Chapter 7

[English text for this chapter is available]

upamanyuruvāca |
śaktissvābhavikī tasya vidyā viśvavilakṣaṇā |
ekānekasya rūpeṇa bhāti bhānoriva prabhā || 1 ||
[Analyze grammar]

anaṃtāḥ śaktayo yasyā icchājñānakriyādayaḥ |
māyādyāścābhavanvahnorvisphuliṃgā yathā tathā || 2 ||
[Analyze grammar]

sadāśiveśvarādyā hi vidyā 'vidyeśvarādayaḥ |
abhavanpuruṣāścāsyāḥ prakṛtiśca parātparā || 3 ||
[Analyze grammar]

mahadādiviśeṣāṃtāstvajādyāścāpi mūrtayaḥ |
yaccānyadasti tatsarvaṃ tasyāḥ kāryaṃ na saṃśayaḥ || 4 ||
[Analyze grammar]

sā śaktissarvagā sūkṣmā prabodhānaṃdarūpiṇī |
śaktimānucyate devaśśivaśśītāṃśubhūṣaṇaḥ || 5 ||
[Analyze grammar]

vedyaśśivaśśivā vidyā prajñā caiva śrutiḥ smṛtiḥ |
dhṛtireṣā sthitirniṣṭhā jñānecchākarmaśaktayaḥ || 6 ||
[Analyze grammar]

ājñā caiva paraṃ brahma dve vidye ca parāpare |
śuddhavidyā śuddhakalā sarvaṃ śaktikṛtaṃ yataḥ || 7 ||
[Analyze grammar]

māyā ca prakṛtirjīvo vikāro vikṛtistathā |
asacca sacca yatkiṃcittayā sarvamidaṃ tatam || 8 ||
[Analyze grammar]

sā devī māyayā sarvaṃ brahmāṃḍaṃ sacarācaram |
mohayatyaprayatnena mocayatyapi līlayā || 9 ||
[Analyze grammar]

anayā saha sarveśaḥ saptaviṃśaprakārayā |
viśvaṃ vyāpya sthitastasmānmuktiratra pravartate || 10 ||
[Analyze grammar]

mumukṣavaḥ purā kecinmunayo brahmavādinaḥ |
saṃśayāviṣṭamanaso vismṛśaṃti yathātatham || 11 ||
[Analyze grammar]

kiṃ kāraṇaṃ kuto jātā jīvāmaḥ kena vā vayam |
kutrāsmākaṃ saṃpratiṣṭhā kena vādhiṣṭhitā vayam || 12 ||
[Analyze grammar]

kena vartāmahe śaśvatsukheṣvanyeṣu cāniśam |
avilaṃghyā ca viśvasya vyavasthā kena vā kṛtā || 13 ||
[Analyze grammar]

kālasya bhāvo niyatiryadṛcchā nātra yujyate |
bhūtāni yoniḥ puruṣo yogī caiṣāṃ paro 'tha vā || 14 ||
[Analyze grammar]

acetanatvātkālādeścetanatvepi cātmanaḥ |
sukhaduḥkhāni bhūtatvādanīśatvādvicāryate || 15 ||
[Analyze grammar]

taddhyānayogānugatāṃ prapaśyañchaktimaiśvarīm |
pāśavicchedikāṃ sākṣānnigūḍhāṃ svaguṇairbhṛśam || 16 ||
[Analyze grammar]

tayā vicchinnapāśāste sarvakāraṇakāraṇam |
śaktimaṃtaṃ mahādevamapaśyandivyacakṣuṣā || 17 ||
[Analyze grammar]

yaḥ kāraṇānyaśeṣāṇi kālātmasahitāni ca |
aprameyo 'nayā śaktyā sakalaṃ yo 'dhitiṣṭhati || 18 ||
[Analyze grammar]

tataḥ prasādayogena yogena parameṇa ca |
dṛṣṭena bhaktiyogena divyaḥ gatimavāpnuyuḥ || 19 ||
[Analyze grammar]

tasmātsaha tathā śaktyā hṛdi paśyaṃti ye śivam |
teṣāṃ śāśvatikī śāṃtirnaitareṣāmiti śrutiḥ || 20 ||
[Analyze grammar]

na hi śaktimataśśaktyā viprayogo 'sti jātucit |
tasmācchakteḥ śaktimatastādātmyānnirvṛtirdvayoḥ || 21 ||
[Analyze grammar]

kramo vivakṣito nūnaṃ vimuktau jñānakarmaṇoḥ |
prasāde sati sā mūrtiryasmātkaratale sthitā || 22 ||
[Analyze grammar]

devo vā dānavo vāpi paśurvā vihago 'pi vā |
kīro vātha kṛmirvāpi mucyate tatprasādataḥ || 23 ||
[Analyze grammar]

garbhastho jāyamāno vā bālo vā taruṇopi vā |
vṛddho vā mriyamāṇo vā svargastho vātha nārakī || 24 ||
[Analyze grammar]

patito vāpi dharmātmā paṃḍito mūḍha eva vā |
prasāde tatkṣaṇādeva mucyate nātra saṃśayaḥ || 25 ||
[Analyze grammar]

ayogyānāṃ ca kāruṇyādbhaktānāṃ parameśvaraḥ |
prasīdati na saṃdeho vigṛhya vividhānmalān || 26 ||
[Analyze grammar]

prasadādeva sā bhaktiḥ prasādo bhaktisaṃbhavaḥ |
avasthābhedamutprekṣya vidvāṃstatra na muhyati || 27 ||
[Analyze grammar]

prasādapūrvikā yeyaṃ bhuktimuktividhāyinī |
naiva sā śakyate prāptuṃ narairekena janmanā || 28 ||
[Analyze grammar]

anekajanmasiddhānāṃ śrautasmārtānuvartinām |
viraktānāṃ prabuddhānāṃ prasīdati maheśvaraḥ || 29 ||
[Analyze grammar]

prasanne sati deveśa paśau tasminpravartate |
asti nātho mametyalpā bhaktirbuddhipurassarā || 30 ||
[Analyze grammar]

tapasā vividhaiśśaivairdharmaissaṃyujyate naraḥ |
tatra yoge tadabhyāsastato bhaktiḥ parā bhavet || 31 ||
[Analyze grammar]

parayā ca tayā bhaktyā prasādo labhyate paraḥ |
prasādātsarvapāśebhyo muktirmuktasya nirvṛtiḥ || 32 ||
[Analyze grammar]

alpabhāvo 'pi yo martyasso 'pi janmatrayātparam |
nayoniyaṃtrapīḍāyai bhavennaivātra saṃśayaḥ || 33 ||
[Analyze grammar]

sāṃgā 'naṃgā ca yā sevā sā bhaktiriti kathyate |
sā punarbhidyate tredhā manovākkāyasādhanaiḥ || 34 ||
[Analyze grammar]

śivarūpādiciṃtā yā sā sevā mānasī smṛtā |
japādirvācikī sevā karmapūjādi kāyikī || 35 ||
[Analyze grammar]

seyaṃ trisādhanā sevā śivadharmaśca kathyate |
sa tu pañcavidhaḥ proktaḥ śivena paramātmanā || 36 ||
[Analyze grammar]

tapaḥ karma japo dhyānaṃ jñānaṃ ceti samāsataḥ |
karmaliṅgārcanādyaṃ ca tapaścāndrāyaṇādikam || 37 ||
[Analyze grammar]

japastridhā śivābhyāsaścintā dhyānaṃ śivasya tu |
śivāgamoktaṃ yajjñānaṃ tadatra jñānamucyate || 38 ||
[Analyze grammar]

śrīkaṃṭhena śivenoktaṃ śivāyai ca śivāgamaḥ |
śivāśritānāṃ kāruṇyācchreyasāmekasādhanam || 39 ||
[Analyze grammar]

tasmādvivardhayedbhaktiṃ śive paramakāraṇe |
tyajecca viṣayāsaṃgaṃ śreyo 'rthī matimānnaraḥ || 40 ||
[Analyze grammar]