Shiva Purana [sanskrit]

223,192 words | ISBN-10: 8171101519

The Shiva-purana Book 5 Chapter 51 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

munaya ūcuḥ |
vyāsaśiṣya mahābhāga sūta paurāṇikottama |
aparaṃ śrotumicchāmaḥ kimapyākhyānamīśituḥ || 1 ||
[Analyze grammar]

umāyā jagadambāyāḥ kriyāyogamanuttamam |
proktaṃ sanatkumāreṇa vyāsāya ca mahātmane || 2 ||
[Analyze grammar]

sūta uvāca |
dhanyā yūyaṃ mahātmāno devībhaktidṛḍhavratāḥ |
parāśakteḥ paraṃ guptaṃ rahasyaṃ śṛṇutādarāt || 3 ||
[Analyze grammar]

vyāsa uvāca |
sanatkumāra sarvajña brahmaputra mahāmate |
umāyāśśrotumicchāmi kriyāyogaṃ mahādbhutam || 4 ||
[Analyze grammar]

kīdṛkca lakṣaṇaṃ tasya kiṃ kṛte ca phalaṃ bhavet |
priyaṃ yacca parāmbāyāstadaśeṣaṃ vadasva me || 5 ||
[Analyze grammar]

sanatkumāra uvāca |
dvaipāyana yadetattvaṃ rahasyaṃ paripṛcchasi |
tacchṛṇuṣva mahābuddhe sarvaṃ me varṇayiṣyataḥ || 6 ||
[Analyze grammar]

jñānayogaḥ kriyāyogo bhaktiyogastathaiva ca |
trayo mārgāssamākhyātāḥ śrīmāturmuktimuktidā || 7 ||
[Analyze grammar]

jñānayogastu saṃyogaścittasyaivātmanā tu yaḥ |
yastu bāhyārthasaṃyogaḥ kriyāyogaḥ sa ucyate || 8 ||
[Analyze grammar]

bhaktiyogo mato devyā ātmanaścaikyabhāvanam |
trayāṇāmapi yogānāṃ kriyāyogassa ucyate || 9 ||
[Analyze grammar]

karmaṇā jāyate bhaktirbhaktyā jñānaṃ prajāyate |
jñānātprajāyate muktiriti śāstreṣu niścayaḥ || 10 ||
[Analyze grammar]

pradhānaṃ kāraṇaṃ yogo vimuktermunisattama |
kriyāyogastu yogasya paramandhyeyasādhanam || 11 ||
[Analyze grammar]

māyāntu prakṛtiṃ vidyānmāyāvi brahma śāśvatam |
abhinnaṃ tadvapurjñātvā mucyate bhavabandhanāt || 12 ||
[Analyze grammar]

yastu devyālayaṃ kuryātpāṣāṇandāravantathā |
mṛnmayaṃ vātha kāleya tasya puṇyaphalaṃ śṛṇu |
ahanyahaniyogena jayato yanmahāphalam || 13 ||
[Analyze grammar]

prāpnoti tatphalandevyā yaḥ kārayati mandiram |
sahasrakulamāgāmi vyatītaṃ ca sahasrakam |
tārayati dharmātmā śrīmāturdhāma kārayan || 14 ||
[Analyze grammar]

koṭijanmakṛtaṃ pāpaṃ svalpaṃ vā yadi vā bahu |
śrīmāturmandirārambhakṣaṇādeva praṇaśyati || 15 ||
[Analyze grammar]

nadīṣu ca yathā gaṃgā śoṇaḥ sarvanadeṣu ca |
kṣamāyāṃ ca yathā pṛthvī gāṃbhīrye ca yathodadhiḥ || 16 ||
[Analyze grammar]

grahāṇāṃ ca samastānāṃ yathā sūryo viśiṣyate|| |
tathā sarveṣu deveṣu śrīparāmbā viśiṣyate || 17 ||
[Analyze grammar]

sarvadeveṣu sā mukhyā yastasyāḥ kārayedgṛham |
pratiṣṭhāṃ samavāpnoti sa ca janma nijanmani || 18 ||
[Analyze grammar]

vārāṇasyāṃ kurukṣetre prayāge puṣkare tathā |
gaṃgāsamudratīre ca naimiṣe'marakaṇṭake || 19 ||
[Analyze grammar]

