadhye'ditistadā |
kaśyapena samāyuktā sā'stauṣītkamalekṣaṇā || 24 ||
[Analyze grammar]

aditiruvāca |
namonamaḥ kāraṇakāraṇāya te viśvātmane viśvasṛje cidātmane |
vareṇyarūpāya parāvarātmane hyakuṃṭhabodhāya namonamaste || 25 ||
[Analyze grammar]

iti smṛtastadā'dityā devānāṃ pariracyutaḥ |
prahasya bhagavānāha aditiṃ devamātaram || 26 ||
[Analyze grammar]

śrībhagavānuvāca |
tapasā parameṇaiva prasannohaṃ tavānaghe |
amunā vapuṣā caiva devānāṃ kāryasiddhaye || 27 ||
[Analyze grammar]

śrutvā bhagavato vākyamaditistamuvācaha |
bhagavanparājitā devā asurairbalavattaraiḥ |
tānrakṣa śaraṇāpannāsurānsarvāñjanārdana || 28 ||
[Analyze grammar]

niśamya vākyaṃ kila tacca tasyā viṣṇurvikuṃṭhādhipatiḥ sa ekaḥ |
jñātvā ca sarvaṃ suraceṣṭitaṃ tadā baleśca sarvaṃ ca cikīrṣitaṃ ca || 29 ||
[Analyze grammar]

kiṃ kāryamadyaiva mayā hi kāryaṃ yenaiva devā jayamāpnuvaṃti |
parājayaṃ daityavarāśca sarve viṣṇuḥ parātmaiva viciṃtya sarvam || 30 ||
[Analyze grammar]

gadamuvāca bhagavāngacchasvādya vadhaṃ prati |
vairocaniṃ mahābhāge ghāta yasva tvarānvitā || 31 ||
[Analyze grammar]

gadovāca hṛṣīkeśaṃ prahasantīva bhāminī |
mayā hyaśakyo vadhituṃ brahmaṇyo hi balirmahān || 32 ||
[Analyze grammar]

cakraṃ prati tadā viṣmuruvāca parisāṃtvayan |
tvaṃ gaccha balinaṃ haṃtuṃ śīghrameva sudarśana || 33 ||
[Analyze grammar]

tadovāca tvareṇaiva cakrapāṇiṃ sudarśanam |
na śakyate mayā haṃtuṃ balinaṃ taṃ mahāprabho || 34 ||
[Analyze grammar]

brahmaṇyo'si yathā viṣṇo tathāsau daityapuṃgavaḥ |
dhanuṣā ca tathaivoktaḥ śārṅgapāṇiśca vismitaḥ |
ciṃtayāmāsa bahudhā vimṛśya suciraṃ bahu || 35 ||
[Analyze grammar]

atriruvāca |
tadā te hyasurāḥ sarve kimakurvastaducyatām || 36 ||
[Analyze grammar]

lomaśa uvāca |
tadā te hyasurāḥ sarve baliprabhṛtayo divi |
rurudhurnagarīṃ ramyāṃ yoddhukāmāḥ puraṃdaram || 37 ||
[Analyze grammar]

na vidurhyasurāḥ sarve gatāndevāṃstriviṣṭapāt |
nānārūpadharāṃ stasmātkaśyapasyāśrayaṃ prati || 38 ||
[Analyze grammar]

prākāramāruhya tadā hi saṃbhramāddaityāḥ sureśaṃ prati haṃtukāmāḥ |
yāvatpraviṣṭā hyamarāvatīṃ tāṃ śūnyāmapaśyanparituṣṭamānasāḥ || 39 ||
[Analyze grammar]

iṃdrāsane ca śukreṇa hyabhiṣikto balistadā |
sahābhiṣekavidhinā hyasuraiḥ parivāritaḥ || 40 ||
[Analyze grammar]

tathaivādhiṣṭhito rājye balirvairocano mahān |
śuśubhe parayā bhūtyā maheṃdrādhikṛtastadā || 41 ||
[Analyze grammar]

nāgaiścāsurasaṃghaiśca sevyamāno maheṃdravat |
suradrumo jitastena kāmadhe nurmaṇistathā || 42 ||
[Analyze grammar]

dānairddātā ca sarveṣāṃ ye'nye dānitvamāgatāḥ |
sarveṣāmeva bhūtānāṃ dānairdātā balirmahān || 43 ||
[Analyze grammar]

yānyānkāmayate kāmāṃ stānsarvānvitaratyasau |
sarvebhyo'pi sa cārthibhyo dānavānāmadhīśvaraḥ || 44 ||
[Analyze grammar]

śaunaka uvāca |
deveṃdro hi mahābhāga na dadāti kadācana |
kathaṃ balirasau dātā kathayasva yathātatham || 45 ||
[Analyze grammar]

lomaśa uvāca |
yatnato yena yatkiṃcitkriyate sukṛtaṃ naraiḥ |
śubhaṃ vāpyaśubhaṃ vāpi jñātavyaṃ hi vipaścitā || 46 ||
[Analyze grammar]

