Chapter 17

[English text for this chapter is available]

| lomaśa uvāca |
tataḥ sarve suragaṇā dṛṣṭvā taṃ vilayaṃ gatam |
ciṃtayaṃtaḥ suragaṇāḥ kathaṃ ca vidadhāmahe || 1 ||
[Analyze grammar]

surabhiṃ cāhvayitvātha tadovāca śacīpatiḥ |
kalevaraṃ dadhīcasya lihyāstvaṃ vacanānmama || 2 ||
[Analyze grammar]

tatheti ca vacomatvā tatkṣaṇādeva lihya tat |
nirmāṃsaṃ ca kṛtaṃ sadyastayā dhenvā kalevaram || 3 ||
[Analyze grammar]

jagṛhustāni cāsthīni cakruḥ śastrāṇi vai surāḥ |
tasya vaṃśodbhavaṃ vajraṃ śiro brahmaśirastathā || 4 ||
[Analyze grammar]

anyāni cāsthīni bahūni tasya ṛṣestadānīṃ jagṛhuḥ surāśca |
tathā śirājālamayāṃśca pāśāṃścakruḥ surā vairayutāśca daityān || 5 ||
[Analyze grammar]

śastrāṇi kṛtvā te sarve mahābalaparākramāḥ |
yayurdevātastvarāyuktā vṛtraghātanatatparāḥ || 6 ||
[Analyze grammar]

tataḥ suvarccāśca dadhīcipatnī yā preṣitā sā surakāryasiddhaye |
vyalokayattatra sametya sarvaṃ mṛtaṃ patiṃ dehamatho dadarśatam || 7 ||
[Analyze grammar]

jñātvā ca tatsarvamidaṃ surāṇāṃ kṛtyaṃ tadānīṃ ca cukopa sādhvī |
dadau satī śāpamatīva ruṣṭā tadā suvarcā ṛṣivaryapatnī || 8 ||
[Analyze grammar]

aho surā duṣṭatarāśca sarve sarve hyaśaktāśca tathaiva lubdhāḥ |
tasmācca sarve'prajaso bhavaṃtu divaukaso'dyaprabhṛtityuvāca sā || 9 ||
[Analyze grammar]

eva śāpaṃ dadau teṣāṃ surāṇāṃ sā tapasvinī |
pravīśyāśvatthamūle sā svodaraṃ dārayattadā || 10 ||
[Analyze grammar]

nirgato jaṭharādgarbho dadhīcasya mahātmanaḥ |
sākṣādrudrāvatāro'sau piplādo mahāprabhaḥ || 11 ||
[Analyze grammar]

prahasya jananī garbhamuvāca ruṣitekṣaṇā |
suvarcā taṃ pippalādaṃ ciraṃ tiṣṭhāsya sannidhau || 12 ||
[Analyze grammar]

aśvatthasya mahābhāga sarveṣāṃ saphalo bhaveḥ |
tathaiva bhāṣamāṇā sā suvarcā tanayaṃ prati |
patimanvagamatsādhvī parameṇa samādhinā || 13 ||
[Analyze grammar]

evaṃ dadhīcapatnī sā patinā svargamāvrajat || 14 ||
[Analyze grammar]

te devāḥ kṛtaśastrāstrā daityānprati samutsukāḥ |
ājagmuśceṃdramukhyāste mahābalaparākramāḥ || 15 ||
[Analyze grammar]

guruṃ puraskṛtya tadājñayā te gaṇāḥ surāṇāṃ bahavastadānīm |
bhuvaṃ samāgatya ca madhyadeśamūcuśca sarve paramāstrayuktāḥ || 16 ||
[Analyze grammar]

samāgatānupasṛtya devāṃśceṃdrapurogamān |
yayau vṛtro mahādaityo daityavṛndasamāvṛtaḥ || 17 ||
[Analyze grammar]

yathā merośca śikharaṃ paripūrṇaṃ pradṛśyate |
tathā so'pi mahātejā viśvakarmmasuto mahān || 18 ||
[Analyze grammar]

tena dṛṣṭo mahendraśca maheṃdreṇa mahāsuraḥ |
devānāṃ dānavānāṃ ca darśanaṃ ca mahādbhutam || 19 ||
[Analyze grammar]

tadā te baddhavairāśca devadaityāḥ parasparam |
anyonyamabhisaṃrabdhā jagarjuḥ paramādbhutam || 20 ||
[Analyze grammar]

vāditrāṇi ca bhīmāni vādyamānāni sarvaśaḥ |
śrūyaṃte'tra gabhīrāṇi surā surasamāgame || 21 ||
[Analyze grammar]

vādyamāneṣu tūryeṣu te sarve tvarayānvitāḥ |
anekaiḥ śastrasaṃghātairjaghnuranyonyamojasā || 22 ||
[Analyze grammar]

tadā devāsure yuddhe trailokyaṃ sacarācaram |
bhayena mahatā yuktaṃ babhūva gatacetanam || 23 ||
[Analyze grammar]

cheditāḥ sphoṭitāścaiva kecicchastrairdvidhā kṛtāḥ |
nārācaiśca tathā kecicchastrāstraiḥ śakalīkṛtāḥ || 24 ||
[Analyze grammar]

bhallaiścerurhatāḥ kecidvyaṃgabhūtā divaukasaḥ |
raśmayo meghasaṃbhūtāḥ prakāśaṃte nabhassviva || 25 ||
[Analyze grammar]

śirāṃsi patitānyeva bahūnica nabhastalāt |
nakṣatrāṇīva ca yathā mahāpralayasaṃkulam || 26 ||
[Analyze grammar]

pravartitaṃ madhyadeśe sarvabūtakṣayāvaham |
śakreṇa saha saṃgrāmaṃ cakāra namucistadā || 27 ||
[Analyze grammar]

vajreṇa jaghne tarasā namuciṃ devarāṭ svayam |
na romaikaṃ ca trucitaṃ tamucerasurasya ca || 28 ||
[Analyze grammar]

vajreṇāpi tadā sarve vismayaṃ paramaṃ gatāḥ |
asurāśca surāścaiva maheṃdro vrīḍitastadā || 29 ||
[Analyze grammar]

gadayā namuciṃ jaghne gadā sāpi vicūrṇitā |
namuceraṃgalagnāpi papāta vasudhātale || 30 ||
[Analyze grammar]

tathā śūlena mahatā taṃ jaghāna puraṃdaraḥ |
tacchūlaṃ śatadhā cūrṇaṃ namuceraṃgamāśritam || 31 ||
[Analyze grammar]

evaṃ taṃ vavidhaiḥ śastrairājaghāna surārihā |
prahasya māno namucirna jaghāna puraṃdaram || 32 ||
[Analyze grammar]

tūṣṇīṃbhūtastadā ceṃdraściṃtayā parayā yutaḥ |
kiṃ kāryaṃ kimakāryaṃ vā itīṃdro nāvidattadā || 33 ||
[Analyze grammar]

etasminnaṃtare tatra mahāyuddhe mahābhaye |
jātā nabhogatā vāṇī iṃdrasuddiśya satvaram || 34 ||
[Analyze grammar]

jahyenamadyāśu maheṃdra daityaṃ divaukasāṃ ghorataraṃ bhayāvaham |
phenena caivāśu mahāsurendramapāṃ samīpena durāsadena || 35 ||
[Analyze grammar]

anyena śastreṇa ca āhato'sau vadhyaḥ kadācinna bhavatyayaṃ tu |
tasmācca deveśa vadhārthamasya kuru prayatnaṃ namucerdurātmanaḥ || 36 ||
[Analyze grammar]