śrīparvate mahāpuṇye gokarṇe jñānaparvate |
mathurāyāmayodhyāyāṃ dvārāvatyāṃ tathaiva ca || 20 ||
[Analyze grammar]

ityādi puṇyadeśeṣu yatra kutra sthale'pi vā |
kārayanmāturāvāsaṃ mukto bhavati bandhanāt || 21 ||
[Analyze grammar]

iṣṭakānāṃ tu vinyāso yāvadvarṣāṇi tiṣṭhati |
tāvadvarṣasahasrāṇi maṇidvīpe mahīyate || 22 ||
[Analyze grammar]

pratimāḥ kārayedyastu sarvalakṣaṇalakṣitāḥ |
sa umāyāḥ paraṃ lokaṃ nirbhayo vrajati dhuvam || 23 ||
[Analyze grammar]

devīmūrtiṃ pratiṣṭhāpya śubhartuṃ grahatārake |
kṛtakṛtyo bhavenmartyo yogamāyāprasādataḥ || 24 ||
[Analyze grammar]

ye bhaviṣyanti ye'tītā ākalpātpuruṣāḥ kule |
tāṃstāṃstārayate devyā mūrtiṃ saṃsthāpya śobhanām || 25 ||
[Analyze grammar]

trilokīsthāpanātpuṇyaṃ yadbhavenmunipuṃgava |
tatkoṭiguṇitaṃ puṇyaṃ śrīdevīsthāpanādbhavet || 26 ||
[Analyze grammar]

madhye devīṃ sthāpayitvā pañcāyatanadevatāḥ |
caturddikṣu sthāpayedyastasya puṇyaṃ na gaṇyate || 27 ||
[Analyze grammar]

viṣṇornāmnāṃ koṭijapādgrahaṇecandrasūryayoḥ |
yatphalaṃ labhyate tasmācchatakoṭiguṇottaram || 28 ||
[Analyze grammar]

śivanāmno japādeva tasmātkoṭi guṇottaram |
śrīdevīnāmajāpāttu tataḥ koṭiguṇottaram || 29 ||
[Analyze grammar]

devyāḥ prāsādakaraṇātpuṇyantu samavāpyate |
sthāpitā yena sā devī jaganmātā trayīmayī || 30 ||
[Analyze grammar]

na tasya durlabhaṃ kiṃcicchrīmātuḥ karuṇāvaśāt |
varddhate putrapautrādyā naśyatyakhilakaśmalam || 31 ||
[Analyze grammar]

manasā ye cikīrṣaṃti mūrtisthāpanamuttamam |
tetyumāyāḥ paraṃ lokaṃ prayānti munidurlabham || 32 ||
[Analyze grammar]

kriyamāṇantu yaḥ prekṣya cetasā hyanucintayet |
kārayiṣyāmyahaṃ yarhi saṃpanme saṃbhaviṣyati || 33 ||
[Analyze grammar]

evantasya kulaṃ sadyo yāti svargaṃ na saṃśayaḥ |
mahāmāyāprabhāveṇa durlabhaṃ kiṃ jagattraye || 34 ||
[Analyze grammar]

śrīparāmbājagadyoniṃ kevalaṃ ye samāśritāḥ |
te manuṣyā na mantavyāssākṣāddevīgaṇāśca te || 35 ||
[Analyze grammar]

ye vrajantaḥ svapantaśca tiṣṭhanto vāpyaharniśam |
umeti dvyakṣaraṃ nāma bruvate te śivāgaṇāḥ || 36 ||
[Analyze grammar]

nitye naimittike devīṃ ye yajanti parāṃ śivām |
puṣpairdhūpaistathādīpaiste prayāsyantyumālayam || 37 ||
[Analyze grammar]

ye devīmaṇḍapaṃ nityaṃ gomayena mṛdāthavā |
upaliṃpanti mārjanti te prayāsyantyumālayam || 38 ||
[Analyze grammar]

yairdevyā mandiraṃ ramyaṃ nirmāpi tamanuttamam |
tatkulīnāñjanānmātā hyāśiṣaḥ saṃprayacchati || 39 ||
[Analyze grammar]

madīyāḥ śatavarṣāṇi jīvantu premabhāgjanāḥ |
nāpadāmayanānītthaṃ śrīmātā vaktyaharniśam || 40 ||
[Analyze grammar]

yena mūrtirmmahādebyā umāyāḥ kāritā śubhā |
narāyutantatkulajaṃ maṇidvīpe mahīyate || 41 ||
[Analyze grammar]

sthāpayitvā mahāmāyāmūrtiṃ samyakprapūjya ca |
yaṃyaṃ prārthayate kāmaṃ taṃtaṃ prāpnoti sādhakaḥ || 42 ||
[Analyze grammar]

yaḥ snāpayati śrīmātuḥ sthāpitāṃ mūrtimuttamām |
ghṛtena madhunāktena tatphalaṃ gaṇayettu kaḥ || 43 ||
[Analyze grammar]

candanāgurukarpūra māṃsīmustādiyugjalaiḥ |
ekavarṇagavāṃ kṣīraiḥ snāpayetparameśvarīm || 44 ||
[Analyze grammar]

