Chapter 27

[English text for this chapter is available]

upamanyuruvāca |
athāgnikāryaṃ vakṣyāmi kuṇḍe vā sthaṃḍile 'pi vā |
vedyāṃ vā hyāyase pātre mṛnmaye vā nave śubhe || 1 ||
[Analyze grammar]

ādhāyāgniṃ vidhānena saṃskṛtya ca tataḥ param |
tatrārādhya mahādevaṃ homakarma samācaret || 2 ||
[Analyze grammar]

kuṇḍaṃ dvihastamānaṃ vā hastamātramathāpi vā |
vṛttaṃ vā caturasraṃ vā kuryādvediṃ ca maṇḍalam || 3 ||
[Analyze grammar]

kuṇḍaṃ vistāravannimnaṃ tanmadhye 'ṣṭadalāmbujam |
caturaṃgulamutsedhaṃ tasya dvyaṃgulameva vā || 4 ||
[Analyze grammar]

vitastidviguṇonnatyā nābhimantaḥ pracakṣate |
madhyaṃ ca madhyamāṃgulyā madhyamottamaparvaṇoḥ || 5 ||
[Analyze grammar]

aṃgulaiḥ kathyate sadbhiścaturviṃśatibhiḥ karaḥ |
mekhalānāṃ trayaṃ vāpi dvayamekamathāpi vā || 6 ||
[Analyze grammar]

yathāśobhaṃ prakurvīta ślakṣṇamiṣṭaṃ mṛdā sthiram |
aśvatthapatravadyoniṃ gajādhāravadeva vā || 7 ||
[Analyze grammar]

mekhalāmadhyataḥ kuryātpaścime dakṣiṇe 'pi vā |
śobhanāmagnitaḥ kiṃcinnimnāmunmīlikāṃ śanaiḥ || 8 ||
[Analyze grammar]

agreṇa kuṇḍābhimukhīṃ kiṃcidutsṛjya mekhalām |
notsedhaniyamo vedyāḥ sā mārdī vātha saikatī || 9 ||
[Analyze grammar]

maṃḍalaṃ gośakṛttoyairmānaṃ pātrasya noditam |
kuṇḍaṃ ca mṛnmayaṃ vedimālipedgomayāṃbunā || 10 ||
[Analyze grammar]

prakṣālya tāpayetpātraṃ prokṣayedanyadaṃbhasā |
svasūtroktaprakāreṇa kuṇḍādau villikhettataḥ || 11 ||
[Analyze grammar]

saṃprokṣya kalpayeddarbhaiḥ puṣpairvā vahniviṣṭaram |
arcanārthaṃ ca homārthaṃ sarvadravyāṇi sādhayet || 12 ||
[Analyze grammar]

prakṣālyakṣālanīyāni prokṣaṇyā prokṣya śodhayet |
maṇijaṃ kāṣṭhajaṃ vātha śrotriyāgārasambhavam || 13 ||
[Analyze grammar]

anyaṃ vābhyarhitaṃ vahniṃ tataḥ sādhāramānayet |
triḥ pradakṣiṇamāvṛtya kuṇḍāderupari kramāt || 14 ||
[Analyze grammar]

vahnibījaṃ samuccārya tvādadhītāgnimāsane |
yonimārgeṇa vā tadvadātmanaḥ saṃmukhena vā || 15 ||
[Analyze grammar]

niyogaḥ pradeśa sarvaṃ kuṃḍaṃ kuryādvicakṣaṇaḥ |
svanābhyaṃtaḥsthitaṃ vahniṃ tadraṃdhrādvisphuliṃgavad || 16 ||
[Analyze grammar]

nirgamya pāvake bāhye līnaṃ biṃbākṛti smaret |
ājyasaṃskāraparyaṃtamanvādhānapurassaram || 17 ||
[Analyze grammar]

svasūtroktakramātkuryānmūlamantreṇa mantravit |
śivamūrtiṃ samabhyarcya tato dakṣiṇapārśvataḥ || 18 ||
[Analyze grammar]

nyasya mantraṃ ghṛte mudrāṃ darśayeddhenusaṃjñitām |
sruksruvau taijasau grāhyau na kāṃsyāyasasaisakau || 19 ||
[Analyze grammar]

yajñadārumayau vāpi smārtau vā śilpasammatau |
parṇe vā brahmavṛkṣāderacchidre madhya utthite || 20 ||
[Analyze grammar]

saṃsṛjya darbhaistau vahnau saṃtāpya prokṣayetpunaḥ |
pārārṣarcyasvasūtroktakrameṇa śivapūrvakaiḥ || 21 ||
[Analyze grammar]

juhuyādaṣṭabhirbījairagnisaṃskārasiddhaye |
bhruṃstuṃbruśruṃ krameṇaiva puṃḍraṃdramityataḥ param || 22 ||
[Analyze grammar]

bījāni sapta saptānāṃ jihvānāmanupūrvaśaḥ |
triśikhā madhyamā jihvā bahurūpasamāhvayā || 23 ||
[Analyze grammar]

raktāgneyī nairṛtī ca kṛṣṇānyā suprabhā matā |
atiriktā marujjihvā svanāmānuguṇaprabhā || 24 ||
[Analyze grammar]

svabījānantaraṃ vācyā svāhāṃtañca yathākramam |
jihvāmaṃtraistu tairhutvājyaṃ jihvāstvekaikaśa kramāt || 25 ||
[Analyze grammar]

raṃ vahnayeti svāheti madhye hutvāhutitrayam |
sarpiṣā vā samidbhirvā pariṣecanamācaret || 26 ||
[Analyze grammar]

evaṃ kṛte śivāgniḥ syātsmarettatra śivāsanam |
tatrāvāhya yajeddevamardhanārīśvaraṃ śivam || 27 ||
[Analyze grammar]

dīpāntaṃ pariṣicyātha samiddhomaṃ samācaret |
tāḥ pālāśyaḥ parā vāpi yājñiyā dvādaśāṃgulāḥ || 27 ||
[Analyze grammar]

avakrā na svayaṃ śuṣkāssatvaco nirvraṇāḥ samāḥ |
daśāṃgulā vā vihitāḥ kaniṣṭhāṃgulisaṃmitāḥ || 28 ||
[Analyze grammar]

prādeśamātrā vālābhe hotavyāḥ sakalā api |
dūrvāpatrasamākārāṃ caturaṃgulamāyatām || 29 ||
[Analyze grammar]

dadyādājyāhutiṃ paścādannamakṣapramāṇataḥ |
lājāṃstathā sarṣapāṃśca yavāṃścaiva tilāṃstathā || 30 ||
[Analyze grammar]

sarpiṣāktāni bhakṣyāṇi lehyacoṣyāṇi sambhave |
daśaivāhutayastatra pañca vā tritayaṃ ca vā || 31 ||
[Analyze grammar]

hotavyāḥ śaktito dadyādekamevātha vāhutim |
śruveṇājyaṃ samityādyāsrucāśeṣātkareṇa vā || 32 ||
[Analyze grammar]

tatra divyena hotavyaṃ tīrthenārṣeṇa vā tathā |
dravyeṇaikena vā 'lābhe juhuyācchraddhayā punaḥ || 33 ||
[Analyze grammar]

prāyaścittāya juhuyānmaṃtrayitvāhutitrayam |
tato homaviśiṣṭena ghṛtenāpūrya vai srucam || 34 ||
[Analyze grammar]

nidhāya puṣpaṃ tasyāgre śruveṇādhomukhena tām |
sadarbhena samācchādya mūlenāṃjalinotthitaḥ || 35 ||
[Analyze grammar]

vauṣaḍaṃtena juhuyāddhārāṃ tu yavasaṃmitām |
itthaṃ pūrṇāhutiṃ kṛtvā pariṣiṃcecca pūrvavat || 36 ||
[Analyze grammar]

tata udvāsya deveśaṃ gopayettu hutāśanam |
tamapyudvāsya vā nābhau yajetsaṃdhāya nityaśaḥ || 37 ||
[Analyze grammar]

athavā vahnimānīya śivaśāstroktavartmanā |
vāgīśīgarbhasaṃbhūtaṃ saṃskṛtya vidhivadyajet || 38 ||
[Analyze grammar]

anvādhānaṃ punaḥ kṛtvā paridhīn paridhāya ca |
pātrāṇi dvandvarūpeṇa nikṣipyeṣṭvā śivaṃ tataḥ || 39 ||
[Analyze grammar]

saṃśodhya prokṣaṇīpātraṃ prokṣyatāni tadaṃbhasā |
praṇītāpātramaiśānyāṃ vinyasyā pūritaṃ jalaiḥ || 40 ||
[Analyze grammar]

ājyasaṃskāraparyaṃtaṃ kṛtvā saṃśodhya sraksruvau |
garbhādhānaṃ puṃsavanaṃ sīmantonnayanaṃ tataḥ || 41 ||
[Analyze grammar]

kṛtvā pṛthakpṛthagghutvā jātamagniṃ vicintayet |
tripādaṃ saptahastaṃ ca catuḥśṛṃgaṃ dviśīrṣakam || 42 ||
[Analyze grammar]

madhupiṃgaṃ trinayanaṃ sakapardenduśekharam |
raktaṃ raktāmbarālepaṃ mālyabhūṣaṇabhūṣitam || 43 ||
[Analyze grammar]

sarvalakṣaṇasaṃpannaṃ sopavītaṃ trimekhalam |
śaktimantaṃ sruksruvau ca dadhānaṃ dakṣiṇe kare || 44 ||
[Analyze grammar]

tomaraṃ tālavṛṃtaṃ ca ghṛtapātraṃ tathetaraiḥ |
jātaṃ dhyātvaivamākāraṃ jātakarma samācaret || 45 ||
[Analyze grammar]

nālāpanayanaṃ kṛtvā tataḥ saṃśodhya sūtakam |
śivāgnirucināmāsya kṛtvāhutipurassaram || 46 ||
[Analyze grammar]

pitrorvisarjanaṃ kṛtvā caulopanayanādikam |
aptoryāmāvasānāntaṃ kṛtvā saṃskāramasya tu || 47 ||
[Analyze grammar]

ājyadhārādihomaṃ ca kṛtvā sviṣṭakṛtaṃ tataḥ |
ramityanena bījena pariṣiṃcettataḥ param || 48 ||
[Analyze grammar]

brahmaviṣṇuśiveśānāṃ lokeśānāṃ tathaiva ca |
tadastrāṇāṃ ca paritaḥ kṛtvā pūjāṃ yathākramam || 49 ||
[Analyze grammar]

dhūpadīpādisiddhyarthaṃ vahnimuddhṛtya kṛtyavit |
sādhayitvājyapūrvāṇi dravyāṇi punareva ca || 50 ||
[Analyze grammar]

kalpayitvāsanaṃ vahnau tatrāvāhya yathāpurā |
saṃpūjya devaṃ devīṃ ca tataḥ pūrṇāṃtamācaret || 51 ||
[Analyze grammar]

atha vā svāśramoktaṃ tu vahnikarma śivārpaṇam |
buddhvā śivāśramī kuryānna ca tatrāparo vidhiḥ || 52 ||
[Analyze grammar]

śivāgnerbhasmasaṃgrāhyamagnihotrodbhavaṃ tu vā |
vaivāhognibhavaṃ vāpi pakvaṃ śuci sugaṃdhi ca || 53 ||
[Analyze grammar]

kapilāyāḥ śakṛcchastaṃ gṛhītaṃ gagane patat |
na klinnaṃ nātikaṭhinaṃ na durgandhaṃ na śoṣitam || 54 ||
[Analyze grammar]

uparyadhaḥ parityajya gṛhṇīyātpatitaṃ yadi |
piṃḍīkṛtya śivāgnyādau tatkṣipenmūlamaṃtrataḥ || 55 ||
[Analyze grammar]

apakvamatipākvaṃ ca saṃtyajya bhasitaṃ sitam |
ādāya vā samāloḍya bhasmādhāre vinikṣipet || 56 ||
[Analyze grammar]

taijasaṃ dāravaṃ vāpi mṛnmayaṃ śailameva ca |
anyadvā śobhanaṃ śuddhaṃ bhasmādhāraṃ prakalpayet || 57 ||
[Analyze grammar]

same deśe śubhe śuddhe dhanavadbhasma nikṣipet |
na cāyuktakare dadyānnaivāśucitale kṣipet || 58 ||
[Analyze grammar]

na saṃspṛśecca nīcāṃgairnopekṣeta na laṃghayet |
tasmādbhasitamādāya viniyuṃjīta mantrataḥ || 59 ||
[Analyze grammar]

kāleṣūkteṣu nānyatra nāyogyebhyaḥ pradāpayet |
bhasmasaṃgrahaṇaṃ kuryāddeve 'nudvāsite sati || 60 ||
[Analyze grammar]

udvāsane kṛte yasmāccaṇḍabhasma prajāpate |
agnikārye kṛte paścācchivaśāstroktamārgataḥ || 61 ||
[Analyze grammar]

svasūtroktaprakārādvā balikarma samācaret |
atha vidyāsanaṃ nyasya supralipte tu maṇḍale || 62 ||
[Analyze grammar]

vidyākośaṃ pratiṣṭhāpya yajetpuṣpādibhiḥ kramāt |
vidyāyāḥ purataḥ kṛtvā gurorapi ca maṇḍalam || 63 ||
[Analyze grammar]

tatrāsanavaraṃ kṛtvā puṣpādyai gurumarcayet |
tatonupūjayetpūjyān bhojayecca bubhukṣitān || 64 ||
[Analyze grammar]

tatassvayaṃ ca bhuṃjīta śuddhamannaṃ yathāsukham |
niveditaṃ ca vā deve taccheṣaṃ cātmaśuddhaye || 65 ||
[Analyze grammar]

śraddadhāno na lobhena na caṇḍāya samarpitam |
gandhamālyādi yaccānyattatrāpyeṣa samo vidhiḥ || 66 ||
[Analyze grammar]

na tu tatra śivosmīti buddhiṃ kuryādvicakṣaṇaḥ |
bhuktvācamya śivaṃ dhyātvā hṛdaye mūlamuccaret || 67 ||
[Analyze grammar]

kālaśeṣaṃ nayedyogyaiḥ śivaśāstrakathādibhiḥ |
rātrau vyatīte pūrvāṃśe kṛtvā pūjāṃ manoharām || 68 ||
[Analyze grammar]

śivayoḥ śayanaṃ tvekaṃ kalpayedatiśobhanam |
bhakṣyabhojyāṃbarālepapuṣpamālādikaṃ tathā || 69 ||
[Analyze grammar]

manasā karmaṇā vāpi kṛtvā sarvaṃ manoharam |
tato devasya devyāśca pādamūle śucissvapet || 70 ||
[Analyze grammar]

gṛhastho bhāryayā sārdhaṃ tadanye 'pi tu kevalāḥ |
pratyūṣasamayaṃ buddhvā mātrāmādyāmudīrayet || 71 ||
[Analyze grammar]

praṇamya manasāṃ devaṃ sāṃbaṃ sagaṇamavyayam |
deśakālocitaṃ kṛtvā śaucādyamapi śaktitaḥ || 72 ||
[Analyze grammar]

śaṃkhādininadairdivyairdevaṃ devīṃ ca bodhayet |
tatastatsamayonnidraiḥ puṣpairatisugaṃdhibhiḥ || 73 ||
[Analyze grammar]

nirvartya śivayoḥ pūjāṃ prārabheta puroditam || 74 ||
[Analyze grammar]