niśamya vācaṃ paramārthayuktāṃ daivīṃ sadānaṃdakarīṃ śubhāvahām |
cakre paraṃ yatnavatāṃ variṣṭho gatvodadheḥ pāramanaṃtavīryaḥ || 37 ||
[Analyze grammar]

tatrāgataṃ samīkṣyātha namuciḥ krodhamūrchitaḥ |
hatvā śūlena deveṃdraṃ prahasannidamabravīt || 38 ||
[Analyze grammar]

samudrasya taṭaḥ kasmātsevitaḥ surasattama |
vihāya raṇabhūmiṃ ca tyaktaśastro'bhavadbhavān || 39 ||
[Analyze grammar]

tvadīyenaiva vajreṇa kiṃ kṛtaṃ mama durmate || 40 ||
[Analyze grammar]

tathānyāni ca śastrāṇi astrāṇi subahūni ca |
gṛhītāni purā maṃda haṃtuṃ māmeva cādhunā || 41 ||
[Analyze grammar]

kiṃ kariṣyasi māṃ haṃtuṃ yuddhāya samupasthitaḥ |
kena śastreṇa re maṃda yoddhumicchasi saṃyuge || 42 ||
[Analyze grammar]

tvāṃ gātayāmi cādyaiva yadi tiṣṭhasi saṃyuge |
no cedgaccha mayā muktaściraṃ jīva sukhī bhava || 43 ||
[Analyze grammar]

evaṃ sa garvitaṃ tasya vākyamāhavaśobhinaḥ |
śrutvā maheṃdro'pi ruṣā jagṛhe phenamadbhutam || 44 ||
[Analyze grammar]

phenaṃ karasthaṃ dṛṣṭvā tu asurā jahasustadā || 45 ||
[Analyze grammar]

kṣayaṃ gatāni cāstrāṇi penenaiva puraṃdaraḥ |
haṃtumicchati māmadya śatakraturudāradhīḥ || 46 ||
[Analyze grammar]

evaṃ prahasya namucirajñāya puraṃdaram |
sāvajñaṃ puratastasthau namucirdaityapuṃgavaḥ || 47 ||
[Analyze grammar]

tadaiva taṃ sa phenena śīghramiṃdro jaghāna ha || 48 ||
[Analyze grammar]

hate tu namucau devāḥ sarve caiva mudānvitāḥ |
sādhusādhviti śabdena ṛṣayaścābhyapūjayan || 49 ||
[Analyze grammar]

tadā sarve jayaṃ prāptā hatvā namucimāhave |
daityāste kopasaṃrabdhā yoddhukāmā mudānvitāḥ || 50 ||
[Analyze grammar]

punaḥ pravavṛte yuddhaṃ devānāṃ dānavaiḥ saha |
śastrāstrairbahudhā muktaiḥ parasparavadhaiṣibiḥ || 51 ||
[Analyze grammar]

yadā te hyasurā devaiḥ pātitāśca punaḥpunaḥ |
tadā vṛtro mahātejāḥ śatakratumupāvrajat || 52 ||
[Analyze grammar]

vṛtraṃ dṛṣṭvā tadā sarve sasurāsuramānavāḥ |
bhayena mahatāviṣṭāḥ patitā bhuvi śerate || 53 ||
[Analyze grammar]

evaṃ bhīteṣu sarveṣu surasiddheṣu vai tadā |
iṃdraścairāvaṇārūḍho vajrapāṇiḥ pratāpavān || 54 ||
[Analyze grammar]

chatreṇa dhriyamāṇena cāmareṇa virājitaḥ |
tadā sarvaiḥ sameto hi lokapālaiḥ pratāpitaḥ || 55 ||
[Analyze grammar]

vṛtraṃ vilokya te sarve lokapālā maheśvarāḥ |
bhayabhītāśca te sarve śivaṃ śaraṇamanvayuḥ || 56 ||
[Analyze grammar]

manasāciṃtayansarve śaṃkaraṃ lokaśaṃkaram |
liṃgaṃ saṃpūjya vidhivanmaheṃdro jayakāmukaḥ || 57 ||
[Analyze grammar]

guruṇā viditaḥ sadyo viśvāsena pareṇa hi |
uvāca ca tadā śakraṃ bṛhaspatirudāradhīḥ || 58 ||
[Analyze grammar]

bṛhaspatiruvāca |
kārtike śuklapakṣe tu maṃdavāre trayodaśī |
samagrā yadi labhyeta sarvaprāptayai na saṃśayaḥ || 59 ||
[Analyze grammar]

tasyāṃ pradoṣasamaye liṃgarūpī sadāśivaḥ |
pūjanīyo hi deveṃdra sarvakāmārthasiddhaye || 60 ||
[Analyze grammar]

snātvā madhyāhnasamaye tilāmalakasaṃyutam |
śivasya kuryādgaṃdhapuṣpaphalādibhiḥ || 61 ||
[Analyze grammar]

paścātpradoṣavelāyāṃ sthāvaraṃ liṃgamarccayet |
svayaṃbhu sthāpitaṃ cāpi pauruṣeyamapauruṣam || 62 ||
[Analyze grammar]

jane vā vijane vāpi araṇye vā tapovane |
talliṃgamarccayedbhaktyā pradoṣe tu viśeṣataḥ || 63 ||
[Analyze grammar]

grāmadbahiḥ sthitaṃ liṃgaṃ grāmācchataguṇaṃ phalam |
brāhmacchataguṇaṃ puṇyamaraṇye liṃgamadbhutam || 64 ||
[Analyze grammar]

āraṇyācchataguṇaṃ puṇyamarcitaṃ pārvataṃ yathā |
pārvatāccaiva liṃgācca phalaṃ cāyutasaṃjñitam |
tapovanāśritaṃ liṃgaṃ pūjitaṃ vā mahāphalam || 65 ||
[Analyze grammar]

tasmādetadvibhāgena śivapūjanārcanaṃ budhaiḥ |
kartvayaṃ nipuṇatvena tīrthasnānādikaṃ tathā || 66 ||
[Analyze grammar]

paṃcapiṃḍānsamuddhṛtya snānamātreṇa śobhanam |
kūpe snānaṃ prakurvīta uddhṛtena viseṣataḥ || 67 ||
[Analyze grammar]

taḍāge daśa piṃḍāṃśca uddhṛtya snānamācaret |
nadīsnānaṃ viśṣṭaṃ ca mahānadyāṃ viśeṣataḥ || 68 ||
[Analyze grammar]

sarveṣāmapi tīrthānāṃ gaṃgāsnānaṃ viśiṣyate |
devakhāte ca tattulyaṃ praśastaṃ snānamācaret || 69 ||
[Analyze grammar]

pradīpānāṃ sahasreṇa dīpanīyaḥ sadāśivaḥ |
tathā dīpaśatenāpi dvātriṃśaddīpamālayā || 70 ||
[Analyze grammar]

ghṛtena dīpayeddīpāñchivasya parituṣṭaye |
tathā phalaiśca dīpaiśca naivedyairgaṃdhadhūpakaiḥ || 71 ||
[Analyze grammar]

upacāraiḥ ṣoḍaśabhirliṃgarūpī sadā śivaḥ |
pūjyaḥ pradoṣavelāyāṃ nṛbhiḥ sarvārthasiddhaye || 72 ||
[Analyze grammar]

pradakṣiṇaṃ prakurvīta śatamaṣṭottaraṃ tathā |
namaskārānprakurvīta tāvatsaṃkhyānprayatnataḥ || 73 ||
[Analyze grammar]

pradakṣiṇanamaskāraiḥ pūjanīyaḥ sadāśivaḥ |
nāmnāṃ śatena rudro'sau stavanīyo yatāvidhi || 74 ||
[Analyze grammar]