dhūpenāṣṭādaśāṃgena dadyādāhutimuttamām |
nīrājanaṃ careddevyā ssājyakarpūravartibhiḥ || 45 ||
[Analyze grammar]

kṛṣṇāṣṭamyāṃ navamyāṃ vāmāyāṃ vā paṃcadiktithau |
pūjayejjagatāṃ dhātrīṃ gaṃdhapuṣpairviśeṣataḥ || 46 ||
[Analyze grammar]

saṃpaṭhañjananīsūktaṃ śrīsūktamatha vā paṭhan |
devīsūktamatho vāpi mūkamantramathāpi vā || 47 ||
[Analyze grammar]

viṣṇukrāntāṃ ca tulasīṃ varjayitvākhilaṃ sumam |
devīprītikaraṃ jñeyaṃ kamalantu viśeṣataḥ || 48 ||
[Analyze grammar]

arpayetsvarṇapuṣpaṃ yo devyai rājatameva vā |
sa yāti paramaṃ dhāma siddhakoṭi bhiranvitam || 49 ||
[Analyze grammar]

pūjanānte sadā kāryaṃ dāsairenaḥ kṣamāpanam |
prasīda parameśāni jagadānandadāyini || 50 ||
[Analyze grammar]

iti vākyaisstuvanmantrī devībhaktiparāyaṇaḥ |
dhyāyetkaṇṭhīravārūḍhāṃ varadābhayapāṇikām || 51 ||
[Analyze grammar]

itthaṃ dhyātvā maheśānīṃ bhaktābhīṣṭaphalapradām |
nānāphalāni pakvāni naivedyatve prakalpayet || 52 ||
[Analyze grammar]

naivedyaṃ bhakṣayedyastu śaṃbhuśakteḥ parātmanaḥ |
sa nirbhūyākhilaṃ paṅkaṃ nirmalo mānavo bhavet || 53 ||
[Analyze grammar]

caitraśuklatṛtīyāyāṃ yo bhavānīvrataṃ caret |
bhavavandhananirmuktaḥ prāpnuyātparamaṃ padam || 54 ||
[Analyze grammar]

asyāmeva tṛtīyāyāṃ kuryāddolotsavaṃ budhaḥ |
pūjayejjagatāṃ dhātrīmumāṃ śaṃkarasaṃyutām || 55 ||
[Analyze grammar]

kusumaiḥ kuṃkumairvastraiḥ karpūrāgurucandanaiḥ |
dhūpairddīpaissanaivedyaiḥ sraggandhairaparairapi || 56 ||
[Analyze grammar]

āndolayettato devīṃ mahāmāyāṃ maheśvarīm |
śrīgaurīṃ śivasaṃyuktāṃ sarvakalyāṇakāriṇīm || 57 ||
[Analyze grammar]

pratyabdaṃ kurute yosyāṃ batamāndolanaṃ tathā |
niyamena śivā tasmai sarvamiṣṭaṃ prayacchati || 58 ||
[Analyze grammar]

mādhavasya site pakṣe tṛtīyā yā'kṣayābhidhā |
tasyāṃ yo jagadambāyā vrataṃ kuryādatandritaḥ || 59 ||
[Analyze grammar]

mallikāmālatīcaṃpājapābandhūkapaṃkajaiḥ |
kusumaiḥ pūjayedgaurīṃ śaṃkareṇa samanvitām || 60 ||
[Analyze grammar]

koṭijanmakṛtaṃ pāpaṃ manovākkāyasambhavam |
nirdhūya caturo vargānakṣayāniha so'śnute || 61 ||
[Analyze grammar]

jyeṣṭhe śuklatṛtīyāyāṃ vrataṃ kṛtvā maheśvarīm |
yo'rcayetparamaprītyā tasyāsādhyaṃ na kiṃcana || 62 ||
[Analyze grammar]

āṣāḍhaśuklapakṣīyatṛtīyāyāṃ rathotsavama |
devyāḥ priyatamaṃ kuryādyathāvittānusārataḥ || 63 ||
[Analyze grammar]

rathaṃ pṛthvīṃ vijānīyādrathāṃge candrabhāskarau |
vedānaśvānvijānīyātsārathiṃ padmasaṃ bhavam || 64 ||
[Analyze grammar]

nānāmaṇigaṇākīrṇaṃ puṣpamālāvirājitam |
evaṃ rathaṃ kalpayitvā tasmintsaṃsthāpayecchivām || 65 ||
[Analyze grammar]

lokasaṃrakṣaṇārthāya lokaṃ draṣṭuṃ parāmbikā |
rathamadhye saṃsthiteti bhāvayenmatimānnaraḥ || 66 ||
[Analyze grammar]

rathe pracalite mandaṃ jayaśabdamudīrayet |
pāhi devi janānasmānprapannāndīnavatsale || 67 ||
[Analyze grammar]

iti vākyaistoṣayecca nānāvāditranisvanaiḥ |
sīmānte tu rathaṃ nītvā tatra saṃpūjaye drathe || 68 ||
[Analyze grammar]

nānāstotraistataḥ stutvāpyānayettāṃ svaveśmani |
praṇipātaśataṃ kṛtvā prārthayejjagadambikām || 69 ||
[Analyze grammar]

evaṃ yaḥ kurute vidvānpūjāvratarathotsavam |
iha bhuktvākhilānbhogānsonte devīpadaṃ vrajet || 70 ||
[Analyze grammar]

