Chapter 3

[English text for this chapter is available]

|| īśvara uvāca |
śṛṇu devi pravakṣyāmi yanmāṃ tvampari pṛcchasi |
tasya śravaṇamātreṇa jīvassākṣācchivo bhavet || 1 ||
[Analyze grammar]

praṇavārthaparijñānameva jñānaṃ madātmakam |
bījantatsarvavidyānāṃ maṃtra mpraṇavanāmakam || 2 ||
[Analyze grammar]

atisūkṣmaṃ mahārthaṃ ca jñeyaṃ tadvaṭabījavat |
vedādi vedasāraṃ ca madrūpaṃ ca viśeṣataḥ || 3 ||
[Analyze grammar]

devo guṇatrayātītaḥ sarvajñaḥ sarvakṛtprabhuḥ |
omityekākṣare maṃtre sthitohaṃ sarvagaśśivaḥ || 4 ||
[Analyze grammar]

yadasti vastu tatsarvaṃ guṇaprādhānyayogataḥ |
samastaṃ vyasta mapi ca praṇavārthaṃ pracakṣate || 5 ||
[Analyze grammar]

sarvārthasādhakaṃ tasmādekaṃ brahmaitadakṣaram |
tenomiti jagatkṛsnaṃ kurute prathamaṃ śivaḥ || 6 ||
[Analyze grammar]

śivo vā praṇavo hyeṣa praṇavo vā śivaḥ smṛtaḥ |
vācyavācakayorbhedo nātyaṃtaṃ vidyate yataḥ || 7 ||
[Analyze grammar]

tasmādekākṣaraṃ devaṃ māṃ ca brahmarṣayo viduḥ |
vācyavācakayoraikyaṃ manyamānā vipaścitaḥ || 8 ||
[Analyze grammar]

atastadeva jānīyātpraṇavaṃ sarvakāraṇam |
nirvikārī mumukṣurmāṃ nirguṇaṃ parameśvaram || 9 ||
[Analyze grammar]

enameva hi deveśi sarvamaṃtraśiromaṇim |
kāśyāmahaṃ pradāsyāmi jīvānāṃ muktihetave || 10 ||
[Analyze grammar]

tatrādau sampravakṣyāmi praṇavoddhārama mbike |
yasya vijñānamātreṇa siddhiśca paramā bhavet || 11 ||
[Analyze grammar]

nivṛttimuddharetpūrvamindhanaṃ ca tataḥ param |
kālaṃ samuddharetpaścāddaṃḍamī śvarameva ca || 12 ||
[Analyze grammar]

varṇapaṃcakarūpoyamevaṃ praṇava uddhṛtaḥ |
trimātrabindunādātmā muktido japatāṃ sadā || 13 ||
[Analyze grammar]

brahmādisthāvarāntānāṃ sarveṣāṃ prāṇināṃ khalu |
prāṇaḥ praṇava evāyaṃ tasmātpraṇava īritaḥ || 14 ||
[Analyze grammar]

ādyamvarṇamakāraṃ ca ukāramuttare tataḥ |
makāraṃ madhyataścaiva nādāṃtaṃ tasya comiti || 15 ||
[Analyze grammar]

jalavadvarṇamādyantu dakṣiṇe cottare tathā |
madhye makāraṃ śucivadoṃkāre munisattama || 16 ||
[Analyze grammar]

akāraścāpyukāroyaṃ makārāśca trayaṃ kramāt |
tisro mātrāssamākhyātā arddhamātrā tataḥ param || 17 ||
[Analyze grammar]

arddhamātrā maheśāni bindunādasvarūpiṇī |
varṇanīyā na vai cāddhā jñeyā jñānibhireva sā || 18 ||
[Analyze grammar]

īśānassarvavidyānāmityadyāśśrutayaḥ priye |
matta eva bhavantīti vedāssatyamvadanti hi || 19 ||
[Analyze grammar]

tasmādvedādirevāhaṃ praṇavo mama vācakaḥ |
vācakatvānmamaiṣo'pi vedādiriti kathyate || 20 ||
[Analyze grammar]

akārastu mahadbījaṃ rajassraṣṭā caturmukhaḥ |
ukāraḥ prakṛtiryonissattvaṃ pālayitā hariḥ || 21 ||
[Analyze grammar]

makāraḥ puruṣo bījī tamassaṃhārako haraḥ |
bindurmaheśvaro devastiro bhāva udāhṛtaḥ || 22 ||
[Analyze grammar]

nādassadāśivaḥ proktassarvānugrahakārakaḥ |
nādamūrddhani saṃcintya parātparataraḥ śivaḥ || 23 ||
[Analyze grammar]

sa sarvajñaḥ sarvakarttā sarveśo nirmalo'vyayaḥ |
anirdeśyaḥ parabrahma sākṣātsadasataḥ paraḥ || 24 ||
[Analyze grammar]

akārādiṣu varṇeṣu vyāpakaṃ cottarottaram |
vyāpyantvadhastanaṃ varṇamevaṃ sarvatra bhāvayet || 29 ||
[Analyze grammar]

sadyādīśānaparyyaṃtānyakārādiṣu paṃcasu |
sthitāni paṃca brahmāṇi tāni manmūrttayaḥ kramāt || 26 ||
[Analyze grammar]

aṣṭau kalāssamākhyātā akāre sadyajāśśive |
ukāre vāmarūpiṇyastrayodaśa samīritāḥ || 27 ||
[Analyze grammar]

aṣṭāvaghorarūpiṇyo makāre saṃsthitāḥ kalāḥ |
bindau catasrassaṃbhūtāḥ kalāḥ puruṣagocarāḥ || 28 ||
[Analyze grammar]

nāde paṃca samākhyātāḥ kalā īśānasaṃbhavāḥ |
ṣaḍvidhaikyānusaṃdhānātprapaṃcātmakatocyate || 29 ||
[Analyze grammar]

mantro yantraṃ devatā ca prapaṃco gurureva ca |
śiṣyaśca ṣaṭpadārthā nāmeṣāmarthaṃ śṛṇu priye || 30 ||
[Analyze grammar]

paṃcavarṇasamaṣṭiḥ syānmantraḥ pūrvamudāhataḥ |
sa eva yaṃtratāṃ prāpto vakṣye tanmaṇḍalakramam || 31 ||
[Analyze grammar]

yantraṃ tu devatārūpaṃ devatā viśvarūpiṇī |
viśvarūpo guruḥ proktaśśiṣyo guruvapustvataḥ || 32 ||
[Analyze grammar]

omitīdaṃ sarvamiti sarvaṃ brahmeti ca śruteḥ |
vācyavācakasambandhopyayamevārtha īritaḥ || 33 ||
[Analyze grammar]

ādhāro maṇipūraśca hṛdayaṃ tu tataḥ param |
viśuddhirājñā ca tataḥ śaktiḥ śāntiriti kramāt || 34 ||
[Analyze grammar]

sthānānyetāni deveśi śāntyatītaṃ parātparam |
adhikārī bhavedyasya vairāgyaṃ jāyate dṛḍham || 35 ||
[Analyze grammar]

viṣayaḥ syāmahaṃ devi jīvabrahmaikyabhāvanāt |
sambandhaṃ śṛṇu deveśi viṣayaḥ samyagīritaḥ || 36 ||
[Analyze grammar]

jīvātmanormayā sārddhamaikyasya praṇavasya ca |
vācyavācakabhāvotra samvandhassamudīritaḥ || 37 ||
[Analyze grammar]

vratādinirataḥ śāntastapasvī vijitendriyaḥ |
śaucācārasamāyukto bhūdevo vedaniṣṭhitaḥ || 38 ||
[Analyze grammar]

viṣayeṣu viraktaḥ sannaihikāmuṣmikeṣu ca |
devānāṃ brāhmaṇo'pīha lokajeṣu śivavratī || 39 ||
[Analyze grammar]

sarvaśāstrārtha tattvajñaṃ vedāntajñānapāragam |
ācāryyamupasaṃgamya yatiṃ matimatāṃ varam || 40 ||
[Analyze grammar]

dīrghadaṇḍapraṇāmādyaistoṣayedyatnatassudhīḥ |
śāntyādiguṇasaṃyuktaḥ śiṣyassauśīlyavānvaraḥ || 41 ||
[Analyze grammar]

yo guruḥ sa śivaḥ prokto yaśśivassa guruḥ smṛtaḥ |
iti niścitya manasā svavicāraṃ nivedayet || 42 ||
[Analyze grammar]

labdhānujñastu guruṇā dvādaśāhaṃ payovatī |
samudratīre nadyāṃ ca parvate vā śivālaye || 43 ||
[Analyze grammar]

śuklapakṣe tu paṃcamyāmekādaśyāṃ tathāpi vā |
prātaḥ snātvā tu śuddhātmā kṛtanitya kriyassudhīḥ || 44 ||
[Analyze grammar]

gurumāhūya vidhinā nāndīśrāddhaṃ vidhāya ca |
kṣauraṃ ca kārayitvātha kakṣopasthavivarjitam || 45 ||
[Analyze grammar]

keśaśmaśrunakhānāṃ vai snātvā niyatamānasaḥ |
saktuṃ prāśyātha sāyāhne snātvā sandhyāmupāsya ca || 46 ||
[Analyze grammar]

sāyamaupāsanaṃ kṛtvā guruṇā sahito dvijaḥ |
śāstroktadakṣiṇāndattvā śivāya gururūpiṇe || 47 ||
[Analyze grammar]

homadravyāṇi saṃpādya svasūtroktavidhānataḥ |
agnimādhāya vidhivallaukikādivibhedataḥ || 48 ||
[Analyze grammar]

āhitāgnistu yaḥ kuryātprājāpatye ṣṭināhite |
śraute vaiśvānare samyak sarvavedasadakṣiṇam || 49 ||
[Analyze grammar]

athāgnimātmanyāropya brāhmaṇaḥ pravrajedgṛhāt |
śrapayitvā caruṃ tasminsamidannājyabhedataḥ || 50 ||
[Analyze grammar]

pauruṣeṇaiva sūktena hutvā pratyṛcamātmavān |
hutvā ca sauviṣṭakṛtīṃ svasūtroktavidhānataḥ || 51 ||
[Analyze grammar]

hutvopariṣṭāttantraṃ ca tenāgneruttare budhaḥ |
sthitvāsane japenmaunī cailājinakuśottare |
yāvadbrāhmamuhūrttaṃ tu gāyatrīṃ dṛḍhamānasaḥ || 52 ||
[Analyze grammar]

tataḥ snātvā yathā pūrvaṃ śrapayitvā caruṃ tataḥ |
pauruṣaṃ sūktamārabhya virajāntaṃ hunedbudhaḥ || 53 ||
[Analyze grammar]

vāmadevamatenāpi śaunakādimatena vā |
tatra mukhyaṃ vāmadevyaṃ garbhayukto yato muniḥ || 54 ||
[Analyze grammar]

homaśeṣaṃ samāpyātha hunet |
tatognimātmanyāropya prātassandhyamupāsya ca || 55 ||
[Analyze grammar]

savitaryudite paścātsāvitrīṃ prāviśetkramāt |
eṣaṇānāṃ trayaṃ tyaktvā preṣamuccārya ca kramāt || 56 ||
[Analyze grammar]

śikhopavīte saṃtyajya kaṭisūtrādikaṃ tataḥ |
visṛjya prāṅmukho gaccheduttarāśāmukhopi vā || 57 ||
[Analyze grammar]

gṛhṇīyāddaṇḍakaupīnādyucitaṃ lokavartane |
viraktaścena gṛhṇīyāllokavṛttivicāraṇe || 58 ||
[Analyze grammar]

guroḥ samīpaṃ gatvātha daṇḍavatpraṇamettrayam |
samutthāya tatastiṣṭhedgurupādasamīpataḥ || 59 ||
[Analyze grammar]

tato guruḥ samādāya virajānalajaṃ śitam |
bhasma tenaiva taṃ śiṣyaṃ samuddhṛtya yathāvidhi || 60 ||
[Analyze grammar]

agnirityādibhirmantraistripuṇḍraṃ dhārayettataḥ |
hṛtpaṃkaje samāsīnaṃ māṃ tvayā saha cintayet || 61 ||
[Analyze grammar]

hastaṃ nidhāya śirasi śiṣyasya prītamānasaḥ |
ṛṣyādisahitaṃ tasya dakṣakarṇe samuccaret || 62 ||
[Analyze grammar]

praṇavaṃ triḥprakāraṃ tu tatastasyārthamādiśet |
ṣaḍvidhārthaṃ parijñānasahitaṃ gurusattamaḥ || 63 ||
[Analyze grammar]

dviṣaṭprakāraṃ sa guruṃ praṇamya bhuvi daṇḍavat |
tadadhīno bhavennityaṃ vedāntaṃ samyagabhyaset || 64 ||
[Analyze grammar]

māmeva ciṃtayennityaṃ paramātmānamātmani |
viśuddhe nirvikāre vai brahmasākṣiṇamavyayam || 65 ||
[Analyze grammar]

śamādidharmanirato vedāntajñānapāragaḥ |
atrādhikārī sa prokto yatirvigatamatsaraḥ || 66 ||
[Analyze grammar]

hṛtpuṇḍarīkaṃ virajaṃ viśokaṃ viśadamparam |
aṣṭapatraṃ keśarāḍhyaṃ karṇikopari śo bhitam || 67 ||
[Analyze grammar]

ādhāraśaktimārabhya tritatvāṃtamayaṃ padam |
vicintya madhyatastasya daharaṃ vyoma bhāvayet || 68 ||
[Analyze grammar]

omityekākṣaraṃ brahma vyāharanmāṃ tvayā saha |
ciṃtayenmadhyatastasya nityamudyuktamānasaḥ || 69 ||
[Analyze grammar]

evaṃvidhopāsakasya mallokagatimeva ca |
matto vijñānamāsādya matsāyujyaphalaṃ priye || 70 ||
[Analyze grammar]