Chapter 38

[English text for this chapter is available]

upamanyuruvāca |
ālasyaṃ vyādhayastīvrāḥ pramādaḥ sthānasaṃśayaḥ |
anavasthitacittatvamaśraddhā bhrāṃtidarśanam || 1 ||
[Analyze grammar]

duḥkhāni daurmanasyaṃ ca viṣayeṣu ca lolatā |
daśaite yuñjatāṃ puṃsāmantarāyāḥ prakīrtitāḥ || 2 ||
[Analyze grammar]

ālasyamalasattvaṃ tu yogināṃ dehacetanoḥ |
dhātuvaiṣamyajā doṣā vyādhayaḥ karmadoṣajāḥ || 3 ||
[Analyze grammar]

pramādo nāma yogasya sādhanā nāma bhāvanā |
idaṃ vetyubhayākrāntaṃ vijñānaṃ sthānasaṃśayaḥ || 4 ||
[Analyze grammar]

apratiṣṭhā hi manasastvanavasthitirucyate |
aśraddhā bhāvarahitā vṛttirvai yogavartmani || 5 ||
[Analyze grammar]

viparyastā matiryā sā bhrāṃtirityabhidhīyate |
duḥkhamajñānajaṃ puṃsāṃ cittasyādhyātmikaṃ viduḥ || 6 ||
[Analyze grammar]

ādhibhautikamaṃgotthaṃ yacca duḥkhaṃ purā kṛtaiḥ |
ādhidaivikamākhyātamaśanyastraviṣādikam || 7 ||
[Analyze grammar]

icchāvighātajaṃ mokṣaṃ daurmanasyaṃ pracakṣate |
viṣayeṣu vicitreṣu vibhramastatra lolatā || 8 ||
[Analyze grammar]

śānteṣveteṣu vighneṣu yogāsaktasya yoginaḥ |
upasargāḥ pravartaṃte divyāste siddhisūcakāḥ || 9 ||
[Analyze grammar]

pratibhā śravaṇaṃ vārtā darśanāsvādavedanāḥ |
upasargāḥ ṣaḍityete vyaye yogasya siddhayaḥ || 10 ||
[Analyze grammar]

sūkṣme vyavahite 'tīte viprakṛṣṭe tvanāgate |
pratibhā kathyate yo 'rthe pratibhāso yathātatham || 11 ||
[Analyze grammar]

śravaṇaṃ sarvaśabdānāṃ śravaṇe cāprayatnataḥ |
vārttā vārttāsu vijñānaṃ sarveṣāmeva dehinām || 12 ||
[Analyze grammar]

darśanaṃ nāma divyānāṃ darśanaṃ cāprayatnataḥ |
tathāsvādaśca divyeṣu raseṣvāsvāda ucyate || 13 ||
[Analyze grammar]

sparśanādhigamastadvadvedanā nāma viśrutā |
gandhādīnāṃ ca divyānāmābrahmabhuvanādhipāḥ || 14 ||
[Analyze grammar]

saṃtiṣṭhante ca ratnāni prayacchaṃti bahūni ca |
svacchandamadhurā vāṇī vividhāsyātpravartate || 15 ||
[Analyze grammar]

rasāyanāni sarvāṇi divyāścauṣadhayastathā |
sidhyaṃti praṇipatyainaṃ diśaṃti surayoṣitaḥ || 16 ||
[Analyze grammar]

yogasiddhyaikadeśe 'pi dṛṣṭe mokṣe bhavenmatiḥ |
dṛṣṭametanmayā yadvattadvanmokṣo bhavediti || 17 ||
[Analyze grammar]

kṛśatā sthūlatā bālyaṃ vārdhakyaṃ caiva yauvanam |
nānācātisvarūpaṃ ca caturṇāṃ dehadhāraṇam || 18 ||
[Analyze grammar]

pārthivāṃśaṃ vinā nityaṃ surabhirgandhasaṃgrahaḥ |
evamaṣṭaguṇaṃ prāhuḥ paiśācaṃ pārthivaṃ padam || 19 ||
[Analyze grammar]