śuklāyāntu tṛtīyāyāmevaṃ śrāvaṇabhādrayoḥ |
yo vrataṃ kurute'mbāyāḥ pūjanaṃ ca yathāvidhi || 71 ||
[Analyze grammar]

modate putrapautrādyairdhanādyairiha santatam |
so'nte gacchedumālokaṃ sarvalokopari sthitam || 72 ||
[Analyze grammar]

āśvine dhavale pakṣe navarātravrataṃ caret |
yatkṛte sakalāḥ kāmāssiddhyantyeva na saṃśayaḥ || 73 ||
[Analyze grammar]

navarātravratasyāsya prabhāvaṃ vaktumīśvaraḥ |
caturāsyo na paṃcāsyo na ṣaḍāsyo na ko'paraḥ || 74 ||
[Analyze grammar]

navarātravrataṃ kṛtvā bhūpālo virathātmajaḥ |
hṛtaṃ rājyaṃ nijaṃ lebhe suratho munisattamāḥ || 75 ||
[Analyze grammar]

dhruvasaṃdhisuto dhīmānayodhyādhipatirnṛpaḥ |
sudarśano hṛtaṃ rājyaṃ prāpadasya prabhāvataḥ || 76 ||
[Analyze grammar]

vratarājamimaṃ kṛtvā samārādhya maheśvarīm |
saṃsārabandhanānmuktaḥ samādhirmuktibhāgabhūt || 77 ||
[Analyze grammar]

tṛtīyāyāṃ ca pañcamyāṃ saptamyāma ṣṭamītithau |
navamyāṃ vā caturdaśyāṃ yo devī pūjayennaraḥ || 78 ||
[Analyze grammar]

āśvinasya site pakṣe vrataṃ kṛtvā vidhānataḥ |
tasya sarvaṃ manobhīṣṭaṃ pūrayatyaniśaṃ śivā || 79 ||
[Analyze grammar]

yaḥ kārttikasya mārgasya pauṣasya tapasastathā |
tapasyasya site pakṣe tṛtīyāyāṃ vrataṃ caret || 80 ||
[Analyze grammar]

lohitaiḥ karavīrādyaiḥ puṣpairdhūpaissugandhitaiḥ |
pūjayenmaṅgalāndevīṃ sa sarvaṃ maṃgalaṃ labhet || 81 ||
[Analyze grammar]

saubhāgyāya sadā strībhiḥ kāryyametanmahāvratam |
vidyādhanasutāptyarthaṃ vidheyaṃ puruṣairapi || 82 ||
[Analyze grammar]

umāmaheśvarādīni vratānyanyāni yānyapi |
devīpriyāṇi kāryāṇi svabhaktyaivaṃ mumukṣubhiḥ || 83 ||
[Analyze grammar]

saṃhiteyaṃ mahāpuṇyā śivabhaktivivarddhinī |
nānākhyānasamāyuktā bhuktimuktipradā śivā || 84 ||
[Analyze grammar]

ya enāṃ śṛṇuyādbhaktyā śrāvayedvā samāhitaḥ |
paṭhedvā pāṭhayedvāpi sa yāti paramāṃ gatim || 85 ||
[Analyze grammar]

yasya gehe sthitā ceyaṃ likhitā lalitākṣaraiḥ |
saṃpūjitā ca vidhivatsarvānkāmānsa āpnuyāt || 86 ||
[Analyze grammar]

bhūtapretapiśācādiduṣṭebhyo na bhayaṃ kvacita |
putrapautrādisampattiṃ labhatyeva na saṃśayaḥ || 87 ||
[Analyze grammar]

tasmādiyaṃ mahāpuṇyā ramyomāsaṃhitā sadā |
śrotavyā paṭhitavyā ca śivabhaktimabhīpsubhiḥ || 88 ||
[Analyze grammar]

iti śrīśiva mahāpurāṇe pañcamyāmumāsaṃhitāyāṃ kriyāyoganirūpaṇaṃ nāmaikapañcāśattamo'dhyāyaḥ || 51 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Shiva Purana Chapter 51

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Like what you read? Consider supporting this website: