Chapter 32

[English text for this chapter is available]

upamanyuruvāca |
etatte kathitaṃ kṛṣṇa karmehāmutra siddhidam |
kriyātapojapadhyānasamuccayamayaṃ param || 1 ||
[Analyze grammar]

atha vakṣyāmi śaivānāmihaiva phaladaṃ nṛṇām |
pūjāhomajapadhyānatapodānamayaṃ mahat || 2 ||
[Analyze grammar]

tatra saṃsādhayetpūrvaṃ mantraṃ mantrārthavittamaḥ |
dṛṣṭasiddhikaraṃ karma nānyathā phaladaṃ yataḥ || 3 ||
[Analyze grammar]

siddhamantro 'pyadṛṣṭena prabalena tu kenacit |
pratibandhaphalaṃ karma na kuryātsahasā budhaḥ || 4 ||
[Analyze grammar]

tasya tu pratibandhasya kartuṃ śakyeha niṣkṛtiḥ |
parīkṣya śakunādyaistadādau niṣkṛtimācaret || 5 ||
[Analyze grammar]

yo 'nyathā kurute mohātkarmaihikaphalaṃ naraḥ |
na tena phalabhāksa syātprāpnuyāccopahāsyatām || 6 ||
[Analyze grammar]

abisrabdho na kurvīta karma dṛṣṭaphalaṃ kvacit |
sa khalvaśraddhadhānaḥ syānnāśraddhaḥ phalamṛcchati || 7 ||
[Analyze grammar]

nāparādhosti devasya karmaṇyapi tu niṣphale |
yathoktakāriṇāṃ puṃsāmihaiva phaladarśanāt || 8 ||
[Analyze grammar]

sādhakaḥ siddhamaṃtraśca nirastapratibaṃdhakaḥ |
viśvastaḥ śraddhadhānaśca kurvannāpnoti tatphalam || 9 ||
[Analyze grammar]

athavā tatphalāvāptyai brahmacaryarato bhavet |
rātrau haviṣyamaśnīyātpāyasaṃ vā phalāni vā || 10 ||
[Analyze grammar]

hiṃsādi yanniṣiddhaṃ syānna kuryānmanasāpi tat |
sadā bhasmānuliptāṃ gassuveṣaśca śucirbhavet || 11 ||
[Analyze grammar]

itthamācāravānbhūtvā svānukūle śubhe 'hani |
pūrvoktalakṣaṇe deśe puṣpadāmādyalaṃkṛte || 12 ||
[Analyze grammar]

ālipya śakṛtā 1 bhūmiṃ hastamānāvarāṃ yathā |
vilikhetkamale bhadre dīpyamānaṃ svatejasā || 13 ||
[Analyze grammar]

taptajāṃbūnadamayamaṣṭapatraṃ sakesaram |
madhye karṇikayā yuktaṃ sarvaratnairalaṃkṛtam || 14 ||
[Analyze grammar]

svākārasadṛśenaiva nālena ca samanvitam |
tādṛśe svarṇanirmāṇe kaṃde samyagvidhānataḥ || 15 ||
[Analyze grammar]

tatrāṇimādikaṃ sarvaṃ saṃkalpya manasā punaḥ |
ratnajaṃ vātha sauvarṇaṃ sphaṭikaṃ vā salakṣaṇam || 16 ||
[Analyze grammar]

liṅgaṃ savedikaṃ caiva sthāpayitvā vidhānataḥ |
tatrāvāhya yajeddevaṃ sāṃbaṃ sagaṇamavyayam || 16 ||
[Analyze grammar]

tatra māheśvarī kalpyā mūrtirmūrtimataḥ prabhoḥ |
caturbhujā caturvaktrā sarvābharaṇabhūṣitā || 17 ||
[Analyze grammar]

śārdūlacarmavasanā kiṃcidvihasitānanā |
varadābhayahastā ca mṛgaṭaṃkadharā tathā || 18 ||
[Analyze grammar]

atha vāṣṭabhujā ciṃtyā ciṃtakasya yathāruci |
tadā triśūlaparaśukhaḍgavajrāṇi dakṣiṇe || 19 ||
[Analyze grammar]

vāme pāśāṃkuśau tadvatkheṭaṃ nāgaṃ ca bibhratī |
bālārkasadṛśaprakhyā prativaktraṃ trilocanā || 20 ||
[Analyze grammar]

