Chapter 26

[English text for this chapter is available]

vāyuruvāca |
utpādya kauśikīṃ gaurī brahmaṇe pratipādya tām |
tasya pratyupakārāya pitāmahamathābravīt || 1 ||
[Analyze grammar]

devyuvāca |
dṛṣṭaḥ kimeṣa bhavatā śārdūlo madupāśrayaḥ |
anena duṣṭasattvebhyo rakṣitaṃ mattapovanam || 2 ||
[Analyze grammar]

mayyarpitamanā eṣa bhajate māmananyadhīḥ |
asya saṃrakṣaṇādanyatpriyaṃ mama na vidyate || 3 ||
[Analyze grammar]

bhavitavyamanenāto mamāntaḥpuracāriṇā |
gaṇeśvarapadaṃ cāsmai prītyā dāsyati śaṃkaraḥ || 4 ||
[Analyze grammar]

enamagresaraṃ kṛtvā sakhībhirgantumutsahe |
pradīyatāmanujñā me prajānāṃ patinā 1 tvayā || 5 ||
[Analyze grammar]

ityuktaḥ prahasanbrahmā devīmmugdhāmiva smayan |
tasya tīvraiḥ purāvṛttairdaurātmyaṃ samavarṇayat1 || 6 ||
[Analyze grammar]

brahmovāca |
paśau devi mṛgāḥ krūrāḥ kva ca te 'nugrahaḥ śubhaḥ |
āśīviṣamukhe sākṣādamṛtaṃ kiṃ niṣicyate || 7 ||
[Analyze grammar]

vyāghramātreṇa sanneṣa duṣṭaḥ ko 'pi niśācaraḥ |
anena bhakṣitā gāvo brāhmaṇāśca tapodhanāḥ || 8 ||
[Analyze grammar]

tarpayaṃstānyathākāmaṃ kāmarūpī caratyasau |
avaśyaṃ khalu bhoktavyaṃ phalaṃ pāpasya karmaṇaḥ || 9 ||
[Analyze grammar]

ataḥ kiṃ kṛpayā kṛtyamīdṛśeṣu durātmasu |
anena devyāḥ kiṃ kṛtyaṃ prakṛtyā kaluṣātmanā || 10 ||
[Analyze grammar]

devyuvāca |
yaduktaṃ bhavatā sarvaṃ tathyamastvayamīdṛśaḥ |
tathāpi māṃ prapanno 'bhūnna tyājyo māmupāśritaḥ || 11 ||
[Analyze grammar]

brahmovāca |
asya bhaktimavijñāya prāgvṛttaṃ te niveditam |
bhaktiścedasya kiṃ pāpairna te bhaktaḥ praṇaśyati || 12 ||
[Analyze grammar]

puṇyakarmāpi kiṃ kuryāttvadīyājñānapekṣayā |
ajā prajñā purāṇī ca tvameva parameśvarī || 13 ||
[Analyze grammar]

tvadadhīnā hi sarveṣāṃ baṃdhamokṣavyavasthitiḥ |
tvadṛte paramā śaktiḥ saṃsiddhiḥ kasya karmaṇā || 14 ||
[Analyze grammar]

tvameva vividhā śaktiḥ bhavānāmatha vā svayam |
aśaktaḥ karmakaraṇe kartā vā kiṃ kariṣyati || 15 ||
[Analyze grammar]

viṣṇośca mama cānyeṣāṃ devadānavarakṣasām |
tattadaiśvaryasamprāptyai tavaivājñā hi kāraṇam || 16 ||
[Analyze grammar]

atītāḥ khalvasaṃkhyātā brahmāṇo harayo bhavāḥ |
anāgatāstvasaṃkhyātāstvadājñānuvidhāyinaḥ || 17 ||
[Analyze grammar]

tvāmanārādhya deveśi puruṣārthacatuṣṭayam |
labdhuṃ na śakyamasmābhirapi sarvaiḥ surottamaiḥ || 18 ||
[Analyze grammar]

vyatyāso 'pi bhavetsadyo brahmatvasthāvaratvayoḥ |
sukṛtaṃ duṣkṛtaṃ cāpi tvayeva sthāpitaṃ yataḥ || 19 ||
[Analyze grammar]

tvaṃ hi sarvajagadbhartuśśivasya paramātmanaḥ |
anādimadhyanidhanā śaktirādyā sanātanī || 20 ||
[Analyze grammar]

samastalokayātrārthaṃ mūrtimāviśya kāmapi |
krīḍase 2 vividhairbhāvaiḥ kastvāṃ jānāti tattvataḥ || 21 ||
[Analyze grammar]

ato duṣkṛtakarmāpi vyāghro 'yaṃ tvadanugrahāt |
prāpnotu paramāṃ siddhimatra kaḥ pratibandhakaḥ || 22 ||
[Analyze grammar]

ityātmanaḥ paraṃ bhāvaṃ smārayitvānurūpataḥ |
brahmaṇābhyarthitā gaurī tapaso 'pi nyavartata || 23 ||
[Analyze grammar]

tato devīmanujñāpya brahmaṇyantarhite sati |
devīṃ ca mātaraṃ dṛṣṭvā menāṃ himavatā saha || 24 ||
[Analyze grammar]

praṇamyāśvāsya bahudhā pitarau virahāsahau |
tapaḥ praṇayino devī tapovanamahīruhān || 25 ||
[Analyze grammar]

viprayogaśucevāgre puṣpabāṣpaṃ vimuṃcataḥ |
tattucchākhāsamārūḍhavihago dīritai rutaiḥ || 26 ||
[Analyze grammar]

vyākulaṃ bahudhā dīnaṃ vilāpamiva kurvataḥ |
sakhībhyaḥ kathayaṃtyevaṃ sattvarā bhartṛdarśane || 27 ||
[Analyze grammar]

puraskṛtya ca taṃ vyāghraṃ snehātputramivaurasam |
dehasya prabhayā caiva dīpayantī diśo daśa || 28 ||
[Analyze grammar]

prayayau maṃdaraṃ gaurī yatra bhartā maheśvaraḥ |
sarveṣāṃ jagatāṃ dhātā kartā pātā vināśakṛt || 29 ||
[Analyze grammar]