śakro hi yājñiko viprā aśvamedhaśatena vai |
prāptarājyo'marāvatyāṃ kevalaṃ bhogalolupaḥ || 47 ||
[Analyze grammar]

arthitaṃ tatphalaṃ viddhi punaḥ kārpaṇyamāviśat |
punarmaraṇamāviśya śrīṇapuṇyo bhaviṣyati || 48 ||
[Analyze grammar]

ya iṃdra kṛmireva syātkṛmiraṃdro hi jāyate |
tasmāddānātparataraṃ nānyadastīha mocanam || 49 ||
[Analyze grammar]

dānāddhi prāpyate jñānaṃ jñānānmokṣo na saṃśayaḥ |
mokṣātparatarā bhaktiḥ śūlapāṇau hi vai dvajāḥ || 50 ||
[Analyze grammar]

dadāti sarvaṃ sarveśaḥ prasannātmā sadāśivaḥ |
kiṃcidalpena toyena parituṣyati śaṃkaraḥ || 51 ||
[Analyze grammar]

atraivodāharaṃtīmamitihāsaṃ purātanam |
virocanasutenedaṃ kṛtamasti na saṃśayaḥ || 52 ||
[Analyze grammar]

kitavo hi mahāpāpo devabrāhmaṇaniṃdakaḥ |
nikṛtyā parayopetaḥ paradārarato mahān || 53 ||
[Analyze grammar]

ekadā tu mahāpāpātkaitāvācca jitaṃ dhanam |
gaṇikārthe ca puṣpāṇi tāṃbūlaṃ caṃdanaṃ tathā || 54 ||
[Analyze grammar]

kaupīnamātraṃ tasyaiva kitavasya pradṛśyate |
karābhyāṃ svastikaṃ kṛtvā gaṃdhamālyādikaṃ ca yat || 55 ||
[Analyze grammar]

gaṇikārthamupādāya dhāvamāno gṛhaṃ prati |
tadā praskhalito bhūmau nipapāta ca tatkṣaṇāt || 56 ||
[Analyze grammar]

patanānmūrchayā yuktaḥ kṣaṇamātraṃ tadā'bhavat |
tato mūrchāgatasyāsya pāpino'niṣṭakāriṇaḥ || 57 ||
[Analyze grammar]

buddhiḥ sadyaḥ samutpannā karmaṇā prāktanena hi |
nirvedaṃ paramāpannaḥ kitavo duḥkhasaṃyutaḥ || 58 ||
[Analyze grammar]

bhūmyāṃ nipatitaṃ yacca gaṃdhapuṣpādikaṃ mahat |
samarpitaṃ śivāyeti kitavenāpyabuddhinā || 59 ||
[Analyze grammar]

citraguptena cākhyātaṃ dattamasti tvayā punaḥ |
patitaṃ caiva dehāṃte śivāya paramātmane || 60 ||
[Analyze grammar]

pacanīyosi me maṃda narakeṣu mahatsu ca |
ityukto dharmarājena kitavo vākyamabravīt || 61 ||
[Analyze grammar]

pāpācāro hi bhagavankaścinnaiva mayā kṛtaḥ |
vimṛśyatāṃ me sukṛtaṃ yāthātathyena bho yama || 62 ||
[Analyze grammar]

citraguptena cākhyātaṃ dttamasti tvayā punaḥ |
patitaṃ caiva dehāṃte śivāya paramātmane || 63 ||
[Analyze grammar]

tena karmavipākena ghaṭikātrayameva ca |
śacīpateḥ padaṃ viddhi prāpsyasi tvaṃ na saṃśayaḥ || 64 ||
[Analyze grammar]

āgatastatkṣaṇāddevaḥ survaiḥ samanvitaḥ |
airāvataṃ samārūḍho nīto'sau śakramaṃdiram |
śakraḥ prabodhitastena guruṇā bhāvitātmanā || 65 ||
[Analyze grammar]

ghaṭikātritayaṃ yāvattāvatkālaṃ puraṃdara |
nijāsane'pi saṃsthāpyaḥ kitavo'pi mamājñayā || 66 ||
[Analyze grammar]

gurorvacanamārkarṇya kṛtvā śirasi tatkṣaṇāt |
gato'nvatraiva śakro'sau kitavo hi praveśitaḥ |
bhavanaṃ devarājasya nānāścaryasamanvitam || 67 ||
[Analyze grammar]

śakrāsane'bhiṣikto'sau rājyaṃ prāptaḥ śatakratoḥ |
śaṃbhorgaṃdhapradānācca puṣpatāṃbūlasaṃyutam || 68 ||
[Analyze grammar]

kiṃ punaḥ śraddhayā yuktāḥ śivāya paramātmane |
arpayaṃti sadā bhaktyā gaṃdhapūṣpādikaṃ mahat || 69 ||
[Analyze grammar]

śivasāyujyamāyātāḥ śivasenāsamanvitāḥ |
prāpnuvaṃti mahāmodaṃ śakro hyeṣāṃ ca kiṃkaraḥ || 70 ||
[Analyze grammar]