namo rudrāya bhīmāya nīlakaṇṭhāya vedhase |
kaparddhine sureśāya vyomakeśāya vai namaḥ || 75 ||
[Analyze grammar]

vṛṣadhvajāya somāya nīlakaṇṭhāya vai namaḥ |
digaṃbarāya bhargāya umākāṃtakaparddine || 76 ||
[Analyze grammar]

tapomayāya vyāptāya śipiviṣṭāya vai namaḥ |
vyālapriyāya vyālāya vyālānāṃ pataye namaḥ || 77 ||
[Analyze grammar]

mahīdharāya vyāghrāya paśūnāṃ pataye namaḥ |
tripurāṃtakasiṃhāya śārdūlograravāya ca || 78 ||
[Analyze grammar]

mīnāya mīnanāthāya siddhāya parameṣṭhine |
kāmāṃtakāya buddhāya buddhīnāṃ pataye namaḥ || 79 ||
[Analyze grammar]

kapotāya viśiṣṭāya śiṣṭāya paramātmane |
vedāya vedabījāya devaguhyāya vai namaḥ || 80 ||
[Analyze grammar]

dīrghāya dīrghadīrghāya dīrghārghāya mahāya ca |
namo jagatpratiṣṭhāya vyomarūpāya vai namaḥ || 81 ||
[Analyze grammar]

gajāsuravināśāya hyaṃdhakāsurabhedine |
nīlalohitaśuklāya caṇḍamuṇḍapriyāya ca || 82 ||
[Analyze grammar]

bhaktipriyāya devāya jñānajñānāvyayāya ca |
maheśāya namastubhyaṃ mahādevaharāya ca || 83 ||
[Analyze grammar]

trinetrāya trivedāya vedāṃgāya namonamaḥ |
arthāya artharūpāya paramārthāya vai namaḥ || 84 ||
[Analyze grammar]

viśvarūpāya viśvāya viśvanātāya vai namaḥ |
śaṃkarāya ca kālāya kālāvayavarūpiṇe || 85 ||
[Analyze grammar]

arūpāya ca sūkṣmāya sūkṣmasūkṣmāya vai namaḥ |
śmaśānavāsine tubhyaṃ namaste kṛttivāsase || 86 ||
[Analyze grammar]

śaśāṃkaśekharāyaiva rudraviśvāśrayāya ca |
durgāya durgasārāya durgāvayavasākṣiṇe || 87 ||
[Analyze grammar]

liṃgarūpāya liṃgāya liṃgānāṃ pataye namaḥ |
praṇavarūpāya praṇavārthāya vai namaḥ || 88 ||
[Analyze grammar]

namonamaḥ kāraṇakāraṇāya te mṛtyuṃjayāyātmabhavasvarūpiṇe |
triyaṃbakāyāsitakaṃṭha bharga gauripate sakalamaṃgalahetave namaḥ || 89 ||
[Analyze grammar]

bṛhaspatiruvāca |
nāmnāṃ śataṃ maheśasya uccāryaṃ vratinā tadā |
pradakṣiṇanamaskārairetatsaṃkhyaiḥ prayatnataḥ |
kāryaṃ pradoṣasamaye tuṣṭyarthaṃ saṃkarasya ca || 90 ||
[Analyze grammar]

evaṃ vrataṃ samuddiṣṭaṃ tava śakra mahāmate |
śīghraṃ kuru mahābhāga paścādyuddhaṃ kuru prabho || 91 ||
[Analyze grammar]

śaṃbhoḥ prasādātsarvaṃ te bhaviṣyati jayādikam || 92 ||
[Analyze grammar]

vṛtro hyayaṃ mahātejā daiteyastapasā purā |
śivaṃ prasādayāmāsa parvate gaṃdhamādane || 93 ||
[Analyze grammar]

nāmnā citraratho rājā vanaṃ citrarathasya tat |
etajjānīhi bho indra śivapuryāḥ samīpataḥ || 94 ||
[Analyze grammar]

yasminvane mahābhāga na saṃti ca ṣaḍūrmayaḥ |
tasmāccaitrarathaṃ nāma vanaṃ paramamaṃgalam |
tasya rājñaḥ śivenaiva dattaṃ yānaṃ mahādbhutam || 95 ||
[Analyze grammar]

kāmagaṃ kiṃkiṇīyuktaṃ siddhacāraṇasevitam |
gaṃdharvairapsaroyakṣaiḥ kiṃnarairupaśobhitam || 96 ||
[Analyze grammar]

tatastenaiva yānena pṛthivīṃ paryaṭanpurā |
tathā girīśamukhyāṃśca dvīpāṃśca vividhāṃstathā || 97 ||
[Analyze grammar]

ekadā paryaṭanrājā nāmnā citraratho mahān |
kailāsamāgatastatra sa dadarśa parādbhutam || 98 ||
[Analyze grammar]

sabhātalaṃ maheśasya gaṇaiścaiva virājitam |
arddhāgalagnayā devyā śobhitaṃ ca maheśvaram || 99 ||
[Analyze grammar]

nirīkṣya devyā sahitaṃ sadāśivaṃ devyānvitaṃ vākyamidaṃ babhāṣe || 100 ||
[Analyze grammar]

vayaṃ ca śaṃbho viṣayānvitāśca maṃtryādayaḥ strījitāścāpi cānye |
na lokamadhye vayameva cājñāḥ strīsevanaṃ lajjayā naiva kurmaḥ || 101 ||
[Analyze grammar]

etadvākyaṃ niśamyātha maheśaḥ prahasanniva |
uvāca nyāyasaṃyuktaṃ sarveṣāmapi śrṛṇvatām || 102 ||
[Analyze grammar]

bhayaṃ lokāpavādācca sarveṣāmapi nānyathā |
grāsitaṃ kālakūṭaṃ ca sarveṣāmapi durjaram || 103 ||
[Analyze grammar]

tathāpi upahāso me kṛto rājñā hi durjaraḥ |
taṃ citrarathamāhūya girijā vākyamabravīt || 104 ||
[Analyze grammar]

gīrijovāca |
re durātmankathaṃ tvajña śaṃkaraścopahāsitaḥ |
mayā sahaiva maṃdātmandrakṣyase karmaṇaḥ phalam || 105 ||
[Analyze grammar]

sādhūnāṃ samacittānāmupahāsaṃ karoti yaḥ |
devo vāpyatha vā martyaḥ sa vijñeyo'dhamādhamaḥ || 106 ||
[Analyze grammar]

ete munīṃdrāśca mahānubhāvāstathā hyamī ṛṣayo vedagarbhāḥ |
tathaiva sarve sanakādayo hyamī ajñāśca sarve śivamarcayaṃte || 107 ||
[Analyze grammar]

re mūḍha sarveṣu janeṣvabhijñastvameva evādya na cāpare janāḥ |
tasmādabhijñaṃ hi karomi daityaṃ devairdvijaiścāpi bahiṣkṛtaṃ tvām || 108 ||
[Analyze grammar]

evaṃ śaptastayā devyā bhavānyā rājasattamaḥ |
rājā citrarathaḥ sadyaḥ papāta sahasā divaḥ || 109 ||
[Analyze grammar]

āsurīṃ yonimāsādya vṛtronāmnā'bhavattadā |
tapasā parameṇaiva tvaṣṭrā saṃyojitaḥ kramāt || 110 ||
[Analyze grammar]

tapasā tena mahatā ajeyo vṛtra ucyata |
tasmācchaṃbhuṃ samabhyarcya pradoṣe vidhinā'dhunā || 111 ||
[Analyze grammar]

jahi vṛtraṃ mahādaityaṃ devānāṃ kāryasiddhaye |
gurostadvacanaṃ śrutvā uvācātha śatakratuḥ |
sodyāpanavidhiṃ brūhi pradoṣasya ca me'dhunā || 112 ||
[Analyze grammar]

bṛhaspatiruvāca |
kārtike māsi saṃprāpte maṃdavāre trayodaśī |
saṃpūrtistu bhavettatra saṃpūrṇavratasiddhaye || 113 ||
[Analyze grammar]

vṛṣabho rājataḥ kāryaḥ pṛṣṭhe tasya supīṭhakam |
tasyoparinyaseddevamumākāṃtaṃ trilocanam || 114 ||
[Analyze grammar]

paṃcavaktraṃ daśabhujamarddhāṃge girijāṃ satīm |
evaṃ comāmaheśaṃ ca sauvarṇaṃ kārayedbudhaḥ || 115 ||
[Analyze grammar]

savṛṣaṃ tāmrapatre ca vastreṇa pariguṃṭhite |
sthāpayitvomayā sārddhaṃ nānābogasamanvitam || 116 ||
[Analyze grammar]

vidhinā jāgaraṃ kuryādrātrau śraddhāsamanvitaḥ |
paṃcāmṛtena snapanaṃ kāryamādau prayatnataḥ || 117 ||
[Analyze grammar]

gokṣīrasnānaṃ deveśa gokṣīreṇa mayā kṛtam |
snapanaṃ devadeveśa gṛhāṇa parameśvara || 118 ||
[Analyze grammar]

dadhnā caiva mayā deva snapanaṃ kriyate'dhunā |
gṛhāma ca mayā dattaṃ suprasanno bhavādya vai || 119 ||
[Analyze grammar]

sarpiṣā ca mayā deva snapanaṃ kriyate'dhunā |
gṛhāṇa śraddhayā dattaṃ tava prītyarthameva ca || 120 ||
[Analyze grammar]

idaṃ madhu mayā dattaṃ tava prītyarthameva ca |
gṛhāma tvaṃ hi deveśa mama śāṃtiprado bhava || 121 ||
[Analyze grammar]

sitayā devadeveśa snapanaṃ kriyate'dhunā |
gṛhāṇa śraddhayā dattāṃ suprasanno bhava prabho || 122 ||
[Analyze grammar]

evaṃ paṃcāmṛtenaiva snapanīyo vṛṣadhvajaḥ |
paścādarghyaṃ pradātavyaṃ tāmrapātreṇa dhīmatā |
anenaiva ca maṃtreṇa umākāṃtasya tṛṣṭaye || 123 ||
[Analyze grammar]

arghyo'si tvamumākāṃta argheṇānena vai prabho |
gṛhāṇa tvaṃ mayā dattaṃ prasanno bhava śaṃkara || 124 ||
[Analyze grammar]

mayā dattaṃ ca te pādyaṃ puṣpagaṃdhasamanvitam |
gṛhāṇa devadeveśa prasanno varado bhava || 125 ||
[Analyze grammar]

viṣṭaraṃ viṣṭareṇaiva mayā dattaṃ ca vai prabho |
śāṃtyarathaṃ tava deveśa varado bhava me sadā || 126 ||
[Analyze grammar]

ācamanīyaṃ mayā dattaṃ tava viśveśvara prabho |
gṛhāṇa parameśāna tuṣṭo bhava mamādya vai || 127 ||
[Analyze grammar]

brahmagranthisamāyuktaṃ brahmakarmapravartakam |
yajñopavītaṃ sauvarṇaṃ mayā dattaṃ tava prabho || 128 ||
[Analyze grammar]

sugaṃdhaṃ caṃdanaṃ deva mayā dattaṃ ca vai prabho |
bhaktyā para mayā śaṃbho sugaṃdhaṃ kuru māṃ bhava || 129 ||
[Analyze grammar]

dīpaṃ hi paramaṃ śaṃbho ghṛtaprajvalitaṃ mayā |
dattaṃ gṛhāṇa deveśa mama jñānaprado bhava || 130 ||
[Analyze grammar]

dīpaṃ viśiṣṭaṃ paramaṃ sarvauṣadhivijṛṃbhitam |
gṛhāṇa parameśāna mama śāṃtyarthameva ca || 131 ||
[Analyze grammar]

dīpāvaliṃ mayā dattāṃ kṛhāṇa parameśvara |
ārārtikapradānena mama tejaḥ prado bhava || 132 ||
[Analyze grammar]

phaladīpādinaivedyatāṃbūlādikrameṇa ca |
pūjanīyo vidhānajñaistasyāṃ rātrau prayatnataḥ || 133 ||
[Analyze grammar]

paścājjāgaraṇaṃ kāryaṃ gṛhe vā devatālaye |
vitānamaṃḍapaṃ kṛtvā nānāścaryasamanvitam |
gītavāditranṛtyena arcanīyaḥ sadāśivaḥ || 134 ||
[Analyze grammar]

anenaiva vidhānena pradoṣodyāpane vidhiḥ |
kārye vidhimatā śakra sarvakāryārthasiddhaye || 135 ||
[Analyze grammar]

guruṇā kathitaṃ sarvaṃ taccakāra śatakratuḥ |
tenaiva ca sahāyena iṃdro yuddhaparāyaṇaḥ || 136 ||
[Analyze grammar]

vṛtraṃ prati suraiḥ sārddhaṃ yuyudhe ca śatakratuḥ |
tumulaṃ yuddhamabhavaddevānāṃ dānāvaiḥ saha || 137 ||
[Analyze grammar]

tasminsutumule gāḍhe devadaityakṣayāvahe |
dvaṃdvayuddhaṃ sutumulamativelaṃ bhayāvaham || 138 ||
[Analyze grammar]

vyomo yamena yuyudhe hyagninā tīkṣṇakopanaḥ |
varuṇena mahādaṃṣṭro vāyunā ca mahābalaḥ || 139 ||
[Analyze grammar]

dvandvayuddha ratāḥ sarve anyonyabalakāṃkṣiṇaḥ || 140 ||
[Analyze grammar]

tathaiva te devavarā mahābhujāḥ saṃgrāmaśūrā jayinastadā'bhavan |
parājayaṃ daityavārāśca sarve prāptāstadānīṃ paramaṃ samaṃtāt || 141 ||
[Analyze grammar]

dṛṣṭvā surairdaityavarānparājitānpalāyamānānatha kāndiśīkān |
tadaiva vṛtraḥ parameṇa manyunā mahābalo vākya midaṃ babhāṣe || 142 ||
[Analyze grammar]

vṛtra uvāca |
he daityāḥ paramārtāśca kasmādyūyaṃ bhayāturāḥ |
palāyanaparāḥ sarve visṛjya raṇamadbhutam || 143 ||
[Analyze grammar]

svaṃsvaṃ parākramaṃ vīrā yuddhāya kṛtaniścayāḥ |
darśayadhvaṃ suragaṇāssūdayadhvaṃ mahābalāḥ || 144 ||
[Analyze grammar]

gadābhiḥ paṭṭiśaiḥ khaḍgaiḥ śaktitomaramudgaraiḥ |
asibhirbhi dipālaiśca pāśatomaramuṣṭibhiḥ || 145 ||
[Analyze grammar]

tadā devāśca yuyudhurdadhīcāsthisamudbhavaiḥ |
śastrairastraiśca paramairasurānsamadārayan || 146 ||
[Analyze grammar]

punardaityā hatā devaiḥ prāptāstepi parājayam |
punaśca tena vṛtreṇa nodyamānāḥ surānprati || 147 ||
[Analyze grammar]

yadā hi te daityavarāḥ sureśairnihanyamānāśca vidudruvurdiśaḥ |
keciddṛṣṭvā dānavāste tadānīṃ bhītitrastāḥ klībarūpāḥ krameṇā || 148 ||
[Analyze grammar]

vṛtreṇa kopinā caivaṃ dhikkṛtā daityapuṃgavāḥ |
he pulomanmahābhāga vṛṣaparvannamostu te || 149 ||
[Analyze grammar]

he dhūmrākṣa mahākāla mahādaitya vṛkāsura |
sthūlākṣa he mahādaitya sthūladaṃṣṭra namostu te || 150 ||
[Analyze grammar]

svargadvāraṃ vihāyaiva kṣatriyāṇāṃ manasvinām |
palāyadhve kimarthaṃ vā saṃgrāmāṅgaṇamuttamam || 151 ||
[Analyze grammar]

saṃgare maraṇaṃ yeṣāṃ te yāṃti paramaṃ padam |
yatra tatra ca lipseta saṃgrāme maraṇaṃ budhaḥ || 152 ||
[Analyze grammar]

tyajanti saṃgaraṃ ye vai te yāṃti nirayaṃ dhruvam || 153 ||
[Analyze grammar]

ye brāhmaṇārthe bhṛtyārthe svārthe vai śastrapāṇayaḥ |
saṃgrāmaṃ ye prakurvaṃti mahāpātakino narāḥ || 154 ||
[Analyze grammar]

śastraghātahatā ye vai mṛtā vā saṃgare tathā |
te yāṃti paramaṃ sthānaṃ nātra kāryā vicāraṇā || 155 ||
[Analyze grammar]

śastrairvicchinnadehā ye gavārthe svāmikāraṇāt |
raṇe mṛtāḥ kṣatā ye vai te yāṃti paramāṃ gatim || 156 ||
[Analyze grammar]

tasmādraṇe'pi ye śūrāḥ pāpino nihatāḥ puraḥ |
prāpnuvaṃti paraṃ sthānaṃ durlabhaṃ jñānināmapi || 157 ||
[Analyze grammar]

athavā tīrthagamanaṃ vedādhyayanameva ca |
devatārcanayajñādiśreyāṃsi vividhāni ca || 158 ||
[Analyze grammar]

aikapadyena tānyeva kalāṃ nārhaṃti ṣoḍaśīm |
saṃgrāme patitānāṃ ca sarvaśāstreṣvayaṃ vidhiḥ || 159 ||
[Analyze grammar]

tasmādyuddhāvadānaṃ ca kartavyamaviśaṃkitaiḥ |
bhavadbhirnānyathā kāryaṃ devavākyapramāṇataḥ || 160 ||
[Analyze grammar]

yūyaṃ sarve śauravṛttyā sametāḥ kulena śīlena mahānubhāvāḥ |
padāni tānyeva palāyamānā gacchaṃtyaśūrā raṇamaṃḍalācca || 161 ||
[Analyze grammar]

ta eva sarve khalu pāpalokāngacchaṃti nūnaṃ vacanātsmṛteśca || 162 ||
[Analyze grammar]

ye pāpiṣṭhāstvadharmmasthā brahmaghnā gurutalpagāḥ |
narakaṃ yāṃti te pāpaṃ tathaiva raṇavicyutāḥ || 163 ||
[Analyze grammar]

tasmādbhavadbhiryoddhavyaṃ svāmikāryabharakṣamaiḥ |
evamuktāstadā tena vṛtreṇāpi mahātmanā || 164 ||
[Analyze grammar]

cakruste vacaṃnaṃ tasya asurāśca surānprati |
cakruḥ sutumulaṃ yuddhaṃ sarvalokabhayaṃkaram || 165 ||
[Analyze grammar]

tasminpravṛtte tumule vigāḍhe vṛtro mahādaityapatiḥ sa ekaḥ |
uvāca roṣeṇa mahādbhutena śatakratuṃ devavaraiḥ sametam || 166 ||
[Analyze grammar]

vṛtra uvāca |
śrṛṇu vākyaṃ mayā coktaṃ dharmmārthasahitaṃ hitam |
tvaṃ devānāṃ patirbhūtvā na jānāsi hitāhitam || 167 ||
[Analyze grammar]

kiṃbalārthaparo bhūtvā viśvarūpo hatastvayā |
prāptamadyaiva bho iṃdra tasyedaṃ karmmaṇaḥ phalam || 168 ||
[Analyze grammar]

ye dīrghadarśino maṃdā mūḍhā dharmabahiṣkṛtāḥ |
akalpāḥ kāryasiddhyarthaṃ yatkurvaṃti ca niṣphalam |
tatsarvaṃ viddhi deveṃdra manasā saṃpradhāryatām || 169 ||
[Analyze grammar]

tasmāddharmmaparo bhūtvā yudhyasva gatakalmaṣaḥ |
bhrātṛhā tvaṃ mamaiveṃdra tasmāttvā ghātayāmyaham || 170 ||
[Analyze grammar]

mā prayāhi sthiro bhūtvā devaiśca parivāritaḥ |
eva muktastu vṛtreṇa śakro'tīva ruṣānvitaḥ |
airāvataṃ samāruhya yayau vṛtrajighāṃsayā || 171 ||
[Analyze grammar]

iṃdramāyāṃtamālokya vṛtro balavatāṃ varaḥ |
uvāca prahasanvākyaṃ sarveṣāṃ śrṛṇvatāmapi || 172 ||
[Analyze grammar]

ādau māṃ praharasveti tasmāttvāṃ ghātayāmyaham || 173 ||
[Analyze grammar]

ityevamukto deveṃdro jaghāna gadayā bhṛśam |
vṛtraṃ balavatāṃ śreṣṭhaṃ jānudeśe mahābalam || 174 ||
[Analyze grammar]

tāmāpataṃtiṃ jagrāha kareṇaikena līlayā |
tayaivainaṃ jaghānāśu gadayā tridiveśvaram || 175 ||
[Analyze grammar]

sā gadā pātayāmāsa savajraṃ ca puraṃdaram |
patitaṃ śakramālokya vṛtra ūce surānprati || 176 ||
[Analyze grammar]

nayadhvaṃ svāminaṃ devāḥ svapurīmamarāvatīm || 177 ||
[Analyze grammar]

etacchrutvā vacaḥ satyaṃ vṛtrasya ca mahātnaḥ |
tathā cakruḥ surāḥ sarve raṇācceṃdraṃ samutsukāḥ || 178 ||
[Analyze grammar]

apovāhya gajasthaṃ hi parivārya bhayāturāḥ |
surāḥ sarve raṇaṃ hitvā jagmuste tridivaṃ prati || 179 ||
[Analyze grammar]

tato gateṣu deveṣu nanarta ca mahāsuraḥ |
vṛtro jahāsa ca paraṃ tenā pūryata diktaṭam || 180 ||
[Analyze grammar]

cacāla ca mahī sarvā saśailavanakānanā |
cukṣubhe ca tadā sarvaṃ jaṃgamaṃ sthāvaraṃ tathā || 181 ||
[Analyze grammar]

śrutvā prayātaṃ deveṃdraṃ brahmā lokapitāmahaḥ |
upayāto'tha deveṃdra svakamaṇḍaluvāriṇā |
aspṛśallabdhasaṃjño'bhūttatkṣaṇācca puraṃdaraḥ || 182 ||
[Analyze grammar]

dṛṣṭvā pitāmahaṃ cāgre vrīḍāyukto'bhavattadā |
maheṃdraṃ trapayā yuktaṃ brahmovāca pitāmahaḥ || 183 ||
[Analyze grammar]

brahmovāca |
vṛtro hi tapasā yukto brahmacaryavrate sthitaḥ |
tvaṣṭuśca tapasā yukto vṛtraścāyaṃ mahāyaśāḥ |
ajeyastapasogreṇa tasmāttvaṃ tapasā jaya || 184 ||
[Analyze grammar]

vṛtrāsuro daityapatiśca śakra te samādhinā parameṇaiva jayyaḥ |
niśamya vākyaṃ parameṣṭhino hariḥ sasmāra devaṃ vṛṣabhadhvajaṃ tadā || 185 ||
[Analyze grammar]

stutyā tadātaṃ stavamāno mahātmā puraṃdaro guruṇā nodito hi || 186 ||
[Analyze grammar]

iṃdra uvāca |
namo bhargāya devāya devānāmatidurgama |
varado bhava deveśa devānāṃ kāryasiddhaye || 187 ||
[Analyze grammar]

evaṃ stitiparo bhūtvā śacīpatirudāradhīḥ |
svakāryadakṣo maṃdātmā prapaṃcābhirataḥ khalu || 188 ||
[Analyze grammar]

prapaṃcābhiratā mūḍhāḥ śivabhaktiparā hyapi |
na prāpnuvaṃti te sthānaṃ paramīśasyarāgiṇaḥ || 189 ||
[Analyze grammar]

nirmalā nirahaṃkārā ye janāḥ paryupāsate |
mṛḍaṃ jñānapradaṃ ceśaṃ pareśaṃ śaṃbhumeva ca || 190 ||
[Analyze grammar]

teṣāṃ pareṣāṃ varada ihāmutra ca śaṃkaraḥ |
maheṃdreṇa stutaḥ śarvo rāgiṇā parameṇa hi || 191 ||
[Analyze grammar]

rāgiṇāṃ hi sadā śaṃbhurdurlabho nātra saṃśayaḥ |
tasmādvirāgiṇāṃ nityaṃ sanmukho hi sadāśivaḥ || 192 ||
[Analyze grammar]

rājā surāṇāṃ hi mahānurāgī svakarmasaṃsiddhimahāpravīṇaḥ |
tasmātsadā kleśaparaḥ śacīpatiḥ svakāmabhāvātmaparo hi nityam || 193 ||
[Analyze grammar]

stavamānaṃ tadā ceṃdramabravītkāryagauravāt |
vijñāyākhiladṛgdraṣṭā maheśo liṃgarūpavān || 194 ||
[Analyze grammar]

iṃdra gaccha suraiḥ sārddhaṃ vṛtraṃ vai dānavaṃ prati |
tapasaiva ca sādhyo'yaṃ raṇe jetuṃ śatakrato || 195 ||
[Analyze grammar]

iṃdra uvāca |
kenopāyena sādhyo'yaṃ vṛtro daityavaro mahān |
tcachīghraṃ kathyatāṃ śaṃbho yena me vijayo bhavet || 196 ||
[Analyze grammar]

rudra uvāca |
raṇe na śakyate haṃtumapi devavarairapi |
tasmāttvayā hi kartavyaṃ kutsitaṃ karma cādya vai || 197 ||
[Analyze grammar]

asya śāpaḥ purā dattaḥ pārvatyā mama sannidhau |
asau citraratho nāmnā vikhyāto bhuvanatraye || 198 ||
[Analyze grammar]

paryaṭansu vimānena mayā dattena bhāsvatā |
upahāsādimāṃ yoniṃ saṃprāpto datyapuṃgavaḥ || 199 ||
[Analyze grammar]

tasmādajeyaṃ jānīhi raṇe raṇavidāṃ vara |
evamukto maheṃdro'yaṃ śaṃbhunā yoginā bhṛśam || 200 ||
[Analyze grammar]

tatheti matvā śakro'sau niyamaṃ tamupādade || 201 ||
[Analyze grammar]

raṃdhraṃ pratīkṣya vṛtrasya tatsamīpe sahasrakam |
vatsarāṇāṃ mahābhāgā vasanhaṃtuṃ mano dadhe || 202 ||
[Analyze grammar]

aṃtarvedyāṃ bahiḥ sthitvā vajrapāṇiranujñayā |
guroḥ purodhasaścaiva svakāryamakarodbhṛśam || 203 ||
[Analyze grammar]

ekadā narmmadāyāṃ vai vṛtro dānavapuṃgavaḥ |
daityaiḥ parivṛtaḥ sarvaiḥ samāyāto yadṛcchayā || 204 ||
[Analyze grammar]

iṃdraḥ parābhavaṃ prāpto nīto devairddivaṃ prati |
ahameva hatāriśca nānyosti sadṛśo mama || 205 ||
[Analyze grammar]

manyamānaḥ sadā vṛtraḥ pauruṣeṇa samanvitaḥ |
pradoṣasamaye viprā narmadāyāmupasthitaḥ || 206 ||
[Analyze grammar]

dṛṣṭaśceṃdreṇa sumahānasuraiḥ parivāritaḥ |
vṛtro balavatāṃ śreṣṭhaḥ pradoṣasamaye tadā || 207 ||
[Analyze grammar]

tasminpradeṣe saṃyuktā maṃdavāre trayodaśī |
nodito guruṇā ceṃdraḥ kare gṛhya bṛhaspatiḥ || 208 ||
[Analyze grammar]

pradakṣiṇānamaskārairyathoktavidhinā tadā |
pūjito liṃgarūpī ca oṃkāro narmadātaṭe || 209 ||
[Analyze grammar]

pradoṣavratamāhātmyādvajrapāṇiḥ pratāpavān |
saṃjātastatkṣaṇādeva prasādācchaṃkarasgayaca || 210 ||
[Analyze grammar]

vṛtropi tapasā yuktaḥ pradoṣasamaye mahān |
nidrāsakto'bhavattatra śuṃḍena prati bodhitaḥ || 211 ||
[Analyze grammar]

svāpātpradoṣavelāyāṃ tapasā cārjitaṃ phalam |
pranaṣṭaṃ tatkṣaṇādeva niḥśrīkatvamupāgataḥ || 212 ||
[Analyze grammar]

devyāḥ śāpācca saṃjāto vṛtro bhagnamanorathaḥ || 213 ||
[Analyze grammar]

saṃdhyāpādo gato yāvaddhṛtra stīrthamupāviśat |
parīto vividhairddaityaityairnānāyudhasamanvitaiḥ || 214 ||
[Analyze grammar]

tasya tatkarmaṇaśchidraṃ chidrānveṣī śacīpatiḥ |
jñātvā gataḥ śanairhatumātmaśatruṃ śatakratuḥ || 215 ||
[Analyze grammar]

tāvaddaityāḥ susaṃrabdhā bhīmā bhīmaparākramāḥ |
uttasthuryugapatsarve duḥsahāśca śatakratum || 216 ||
[Analyze grammar]

tatastairabhavadyuddhamatiprabaladaṃḍibhiḥ |
sarve devāḥ sahāyārthaṃ tadā'jagmuḥ śatakratoḥ || 217 ||
[Analyze grammar]

tadā daityāśca devāśca yuyudhuste tarasvinaḥ |
rātrau yuddhaṃ samābhavatsurāsuravimardanam || 218 ||
[Analyze grammar]

anekaśastrasaṃvītaṃ mahāraudramavartata |
evaṃ pravartamāne tu saṃgrame raudradāruṇe |
tadā vṛtro'tha sannaddho gṛhītvā śūlamulbaṇam || 219 ||
[Analyze grammar]

iṃdra pramukhato bhūtvā jagarjātivibhīṣaṇam |
tasya nādapraṇādena trāsitaṃ bhuvanatrayam || 220 ||
[Analyze grammar]

