Shiva Purana [sanskrit]

223,192 words | ISBN-10: 8171101519

The Shiva-purana Book 7.2 Chapter 15 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

śrīkṛṣṇa uvāca |
bhagavānmaṃtramāhātmyaṃ bhavatā kathitaṃ prabho |
tatprayogavidhānaṃ ca sākṣācchrutisamaṃ yathā || 1 ||
[Analyze grammar]

idānīṃ śrotumicchāmi śivasaṃskāramuttamam |
maṃtrasaṃgrahaṇe kiṃcitsūcitanna tu vismṛtam || 2 ||
[Analyze grammar]

upamanyuruvāca |
hanta te kathayiṣyāmi sarvapāpaviśodhanam |
saṃskāraṃ paramaṃ puṇyaṃ śivena patibhāṣitam || 3 ||
[Analyze grammar]

samyakkṛtādhikāraḥ syātpūjādiṣu naro yataḥ |
saṃskāraḥ kathyate tena ṣaḍadhvapariśodhanam || 4 ||
[Analyze grammar]

dīyate yena vijñānaṃ kṣīyate pāśabaṃdhanam |
tasmātsaṃskāra evāyaṃ dīkṣetyapi ca kathyate || 5 ||
[Analyze grammar]

śāṃbhavī caiva śāktī ca māṃtrī caiva śivāgame |
dīkṣopadiśyate tredhā śivena paramātmanā || 6 ||
[Analyze grammar]

gurorālokamātreṇa sparśātsaṃbhāṣaṇādapi |
sadyassaṃjñā bhavejjaṃtoḥ pāśopakṣayakāriṇī || 7 ||
[Analyze grammar]

sā dīkṣā śāṃbhavī proktā sā punarbhidyate dvidhā |
tīvrā tīvratarā ceti pāśo pakṣayabhedataḥ || 8 ||
[Analyze grammar]

yayā syānnirvṛtiḥ sadyassaiva tīvratarā matā |
tīvrā tu jīvatotyaṃtaṃ puṃsaḥ pāpaviśodhikā || 9 ||
[Analyze grammar]

śaktī jñānavatī dīkṣā śiṣyadehaṃ praviśya tu |
guruṇā yogamārgeṇa kriyate jñānacakṣuṣā || 10 ||
[Analyze grammar]

māṃtrī kriyāvatī dīkṣā kuṃḍamaṃḍalapūrvikā |
maṃdamaṃdataroddeśātkartavyā guruṇā bahiḥ || 11 ||
[Analyze grammar]

śaktipātānusāreṇa śiṣyo 'nugrahamarhati |
śaivadharmānusārasya tanmūlatvātsamāsataḥ || 12 ||
[Analyze grammar]

yatra śaktirna patitā tatra śuddhirna jāyate |
na vidyā na śivācāro na muktirna ca siddhayaḥ || 13 ||
[Analyze grammar]

tasmālliṃgāni saṃvīkṣya śaktipātasya bhūyasaḥ |
jñānena kriyayā vātha guruśśiṣyaṃ viśodhayet || 14 ||
[Analyze grammar]

yo 'nyathā kurute mohātsa vinaśyati durmatiḥ |
tasmātsarvaprakāreṇa guruḥ śiṣyaṃ parīkṣayet || 15 ||
[Analyze grammar]

lakṣaṇaṃ śaktipātasya prabodhānaṃdasaṃbhavaḥ |
sā yasmātparamā śaktiḥ prabodhānaṃdarūpiṇī || 16 ||
[Analyze grammar]

ānaṃdabodhayorliṃgamaṃtaḥkaraṇavikriyāḥ |
yathā syātkaṃparomāṃcasvaranetrāṃgavikriyāḥ || 17 ||
[Analyze grammar]

śiṣyopi lakṣaṇairebhiḥ kuryādguruparīkṣaṇam |
tatsaṃparkaiḥ śivārcādau saṃgatairvātha tadgataiḥ || 18 ||
[Analyze grammar]

śiṣyastu śikṣaṇīyatvādgurorgauravakāraṇāt |
tasmātsarvaprayatnena gurorgauravamācaret || 19 ||
[Analyze grammar]

yo gurussa śivaḥ prokto yaḥ śivaḥ sa guruḥ smṛtaḥ |
gururvā śiva evātha vidyākāreṇa saṃsthitaḥ || 20 ||
[Analyze grammar]

yathā śivastathā vidyā yathā vidyā tathā guruḥ |
śivavidyā gurūṇāṃ ca pūjayā sadṛśaṃ phalam || 21 ||
[Analyze grammar]

sarvadevātmakaścāsau sarvamaṃtramayo guruḥ |
tasmātsarvaprayatnena yasyājñāṃ śirasā vahet || 22 ||
[Analyze grammar]

śreyo 'rthī yadi gurvājñāṃ manasāpi na laṃghayet |
gurvājñāpālako yasmājjñānasaṃpattimaśnute || 23 ||
[Analyze grammar]

gacchaṃstiṣṭhansvapanbhuṃjannānyatkarma samācaret |
samakṣaṃ yadi kurvīta sarvaṃ cānujñayā guroḥ || 24 ||
[Analyze grammar]

gurorgṛhe samakṣaṃ vā na yatheṣṭāsano bhavet |
gururdevo yataḥ sākṣāttadgṛhaṃ devamandiram || 25 ||
[Analyze grammar]

pāpināṃ ca yathā saṃgāttatpāpātpatito bhavet |
yatheha vahnisaṃparkānmalaṃ tyajati kāṃcanam || 26 ||
[Analyze grammar]

tathaiva gurusaṃparkātpāpaṃ tyajati mānavaḥ |
yathā vahnisamīpastho ghṛtakumbho vilīyate || 27 ||
[Analyze grammar]

tathā pāpaṃ vilīyeta hyācāryasya samīpataḥ |
yathā prajvalito vahniḥ śuṣkamārdraṃ ca nirdahet || 28 ||
[Analyze grammar]

tathāyamapi saṃtuṣṭo guruḥ pāpaṃ kṣaṇāddahet |
manasā karmaṇā vācā guroḥ krodhaṃ na kārayet || 29 ||
[Analyze grammar]

tasya krodhena dahyaṃte hyāyuḥśrījñānasatkriyāḥ |
tatkrodhakāriṇo ye syusteṣāṃ yajñāśca niṣphalāḥ || 30 ||
[Analyze grammar]

yamaśca niyamāścaiva nātra kāryā vicāraṇā |
gurorviruddhaṃ yadvākyaṃ na vadejjātucinnaraḥ || 31 ||
[Analyze grammar]

vadedyadi mahāmohādrauravaṃ narakaṃ vrajet |
manasā karmaṇā vācā gurumuddiśya yatnataḥ || 32 ||
[Analyze grammar]

śreyorthī cennaro dhīmānna mithyācāramācaret |
gurorhitaṃ priyaṃ kuryādādiṣṭo vā na vā sadā || 33 ||
[Analyze grammar]

asamakṣaṃ samakṣaṃ vā tasya kāryaṃ samācaret |
itthamācāravānbhakto nityamudyuktamānasaḥ || 34 ||
[Analyze grammar]

gurupriyakaraḥ śiṣyaḥ śaivadharmāṃstato 'rhati |
guruścedguṇavānprājñaḥ paramānaṃdabhāsakaḥ || 35 ||
[Analyze grammar]

tattvavicchivasaṃsakto muktido na tu cāparaḥ |
saṃvitsaṃjananaṃ tattvaṃ paramānaṃdasaṃbhavam || 36 ||
[Analyze grammar]

tattattvaṃ viditaṃ yena sa evānaṃdadarśakaḥ |
na punarnāmamātreṇa saṃvidārahitastu yaḥ || 37 ||
[Analyze grammar]

anyonyaṃ tārayennaukā kiṃ śilā tārayecchilām |
etasyā nāmamātreṇa muktirvai nāmamātrikā || 38 ||
[Analyze grammar]

yaiḥ punarviditaṃ tattvaṃ te muktā mocayantyapi |
tattvahīne kuto bodhaḥ kuto hyātmaparigrahaḥ || 39 ||
[Analyze grammar]

parigrahavinirmuktaḥ paśurityabhidhīyate |
paśubhiḥ preritaścāpi paśutvaṃ nātivartate || 40 ||
[Analyze grammar]

tasmāttattvavideveha mukto mocaka iṣyate |
sarvalakṣaṇasaṃyuktaḥ sarvaśāstravidapyayam || 41 ||
[Analyze grammar]

sarvopāyavidhijño 'pi tattvahīnastu niṣphalaḥ |
yasyānubhavaparyaṃtā buddhistattve pravartate || 42 ||
[Analyze grammar]

tasyāvalokanādyaiśca parānando 'bhijāyate |
tasmādyasyaiva saṃparkātprabodhānaṃdasaṃbhavaḥ || 43 ||
[Analyze grammar]

guruṃ tameva vṛṇuyānnāparaṃ matimānnaraḥ |
sa śiṣyairvinayācāracaturairucito guruḥ || 44 ||
[Analyze grammar]

yāvadvijñāyate tāvatsevanīyo mumukṣubhiḥ |
jñāte tasminsthirā bhaktiryāvattattvaṃ samāśrayet || 45 ||
[Analyze grammar]

na tu tattvaṃ tyajejjātu nopekṣeta kathaṃcana |
yatrānaṃdaḥ prabodho vā nālpamapyupalabhyate || 46 ||
[Analyze grammar]

vatsarādapi śiṣyeṇa so 'nyaṃ gurumupāśrayet |
gurumanyaṃ prapanne 'pi nāvamanyeta paurvikam || 47 ||
[Analyze grammar]

gurorbhrātḥṃstathā putrānbodhakānprerakānapi |
tatrādāvupasaṃgamya brāhmaṇaṃ vedapāragam || 47 ||
[Analyze grammar]

gurumārādhayetprājñaṃ śubhagaṃ priyadarśanam |
sarvābhayapradātāraṃ karuṇākrāṃtamānasam || 48 ||
[Analyze grammar]

toṣayettaṃ prayatnena manasā karmaṇā girā |
tāvadārādhayecchiṣyaḥ prasannosau bhavedyathā || 49 ||
[Analyze grammar]

tasminprasanne śiṣyasya sadyaḥ pāpakṣayo bhavet |
tasmāddhanāni ratnāni kṣetrāṇi ca gṛhāṇi ca || 50 ||
[Analyze grammar]

bhūṣaṇāni ca vāsāṃsi yānaśayyāsanāni ca |
etāni gurave dadyādbhaktyā vittānusārataḥ || 51 ||
[Analyze grammar]

vittaśāṭhyaṃ na kurvīta yadīcchetparamāṃ gatim |
sa eva janako mātā bhartā bandhurdhanaṃ sukham || 52 ||
[Analyze grammar]

sakhā mitraṃ ca yattasmātsarvaṃ tasmai nivedayet |
nivedya paścātsvātmānaṃ sānvayaṃ saparigraham || 53 ||
[Analyze grammar]

samarpya sodakaṃ tasmai nityaṃ tadvaśago bhavet |
yadā śivāya svātmānaṃ dattavān deśikātmane || 54 ||
[Analyze grammar]

tadā śaivo bhaveddehī na tato 'sti punarbhavaḥ |
guruśca svāśritaṃ śiṣyaṃ varṣamekaṃ parīkṣayet || 55 ||
[Analyze grammar]

brāhmaṇaṃ kṣatriyaṃ vaiśyaṃ dvivarṣaṃ ca trivarṣakam |
prāṇadravyapradānādyairādeśaiśca samāsamaiḥ || 56 ||
[Analyze grammar]

uttamāṃścādhame kṛtvā nīcānuttamakarmaṇi |
ākruṣṭāstāḍitā vāpi ye viṣādaṃ na yāntyapi || 57 ||
[Analyze grammar]

te yogyāḥ saṃyatāḥ śuddhāḥ śivasaṃskārakarmaṇi |
ahiṃsakā dayāvaṃto nityamudyuktacetasaḥ || 58 ||
[Analyze grammar]

amānino buddhimaṃtastyaktaspardhāḥ priyaṃvadāḥ |
ṛjavo mṛdavaḥ svacchā vinītāḥ sthiracetasaḥ || 59 ||
[Analyze grammar]

śaucācārasamāyuktāḥ śivabhaktā dvijātayaḥ |
evaṃ vṛttasamopetā vāṅmanaḥkāyakarmabhiḥ || 60 ||
[Analyze grammar]

śodhyā bodhyā yathānyāyamiti śāstreṣu niścayaḥ |
nādhikāraḥ svato nāryāḥ śivasaṃskārakarmaṇi || 61 ||
[Analyze grammar]

niyogādbharturastyeva bhaktiyuktā yadīśvare |
tathaiva bhartṛhīnāyā putrāderabhyanujñayā || 62 ||
[Analyze grammar]

adhikāro bhavatyeva kanyāyāḥ piturājñayā |
śūdrāṇāṃ martyajātīnāṃ patitānāṃ viśeṣataḥ || 63 ||
[Analyze grammar]

tathā saṃkarajātīnāṃ nādhvaśuddhirvidhīyate |
taipyakṛtrimabhāvaścecchive paramakāraṇe || 64 ||
[Analyze grammar]

pādodakapradānādyaiḥ kuryuḥ pāpaviśodhanam |
atrānulomajātā ye yuktā eva dvijātiṣu || 65 ||
[Analyze grammar]

teṣāmadhvaviśuddhyādi kuryānmātṛkulocitam |
yā tu kanyā svapitrādyaiśśivadharme niyojitā || 66 ||
[Analyze grammar]

sā bhaktāya pradātavyā nāparāya virodhine |
dattā cetpratikūlāya pramādādbodhayetpatim || 67 ||
[Analyze grammar]

aśaktā taṃ parityajya manasā dharmamācaret |
yathā munivaraṃ tyaktvā patimatriṃ pativratā || 68 ||
[Analyze grammar]

kṛtakṛtyā 'bhavatpūrvaṃ tapasārādhya śaṅkaram |
yathā nārāyaṇaṃ devaṃ tapasārādhya pāṃḍavān || 69 ||
[Analyze grammar]

patīṃllabdhavatī dharme gurubhirna niyojitā |
asvātantryakṛto doṣo nehāsti paramārthataḥ || 70 ||
[Analyze grammar]

śivadharme niyuktāyāśśivaśāsanagauravāt |
bahunātra kimuktena yo 'pi ko 'pi śivāśrayaḥ || 71 ||
[Analyze grammar]

saṃskāryo gurvadhīnaścetsaṃskriyā na prabhidyate |
gurorālokanādeva sparśātsaṃbhāṣaṇādapi || 72 ||
[Analyze grammar]

yasya saṃjāyate prajñā tasya nāsti parājayaḥ |
manasā yastu saṃskāraḥ kriyate yogavartmanā || 73 ||
[Analyze grammar]

sa neha kathito guhyo guruvaktraikagocaraḥ |
kriyāvānyastu saṃskāraḥ kuṃḍamaṃḍapapūrvakaḥ || 74 ||
[Analyze grammar]

sa vakṣyate samāsena tasya śakyo na vistaraḥ || 74 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Shiva Purana Chapter 15

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Like what you read? Consider supporting this website: