Chapter 23

[English text for this chapter is available]

subrahmaṇya uvāca |
dvādaśāhe samutthāya prātaḥ snātvā kṛtāhnikaḥ |
śivabhaktānyatīnvāpi brāhmaṇānvā śivapriyān || 1 ||
[Analyze grammar]

vimantrya tānsamāhūya madhyāhna cāplutāñchucīn |
vidhivadbhojayedbhaktyā svādvannairvividhaiśśubhaiḥ || 2 ||
[Analyze grammar]

sannidhau parameśasya paṃcāvaraṇamārgataḥ |
pūjayettasya saṃsthāpya prāṇānāyamya vāgyataḥ || 3 ||
[Analyze grammar]

mahāsaṃkalpamārgeṇa saṃkalpyāsmadguroriha |
pūjāṃ kariṣya ityuktvā tato darbhānuspapṛśet || 4 ||
[Analyze grammar]

pādau prakṣālya cācamya svayaṃ kartā ca vāgyataḥ |
sthāpayedāsane tānvai prāṅmukhānbhasmabhūṣitān || 5 ||
[Analyze grammar]

sadāśivādikramato dhyāyedaṣṭau ca tatra tān |
parayā sambhāvanayetarānapi mune dvijān |
parameṣṭhiguruṃ dhyāyetsāṃbabuddhyā svanāmataḥ |
guruśca paramantasmātparāparaguruṃ tataḥ || 6 ||
[Analyze grammar]

idamāsanamityuktvā cāsanāni prakalpayet |
praṇavādidvitīyāṃte svasya nāma samuccaran || 7 ||
[Analyze grammar]

āvāhayāmi nama ityāvāhyārghodakena tu |
pādyamācamanaṃ cārghyaṃ vastragandhākṣatānapi || 8 ||
[Analyze grammar]

dattvā puṣpairalaṃkṛtya praṇavādyaṣṭanāmabhiḥ |
sacaturthauṃnamo'ntaiśca sugandhakusumaistataḥ || 9 ||
[Analyze grammar]

dhūpadīpau hi dattvā ca sakalārādhanaṃ kṛtam |
sampūrṇamastviti procya namaskuryātsamutthitaḥ || 10 ||
[Analyze grammar]

pātrāṇi kadalīpatrāṇyāstīryādbhiviśodhya ca |
śuddhānnapāyasāpūpasūpavyañjanapūrvakam || 11 ||
[Analyze grammar]

dattvā padārthānkadalīnālikeraguḍānvitān |
pātrāsanāni ca pṛthagdadyātsamprocya ca kramāt || 12 ||
[Analyze grammar]

pariṣicya ca samprokṣya viṣṇorhavyamiti bruvan |
rakṣasveti karasparśaṃ kārayitvā samutthitaḥ || 13 ||
[Analyze grammar]

āpośanaṃ samarpyātha prārthayettānidamprati |
sadāśivādayaḥ prītā varadāśca bhavantu me || 14 ||
[Analyze grammar]

ye devā iti ca tato japtvedaṃ sākṣataṃ tyajet |
namaskṛtya samutthāya sarvatrāmṛtamastviti || 15 ||
[Analyze grammar]

uktvā prasādya ca japangaṇānāṃtvetyupa kramāt |
vedādīn rudracamakau rudrasūktaṃ ca paṃca ca || 16 ||
[Analyze grammar]

brahmāṇi bhojanānte tu yāvanmantrāṃśca sākṣatān |
dattvottarāpośanaṃ ca hastāṃghrimukhaśodhanam || 17 ||
[Analyze grammar]

kṛtvā cāntānsvāsaneṣu sthāpayitvā yathāsukham |
śuddhodakampradāyātha karppūrādi yathoditam || 18 ||
[Analyze grammar]

mukhavāsaṃ dakṣiṇāṃ ca pādukāsanapatrakam |
vyajanaṃ phalakāndaṇḍaṃ vaiṇavaṃ ca pradāya tān || 19 ||
[Analyze grammar]

pradakṣiṇanamaskāraissaṃtoṣyāśiṣamā vaheta |
punaḥ praṇamya samprārthya gurubhaktimacaṃcalām || 20 ||
[Analyze grammar]

sadāśivādayaḥ prītā gacchantu ca yathāsukham |
ityudvāsya dvāradeśāvadhi samyaganuvrajan || 21 ||
[Analyze grammar]

niruddhastaḥ parāvṛtya dvāsthairvipraiśca bandhubhiḥ |
dīnānāthaiśca sahito bhuktvā tiṣṭhedyathāsukham || 22 ||
[Analyze grammar]

vikṛtaṃ na bhavetkvāpi satyaṃ satyaṃ punaḥ punaḥ |
pratyabdameva kurvāṇo gurvārādhanamuttamam |
iha bhuktvā mahābhogāñchivalokamavāpnuyāt || 23 ||
[Analyze grammar]

|| sūta uvāca |
evaṃ kṛtānugrahamātmaśiṣyaṃ śrīvāmadevaṃ munivaryyamuktvā |
prasannadhīrjñānivaro mahātmā kṛtvā parānugrahamāśu devaḥ || 24 ||
[Analyze grammar]

yannaimiṣāraṇyamunīśvarāṇāṃ proktaṃ purā vyāsamunīśvareṇa |
tasmādasāvādigururbhavāṃstu dvitīya āryyo bhuvane prasiddhaḥ || 25 ||
[Analyze grammar]

śrutvā munīndro bhavato mukhājjātsanatkumāraḥ śivabhaktipūrṇaḥ |
vyāsāya vaktā sa ca śaivavaryyaśśukāya vaktā bhavitā ca pūrṇaḥ || 26 ||
[Analyze grammar]

pratyekaṃ muniśārdūlaṃ śiṣyavargacatuṣṭayam |
vedādhyayanasaṃvṛttaṃ dharmasthāpanapūrvakam || 27 ||
[Analyze grammar]

vaiśampāyana eva syātpailo jaiminireva ca |
sumantuśceti catvāro vyāsaśiṣyā mahaujasaḥ || 28 ||
[Analyze grammar]

agastyaśca pulastyaśca pulahaḥ kratureva ca |
tava śiṣyā mahātmāno vāmadeva mahāmune || 29 ||
[Analyze grammar]

sanakaśca sanandaśca sanātanamunistataḥ |
sanatsujāta ityete yogivaryāḥ śivapriyāḥ || 30 ||
[Analyze grammar]

sanatkumāraśiṣyāste sarvavedārthavittamāḥ |
guruśca paramaścaiva parātparagurustataḥ |
parameṣṭhiguruścaite pūjyāssyuśśukayoginaḥ || 31 ||
[Analyze grammar]

idaṃ praṇavavijñānaṃ sthitaṃ vargacatuṣṭaye |
sarvotkṛṣṭanidānaṃ ca kāśyāṃ sanmuktikāraṇam || 32 ||
[Analyze grammar]

etanmaṇḍalamadbhutaṃ paraśivādhiṣṭhāna rūpaṃ sadāvedāntārthavicārapūrṇamatibhiḥ pūjyaṃ yatīndraiḥ param |
vedādipravibhāgakalpitamahākāśādināpyāvṛtantvatsaṃtoṣakaraṃ tathāstu jagatāṃ śreyaskaraṃ śrīpradam || 33 ||
[Analyze grammar]

idaṃ rahasyamparamaṃ śivoditaṃ vedāntasiddhātaviniścitamparam |
mattaśśrutaṃ yadbhavatā tato mune bhavanmatamprājñatamā vadaṃti || 34 ||
[Analyze grammar]

tasmādanenaiva pathā gataśśivaṃ śivohamasmīti śivo bhavedyatiḥ |
pitāmahādipravibhāgamuktaye nadyo yathāsindhumimāḥ prayānti || 35 ||
[Analyze grammar]

śrīsūta uvāca |
evammunīśvarāyaitadupadiśya sureśvaraḥ |
saṃsmṛtya caraṇāmbhoje pitro ssarvvasurārcite || 36 ||
[Analyze grammar]

kailāsaśikharamprāpa kumāraśśikharāvṛtam |
rājitamparamāścaryyadivyajñānaprado guruḥ || 37 ||
[Analyze grammar]

vāmadevo'pi sacchiṣyaissaṃvṛtaśśikhivāhanam |
sampraṇamya jagāmāśu kailāsamparamādbhutam || 38 ||
[Analyze grammar]

gatvā kailāsaśikharamprāpyeśanikaṭammuniḥ |
dadarśa mokṣadammāyānāśañcaraṇamīśayoḥ || 39 ||
[Analyze grammar]

bhaktyā cārpitasarvāṃgo vismṛtya svakalevaram |
papāta sannidhau bhūyo bhūyo natvā samu tthitaḥ || 40 ||
[Analyze grammar]

tato bahuvidhaiḥ stotrairvedāgamarasotkaṭaiḥ |
tuṣṭāva parameśānaṃ sāṃbikaṃ sasutaṃ muniḥ || 41 ||
[Analyze grammar]

nidhāya caraṇatmbhojandeva devyossvamūrddhani |
pūrṇānugrahamāsādya tatraiva nyavasatsukham || 42 ||
[Analyze grammar]

bhavanto'pi viditvaivampraṇavārthammaheśvaram |
vedaguhyaṃ ca sarvasvantāra kambrahma muktidam || 43 ||
[Analyze grammar]

atraiva sukhamāsīnāḥ śrīviśveśvarapādayoḥ |
sāyujyarūpāmatulāmbhajadhvammuktimuttamām || 44 ||
[Analyze grammar]

ahaṃ gurupadāmbhojasevāyai bādarāśramam |
gamiṣye bhavatāmbhūyassatsambhāṣaṇamastu me || 45 ||
[Analyze grammar]

iti śrīśivamahāpurāṇe ṣaṣṭhyāṃ kailāsasaṃhitāyāṃ dvādaśāhakṛtyavarṇanapūrvvakavyāsādiśiṣyavargakathanannāma trayoviṃśo'dhyāyaḥ || 23 ||
[Analyze grammar]