jale nivasanaṃ caiva bhūmyāmevaṃ vinirgamaḥ |
icchecchaktaḥ svayaṃ pātuṃ samudramapi nāturaḥ || 20 ||
[Analyze grammar]

yatrecchati jagatyasmiṃstatraiva jaladarśanam |
vinā kumbhādikaṃ pāṇau jalasañcayadhāraṇam || 21 ||
[Analyze grammar]

yadvastu virasañcāpi bhoktumicchati tatkṣaṇāt |
rasādikaṃ bhaveccānyattrayāṇāṃ dehadhāraṇam || 22 ||
[Analyze grammar]

nirvraṇatvaṃ śarīrasya pārthivaiśca samanvitam |
tadidaṃ ṣoḍaśaguṇamāpyamaiśvaryamadbhutam || 23 ||
[Analyze grammar]

śarīrādagninirmāṇaṃ tattāpabhayavarjanam |
śaktirjagadidaṃ dagdhuṃ yadīcchedaprayatnataḥ || 24 ||
[Analyze grammar]

sthāpanaṃ vānalasyā 'psu pāṇau pāvakadhāraṇam |
dagdhe sarge yathāpūrvaṃ mukhe cānnādipācanam || 25 ||
[Analyze grammar]

dvābhyāṃ dehavinirmāṇamāpyaiśvaryasamanvitam |
etaccaturviṃśatidhā taijasaṃ paricakṣate || 25 ||
[Analyze grammar]

manojavatvaṃ bhūtānāṃ kṣaṇādantaḥpraveśanam |
parvatādimahābhāradhāraṇañcāprayatnataḥ || 26 ||
[Analyze grammar]

gurutvañca laghutvañca pāṇāvaniladhāraṇam |
aṃgulyagranipātādyairbhūmerapi ca kampanam || 27 ||
[Analyze grammar]

ekena dehaniṣpattiryuktaṃ bhogaiśca taijasaiḥ |
dvātriṃśadguṇamaiśvaryaṃ mārutaṃ kavayo viduḥ || 28 ||
[Analyze grammar]

chāyāhīnaviniṣpattirindriyāṇāmadarśanam |
khecaratvaṃ yathākāmamindriyārthasamanvayaḥ || 29 ||
[Analyze grammar]

ākāśalaṃghanaṃ caiva svadehe tanniveśanam |
ākāśapiṇḍīkaraṇamaśarīratvameva ca || 30 ||
[Analyze grammar]

anilaiśvaryasaṃyuktaṃ catvāriṃśadguṇaṃ mahat |
aindramaiśvaryamākhyātamāmbaraṃ tatpracakṣate || 31 ||
[Analyze grammar]

yathākāmopalabdhiśca yathākāmavinirgamaḥ |
sarvasyābhibhavaścaiva sarvaguhyārthadarśanam || 32 ||
[Analyze grammar]

karmānurūpanirmāṇaṃ vaśitvaṃ priyadarśanam |
saṃsāradarśanaṃ caiva bhogairaindraissamanvitam || 33 ||
[Analyze grammar]

etaccāṃdramasaiśvaryaṃ mānasaṃ guṇato 'dhikam |
chedanaṃ tāḍanaṃ caiva baṃdhanaṃ mocanaṃ tathā || 34 ||
[Analyze grammar]

grahaṇaṃ sarvabhūtānāṃ saṃsāravaśavartinām |
prasādaścāpi sarveṣāṃ mṛtyukālajayastathā || 35 ||
[Analyze grammar]

ābhimānikamaiśvaryaṃ prājāpatyaṃ pracakṣate |
etaccāndramasairbhogaiḥ ṣaṭpañcāśadguṇaṃ mahat || 36 ||
[Analyze grammar]

sargaḥ saṃkalpamātreṇa trāṇaṃ saṃharaṇaṃ tathā |
svādhikāraśca sarveṣāṃ bhūtacittapravartanam || 37 ||
[Analyze grammar]

asādṛśyaṃ ca sarvasya nirmāṇaṃ jagataḥ pṛthak |
śubhāśubhasya karaṇaṃ prājāpatyaiśca saṃyutam || 38 ||
[Analyze grammar]

catuṣṣaṣṭhiguṇaṃ brāhmamaiśvaryaṃ ca pracakṣate |
bauddhādasmātparaṃ gauṇamaiśvaryaṃ prākṛtaṃ viduḥ || 39 ||
[Analyze grammar]

vaiṣṇavaṃ tatsamākhyātaṃ tasyaiva bhuvanasthitiḥ |
brahmaṇā tatpadaṃ sarvaṃ vaktumanyairna śakyate || 40 ||
[Analyze grammar]

tatpauruṣaṃ ca gauṇaṃ ca gaṇeśaṃ padamaiśvaram |
viṣṇunā tatpadaṃ kiṃcijjñātumanyairna śakyate || 41 ||
[Analyze grammar]

vijñānasiddhayaścaiva sarvā evaupasargikāḥ |
niroddhavyā prayatnena varrāgyeṇa pareṇa tu || 42 ||
[Analyze grammar]

pratibhāseṣvaśuddheṣu guṇeṣvāsaktacetasaḥ |
na sidhyetparamaiśvaryamabhayaṃ sārvakāmikam || 43 ||
[Analyze grammar]

tasmādguṇāṃśca bhogāṃśca devāsuramahībhṛtām |
tṛṇavadyastyajettasya yogasiddhiḥ parā bhavet || 44 ||
[Analyze grammar]

athavānugrahecchāyāṃ jagato vicarenmuniḥ |
yathākāmaṃguṇānbhogānbhuktvā muktiṃ prayāsyati || 45 ||
[Analyze grammar]

atha prayogaṃ yogasya vakṣye śṛṇu samāhitaḥ |
śubhe kāle śubhe deśe śivakṣetrādike punaḥ || 46 ||
[Analyze grammar]

vijane jaṃturahite niḥśabde bādhavarjite |
supralipte sthale saumye gandhadhūpādivāsite || 46 ||
[Analyze grammar]

muktapuṣpasamākīrṇe vitānādi vicitrite |
kuśapuṣpasamittoyaphalamūlasamanvite || 47 ||
[Analyze grammar]

nāgnyabhyāśe jalābhyāśe śuṣkaparṇacaye 'pi vā |
na daṃśamaśakākīrṇe sarpaśvāpadasaṃkule || 48 ||
[Analyze grammar]

na ca duṣṭamṛgākīrṇe na bhaye durjanāvṛte |
śmaśāne caityavalmīke jīrṇāgāre catuṣpathe || 49 ||
[Analyze grammar]

nadīnadasamudrāṇāṃ tīre rathyāṃtare 'pi vā |
na jīrṇodyānagoṣṭhādau nāniṣṭe na ca niṃdite || 50 ||
[Analyze grammar]

nājīrṇāmlarasodgāre na ca viṇmūtradūṣite |
nacchardyāmātisāre vā nātibhuktau śramānvite || 51 ||
[Analyze grammar]

na cāticiṃtākulito na cātikṣutpipāsitaḥ |
nāpi svagurukarmādau prasakto yogamācaret || 52 ||
[Analyze grammar]

yuktāhāravihāraśca yuktaceṣṭaśca karmasu |
yuktanidrāprabodhaśca sarvāyāsavivarjitaḥ || 53 ||
[Analyze grammar]

āsanaṃ mṛdulaṃ ramyaṃ vipulaṃ susamaṃ śuci |
padmakasvastikādīnāmabhyasedāsaneṣu ca || 54 ||
[Analyze grammar]

abhivaṃdya svagurvaṃtānabhivādyānanukramāt |
ṛjugrīvaśirovakṣā nātiṣṭhecchiṣṭalocanaḥ || 55 ||
[Analyze grammar]

kiṃcidunnāmitaśirā daṃtairdaṃtānna saṃspṛśet |
daṃtāgrasaṃsthitā jihvāmacalāṃ sanniveśya ca || 56 ||
[Analyze grammar]

pārṣṇibhyāṃ vṛṣaṇau rakṣaṃstathā prajananaṃ punaḥ |
ūrvorupari saṃsthāpya bāhū tiryagayatnataḥ || 57 ||
[Analyze grammar]

dakṣiṇaṃ karapṛṣṭhaṃ tu nyasya vāmatalopari |
unnāmya śanakaiḥ pṛṣṭhamuro viṣṭabhya cāgrataḥ || 58 ||
[Analyze grammar]