airāvaṇaṃ samāruhya maheṃdraḥ śuśubhe tadā |
dhriyamāṇenacchatreṇa caṃdramaṃḍalaśobhinā || 221 ||
[Analyze grammar]

cāmarairvījyamāno'tha babhāṣe daityapuṃgavam || 222 ||
[Analyze grammar]

iṃdra uvāca |
saṃgrāmaṃ kuru me vṛtra balena mahatā vṛtaḥ |
śūrastvamasi śūrāṇāṃ tapasā parameṇa hi || 223 ||
[Analyze grammar]

evamuktastadā tena vṛtro vākyamuvāca ha |
ādau prahara māmiṃdrapaścāttvāṃ ghātayāmyaham || 224 ||
[Analyze grammar]

tatheti matvā tadatīva duḥsahaṃ vajraṃ tadānīṃ śatadhārameva |
sa moktukāmo hi tadā puraṃdaro nivāritastena mahāprabheṇa |
purodhasā buddhimatāṃ vareṇa tatheti matvā sa cakāra ceṃdraḥ || 225 ||
[Analyze grammar]

gadāṃ pragṛhya deveṃdro vṛtraṃ vivyādha tāṃ gadām |
vārayāmāsa vṛtrosā vatithiṃ kṛpaṇo yathā || 226 ||
[Analyze grammar]

vyārthāṃ ca svagadāṃ dṛṣṭvā iṃdraściṃtāmavāpa ha || 227 ||
[Analyze grammar]

taṃ ciṃtyamānaṃ sa tadā puraṃdaraṃ vṛtro babhāṣe paribhartsamānaḥ |
purākṛtaṃ śakra mahādbhutaṃ tvayā jugupsitaṃ karmma ca vismṛtaṃ kim |
yenaiva jāto'si sahasranetraḥ śāpānmaharṣeratha gautamasya || 228 ||
[Analyze grammar]

ye śūrāśceṃdriyagrāmaṃ vartaṃte hi niyamya tu |
te jayaṃ prāpnuvaṃtīha netare hi bhavādṛśāḥ || 229 ||
[Analyze grammar]

raṇājiraṃ mahāghoraṃ pāpināṃ nātra saṃśayaḥ || 230 ||
[Analyze grammar]

evaṃ nirbhartsayāmāsa deveṃdraṃ daityapuṃgavaḥ |
triśūlaṃ dhūnayāmāsa deveṃdro hi taḍitsamam || 231 ||
[Analyze grammar]

tena śūlena mahatā vṛtro'dbhutaparākramaḥ |
babhau tīvreṇa tapasā yathā rudro yugāṃtakṛt || 232 ||
[Analyze grammar]

tathābhūtaṃ samālakṣya devarājaḥ śatakratuḥ |
abhyudyayau haṃtukāmo vṛtre dānavapuṃgavam || 233 ||
[Analyze grammar]

tamāyāṃtamabhiprekṣya haṃtukāmaṃ puraṃdaram |
jahāsa paramaṃ tatra śakrasya ca bhayāvaham |
mukhaṃ prasārya sumahadāgato hi puraṃdaram || 234 ||
[Analyze grammar]

grastukāmo mahātejā daityānāmadhipastadā |
āgatya sahasā śakraṃ grāsayitvā sakuṃjaram || 235 ||
[Analyze grammar]

savajraṃ sakirīṭaṃ ca nanarta ca jagarjja ca |
nimiṣāṃtaramātreṇa grasito'sau puraṃdaraḥ || 236 ||
[Analyze grammar]

hāhākāro mahānāsīddevānāṃ tatra paśyatām |
bhūkampo hi tadā hyasīdulkāpātaḥ sahasraśaḥ || 237 ||
[Analyze grammar]

timireṇāvṛtaṃ sarvaṃ jagatsthāvarajaṃgamam |
nartamānastadā vṛtro babhūva paramadyutiḥ || 238 ||
[Analyze grammar]

vidhyamānāstadā sarve devā brahmāṇa māgatāḥ |
śaśaṃsuḥ sarvamevaitadvṛtrāsuraviceṣṭitam || 239 ||
[Analyze grammar]

tacchrutvā bhagavānbrahmā vyathito'tīva vismitaḥ |
kathaṃ jātaṃ maheṃdrasya vyasanaṃ paramādbhutam || 240 ||
[Analyze grammar]

devaiḥ saha tadā brahmā sarvalokapitāmahaḥ |
tuṣṭāva giriśaṃ devaṃ parameṇa samādhinā || 241 ||
[Analyze grammar]

brahmovāca |
oṃnamo liṃgarūpāya mahādevāya vai namaḥ |
viśvarūpāya devāya virupākṣāya vai namaḥ || 242 ||
[Analyze grammar]

trāhitrāhi trilokeśa vṛtragrastaṃ puraṃdaram |
tadā nabhogatāvāṇī sarveṣāmeva śrṛṇvatām || 243 ||
[Analyze grammar]

uvāca hitakāmāya vidhiṃ liṃgārcane satī |
pradoṣavratayuktena iṃdreṇa vikṛtaṃ kṛtam || 244 ||
[Analyze grammar]

nirmālyaṃ pīṭhikāṃ caiva cchāyāprāsādameva ca |
pradakṣiṇāṃ kṛtavatā pīṭhikālaṃghanaṃ kṛtam || 245 ||
[Analyze grammar]

laṃghayaṃti ca ye mūḍhāste vai daṃḍyā na saṃśayaḥ |
caṃḍasya gaṇamukhyasya tasmātkuryātprayatnataḥ |
pradakṣiṇānamaskārau liṃgārccanasamanvitaḥ || 246 ||
[Analyze grammar]

śreyaḥprāptayekabuddhyā vai prayatnālliṃgapūjanam |
kāryaṃ dīkṣā parairnityaṃ sarvapāpopaśāṃtaye || 247 ||
[Analyze grammar]

āśarīraṃ ca tadvākyaṃ śrutvā brahmādayaḥ surāḥ |
papracchuste prāṃjalayo nabhovāṇīṃ śubhāvahām || 248 ||
[Analyze grammar]

kathamarcāmahe liṃgaṃ kenaiva vidhinā tataḥ |
prātarmadhyāhnasamaye sāyaṃkāle tathaiva ca || 249 ||
[Analyze grammar]

kāni puṣpāṇi sāyāhne madhyāhne ca tathaiva hi |
prātaḥ kāle tu tānyena kathayasva yathātatham || 250 ||
[Analyze grammar]

tadā nabhogatā vāṇī kathayāmāsa vistaram || 251 ||
[Analyze grammar]

karavīraṃ cārkapuṣpaṃ bṛhatīpuṣpamevaca |
dhattūrakusumaṃ caiva śatapatraṃ tathaiva ca || 252 ||
[Analyze grammar]

āragvadhaṃ ca punnāgaṃ bakulaṃ nāgakeśaram |
bradhnotpalaṃ kadambaṃ ca maṃdārakusumaṃ tathā || 253 ||
[Analyze grammar]

bahūni varapuṣpāṇi bahūni kamalānyapi |
trikāle ca pavitrāṇi jñeyāni satataṃ budhaiḥ || 254 ||
[Analyze grammar]

jātīpuṣpaṃ mallikāyāśca puṣpaṃ puṣpaṃ mogarakaṃ nīlapuṣpaṃ tathaiva |
tathā puṣpaṃ kuṭajaṃ karṇikāraṃ kausumbhākhyaṃ vārijaṃ raktavarṇanam || 255 ||
[Analyze grammar]

etānyeva ya puṣpāṇi madhyāhne liṃgapūjane |
viśiṣṭāni mayoktāni sāyāhne kathayāmyaham || 256 ||
[Analyze grammar]

caṃ pakāni trikāle ca pavitrāṇi na saṃśayaḥ |
rātrau mogarakāṇyeva pavitrāṇi na saṃśayaḥ || 257 ||
[Analyze grammar]

evamarccanabhedāṃśca jñātvā talliṃgapūjane |
kāryo vidhirvidhijñaiśca satataṃ ca śivālaye || 258 ||
[Analyze grammar]

vṛṣabhāṃtarito bhūtvā pīṭhikāṃtarameva ca |
pradakṣiṇāṃ na kurvīta kurvankilbiṣamaśnute || 259 ||
[Analyze grammar]

tathā hyanena śakreṇa kṛtaṃ caiva pradakṣiṇam |
rājasaṃ bhāvamāśritya tasmājjātaṃca niṣphalam || 260 ||
[Analyze grammar]

grasito'dyaiva vṛtreṇa sagajo hi puraṃdaraḥ |
bhavadbhireva tatkāryaṃ yena indraḥ pramucyate || 261 ||
[Analyze grammar]

mahārudravidhānena mukto bhavati tatkṣaṇāt |
puraṃdaro hyayaṃ devā nātra kāryā vicāraṇā || 262 ||
[Analyze grammar]

tenaiva vacasā devā rudramabhyarcya yatnataḥ |
yathoktena vidhānena rudrasūktena yatnataḥ || 263 ||
[Analyze grammar]

tathā caikādaśīrudryā rudramabhyarcya vai surāḥ |
havanaṃ pratyahaṃ cakrurddaśāṃśena dvijottamāḥ || 264 ||
[Analyze grammar]

japaṃ ca pūjāṃ havanaṃ ca cakrurvimoktukāmāḥ sahasā puraṃdaram |
śaṃbhoḥ prasādātsahasā vinirgataḥ kukṣiṃ bhittvā devarājastadānīm || 265 ||
[Analyze grammar]

taṃ nirgataṃ samīkṣyātha devadeveṃdramojasā |
sagajaṃ ca sa vajraṃ ca sakirīṭaṃ sakuṇḍalam |
śriyā paramayā yuktaṃ puraṃdaraṃ mahaujasam || 266 ||
[Analyze grammar]

devaduṃdubhayo nedustathā śaṃkhā hyanekaśaḥ |
gaṃdharvāpsaraso yakṣā ṛṣayaśca mudānvitāḥ || 267 ||
[Analyze grammar]

ekapadyena sarveṣāṃ mahāharṣo divaukasām |
saṃjātastatkṣaṇādeva yadā muktaḥ puraṃdaraḥ |
tadā śacī samāyātā yatra muktaḥ puraṃdaraḥ || 268 ||
[Analyze grammar]

tatra śacyā sameto'sāvabhiṣikto maharṣibhiḥ |
puṇyāhavācanaṃ tasya kṛtaṃ sarvaiḥ prayatnataḥ || 269 ||
[Analyze grammar]

evaṃ tadābhiṣikto'sau maheṃdra ṛṣibhiḥ punaḥ |
mahī maṃgalabhūyiṣṭhā tadā jātā dvijottamāḥ || 270 ||
[Analyze grammar]

diśaḥ prasannatāṃ yātā nirmalaṃ cābhavannabhaḥ |
śāṃtāstadāgnayo hyāsanmanāṃsi ca mahātmanām || 271 ||
[Analyze grammar]

evamādīnyanekāni maṃgalāni tato'bhavan |
mukte śatakratau tasminbabhūva paramādbhutam || 272 ||
[Analyze grammar]

evaṃ pravartamāne tu mahatāṃ ca mahotsave |
tāvadvṛtrasya patitaṃ śarīraṃ ca bhayānakam || 273 ||
[Analyze grammar]

tatraiva brahmahatyā ca pāpiṣṭhā patitā bhuvi |
gaṃgāyamunayormadhye aṃtarvedīti kathyate || 274 ||
[Analyze grammar]

puṇyabhūmiriti khyātā prasiddhā lokapāvanī |
vṛtrahatyāpratiṣṭhā sā yasmideśe sa pāpavān || 275 ||
[Analyze grammar]

malasya bahusaṃbhūtyā mālāveti prakīrtitā |
tasyāṃ tu malabhūmyāṃ vai vṛtrasya ca mahacchiraḥ || 276 ||
[Analyze grammar]

ṣaṇmāseṣvapatatsarvaiḥ kṛttaṃ devaiḥ savāsavaiḥ |
evaṃ vṛtravadhaṃ kṛtvā śakro jayamavāpa ha || 277 ||
[Analyze grammar]

iṃdrāsane copaviṣṭo nirātaṃkaḥ śacīpatiḥ |
etasminnaṃtare daityāḥ pātālavāsinaṃ balim |
śaśaṃsuḥ sarvamāgatya śakrasya ca viceṣṭitam || 278 ||
[Analyze grammar]

teṣāṃ tadvacanaṃ śrutvā vairocanī ruṣānvitaḥ |
śukraṃ papraccha sa tadā sathamiṃdro vaśī bhavet || 279 ||
[Analyze grammar]

tenoktaṃ balaye rājañjayasyandanalabdhaye |
mahāyajñaṃ kuruṣvādya tena te vijayo bhavet || 280 ||
[Analyze grammar]

tenokto bhṛguṇā caivaṃ baliryajñārthamudyataḥ |
dadhau yānīha dravyāṇi yajñayogyāni tāni vai |
melayitvā tvareṇaiva vairocanirudāradhīḥ || 281 ||
[Analyze grammar]

pravartito mahāyajño bhārgaveṇa mahātmanā |
dīkṣāyukto balirabhūjjuhuve haghyavāhanam || 282 ||
[Analyze grammar]

hūyamāne tadāgnau tu karmaṇā vidhihetunā |
tasmādbaleḥ samutpannaḥ syaṃdanaḥ paramādbhutaḥ || 283 ||
[Analyze grammar]

hayaiścaturbhiḥ saṃyukto dhvajesiṃho mahāprabhaḥ |
śastrāstraiḥ saṃyutaḥ śrīmānhayaiḥ śvetairalaṃkṛtaḥ || 284 ||
[Analyze grammar]

tataścāvabhṛthasnānaṃ cakre śukrapraṇoditaḥ |
syaṃdanaṃ pūjayitvātha āruroha balistadā || 285 ||
[Analyze grammar]

daityaiḥ parivṛtaḥ sadyo yoddhukāmaḥ puraṃdaram |
sadya eva divaṃ prāpto balirvairocano mahān || 286 ||
[Analyze grammar]

āgatya senayā sārddhamāruro hāmarāvatīm |
saṃruddhāṃ tāṃ purīṃ dṛṣṭvā tadā te surasattamāḥ |
virśayitvā suciramūcuḥ sarve bṛhaspatim || 287 ||
[Analyze grammar]

kiṃ kurmo'dya mahābhāga āgatā daityapuṃgavāḥ |
yoddhukāmā mahāghorāḥ sarve yuddhaviśāradāḥ || 288 ||
[Analyze grammar]

teṣāṃ tadvacanaṃ śrutvā bṛhaspatirabhāṣata || 289 ||
[Analyze grammar]

ete ghṛtamukhā ghorā bhṛguṇānoditāḥ surāḥ |
ajeyāścaiva te sarve tapasā vikrameṇa ca || 290 ||
[Analyze grammar]

etanniśamya vacanaṃ ca guṇābhiyuktaṃ sarve surāḥ samabhavaṃstrapayābhiyuktāḥ |
iṃdro'pi buddhivikalaḥ pariciṃtayā ca vrīḍāyutaḥ samabhavatparibhartsyamānaḥ || 291 ||
[Analyze grammar]