Chapter 37

[English text for this chapter is available]

śrīkṛṣṇa uvāca |
jñāne kriyāyāṃ caryāyāṃ sāramuddhṛtya saṃgrahāt |
uktaṃ bhagavatā sarvaṃ śrutaṃ śrutisamaṃ mayā || 1 ||
[Analyze grammar]

idānīṃ śrotumicchāmi yogaṃ paramadurlabham |
sādhikāraṃ ca sāṃgaṃ ca savidhiṃ saprayojanam || 2 ||
[Analyze grammar]

yadyasti maraṇaṃ pūrvaṃ yogādyanupamardataḥ |
sadyaḥ sādhayituṃ śakyaṃ yena syānnātmahā naraḥ || 3 ||
[Analyze grammar]

tacca tatkāraṇaṃ caiva tatkālakaraṇāni ca |
tadbhedatāratamyaṃ ca vaktumarhasi tattvataḥ || 4 ||
[Analyze grammar]

upamanyuruvāca |
sthāne pṛṣṭaṃ tvayā kṛṣṇa sarvapraśnārthavedinā |
tataḥ krameṇa tatsarvaṃ vakṣye śṛṇu samāhitaḥ || 5 ||
[Analyze grammar]

niruddhavṛttyaṃtarasyaṃ śive cittasya niścalā |
yā vṛttiḥ sa samāsena yogaḥ sa khalu pañcadhā || 6 ||
[Analyze grammar]

maṃtrayogaḥsparśayogo bhāvayogastathāparaḥ |
abhāvayogassarvebhyo mahāyogaḥ paro mataḥ || 7 ||
[Analyze grammar]

maṃtrābhyāsavaśenaiva maṃtravācyārthagocaraḥ |
avyākṣepā manovṛttirmaṃtrayoga udāhṛtaḥ || 8 ||
[Analyze grammar]

prāṇāyāmamukhā saiva sparśe yogobhidhīyate |
sa maṃtrasparśanirmukto bhāvayogaḥ prakīrtitaḥ || 9 ||
[Analyze grammar]

vilīnāvayavaṃ viśvaṃ rūpaṃ saṃbhāvyate yataḥ |
abhāvayogaḥ saṃprokto 'nābhāsādvastunaḥ sataḥ || 10 ||
[Analyze grammar]

śivasvabhāva evaikaściṃtyate nirupādhikaḥ |
yathā śaivamanovṛttirmahāyoga ihocyate || 11 ||
[Analyze grammar]

dṛṣṭe tathānuśravike viraktaṃ viṣaye manaḥ |
yasya tasyādhikārosti yoge nānyasya kasyacit || 12 ||
[Analyze grammar]

viṣayadvayadoṣāṇāṃ guṇānāmīśvarasya ca |
darśanādeva satataṃ viraktaṃ jāyate manaḥ || 13 ||
[Analyze grammar]

aṣṭāṃgo vā ṣaḍaṃgo vā sarvayogaḥ samāsataḥ |
yamaśca niyamaścaiva svastikādyaṃ tathāsanam || 14 ||
[Analyze grammar]

prāṇāyāmaḥ pratyāhāro dhāraṇā dhyānameva ca |
samādhiriti yogāṃgānyaṣṭāvuktāni sūribhiḥ || 15 ||
[Analyze grammar]

āsanaṃ prāṇasaṃrodhaḥ pratyāhārotha dhāraṇā |
dhyānaṃ samādhiryogasya ṣaḍaṃgāni samāsataḥ || 16 ||
[Analyze grammar]

pṛthaglakṣaṇameteṣāṃ śivaśāstre samīritam |
śivāgameṣu cānyeṣu viśeṣātkāmikādiṣu || 17 ||
[Analyze grammar]

yogaśāstreṣvapi tathā purāṇeṣvapi keṣu ca |
ahiṃsā satyamasteyaṃ brahmacaryāparigrahaḥ || 18 ||
[Analyze grammar]

yama ityucyate sadbhiḥ pañcāvayavayogataḥ |
śaucaṃ tuṣṭistapaścaiva japaḥ praṇidhireva ca || 18 ||
[Analyze grammar]

iti pañcaprabhedassyānniyamaḥ svāṃśabhedataḥ |
svastikaṃ padmamadhyeṃduṃ vīraṃ yogaṃ prasādhitam || 19 ||
[Analyze grammar]

paryaṃkaṃ ca yatheṣṭaṃ ca proktamāsanamaṣṭadhā |
prāṇaḥ svadehajo vāyustasyāyāmo nirodhanam || 20 ||
[Analyze grammar]

tadrocakaṃ pūrakaṃ ca kuṃbhakaṃ ca tridhocyate |
nāsikāpuṭamaṃgulyā pīḍyaikamapareṇa tu || 21 ||
[Analyze grammar]