saṃprekṣya nāsikāgraṃ svaṃ diśaścānavalokayan |
saṃbhṛtaprāṇasaṃcāraḥ pāṣāṇa iva niścalaḥ || 59 ||
[Analyze grammar]

svadehāyatanasyāṃtarviciṃtya śivamaṃbayā |
hṛtpadmapīṭhikāmadhye dhyānayajñena pūjayet || 60 ||
[Analyze grammar]

mūle nāsāgrato nābhau kaṃṭhe vā tāluraṃdhrayoḥ |
bhrūmadhye dvāradeśe vā lalāṭe mūrdhni vā smaret || 61 ||
[Analyze grammar]

parikalpya yathānyāyaṃ śivayoḥ paramāsanam |
tatra sāvaraṇaṃ vāpi nirāvaraṇameva vā || 62 ||
[Analyze grammar]

dvidaleṣoḍaśāre vā dvādaśāre yathāvidhi |
daśāre vā ṣaḍasre vā caturasre śivaṃ smaret || 63 ||
[Analyze grammar]

bhruvoraṃtarataḥ padmaṃ dvidalaṃ taḍidujjvalam |
bhrūmadhyasthāravindasya kramādvai dakṣiṇottare || 64 ||
[Analyze grammar]

vidyutsamānavarṇe ca parṇe varṇāvasānake |
ṣoḍaśārasya patrāṇi svarāḥ ṣoḍaśa tāni vai || 65 ||
[Analyze grammar]

pūrvādīni kramādetatpadmaṃ kandasya mūlataḥ |
kakārādiṭakārāṃtā varṇāḥ parṇānyanukramāt || 66 ||
[Analyze grammar]

bhānuvarṇasya padmasya dhyeyaṃ tad1 hṛdayāntare |
gokṣīradhavalasyoktā ḍādiphāntā yathākramam || 67 ||
[Analyze grammar]

adho dalasyāmbujasya etasya 2 ca dalāni ṣaṭ |
vidhūmāṃgāravarṇasya varṇā vādyāśca lāntimāḥ || 68 ||
[Analyze grammar]

mūlādhārāraviṃdasya hemābhasya yathākramam |
vakārādisakārāntā varṇāḥ parṇamayāḥ sthitāḥ || 69 ||
[Analyze grammar]

eteṣvathāraviṃdeṣu yatraivābhirataṃ manaḥ |
tatraiva devaṃ devīṃ ca ciṃtayeddhīrayā dhiyā || 70 ||
[Analyze grammar]

aṃguṣṭhamātramamalaṃ dīpyamānaṃ samaṃtataḥ |
śuddhadīpaśikhākāraṃ svaśaktyā pūrṇamaṇḍitam || 71 ||
[Analyze grammar]

indurekhāsamākāraṃ tārārūpamathāpi vā |
nīvāraśūkassadṛśaṃ bisasutrābhameva vā || 72 ||
[Analyze grammar]

kadambagolakākāraṃ tuṣārakaṇikopamam |
kṣityāditattvavijayaṃ dhyātā yadyapi vāñchati || 73 ||
[Analyze grammar]

tattattattvādhipāmeva mūrtiṃ sthūlāṃ viciṃtayet |
sadāśivāṃtā brahmādyabhavādyāścāṣṭamūrtayaḥ || 74 ||
[Analyze grammar]

śivasya mūrtayaḥ sthūlāḥ śivaśāstre viniścitāḥ |
ghorā miśrā praśāntāśca mūrtayastā munīśvaraiḥ || 75 ||
[Analyze grammar]

phalābhilāṣarahitaiścintyāścintāviśāradaiḥ |
ghorāścecciṃtitāḥ kuryuḥ pāparogaparikṣayam || 76 ||
[Analyze grammar]

cireṇa miśre saumye tu na sadyo na cirādapi |
saumye muktirviśeṣeṇa śāṃtiḥ prajñā prasidhyati || 77 ||
[Analyze grammar]

sidhyaṃti siddhayaścātra kramaśo nātra saṃśayaḥ || 78 ||
[Analyze grammar]