Chapter 17

[English text for this chapter is available]

upamanyuruvāca |
ataḥ paraṃ samāvekṣya guruḥ śiṣyasya yogyatām |
ṣaḍadhvaśuddhiṃ kurvīta sarvabaṃdhavimuktaye || 1 ||
[Analyze grammar]

kalāṃ tattvaṃ ca bhuvanaṃ varṇaṃ padamataḥ param |
maṃtraśceti samāsena ṣaḍadhvā paripaṭhyate || 2 ||
[Analyze grammar]

nivṛttyādyāḥ kalāḥ pañca kalādhvā kathyate budhaiḥ |
vyāptāḥ kalābhiritare tvadhvānaḥ pañca pañcabhiḥ || 3 ||
[Analyze grammar]

śivatattvādibhūmyaṃtaṃ tattvādhvā samudāhṛtaḥ |
ṣaḍviṃśatsaṃkhyayopetaḥ śuddhāśuddhobhayātmakaḥ || 4 ||
[Analyze grammar]

ādhārādyunmanāṃtaśca bhuvanādhvā prakīrtitaḥ |
vinā bhedopabhedābhyāṃ ṣaṣṭisaṃkhyāsamanvitaḥ || 5 ||
[Analyze grammar]

pañcāśadrudrarūpāstu varṇā varṇādhvasaṃjñitāḥ |
anekabhedasaṃpannaḥ padādhvā samudāhṛtaḥ || 6 ||
[Analyze grammar]

sarvopamaṃtrairmaṃtrādhvā vyāptaḥ paramavidyayā |
yathā śivo na tattveṣu gaṇyate tattvanāyakaḥ || 7 ||
[Analyze grammar]

maṃtrādhvani na gaṇyeta tathāsau maṃtranāyakaḥ |
kalādhvano vyāpakatvaṃ vyāpyatvaṃ cetarādhvanām || 8 ||
[Analyze grammar]

na vetti tattvato yasya naivārhatyadhvaśodhanam |
ṣaḍvidhasyādhvano rūpaṃ na yena viditaṃ bhavet || 9 ||
[Analyze grammar]

vyāpyavyāpakatā tena jñātumeva na śakyate |
tasmādadhvasvarūpaṃ ca vyāpyavyāpakatāṃ tathā || 10 ||
[Analyze grammar]

yathāvadavagamyaiva kuryādadhvaviśodhanam |
kuṃḍamaṃḍalaparyaṃtaṃ tatra kṛtvā yathā purā || 11 ||
[Analyze grammar]

dvihastamānaṃ kurvīta prācyāṃ kalaśamaṃḍalam |
tataḥ snātaśśivācāryaḥ saśiṣyaḥ kṛtanaityakaḥ || 12 ||
[Analyze grammar]

praviśya maṃḍalaṃ śaṃbhoḥ pūjāṃ pūrvavadācaret |
tatrāḍhakāvaraissiddhaṃ taṃdulaiḥ pāyasaṃ prabhoḥ || 13 ||
[Analyze grammar]

ardhaṃ nivedya homārthaṃ śeṣaṃ samupakalpayet |
purataḥ kalpite vātha maṃḍale varṇimaṃḍite || 14 ||
[Analyze grammar]

sthāpayetpañcakalaśāndikṣu madhye ca deśikaḥ |
teṣu brahmāṇi mūlārṇairbindunādasamanvitaiḥ || 15 ||
[Analyze grammar]

nama ādyairyakarāṃtaiḥ kalpayetkalpavittamaḥ |
īśānaṃ madhyame kuṃbhe puruṣaṃ purataḥ sthite || 16 ||
[Analyze grammar]

aghoraṃ dakṣiṇe vāme vāmaṃ sadyaṃ ca paścime |
rakṣāṃ vidhāya mudrā ca baddhvā kuṃbhābhimaṃtraṇam || 17 ||
[Analyze grammar]

kṛtvā śivānalairhomaṃ prārabhetyathā purā |
yadardhaṃ pāyasaṃ pūrvaṃ homārthaṃ parikalpitam || 18 ||
[Analyze grammar]

hutvā śiṣyasya taccheṣaṃ bhoktuṃ samupakalpayet |
tarpaṇāṃtaṃ ca maṃtrāṇāṃ kṛtvā karma yathā purā || 19 ||
[Analyze grammar]

hutvā pūrṇāhutiṃ teṣāṃ tataḥ kuryātpradīpanam |
oṃkārādanu huṃkāraṃ tato mūlaṃ phaḍaṃtakam || 20 ||
[Analyze grammar]

svāhāṃtaṃ dīpane prāhuraṃgāni ca yathākramam |
teṣāmāhutayastisro deyā dīpanakarmaṇi || 21 ||
[Analyze grammar]

maṃtrairekaikaśastaistu vicintyā dīptamūrtayaḥ |
triguṇaṃ triguṇī kṛtya dvijakanyākṛtaṃ sitam || 22 ||
[Analyze grammar]

sūtraṃ sūtreṇa saṃmaṃtrya śikhāgre baṃdhayecchiśoḥ |
caraṇāṃguṣṭhaparyaṃtamūrdhvakāyasya tiṣṭhataḥ || 23 ||
[Analyze grammar]

laṃbayitvā tu tatsūtraṃ suṣumṇāṃ tatra yojayet |
śāṃtayā mudrayādāya mūlamaṃtreṇa maṃtravit || 24 ||
[Analyze grammar]

hutvāhutitrayaṃ tasyāssānnidhyamupakalpayet |
hṛdi saṃtāḍya śiṣyasya puṣpakṣepeṇa pūrvavat || 25 ||
[Analyze grammar]

caitanyaṃ samupādāya dvādaśāṃte nivedya ca |
sūtraṃ sūtreṇa saṃyojya saṃrakṣyāstreṇa varmaṇā || 26 ||
[Analyze grammar]

avaguṃṭhyātha tatsūtraṃ śiṣyadehaṃ viciṃtayet |
mūlatrayamayaṃ pāśaṃ bhogabhogyatvalakṣaṇam || 27 ||
[Analyze grammar]

viṣayendriyadehādijanakaṃ tasya bhāvayet |
vyomādibhūtarūpiṇyaḥ śāṃtyatītādayaḥ kalāḥ || 28 ||
[Analyze grammar]

sūtre svanāmabhiryojyaḥ pūjyaścaiva namoyutaiḥ |
athavā bījabhūtaistatkṛtvā pūrvoditaṃ kramāt || 29 ||
[Analyze grammar]

tato malādestattvādau vyāptiṃ samalokayet |
kalāvyāptiṃ malādau ca hutvā saṃdīpayetkalāḥ || 30 ||
[Analyze grammar]

śiṣyaṃ śirasi saṃtāḍya sūtraṃ dehe yathākramam |
śāṃtyatītapade sūtraṃ lāñchayenmaṃtramuccaran || 31 ||
[Analyze grammar]

evaṃ kṛtvā nivṛttyantaṃ śāṃtyatītamanukramāt |
hutvāhutitrayaṃ paścānmaṇḍale ca śivaṃ yajet || 32 ||
[Analyze grammar]

devasya dakṣiṇe śiṣyamupaveśyottarāmukham |
sadarbhe maṇḍale dadyāddhomaśiṣṭaṃ caruṃ guruḥ || 33 ||
[Analyze grammar]

śiṣyastadguruṇā dattaṃ satkṛtya śivapūrvakam |
bhuktvā paścāddvirācamya śivamantramudīrayet || 34 ||
[Analyze grammar]

apare maṇḍale dadyātpañcagavyaṃ tathā guruḥ |
so 'pi tacchaktitaḥ pītvā dvirācamya śivaṃ smaret || 35 ||
[Analyze grammar]

tṛtīye maṇḍale śiṣyamupaveśya yathā purā |
pradadyāddaṃtapavanaṃ yathāśāstroktalakṣaṇam || 36 ||
[Analyze grammar]

agreṇa tasya mṛdunā prāṅmukho vāpyudaṅmukhaḥ |
vācaṃ niyamya cāsīnaśśiṣyo daṃtānviśodhayet || 37 ||
[Analyze grammar]

prakṣālya daṃtapavanaṃ tyaktvācamya śivaṃ smaret |
praviśeddeśikādiṣṭaḥ prāṃjaliḥ śivamaṇḍalam || 38 ||
[Analyze grammar]

tyaktaṃ taddantapavanaṃ dṛśyate guruṇā yadi |
prāgudakpaścime vāgre śivamanyacchivetaram || 39 ||
[Analyze grammar]

aśastāśāmukhe tasmingurustaddoṣaśāṃtaye |
śatamardhaṃ tadardhaṃ vājuhuyānmūlamantrataḥ || 40 ||
[Analyze grammar]

tataḥ śiṣyaṃ samālabhya japitvā karṇayoḥ śivam |
devasya dakṣiṇe bhāge taṃ śiṣyamadhivāsayet || 41 ||
[Analyze grammar]

ahatāstaraṇāstīrṇe sa darbhaśayane śuciḥ |
maṃtrite 'ntaḥ śivaṃ dhyāyañśayīta prākchirā niśi || 42 ||
[Analyze grammar]

śikhāyāṃ baddhasūtrasya śikhayā tacchikhāṃ guruḥ |
ābadhyāhatavastreṇa tamācchādya ca varmaṇā || 43 ||
[Analyze grammar]

rekhātrayaṃ ca parito bhasmanā tilasarṣapaiḥ |
kṛtvāstrajaptaistadvāhye digīśānāṃ baliṃ haret || 44 ||
[Analyze grammar]

śiṣyo 'pi parato 'naśnankṛtvaivamadhivāsanam |
prabudhyotthāya gurave svapnaṃ dṛṣṭaṃ nivedayet || 45 ||
[Analyze grammar]