tasyāḥ pūrvamukhaṃ saumyaṃ svākārasadṛśaprabham |
dakṣiṇaṃ nīlajīmūtasadṛśaṃ ghoradarśanam || 21 ||
[Analyze grammar]

uttaraṃ vidrumaprakhyaṃ nīlālakavibhūṣitam |
paścimaṃ pūrṇacaṃdrābhaṃ saumyamiṃdukalādharam || 22 ||
[Analyze grammar]

tadaṃkamaṃḍalārūḍhā śaktirmāheśvarī parā |
mahālakṣmīriti khyātā śyāmā sarvamanoharā || 23 ||
[Analyze grammar]

mūrtiṃ kṛtvaivamākārāṃ sakalīkṛtya ca kramāt |
mūrtimaṃtamathāvāhya yajetparamakāraṇam || 24 ||
[Analyze grammar]

snānārthe kalpayettatra pañcagavyaṃ tu kāpilam |
pañcāmṛtaṃ ca pūrṇāni bījāni ca viśeṣataḥ || 25 ||
[Analyze grammar]

purastānmaṇḍalaṃ kṛtvā ratnacūrṇādyalaṃkṛtam |
karṇikāyāṃ pravinyasyedīśānakalaśaṃ punaḥ || 26 ||
[Analyze grammar]

sadyādikalaśānpaścātparitastasya kalpayet |
tato vidyeśakalaśānaṣṭau pūrvādivatkramāt || 27 ||
[Analyze grammar]

tīrthāmbupūritānkṛtvā sūtreṇāveṣṭya pūrvavat |
puṇyadravyāṇi nikṣipya samantraṃ savidhānakam || 28 ||
[Analyze grammar]

dukūlādyena vastreṇa samācchādya samaṃtataḥ |
sarvatra maṃtraṃ vinyasya tattanmaṃtrapurassaram || 29 ||
[Analyze grammar]

snānakāle tu saṃprāpte sarvamaṅgalanisvanaiḥ |
pañcagavyādibhiścaiva snāpayetparameśvaram || 30 ||
[Analyze grammar]

tataḥ kuśodakādyāni svarṇaratnodakānyapi |
gaṃdhapuṣpādisiddhāni mantrasiddhāni ca kramāt || 31 ||
[Analyze grammar]

uddhṛtyoddhṛtya mantreṇa taistaissnāpya maheśvaram |
gaṃdhaṃ puṣpādidīpāṃśca pūjākarma samācaret || 32 ||
[Analyze grammar]

palāvaraḥ syādālepa ekādaśapalottaraḥ |
suvarṇaratnapuṣpāṇi śubhāni surabhīṇi ca || 33 ||
[Analyze grammar]

nīlotpalādyutpalāni bilvapatrāṇyanekaśaḥ |
kamalāni ca raktāni śvetānyapi ca śaṃbhave || 34 ||
[Analyze grammar]

kṛṣṇāgurūdbhavo dhūpaḥ sakarpūrājyaguggulaḥ |
kapilāghṛtasaṃsiddhā dīpāḥ karpūravartijāḥ || 35 ||
[Analyze grammar]

pañcabrahmaṣaḍaṃgāni pūjyānyāvaraṇāni ca |
naivedyaḥ payasā siddhaḥ sa guḍājyo mahācaruḥ || 36 ||
[Analyze grammar]

pāṭalotpalapadmādyaiḥ pānīyaṃ ca sugandhitam |
pañcasaugaṃdhikopetaṃ tāṃbūlaṃ ca susaṃskṛtam || 37 ||
[Analyze grammar]

suvarṇaratnasiddhāni bhūṣaṇāni viśeṣataḥ |
vāsāṃsi ca vicitrāṇi sūkṣmāṇi ca navāni ca || 38 ||
[Analyze grammar]

darśanīyāni deyāni gānavādyādibhissaha |
japaśca mūlamaṃtrasya lakṣaḥ paramasaṃkhyayā || 39 ||
[Analyze grammar]

ekāvarā tryuttarā ca pūjā phalavaśādiha |
daśasaṃkhyāvaro homaḥ pratidravyaṃ śatottaraḥ || 40 ||
[Analyze grammar]

ghorarūpaśśivaściṃtyo māraṇoccāṭanādiṣu |
śivaliṃge śivāgnau ca hyanyāsu pratimāsu ca || 41 ||
[Analyze grammar]

ciṃtyassaumyatanuśśaṃbhuḥ kārye śāṃtikapauṣṭike |
āyasau sruksruvau kāryau māraṇādiṣu karmasu || 42 ||
[Analyze grammar]

