Chapter 22

[English text for this chapter is available]

|| subrahmaṇya uvāca |
ekādaśehni samprāpte yo vidhissamudāhṛtaḥ |
taṃ vakṣye muniśārdūla yatīnāṃ snehatastava || 1 ||
[Analyze grammar]

sammārjya vedīmālipya kṛtvā puṇyāhavācanam |
prokṣya paścimamārabhya pūrvāntampañca ca kramāt || 2 ||
[Analyze grammar]

maṇḍalānyuttarāśāsyaḥ kuryātsvayamavasthitaḥ |
prādeśamātraṃ saṃkalpya caturasraṃ ca madhyataḥ || 3 ||
[Analyze grammar]

bindutrikoṇaṣaṭkoṇavṛttākārāṇi ca kramāt |
śaṃkhaṃ ca puratasthāpya pūjoktakramamārgataḥ || 4 ||
[Analyze grammar]

prāṇānāyamya saṃkalpya pūjayitvā sureśvarī |
devatāḥ pañca pūrvoktā ativāhikarūpiṇīḥ || 5 ||
[Analyze grammar]

saṃtyajyottarato darbhān yaśca saṃspṛśate tataḥ |
paścimādi samārabhya ṣaḍutthāsanamārgataḥ || 6 ||
[Analyze grammar]

maṇḍalāni ca teṣvantaḥ puṣpāṇyādhāya pīṭhavat |
oṃ hrī mityuktvāgnirūpāntāmativāhikadevatām || 7 ||
[Analyze grammar]

āvāhayāmi nama ityantaṃ sarvatra bhāvayet |
darśayetsthāpanādyāstu mudrāḥ pratyekamādarāt || 8 ||
[Analyze grammar]

hrāṃhrīmityādinā kuryyādāsāmaṃgāni ca kramāt |
pāśāṃkuśābhayābhīṣṭapāṇicandropalaprabhāḥ || 9 ||
[Analyze grammar]

raktāṃgulīyakacchāyarañjitākhiladiṅmukhā |
raktāmbaradharāḥ kārapadapaṃkajaśobhitāḥ || 10 ||
[Analyze grammar]

trinetrollāsivadanapūrṇacandramanoharāḥ |
māṇikya mukuṭodbhāsicandralekhāvataṃsitāḥ || 11 ||
[Analyze grammar]

kuṇḍalāmṛṣṭagaṇḍāśca pīnonnatapayodharāḥ |
hārakeyūrakaṭakakāṃcīdāmamanoharāḥ || 12 ||
[Analyze grammar]

tanumadhyāḥ pṛthuśroṇyo raktadivyāmbarāvṛtāḥ |
māṇikyamayamaṃjīrasiṃjatpadasaroruhāḥ |
pādāṃgulīyakaśroṇīrmaṃjulātimanoharāḥ || 13 ||
[Analyze grammar]

anugraheṇa mūrtena śivavatkiṃ nu sādhyate |
tasmācchaktyātmamūrtena sarvaṃ sādhyaṃ maheśavat || 14 ||
[Analyze grammar]

sarvānugrahakartraiva svīkṛtāḥ paṃcamūrtaya |
sarvakāryyakarā divyāḥ parānugrahatatparāḥ || 15 ||
[Analyze grammar]

evaṃ dhyātvā tu tāḥ sarvā anugrahaparāśśivāḥ |
pādayoḥ pādyametāsāṃ dadyācchaṃkhodabindubhiḥ || 16 ||
[Analyze grammar]

hasteṣvācamanīyaṃ ca mauliṣvarghyaṃ pradāpayet |
śaṃkhoda bindubhistāsāṃ snānakarma ca bhāvayet || 17 ||
[Analyze grammar]

raktāmbarāṇi divyāni sottarīyāṇi dāpayet |
mukuṭādīnyanarghyāṇi dadyādābharaṇāni ca || 18 ||
[Analyze grammar]

suvāsitaṃ ca śrīkhaṇḍamakṣatāṃścātiśobhanān |
surabhīṇi manojñāni kusumāni ca dāpayet || 19 ||
[Analyze grammar]

dhūpaṃ ca paramāmodaṃ sājyavarti ca dīpakam |
sarvaṃ samarpayāmīti praṇavaṃ hrīmupakramāt || 20 ||
[Analyze grammar]

namo'ntaṃcatatodadyātpāyastamadhunāplutam |
sājyaśarkarayāpūpakadalīguḍapūritam || 21 ||
[Analyze grammar]

pratyekaṃ kadalīpatre bharitaṃ ca suvāsitam |
bhūrbhuvassvariti procya prokṣṇādīni kārayeta || 22 ||
[Analyze grammar]

oṃ hrīmiti samuccāryya naivedyaṃ vahnijāyayā |
pānīyaṃ nama ityuktvā parampremṇā samarpayet || 23 ||
[Analyze grammar]

tata udvāsayetprītyā pūrvato munisattama |
sthalaṃ viśodhya gaṃḍūṣācamanārghyāṇi dāpayet || 24 ||
[Analyze grammar]

tāṃbūlaṃ dhūpa dīpau ca pradakṣiṇanamaskṛtī |
vidhāya prārthayedetāśśirasyaṃjalimādadhat || 25 ||
[Analyze grammar]