audaraṃ recayedvāyuṃ tathāyaṃ recakaḥ smṛtaḥ |
bāhyena marutā dehaṃ dṛtivatparipūrayet || 22 ||
[Analyze grammar]

nāsāpuṭenāpareṇa pūraṇātpūrakaṃ matam |
na muṃcati na gṛhṇāti vāyumaṃtarbahiḥ sthitam || 23 ||
[Analyze grammar]

saṃpūrṇaṃ kuṃbhavattiṣṭhedacalaḥ sa tu kuṃbhaka |
recakādyaṃ trayamidaṃ na drutaṃ na vilaṃbitam || 24 ||
[Analyze grammar]

tadyataḥ kramayogena tvabhyasedyogasādhakaḥ |
recakādiṣu yobhyāso nāḍīśodhanapūrvakaḥ || 25 ||
[Analyze grammar]

svecchotkramaṇaparyaṃtaḥ prokto yogānuśāsane |
kanyakādikramavaśātprāṇāyāmanirodhanam || 26 ||
[Analyze grammar]

taccaturdhopadiṣṭaṃ syānmātrāguṇavibhāgataḥ |
kanyakastu caturdhā syātsa ca dvādaśamātrakaḥ || 27 ||
[Analyze grammar]

madhyamastu dviruddhātaścaturviṃśatimātrakaḥ |
uttamastu triruddhātaḥ ṣaḍviṃśanmātrakaḥ paraḥ || 28 ||
[Analyze grammar]

svedakaṃpādijanakaḥ prāṇāyāmastaduttaraḥ |
ānaṃdodbhavaromāṃcanetrāśrūṇāṃ vimocanam || 29 ||
[Analyze grammar]

jalpabhramaṇamūrchādyaṃ jāyate yoginaḥ param |
jānuṃ pradakṣiṇīkṛtya na drutaṃ na vilaṃbitam || 30 ||
[Analyze grammar]

aṃgulīsphoṭanaṃ kuryātsā mātreti prakīrtitā |
mātrākrameṇa vijñeyāścodvātakramayogataḥ || 31 ||
[Analyze grammar]

nāḍīviśuddhipūrvaṃ tu prāṇāyāmaṃ samācaret |
agarbhaśca sagarbhaśca prāṇāyāmo dvidhā smṛtaḥ || 32 ||
[Analyze grammar]

japaṃ dhyānaṃ vināgarbhaḥ sagarbhastatsamanvayāt |
agarbhādgarbhasaṃyuktaḥ prāṇāyāmaḥśatādhikaḥ || 33 ||
[Analyze grammar]

tasmātsagarbhaṃ kurvanti yoginaḥ prāṇasaṃyamam |
prāṇasya vijayādeva jīyaṃte deha 1 āyavaḥ || 34 ||
[Analyze grammar]

prāṇo 'pānaḥ samānaśca hyudāno vyāna eva ca |
nāgaḥ kūrmaśca kṛkalo devadatto dhanaṃjayaḥ || 35 ||
[Analyze grammar]

prayāṇaṃ kurute yasmāttasmātprāṇo 'bhidhīyate |
avāṅnayatyapānākhyo yadāhārādi bhujyate || 36 ||
[Analyze grammar]

vyāno vyānaśayatyaṃgānyaśeṣāṇi vivardhayan |
udvejayati marmāṇītyudāno vāyurīritaḥ || 37 ||
[Analyze grammar]

samaṃ nayati sarvāṃgaṃ samānastena gīyate |
udgāre nāga ākhyātaḥ kūrma unmīlane sthitaḥ || 38 ||
[Analyze grammar]

kṛkalaḥ kṣavathau jñeyo devadatto vijṛṃbhaṇe |
na jahāti mṛtaṃ cāpi sarvavyāpī dhanaṃjayaḥ || 39 ||
[Analyze grammar]

krameṇābhyasyamānoyaṃ prāṇāyāmapramāṇavān |
nirdahatyakhilaṃ doṣaṃ karturdehaṃ ca rakṣati || 40 ||
[Analyze grammar]

prāṇe tu vijite samyaktaccihnānyupalakṣayet |
viṇmūtraśleṣmaṇāṃ tāvadalpabhāvaḥ prajāyate || 41 ||
[Analyze grammar]

bahubhojanasāmarthyaṃ cirāducchvāsanaṃ tathā |
laghutvaṃ śīghragāmitvamutsāhaḥ svarasauṣṭhavam || 42 ||
[Analyze grammar]

sarvarogakṣayaścaiva balaṃ tejaḥ surūpatā |
dhṛtirmedhā yuvatvaṃ ca sthiratā ca prasannatā || 43 ||
[Analyze grammar]

tapāṃsi pāpakṣayatā yajñadānavratādayaḥ |
prāṇāyāmasya tasyaite kalāṃ nārhanti ṣoḍaśīm || 44 ||
[Analyze grammar]

indriyāṇi prasaktāni yathāsvaṃ viṣayeṣviha |
āhatya yannigṛhṇāti sa pratyāhāra ucyate || 45 ||
[Analyze grammar]

namaḥpūrvāṇīṃdriyāṇi svargaṃ narakameva ca |
nigṛhītanisṛṣṭāni svargāya narakāya ca || 46 ||
[Analyze grammar]

tasmātsukhārthī matimāñjñānavairāgyamāsthitaḥ |
iṃdriyāśvānnigṛhyāśu svātmanātmānamuddharet || 47 ||
[Analyze grammar]

dhāraṇā nāma cittasya sthānabandhassamāsataḥ |
sthānaṃ ca śiva evaiko nānyaddoṣatrayaṃ yataḥ || 48 ||
[Analyze grammar]

kālaṃ kaṃcāvadhīkṛtya sthāne 'vasthāpitaṃ manaḥ |
na tu pracyavate lakṣyāddhāraṇā syānna cānyathā || 49 ||
[Analyze grammar]

manasaḥ prathamaṃ sthairyaṃ dhāraṇātaḥ prajāyate |
tasmāddhīraṃ manaḥ kuryāddhāraṇābhyāsayogataḥ || 50 ||
[Analyze grammar]

dhyai ciṃtāyāṃ smṛto dhātuḥ śivaciṃtā muhurmuhuḥ |
avyākṣiptena manasā dhyānaṃ nāma taducyate || 51 ||
[Analyze grammar]

dhyeyāvasthitacittasya sadṛśaḥ pratyayaśca yaḥ |
pratyayāntaranirmuktaḥ pravāho dhyānamucyate || 52 ||
[Analyze grammar]

sarvamanyatparityajya śiva eva śivaṃkaraḥ |
paro dhyeyo 'dhideveśaḥ samāptātharvaṇī śrutiḥ || 53 ||
[Analyze grammar]

tathā śivā parā dhyeyā sarvabhūtagatau śivau |
tau śrutau smṛtiśāstrebhyaḥ sarvagau sarvadoditau || 54 ||
[Analyze grammar]

sarvajñau satataṃ dhyeyau nānārūpavibhedataḥ |
vimuktiḥ pratyayaḥ pūrvaḥ pratyayaścāṇimādikam || 55 ||
[Analyze grammar]

ityetaddvividhaṃ jñeyaṃ dhyānasyāsya prayojanam |
dhyātā dhyānaṃ tathā dhyeyaṃ yacca dhyānaprayojanam || 56 ||
[Analyze grammar]

etaccatuṣṭayaṃ jñātvā yogaṃ yuñjīta yogavit |
jñānavairāgyasaṃpannaḥ śraddadhānaḥ kṣamānvitaḥ || 57 ||
[Analyze grammar]

nirmamaśca sadotsāhī dhyātetthaṃ puruṣaḥ smṛtaḥ |
japācchrāṃtaḥ punardhyāyeddhyānācchrāṃtaḥ punarjapet || 58 ||
[Analyze grammar]

japadhyanābhiyuktasya kṣipraṃ yogaḥ prasiddhyati |
dhāraṇā dvādaśāyāmā dhyānaṃ dvādaśadhāraṇam || 59 ||
[Analyze grammar]

dhyānadvādaśakaṃ yāvatsamādhirabhidhīyate |
samādhirnnāma yogāṃgamantimaṃ parikīrtitam || 60 ||
[Analyze grammar]

samādhinā ca sarvatra prajñālokaḥ pravartate |
yadarthamātranirbhāsaṃ stimito dadhivatsthitam || 61 ||
[Analyze grammar]

svarūpaśūnyavadbhānaṃ samādhirabhidhīyate |
dhyeye manaḥ samāveśya paśyedapi ca susthiram || 62 ||
[Analyze grammar]

nirvāṇānalavadyogī samādhisthaḥ pragīyate |
na śṛṇoti na cāghrāti na jalpati na paśyati || 63 ||
[Analyze grammar]

na ca sparśaṃ vijānāti na saṃkalpayate manaḥ |
navābhimanyate kiṃcidbadhyate na ca kāṣṭavat || 64 ||
[Analyze grammar]

evaṃ śive vilīnātmā samādhistha ihocyate |
yathā dīpo nivātasthaḥ spandate na kadācana || 65 ||
[Analyze grammar]

tathā samādhiniṣṭho 'pi tasmānna vicaletsudhīḥ |
evamabhyasataścāraṃ yogino yogamuttamam || 66 ||
[Analyze grammar]

tadantarāyā naśyaṃti vighnāḥ sarve śanaiḥśanaiḥ || 67 ||
[Analyze grammar]