tadanyatra tu sauvarṇau śāṃtikādyeṣu kṛtsnaśaḥ |
dūrvayā ghṛtagokṣīramiśrayā madhunā tathā || 43 ||
[Analyze grammar]

caruṇā saghṛtenaiva kevalaṃ payasāpi vā |
juhuyānmṛtyuvijaye tilai rogopaśāṃtaye || 44 ||
[Analyze grammar]

ghṛtena payasā caiva kamalairvātha kevalaiḥ |
samṛddhikāmo juhuyānmahādāridryaśāṃtaye || 45 ||
[Analyze grammar]

jātīpuṣpeṇa vaśyārthī juhuyātsaghṛtena tu |
ghṛtena karavīraiśca kuryādākarṣaṇaṃ dvijaḥ || 46 ||
[Analyze grammar]

tailenoccāṭanaṃ kuryātstaṃbhanaṃ madhunā punaḥ |
staṃbhanaṃ sarṣapeṇāpi laśunena tu pātanam || 47 ||
[Analyze grammar]

tāḍanaṃ rudhireṇa syātkharasyoṣṭrasya cobhayoḥ |
māraṇoccāṭane kuryādrohibījaistilānvitaiḥ || 48 ||
[Analyze grammar]

vidveṣaṇaṃ ca tailena kuryāllāṃgalakasya tu |
baṃdhanaṃ rohibījena senāstaṃbhanameva ca || 49 ||
[Analyze grammar]

raktasarṣapasaṃmiśrairhomadravyairaśeṣataḥ |
hastayaṃtrodbhavaistailairjuhuyādābhicārike || 50 ||
[Analyze grammar]

kaṭukītuṣasaṃyuktaiḥ kārpāsāsthibhireva ca |
sarṣapaistailasaṃmiśrairjuhuyādābhicārike || 51 ||
[Analyze grammar]

jvaropaśāṃtidaṃ kṣīraṃ saubhāgyaphaladaṃ tathā |
sarvasiddhikaro homaḥ kṣaudrājyadadhibhiryutaiḥ || 52 ||
[Analyze grammar]

kṣīreṇa taṃdulaiścaiva caruṇā kevalena vā |
śāṃtikaṃ pauṣṭikaṃ vāpi saptabhiḥ samidādibhiḥ || 53 ||
[Analyze grammar]

dravyairviśeṣato home vaśyamākarṣaṇaṃ tathā |
vaśyamākarṣaṇaṃ caiva śrīpadaṃ ca viśeṣataḥ || 54 ||
[Analyze grammar]

bilvapatraistu havanaṃ śatrorvijayadaṃ tathā |
samidhaḥ śāṃtikāryeṣu pālāśakhadirādikāḥ || 55 ||
[Analyze grammar]

karavīrārkajāḥ kraurye kaṇṭakinyaśca vigrahe |
praśāṃtaḥ śāṃtikaṃ kuryātpauṣṭikaṃ ca viśeṣataḥ || 56 ||
[Analyze grammar]

nirghṛṇaḥ kruddhacittastu prakuryādābhicārikam |
atīvaduravasthāyāṃ pratīkārāṃtaraṃ na cet || 57 ||
[Analyze grammar]

ātatāyinamuddiśya prakuryādābhicārikam |
svarāṣṭrapatimuddiśya na kuryādābhicārikam || 58 ||
[Analyze grammar]

yadyāstikassudharmiṣṭho mānyo vā yo 'pi kopi vā |
tamuddiśyāpi no kuryādātatāyinamapyuta || 59 ||
[Analyze grammar]

manasā karmaṇā vācā yo 'pi kopi śivāśritaḥ |
svarāṣṭrapatimuddiśya śivā śritamathāpi vā || 60 ||
[Analyze grammar]

kṛtvābhicārikaṃ karma sadyo vinipatennaraḥ |
svarāṣṭrapālakaṃ tasmācchivabhaktaṃ ca kañcana || 61 ||
[Analyze grammar]

na hiṃsyādabhicārādyairyadīcchetsukhamātmanaḥ |
anyaṃ kamapi coddiśya kṛtvā vai māraṇādikam || 62 ||
[Analyze grammar]

paścāttāpena saṃyuktaḥ prāyaścittaṃ samācaret |
bāṇaliṃge 'pi vā kuryānnirdhano dhanavānapi || 63 ||
[Analyze grammar]

