Chapter 14

[English text for this chapter is available]

vāmadeva uvāca |
bhagavanṣaṇmukhāśeṣa vijñānāmṛtavāridhe |
viśvāmareśvarasuta praṇatārttiprabhañjana || 1 ||
[Analyze grammar]

ṣaḍvidhārtthaparijñānamiṣṭadaṃ kimudāhṛtam |
ke tatra ṣaḍvidhā arthāḥ parijñānañca kiṃ prabho || 2 ||
[Analyze grammar]

pratipādyaśca kastasya parijñāne ca kiṃ phalam |
etatsarvaṃ samācakṣva yadyatpṛṣṭaṃ mayā guha || 3 ||
[Analyze grammar]

etamartthamavijñāya paśuśāstravimohitaḥ |
adyāpyahammahāsena bhrāntaśca śivamāyayā || 4 ||
[Analyze grammar]

ahaṃ śivapadadvaṃdvajñānāmṛtarasāyanam |
pīttvā vigatasammoho bhaviṣyāmi yathā tathā || 5 ||
[Analyze grammar]

kṛpāmṛtārdrayā dṛṣṭyā vilokya suciraṃ mayi |
karttavyo'nugrahaḥ śrīmatpādābjaśaraṇāgate || 6 ||
[Analyze grammar]

iti śrutvā munīndroktaṃ jñānaśaktidharo vibhuḥ |
prāhānyadarśanamahāsaṃtrāsajanakaṃ vacaḥ || 7 ||
[Analyze grammar]

subrahmaṇya uvāca |
śrūyatāmmuniśārdūla tvayā yatpṛṣṭamādarāt |
samaṣṭivyaṣṭibhāvena parijñānammaheśituḥ || 8 ||
[Analyze grammar]

praṇavārtthaparijñānarūpaṃ tadvistarādaham |
vadāmi ṣaḍvidhārthaikya parijñānena suvrata || 9 ||
[Analyze grammar]

prathamo maṃtrarūpaḥ syāddvitīyo maṃtrabhāvitaḥ |
devatārtthastṛtīyo'rthaḥ prapañcārthastataḥ param || 10 ||
[Analyze grammar]

caturthaḥ pañcamārthassyādgururūpapradarśakaḥ |
ṣaṣṭhaśśiṣyātmarūpo'rthaḥ ṣaḍvidhārthāḥ prakīrttitāḥ || 11 ||
[Analyze grammar]

tatra mantrasvarūpante vadāmi munisattama |
yena vijñātamātreṇa mahājñānī bhavennaraḥ || 12 ||
[Analyze grammar]

ādyassvaraḥ paṃcamaśca pañcamāntastataḥ paraḥ |
bindunādau ca pañcārṇāḥ proktā vedairna cānyathā || 13 ||
[Analyze grammar]

etatsamaṣṭirūpo hi vedādissamudāhṛtaḥ |
nādassarvvasamaṣṭiḥ syādbiṃdvāḍhyaṃ yaccatuṣṭayam || 14 ||
[Analyze grammar]

vyaṣṭirūpeṇa saṃsiddhaṃ praṇave śivavācake |
yaṃtrarūpaṃ śṛṇu prājña śivaliṃgaṃ tadeva hi || 15 ||
[Analyze grammar]

sarvvādhastāllikhetpīṭhaṃ tadūrdhvamprathamaṃ svaram |
uvarṇaṃ ca tadūrddhvaṃ sthampavargāntaṃ tadūrdhvagam || 16 ||
[Analyze grammar]

tanmastakasthaṃ biṃduṃ ca tadūrddhvaṃ nādamālikhet |
yaṃtre saṃpūrṇatāṃ yāti sarvakāmaḥ prasidhyati || 17 ||
[Analyze grammar]

etaṃ yaṃtraṃ samālikhya praṇave nava veṣṭayet |
tadutthenaiva nādena vidyannādāvasānakam || 18 ||
[Analyze grammar]

devatārtthampravakṣyāmi gūḍhaṃ sarvvatra yanmune |
tava snehādvāmadeva yathā śaṃkarabhāṣitam || 19 ||
[Analyze grammar]

sadyojātamprapadyāmītyupakramya sadāśivom |
iti prāha śrutistāraṃ brahmapaṃcakavācakam || 20 ||
[Analyze grammar]

vijñeyā brahmarūpiṇyassūkṣmāḥ paṃcaiva devatāḥ |
etā eva śivasyāpi mūrtitve nopabṛṃhitāḥ || 21 ||
[Analyze grammar]

śivasya vācako mantraśśivamūrtteśca vācakaḥ |
mūrttimūrtimatorbhedo nātyantaṃ vidyate yataḥ || 22 ||
[Analyze grammar]

īśānamukuṭopeta ityārabhya puroditaḥ |
śivasya vigrahaḥ pañcavaktrāṇi śṛṇu sāṃpratam || 23 ||
[Analyze grammar]

paṃcamādi samārabhya sadyojātādyanukramāt |
urddhvāṃtamīśānāṃtaṃ ca mukhapaṃcakamīritam || 24 ||
[Analyze grammar]

īśānasyaiva devasya caturvyūhapade sthitam |
puruṣādyaṃ ca sadyāṃtaṃ brahmarūpaṃ catuṣṭayam || 25 ||
[Analyze grammar]

paṃca brahmasamaṣṭissyādīśānaṃ brahma viśrutam |
puruṣādyaṃ tu tadvyaṣṭissadyojātāntikaṃ mune || 26 ||
[Analyze grammar]

anugrahamayaṃ cakramidaṃ paṃcārtthakāraṇam |
parabrahmātmakaṃ sūkṣmaṃ nirvikāramanāmayam || 27 ||
[Analyze grammar]

anugraho'pi dvividhastirobhāvādigocaraḥ |
prabhuścānyastu jīvānāṃ parāvaravimuktidaḥ || 28 ||
[Analyze grammar]

etatsadāśivasyaiva kṛtyadvayamudāhṛtam |
anugrahe'pi sṛṣṭyādikṛtyānāṃ paṃcakaṃ vibhoḥ || 29 ||
[Analyze grammar]

mune tatrāpi sadyādyā devatāḥ parikīrttitāḥ |
parabrahmasvarūpāstāḥ paṃca kalyāṇadāssadā || 30 ||
[Analyze grammar]

anugrahamayaṃ cakraṃ śāṃtyatītakalāmayam |
sadāśivādhiṣṭhitaṃ ca paramaṃ padamucyate || 31 ||
[Analyze grammar]

etadeva padaṃ prāpyaṃ yatīnāṃ bhavitātmanām |
sadāśivopāsakānāṃ praṇavāsaktacetasām || 32 ||
[Analyze grammar]

etadeva padaṃ prāpya tena sākaṃ munīśvarāḥ |
bhuktvā suvipulānbhogāndevena brahmarūpiṇā || 33 ||
[Analyze grammar]

mahāpralayasaṃbhūtau śivasāmyaṃ bhajaṃti hi |
na pataṃti punaḥ kvāpi saṃsārābdhau janāśca te || 34 ||
[Analyze grammar]

te brahmaloka iti ca śrutirāha sanātanī |
aiśvaryyaṃ tu śivasyāpi samaṣṭiridameva hi || 35 ||
[Analyze grammar]

sarvaiśvaryeṇa sampanna ityāhātharvvaṇī śikhā |
sarvaiśvaryyapradātṛtvamasyaiva pravadanti hi || 36 ||
[Analyze grammar]

camakasya padānnānya dadhikaṃ vidyate padam |
brahmapaṃcakavistāraprapaṃcaḥ khalu dṛśyate || 37 ||
[Analyze grammar]

brahmabhya evaṃ saṃjātā nivṛttyādyāḥ kalā matāḥ |
sūkṣmabhūtasvarūpiṇyaḥ kāraṇatvena viśrutāḥ || 38 ||
[Analyze grammar]

sthūlarūpasvarūpasya prapaṃcasyāsya suvrata |
paṃcadhāvasthitaṃ yattadbrahmapaṃcakamiṣyate || 39 ||
[Analyze grammar]

puruṣaḥ śrotravāṇyau ca śabdakāśau ca paṃcakam |
vyāptamīśānarūpeṇa brahmaṇā munisattama || 40 ||
[Analyze grammar]

prakṛtistvakca pāṇiśca sparśo vāyuśca paṃcakam |
vyāptaṃ puruṣarūpeṇa brahmaṇaiva munīśvara || 41 ||
[Analyze grammar]

ahaṃkārastathā cakṣuḥ pādo rūpaṃ ca pāvakaḥ |
aghoravrahmaṇā vyāptametatpaṃcakamaṃcitam || 42 ||
[Analyze grammar]

buddhiśca rasanā pāyū rasa āpaśca paṃcakam |
brahmaṇā vāmadevena vyāptaṃ bhavati nityaśaḥ || 43 ||
[Analyze grammar]

mano nāsā tathopastho gandho bhūmiśca paṃcakam |
sadyena brahmaṇā vyāptaṃ paṃcabrahmamayaṃ jagat || 44 ||
[Analyze grammar]

yaṃtrarūpeṇopadiṣṭaḥ praṇavaśśivavācakaḥ |
samaṣṭiḥ paṃcavarṇānāṃ biṃdvādyaṃ yaccatuṣṭayam || 45 ||
[Analyze grammar]

śivopadiṣṭamārgeṇa yaṃtrarūpaṃ vibhāvayet |
praṇavamparamaṃ mantrādhirājaṃ śivarūpiṇam || 46 ||
[Analyze grammar]

iti śrīśivamahāpurāṇe ṣaṣṭhyāṃ kailāsasaṃhitāyāṃ śivarūpapraṇavavarṇanaṃ nāma caturddaśodhyāyaḥ || 14 ||
[Analyze grammar]