śivapūjāratānāṃ ca yatsukhaṃ śāṃtacetasām |
brahmaśakrādikānāṃ ca tatsukhaṃ durlabhaṃ mahat || 71 ||
[Analyze grammar]

varākāste na jānaṃti mūḍhā viṣayalolupāḥ |
vaṃdanīyo mahādevo hyarcanīyaḥ sadāśivaḥ || 72 ||
[Analyze grammar]

pūjanīyo mahādevaḥ prāṇibhistattvavedibhiḥ |
tasmādiṃdratvamagamatkitavo ghaṭikātrayam || 73 ||
[Analyze grammar]

purodhasābhiṣikto'sau puraṃdarapade sthitaḥ |
tadānīṃ nāradenoktaḥ kitavo'sau mahāyaśāḥ || 74 ||
[Analyze grammar]

indrāṇīmānayastveti yathā rājyaṃ suśobhitam |
tataḥ prahasya covāca kitavaḥ śivavallabhaḥ || 75 ||
[Analyze grammar]

indrāṇyā nāsti me kāryaṃ na vācyaṃ te mahāmate |
evamuktvātha kitavaḥ pradātumupacakrame || 76 ||
[Analyze grammar]

airāvatamagastyāya pradadau śivavallabhaḥ |
viśvāmitrāya kitavo dadau hayamudāradhīḥ || 77 ||
[Analyze grammar]

uccaiḥśravasasaṃjñaṃ ca kāmadhenuṃ mahāyaśāḥ |
dadau vaśiṣṭhāya tadā ciṃtāmaṇiṃ mahāprabham || 78 ||
[Analyze grammar]

gālavāya mahātejāstadā kalpataruṃ ca saḥ |
kauṃḍinyāya mahābhāgaḥ kitavopi gṛhaṃ tadā || 79 ||
[Analyze grammar]

evamādīnyanekāni ratnāni vividhāni ca |
dadāvṛṣibhyo muditaḥ śivaprītyarthameva ca || 80 ||
[Analyze grammar]

ghaṭitakātritayaṃ yāvattāvatkālaṃ dadau prabhuḥ |
ghaṭikātritayādūdhva pūrvasvāmī samāgataḥ || 81 ||
[Analyze grammar]

puraṃdaro'marāvatyāmupaviśya nijāsane |
ṛṣibhiḥ saṃstutaścaiva śacyā saha tadā'bhavat || 82 ||
[Analyze grammar]

śacīmuvāca durmedhāḥ kitavenāsi bhāmini |
bhuktā hyasyaiva kathaya yāthātathyena śobhane || 83 ||
[Analyze grammar]

tadā prahasya covāca puraṃdaramakalmaṣā |
ātmaupamyena sarvatra paśyati tvaṃ puraṃdara || 84 ||
[Analyze grammar]

asau mahātmā kitavasvarūpī śivaprasādātparamārthavijñaḥ |
vai rāgyayukto hi mahānubhāvo yenāpi sarvaṃ paramaṃ prapannam || 85 ||
[Analyze grammar]

rājyādikaṃ mohamayaṃ ca pāśaṃ tyaktā parebhyo vijayī sa jātaḥ || 86 ||
[Analyze grammar]

vaco niśamya deveśa iṃdrāṇyāḥ sa puraṃdaraḥ |
vrīḍāyukto'bhavattūṣṇīmiṃdrāsanagatastadā || 87 ||
[Analyze grammar]

bṛhaspatimuvācedaṃ vākyaṃ vākyavidāṃ varaḥ |
airāvato na dṛśyeta tathaivoccaiḥśravā hayaḥ || 88 ||
[Analyze grammar]

pārijātādayaḥ sarve padārthāḥ kena vā hṛtāḥ |
gururuvācedaṃ kitavena kṛtaṃ mahat || 89 ||
[Analyze grammar]

ṛṣibhyo datta madyaiva yāvatsattā hi tasya vai |
svasattāyāṃ mahatyāṃ ca svasattā ye bhavaṃti ca || 90 ||
[Analyze grammar]

apramāttāśca ye nityaṃ śivadhyānaparāyaṇāḥ |
te priyāḥ śaṃkarasyaiva hitvā karmaphalāni vai |
kevalaṃ jñānamāśritya te yāṃti paramaṃ padam || 91 ||
[Analyze grammar]

etacchrutvā vacanaṃ tasya ceṃdro bṛhaspatervākyamidaṃ vabhāṣe |
prāyo yamo vakṣyati sarvametatsamṛddhaye hyātmanaścaiva śakraḥ || 92 ||
[Analyze grammar]

tatheti matvā guruṇā sahaiva rājā surāṇāṃ sahasā jagāma |
svakāryakāmo hi tathā puraṃdaro yayau purīṃ saṃyaminīṃ tadānīm || 93 ||
[Analyze grammar]

yamena pūjyamāno hi śakro vākyamuvāca ha |
tvayā dattaṃ mama padaṃ kitavāya durātmane || 94 ||
[Analyze grammar]

anenaitatkṛtaṃ karmma jugupsitaṃ mahattaram |
madīyāni ca ratnāni yāni sarvāṇyanena vai |
ebhya ebhyaḥ pradattāni dharmma jānīhi tattvataḥ || 95 ||
[Analyze grammar]

tvaṃ dharmanāmāsi kathaṃ kitavāya pradattavān |
mama rājyavināśāya kṛtamasti tvayā'dhunā || 96 ||
[Analyze grammar]