svayaṃbhūte 'tha vā liṃge ārṣake vaidike 'pi vā |
abhāve hemaratnānāmaśaktau ca tadarjane || 64 ||
[Analyze grammar]

manasaivācaredetaddravyairvā pratirūpakaiḥ |
kvacidaṃśe tu yaḥ śaktastvaśaktaḥ kvacidaṃśake || 65 ||
[Analyze grammar]

so 'pi śaktyanusāreṇa kurvaṃścetphalamṛcchati |
karmaṇyanuṣṭhite 'pyasminphalaṃ yatra na dṛśyate || 66 ||
[Analyze grammar]

dvistrirvāvartayettatra sarvathā dṛśyate phalam |
pūjopayuktaṃ yaddravyaṃ hemaratnādyanuttamam || 67 ||
[Analyze grammar]

tatsarvaṃ gurave dadyāddakṣiṇāṃ ca tataḥ pṛthak |
sa cennecchati tatsarvaṃ śivāya vinivedayet || 68 ||
[Analyze grammar]

athavā śivabhaktebhyo nānyebhyastu pradīyate |
yaḥ svayaṃ sādhayecchaktyā gurvādinirapekṣayā || 69 ||
[Analyze grammar]

so 'pyevamācaredatra na gṛhṇīyātsvayaṃ punaḥ |
svayaṃ gṛhṇāti yo lobhātpūjāṃgadravyamuttamam || 70 ||
[Analyze grammar]

kāṃkṣitaṃ na labhenmūḍho nātra kāryā vicāraṇā |
arcitaṃ yattu talliṃgaṃ gṛhṇīyādvā navā svayam || 71 ||
[Analyze grammar]

gṛhṇīyādyadi tannityaṃ svayaṃ vānyo 'pi vārcayet |
yathoktameva karmaitadācaredyo 'napāyataḥ || 72 ||
[Analyze grammar]

phalaṃ vyabhicarennaivamityataḥ kiṃ prarocakam |
tathāpyuddeśato vakṣye karmaṇaḥ siddhimuttamam || 73 ||
[Analyze grammar]

api śatrubhirākrāṃto vyādhibhirvāpyanekaśaḥ |
mṛtyorāsyagataścāpi mucyate nirapāyataḥ || 74 ||
[Analyze grammar]

pūjāyate 'tikṛpaṇo rikto vaiśravaṇāyate |
kāmāyate virūpo 'pi vṛddho 'pi taruṇāyate || 75 ||
[Analyze grammar]

śatrurmitrāyate sadyo virodhī kiṃkarāyate |
viṣāyate yadamṛtaṃ viṣamapyamṛtāyate || 76 ||
[Analyze grammar]

sthalāyate samudro 'pi sthalamapyarṇavāyate |
mahīdharāyate śvabhraṃ sa ca śvabhrāyate giriḥ || 77 ||
[Analyze grammar]

padmākarāyate vahniḥ saro vaiśvānarāyate |
vanāyate yadudyānaṃ tadudyānāyate vanam || 78 ||
[Analyze grammar]

siṃhāyate mṛgaḥ kṣudraḥ siṃhaḥ krīḍāmṛgāyate |
striyo 'bhisārikāyante lakṣmīḥ sucaritāyate || 79 ||
[Analyze grammar]

svairapreṣyāyate vāṇī kīrtistu gaṇikāyate |
svairācārāyate medhā vajrasūcīyate manaḥ || 80 ||
[Analyze grammar]

mahāvātāyate śaktirbalaṃ mattagajāyate |
stambhāyate samudyogaiḥ śatrupakṣe sthitā kriyā || 81 ||
[Analyze grammar]

śatrupakṣāyate 'rīṇāṃ sarva eva suhṛjjanaḥ |
śatravaḥ kuṇapāyante jīvantopi sabāṃdhavāḥ || 82 ||
[Analyze grammar]

āpanno 'pi gatāriṣṭaḥ svayaṃ khalvamṛtāyate |
rasāya nāyate nityamapathyamapi sevitam || 83 ||
[Analyze grammar]

aniśaṃ kriyamāṇāpi ratistvabhinavāyate |
anāgatādikaṃ sarvaṃ karasthāmalakāyate || 84 ||
[Analyze grammar]

yādṛcchikaphalāyante siddhayo 'pyaṇimādayaḥ |
bahunātra kimuktena sarvakāmārthasiddhiṣu || 85 ||
[Analyze grammar]

asminkarmaṇi nirvṛtte tvanavāpyaṃ na vidyate || 86 ||
[Analyze grammar]