śrīmātarassuprasannā yatiṃ śivapadaiṣiṇam |
rakṣaṇīya mprabruvantu parameśapadābjayoḥ || 26 ||
[Analyze grammar]

iti saṃprārthya tāssarvā visṛjya ca yathāgatam |
tāsāmprasādamuddhṛtya kanyakābhyaḥ pradāpayeta || 27 ||
[Analyze grammar]

gobhyo vā jalamadhye vā nikṣipennānyathā kvacit |
atraiva pārvaṇaṃ kuryyānnaikoddiṣṭaṃ yateḥ kvacit || 28 ||
[Analyze grammar]

atrāyaṃ pārvaṇaśrāddhe niyamaḥ procyate mayā |
taṃ śṛṇuṣva muniśreṣṭha yena śreyo bhavettataḥ || 29 ||
[Analyze grammar]

kartā snātvā dhṛtaprāṇa upavītī samāhitaḥ |
sapavitrakarastvasyāṃ puṇyatithyāmiti bruvan || 30 ||
[Analyze grammar]

kariṣye pārvaṇaṃ śrāddhamiti saṃkalpya cottare |
dadyāddarbhānuttamāṃśca hyāsanārthaṃ jalaṃ spṛśet || 31 ||
[Analyze grammar]

tatropaveśayedbhaktyā sābhyaṃgaṃ kṛtamajjanān |
āhūya caturo viprāñchivabhaktāndṛḍhavratān || 32 ||
[Analyze grammar]

viśvedevārthaṃ bhavatā prasādaḥ kriyatāmiti |
ātmane bhavatā paścādantarātmana ityapi || 33 ||
[Analyze grammar]

paramātmana ityevaṃ procya prārthyaṃ ca tānyatiḥ |
śraddhayā caraṇanteṣāṃ kuryyādyāthārthyamādarāt || 34 ||
[Analyze grammar]

pādau prakṣālya teṣāntu prāṅmukhānupaveśya ca |
gandhādibhiralaṃkṛtya bhojayecca śivā grataḥ || 35 ||
[Analyze grammar]

gomayenopalipyātra darbhānprāgagrakalpitān |
āstīryya saṃyataprāṇaḥ piṇḍānāṃ ca pradānakam || 36 ||
[Analyze grammar]

kariṣya iti saṃkalpya maṇḍalatrayamarcya ca |
ātmānamantarātmānaṃ paramātmanamapyataḥ || 37 ||
[Analyze grammar]

caturthyantaṃ vadanpaścādimaṃ piṇḍamitīrayan |
dadāmīti ca samprocya dadyātpiṇḍānsvabhaktitaḥ || 38 ||
[Analyze grammar]

kuśodakaṃ tato dadyādyathāvidhividhānataḥ |
tata utthāpya vai kuryyātpradakṣiṇanamaskṛtī || 39 ||
[Analyze grammar]

tato dattvā brāhmaṇebhyo dakṣiṇāṃ ca yathāvidhi |
nārāyaṇabaliṃ kuryyāttasminneva sthale dine || 40 ||
[Analyze grammar]

rakṣārthameva sarvatra viṣṇoḥ pūjāvidhiḥ smṛtaḥ |
kuryyādviṣṇormahāpūjāṃ pāyasānnaṃ nivedayet || 41 ||
[Analyze grammar]

dvādaśātha samāhūya brāhmaṇānvedapāragān |
keśavādibhirabhyarcya gandhapuṣpākṣatādibhiḥ || 42 ||
[Analyze grammar]

upānacchatravastrādi dattvā tebhyo yathāvidhi |
santoṣayenmahābhaktyā vividhairvaca naiśśubhaiḥ || 43 ||
[Analyze grammar]

āstīryya darbhānpūrvāgrānbhūssvāhā ca bhuvassuvaḥ |
praṇavādi procya bhūmau pāyasānnaṃ baliṃ haret || 44 ||
[Analyze grammar]

ekādaśāha suvidhirmayā prokto munīśvara |
dvādaśāhavidhiṃ vakṣye śṛṇuṣvādarato dvija || 45 ||
[Analyze grammar]

iti śrīśivamahāpurāṇe ṣaṣṭhyāṃ kailāsasaṃhitāyāṃ yatīnāmekādaśāhakṛtyavarṇanannāma dvāviṃśo'dhyāyaḥ || 22 ||
[Analyze grammar]