ānayasva mahābhāga gajādīni ca satvaram |
anyāni caiva ratnāni dattāni ca yatastataḥ || 97 ||
[Analyze grammar]

niśamya vākyaṃ śakrasya yamo vacanamabravīt |
kitavaṃ ca ruṣāviṣṭaḥ kiṃ tvayā pāpinā kṛtam || 98 ||
[Analyze grammar]

bhogārthaṃ caiva yaddattaṃ śakrarājyaṃ tvayā'dhun |
pradattaṃ ca dvijātibhyo hyanyathā vai kṛtaṃ mahat || 99 ||
[Analyze grammar]

akāryaṃ vai tvayā mūḍha paradravyāpahāraṇam |
tena pāpena mahatā nirayaṃ pratigacchasi || 100 ||
[Analyze grammar]

yamasya vacanaṃ śrutvā kitavo vākyamabravīt |
ahaṃ nirayagāmī ca nātra kāryā vicāraṇā || 101 ||
[Analyze grammar]

yāvatsvatā mama vibho jātā śakrāsane tathā |
tāvaddattaṃ hi yatkiṃciddvijebhyo hi yathātatham || 102 ||
[Analyze grammar]

yama uvāca |
dānaṃ praśastaṃ bhūmyāṃ ca dṛśyate karmmaṇaḥ phalam |
svarge dānaṃ na dātavyaṃ kenacitkasyacitkvacit |
tasmāddaṃḍyo'si re mūḍha aśāstrīyaṃ kṛtaṃ tvayā || 103 ||
[Analyze grammar]

gururātmavatāṃ śāstā rājā śāstāḥ durātmanām |
sarveṣāṃ pāpaśīlānāṃ śāsta'haṃ nātra saṃśayaḥ || 104 ||
[Analyze grammar]

evaṃ nirbhartsayitvā taṃ kitavaṃ dharmarāṭsvayam |
uvāca citraguptaṃ ca narake pacyatāmayam |
tadā prahasya covāca citragupto yamaṃ prati || 105 ||
[Analyze grammar]

kathaṃ nirayagāmitvaṃ kitavasya bhaviṣyati |
yena datto hyagastyāya gaja airāvato mahān || 106 ||
[Analyze grammar]

tathāśvo hyabdhisaṃbhūto gālavāya mahātmane |
viśvāmitrāya bhadraṃ te ciṃtāmaṇirmahāprabhaḥ || 107 ||
[Analyze grammar]

evamādīni ratnāni dattāni kitevana hi |
tena karmavipākena pūjanīyo jagattraye || 108 ||
[Analyze grammar]

śivamuddiśya yadattaṃ svarge martye ca yairnaraiḥ |
tatsarvaṃ tvakṣayaṃ vidyānniśchidraṃ karma cocyate |
tasmānnarakagāmitvaṃ kitavasya na vidyate || 109 ||
[Analyze grammar]

yāniyāni ca pāpāni kitavasya mahātmanaḥ |
bhasmībhūtāni sarvāṇi jātāni smaraṇācca vai || 110 ||
[Analyze grammar]

śaṃbhoḥ prasādātsarvāṇi sukṛtāni ca tatkṣaṇāt |
tadvacaścitraguptasya niśamya pretarāṭ svayam || 111 ||
[Analyze grammar]

prahasyāvāṅmukho bhūtvā ida māha śatakratum |
tvaṃ hi rājā sureṃdrāṇāṃ sthaviro rājyalaṃpaṭaḥ || 112 ||
[Analyze grammar]

aśvamedhaśatenaiva ekaṃ janmārjitaṃ kṛtam |
tvayā nāstyatra saṃdeho hyarjjitaṃ tena vai mahat || 113 ||
[Analyze grammar]

prārthayitvā hyagastyādīnmunīnsarvānviśeṣataḥ |
arthena praṇipātena tvayā labhyāni tāni ca |
gajādikāni ratnāni yena tvaṃ ca sukhī tvaran || 114 ||
[Analyze grammar]

tatheti matvā vacanaṃ puraṃdaro gataḥ purīṃ svāmavivekadṛṣṭiḥ |
abhyarthayāmāsa vinamrakaṃdharaścarṣīstato labdhavānpārijātam || 115 ||
[Analyze grammar]

anenaiva prakāreṇa labdharājyaḥ puraṃdaraḥ |
jātastadāmarāvatyāṃ rājā saha mahātmabhiḥ || 116 ||
[Analyze grammar]

kitavasya punarjanma dattaṃ vaivasvatena hi |
kiṃcitakarmavipākena virocanasuto'bhavat || 117 ||
[Analyze grammar]

surucirjananī tasya kitavasyābhavattadā |
virocanasya mahiṣī duhitā vṛṣaparvaṇaḥ |
tasthau jaṭharamāsthāya tasyāḥ so'pi mahātmanaḥ || 118 ||
[Analyze grammar]

tadāprabhṛti tasyaiva prahlādasyātmajātsa vai |
suruceśca tathāpyāsīddharmedāne mahāmatiḥ || 119 ||
[Analyze grammar]

tenaiva jaṭharasthena kṛtā matiranuttamā |
kitavena kṛtā viprā durlabhā yā manīṣiṇām || 120 ||
[Analyze grammar]

ekadā vai tadā śakro yayau vairocanaṃ prati |
haṃtukāmo hi daityeṃdraṃ vipro bhūtvā'tha yācakaḥ || 121 ||
[Analyze grammar]

virocanagṛhaṃ prāpta iṃdro vākyamuvāca ha |
sthaviro brāhmaṇo bhūtvā dehīti mama suvrata |
manasvī tvaṃ ca daityeṃdra dātā ca bhuvanatraye || 122 ||
[Analyze grammar]

tava viprā mahābhāga caritaṃ paramādbhutam |
varṇayanti samā jeṣu sthitvā kīrti ca nirmalām |
yācako'haṃ ca daityeṃdra dāturarmahasi suvrata || 123 ||
[Analyze grammar]

tasya tadvacanaṃ śrutvā daityeṃdro vākyamabravīt |
kiṃ dātavyaṃ tava vibho vada śīghraṃ mamādhunā || 124 ||
[Analyze grammar]

iṃdro hi viprarūpeṇa virocanamuvāca ha |
yācayāmi ca daityeṃdra yadahaṃ paribhāvitaḥ || 125 ||
[Analyze grammar]

ātmaprītyā ca dātavyaṃ mama nāstyatra saṃśayaḥ |
uvāca prahasanvākyaṃ prahlādasyātmajo'suraḥ || 126 ||
[Analyze grammar]

dadāmyātmaśiro vipra yadi kāmayase'dhunā |
idaṃ rājyamanāyāsamiyaṃ śrīrnānyagāminī |
ahaṃ samarpayiṣyāmi tava nāstyatra saśayaḥ || 127 ||
[Analyze grammar]

ityuktastena daityena vimṛśya ca tadā hariḥ |
uvāca dehi me svīyaṃ śiro mukuṭasevitam || 128 ||
[Analyze grammar]

evamukte tu vacane śakreṇa dvijarūpiṇā |
tvaranmaheṃdrāya tadā śivara utkṛttya vai mudā |
svakareṇa dadau tasmai prahlādasyātmajo'suraḥ || 129 ||
[Analyze grammar]

prahlādena purā yastu kṛto dharmmaḥ suduṣkaraḥ |
kevalāṃ bhaktimāśritya viṣṇostatparacetasā || 130 ||
[Analyze grammar]

dānātparataraṃ cānyatkvacidvastu na vidyate |
taddānaṃ ca mahāpuṇyamārtebhyo yatpradīyate || 131 ||
[Analyze grammar]

svaśaktyā yacca kiṃcicca tadānaṃtyāya kalpate |
dānātparataraṃ nānyattriṣu lokeṣu vidyate || 132 ||
[Analyze grammar]

sāttvikaṃ rājasaṃ caiva tāmasaṃ ca prakīrtitatam |
tathā kṛtamanenaiva dānaṃ sāttvikalakṣaṇam || 133 ||
[Analyze grammar]

śira utkṛttya ceṃdrāya pradattaṃ viprarūpiṇe |
kirīṭaḥ patitastatra maṇayo hi mahāprabhāḥ || 134 ||
[Analyze grammar]

aikapadyena patitāste jātā maṃḍalāya vai |
daityānāṃ ca nareṃdrāṇāṃ pannagānāṃ tathaiva ca || 135 ||
[Analyze grammar]

virocanasya taddānaṃ triṣu lokeṣu viśrutam |
gāyaṃtyadyāpi kavayo daityeṃdrasya mahātmanaḥ || 136 ||
[Analyze grammar]

virocanasya putro'bhūtkitavo'sau mahāprabhaḥ |
mṛte pitari jāto'sau mātā tasya pativratā || 137 ||
[Analyze grammar]

kalevaraṃ ca tatyāja patilokaṃ gatā tataḥ |
bhārgaveṇābhiṣikto'sau janakasya nijāsane || 138 ||
[Analyze grammar]

nāmnā baliriti khyāto babhūva ca mahāyaśāḥ |
tena sarve suragaṇāstrāsitāḥ sumahābalāḥ || 139 ||
[Analyze grammar]

gataste kathitāḥ pūrvaṃ kaśyapasyāśramaṃ śubham |
tadā balirabhūdindro devapuryāṃ mahāyaśāḥ || 140 ||
[Analyze grammar]

svayaṃ tatāpa tapasā sūryo bhūtvā tadā'suraḥ |
īśo bhūtvā svayaṃ cāste aiśānyāṃ diśi pālayan || 141 ||
[Analyze grammar]

tathā ca nairṛto bhūtvā tathā tvaṃbupatiḥ svayam |
dhanādhyakṣa udīcyāṃ vai svayamāste balistadā |
evamāste baliḥ sākṣātsvayameva trilokabhuk || 142 ||
[Analyze grammar]

śivārcanaratenaiva kitavena balirdvijāḥ |
pūrvābhyāsena tenaiva mahādānarato'bhavat || 143 ||
[Analyze grammar]

ekadā tu sabhāmadhye āsthito bhṛguṇā saha |
daityeṃdraiḥ saṃvṛtaḥ śrīmāñchaṃḍāmarkau vaco'bravīt || 144 ||
[Analyze grammar]

āvāsaḥ kriyatāmatra kriyatāmatra asurairmmama sannidhau |
hitvā pātālamadyaiva mā vilaṃbitumarhatha || 145 ||
[Analyze grammar]

bhārgavastadupaśrutya prahasyedamuvāca ha |
yajñaiśca vividhaiścaiva svargaloke mahīyate || 146 ||
[Analyze grammar]

yājñikaiśca mahārāja nānyathā svargameva hi |
bhoktuṃ hi pāryate rājannānyatā mama bhāṣitam || 147 ||
[Analyze grammar]

gurorvacanamājñāya daityeṃdro vākyamabravīt |
mayā kaॉtaṃ ca yatkarma tena sarve mahāsurāḥ |
svarge vasaṃtu suciraṃ nātra kāryā vicāraṇā || 148 ||
[Analyze grammar]

prahasyo vāca bhagavānbhārgavāṇāṃ mahātapāḥ |
balinaṃ bāliśaṃ matvā śukro buddhimatāṃ varaḥ || 149 ||
[Analyze grammar]

yattvayoktaṃ ca vacanaṃ bale mama na rocate |
ihaiva tvaṃ samā gatya vastuṃ cecchasi suvrata || 150 ||
[Analyze grammar]

aśvamedhaśatenaiva yaja tvaṃ jātavedasam |
karmmabhūmiṃ gato bhūtvā mā vilaṃbitumarhasi || 151 ||
[Analyze grammar]

tatheti matvā sa balirmahātmā hitvā tadānīṃ tridivaṃ manasvī |
daityaiḥ sameto guruṇā ca saṃgato yayau bhuvaṃ sonucaraiḥ sametaḥ || 152 ||
[Analyze grammar]

tannarmadāyā gurukulyasaṃjñakaṃ tīre mahātīrthamudāraśobham |
gatvā tadā daityapatirmahātmā jitvā samagraṃ vasudhāvalaṃ ca || 153 ||
[Analyze grammar]

tato'śvamedhairbahubhirvicakṣaṇo guruprayuktaḥ sa mahāyaśābaliḥ |
īje ca dīkṣāṃ paramāmupeto vairocaniṃ satyavatāṃ variṣṭhaḥ || 154 ||
[Analyze grammar]

kṛtvā brāhmaṇamācāryamṛtvijaḥ ṣoḍaśā'bhavan |
suparīkṣitena tenaiva bhārgaveṇa mahātmanā || 155 ||
[Analyze grammar]

yajñānāmūnamekena śataṃ dīkṣāpareṇa hi |
balinā cāśvamedhānāṃ pūrṇaṃ kartuṃ samādadhe || 156 ||
[Analyze grammar]

yāvadyajñaśataṃ pūrṇaṃ tasya rājño bhaviṣyati |
purā proktaṃ mayā cātra hyadityā vratamuttamam || 157 ||
[Analyze grammar]

vratena tena saṃtuṣṭo bhagavānharirīśvaraḥ |
baṭurūpema mahatā putrabhūto babhūva ha || 158 ||
[Analyze grammar]

adityāḥ kaśyapenaiva upanītastadā prabhuḥ |
upanīte'tha saṃprāpto brahmā lokapitāmahaḥ || 159 ||
[Analyze grammar]

dattaṃ yajñopavītaṃ ca brahmaṇā parameṣṭhinā |
daṃḍakāṣṭhaṃ pradattaṃ hi somena ca mahātmanā || 160 ||
[Analyze grammar]

mekhalā ca samānītā ajinaṃ ca mahādbhutam |
tathā ca pāduke caiva mahyā datte mahātmanaḥ || 161 ||
[Analyze grammar]

tatra bhikṣā samānītā bhavānyā cārthasiddhaye |
evaṃ bhagavate dattaṃ viṣṇave baṭurūpiṇe || 162 ||
[Analyze grammar]

abhivaṃdya śrīśo vāmano hditiṃ tathā |
kaśyapaṃca mahātejā yajñavāṭaṃ jagāma ca |
yājñikasya balerāha cchalanārthaṃ svayaṃ prabhuḥ || 163 ||
[Analyze grammar]

tadā maheśaḥ sa jagāma svargaṃ prakaṃpayangāṃ prapadā bhareṇa |
sa vāmano baṭurūpī ca sākṣādviṣṇuḥ parātmā surakāryahetoḥ || 164 ||
[Analyze grammar]

gīrbhiryathārthābhirabhiṣṭuto janairmunīśvarairdevagaṇairmahātmā |
tvareṇa gacchansa ca yajñavāṭaṃ prāptastadānīṃ jagadekabaṃdhuḥ || 165 ||
[Analyze grammar]

udgāpayansāma yato hi sākṣāccakāra devo baṭurūpaveṣaḥ |
udgīyamāno bhagavānsa īśvaro vedāṃta vedyo harirīśvaraḥ prabhuḥ || 166 ||
[Analyze grammar]

dadarśa taṃ mahāyajñamaśvamedhaṃ balestadā |
dvāri sthito mahātejā vāmano baṭurūpadhṛk || 167 ||
[Analyze grammar]

brahmarūpeṇa mahatā vyāptamāsīddigaṃtaram |
pavamānasya ca baṭorvāmanasya mahātmanaḥ || 168 ||
[Analyze grammar]

tacchrutvā ca baliḥ prāha śaṃḍāmarkkau ca buddhimān |
brāhmaṇāḥ katisaṃkhyāśca āgatāḥ saṃti īkṣyatām || 169 ||
[Analyze grammar]

tatheti matvā tvaritāvutthitau tau tadā dvijāḥ |
śaṃḍāmarkau samāgamya maṃḍapadvāri saṃsthitau || 170 ||
[Analyze grammar]

dadṛśāte mahātmānaṃ śrīhariṃ baṭurūpiṇam |
tvaritau punarāyātau baleḥ śaṃsayituṃ tadā || 171 ||
[Analyze grammar]

brahmacārī samāyāta eka eva na cāparaḥ |
paṭhanādau mahārāja cāgatastava sannidhau |
kimarthaṃ tanna jānīmo jānīhi tvaṃ mahāmate || 172 ||
[Analyze grammar]

evamukte tu vacane tābhyāṃ sa ca mahāmanāḥ |
utthitastatkṣaṇādeva darśanārthe baṭuṃ prati || 173 ||
[Analyze grammar]

sa dadarśa mahātejā virocanasuto mahān |
daṃḍavatpatito bhūmau nanāma śirasā baṭum || 174 ||
[Analyze grammar]

ānayitvā baṭuṃ sadyaḥ saṃniveśyaḥ nijāsane |
arghyapādyena mahatābhyarcayāmāsa taṃ baṭum || 175 ||
[Analyze grammar]

vinamrakaṃdharo bhūtvā uvāca ślakṣṇayā girā |
kutaḥ kasmācca kasyāsi tacchighraṃ kathyatāṃ prabho || 176 ||
[Analyze grammar]

tacchrutvā vacanaṃ tasya virocanasutasya vai |
manasā hṛṣitaścāsau vāmano vaktumārabhat || 177 ||
[Analyze grammar]

bhagavānuvāca |
tvaṃ hi rājā trilokeśo nānyo bhavitumarhasi |
svakulaṃ nyūnatāṃ gacchedyo vai kāpuruṣaḥ smṛtaḥ || 178 ||
[Analyze grammar]

samaṃ vā cādhiko vāpi yo gacchetpuruṣaḥ smṛtaḥ |
tvayā kṛtaṃ ca yatkarmma na kṛtaṃ pūrvajaistava || 179 ||
[Analyze grammar]

daityānāṃ ca variṣṭhā ye hiraṇyakasipādayaḥ |
kṛtaṃ mahattapo yena divyaṃ varṣasahasrakam || 180 ||
[Analyze grammar]

śarīraṃ bhakṣitaṃ yasya juṣāṇasya tapo mahat |
pipīlikābhirbahubhirdaṃśaiścaiva samāvṛtam || 181 ||
[Analyze grammar]

abhavattasya tajjñātvā sureṃdro hyagamatpurā |
nagaraṃ tasya ca tadā sainyena mahatā vṛtaḥ || 182 ||
[Analyze grammar]

tatsannidhau hatāḥ sarve asurā daityaśatruṇā |
viṃdhyā tu mahiṣī tasya nīyamānā nivāritā || 183 ||
[Analyze grammar]

nāradena purā rājankiṃcitkāryaṃ cikīrṣuṇā |
śaṃbhoḥ prasādādakhilaṃ manasā yatsamīkṣitam |
daityeṃdreṇa ca tatsarvaṃ tapasaiva vaśīkṛtam || 184 ||
[Analyze grammar]

tasyāḥ putro mahātejā yena nīto'bhavatsabhām |
tasya putro mahābhāga pitā te pitṛvatsalaḥ |
nāmnā virocano vidvāniṃdro yena mahātmanā || 185 ||
[Analyze grammar]

dānena toṣito rājansvenaiva śirasā tadā |
tasyātmajosi bho rājankṛtaṃ te paramaṃ yaśaḥ || 186 ||
[Analyze grammar]

yaśodīpena mahatā dagdhāḥ śalabhavatsurāḥ |
iṃdropi nirjito yena tvayā nāstyatra saṃśayaḥ || 187 ||
[Analyze grammar]

śrutamasti mayā sarvaṃ caritaṃ tava suvrata |
alpako'hamihāyāto brahmacaryavrate sthitaḥ || 188 ||
[Analyze grammar]

uṭajārthe ca me dehi bhūmīṃ bhūmibhṛtāṃvara |
baṭostasyaiva tadvākyaṃ śrutvā balirabhāṣata || 189 ||
[Analyze grammar]

he baṭo paṃḍito bhūtvā yaduktaṃ vacanaṃ purā |
śiśutvāttanna jānāsi śrutvā manye yathārthataḥ || 190 ||
[Analyze grammar]

vada śīghraṃ mahābhāga kiyanmātrāṃ mahīṃ tava |
dāsyāmi tvaritenaiva manasā tadvimṛśyatām || 191 ||
[Analyze grammar]

tadāha vāmano vākyaṃ smayanmadhurayā girā |
asaṃtoṣaparā ye ca viprā naṣṭā na saṃśayaḥ || 192 ||
[Analyze grammar]

saṃtuṣṭā ye hi viprāste nānye veṣadharā hyamī |
svadharmaniratā rājannirdaṃbhā niravagrahāḥ || 193 ||
[Analyze grammar]

nirmatsarā jitakodhāvadānyā hi mahāmate |
viprāste hi mahābhāga tairiyaṃ dhāryate mahī || 194 ||
[Analyze grammar]

manasvī tvaṃ bahutvācca dātāsi bhuvanatraye |
tathāpi me pradātavyā mahī tripadasaṃmitā || 195 ||
[Analyze grammar]

bahutve nāsti me kāryaṃ mahyā vai surasūdana |
praveśamātramuṭajaṃ tathā mama bhaviṣyati || 196 ||
[Analyze grammar]

tripadaṃ pūryate'smākaṃ vastuṃ nāstyatra saṃśayaḥ |
dehi me kramato rājanyāvadbhūmibhaviṣyati |
tāvatsaṃkhyā pradātavyā yadi dātāsi bho bale || 197 ||
[Analyze grammar]

prahasya tamuvācedaṃ balirvairocanātmajaḥ |
dāsyāmi te mahīṃ kṛtsāṃ saśailavanakānanām || 198 ||
[Analyze grammar]

madīyāṃ vai mahābhāga mayā dattāṃ gṛhāma vai |
yācako'si baṭo paśya dānaṃ daityāprayācase || 199 ||
[Analyze grammar]

yācako hyalpako vāstu dātā sarvaṃ vimṛśya vai |
tathā vilokya cātmānaṃ hyarthibhyaśca dadāti vai || 200 ||
[Analyze grammar]

ātmaupamyena sarvatra yo dadāti hyudāradhīḥ |
tasmānna yācitavyaṃ hi arthinā maṃdabhāginā || 201 ||
[Analyze grammar]

baṭo dadāmyahaṃ te'dya sasailavanakānanām |
pṛthvīṃ saparvatāṃ sābdhiṃ nānyathā mama bhāṣitam || 202 ||
[Analyze grammar]

punaḥ provāca sa baṭurvirocanasutaṃ prati |
pūryate mama daityeṃdra kramato hi padaistribhiḥ || 203 ||
[Analyze grammar]

baṭostadvacanaṃ śrutvā asurendro balistadā |
uvāca prahasanvākyaṃ manyamāno balirbhṛśam |
gṛhyatāṃ ca mayā dattāṃ padaistribhiralaṃkṛtām || 204 ||
[Analyze grammar]

ityukto vāmanaḥ prāha prahasannasuraṃ prati |
saṃkalpya sakalāṃ pṛthvīṃ dātumarhasi suvrata || 205 ||
[Analyze grammar]

tatheti matvā balinā supūjitaḥ sa vāmanaḥ kaśyapanaṃdano mahān |
balistadānīṃ sahasā nitāṃtaṃ saṃstūyamānastvṛṣibhirmunīṃdraiḥ || 206 ||
[Analyze grammar]

taṃ pūjayitvā sa baliryāvaddātuṃ samudyataḥ |
guruṇā vārita stāvadvirocanasuto mahān || 207 ||
[Analyze grammar]

na dātavyaṃ tvayā dānaṃ viṣṇave baṭurūpiṇe |
iṃdrārthamāgataḥ sadyo yajñavighnaṃ karoti te |
tasmāttvayā na pūjyo hi viṣṇuradhyātmadīpakaḥ || 208 ||
[Analyze grammar]

purā kṛtamanenaiva mohinīrūpadhāriṇā |
devebhyaścāmṛtaṃ dattaṃ rāhuryena hato mahān || 209 ||
[Analyze grammar]

yena vidrāvitā daityāḥ kālanemirhato balī || 210 ||
[Analyze grammar]

evaṃvidho'yaṃ puruṣo mahātmā sa īśvaro viśvapatiḥ sa eva |
vimṛśya sarvaṃ manasā mahāmate hitāhitaṃ kartumi hārhasi tvam || 211 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 18

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: