Chapter 45

[English text for this chapter is available]

munaya ūcuḥ |
śrutvā śaṃbhoḥ kathā ramyā nānākhyānasamanvitā |
nānāvatāra saṃyuktā bhuktimuktipradā nṛṇām || 1 ||
[Analyze grammar]

idānīṃ śrotumicchāmastvatto brahmavidāṃ vara |
caritraṃ jagadaṃbāyā bhagavatyā manoharam || 2 ||
[Analyze grammar]

parabrahma maheśasya śaktirādyā sanātanī |
umā yā samabhikhyātā trailokyajananī parā || 3 ||
[Analyze grammar]

satī hemavatī tasyā avatāradvayaṃ śrutam |
aparānavatārāṃstvaṃ brūhi sūt mahāmate || 4 ||
[Analyze grammar]

ko virajyeta matimān guṇaśravaṇakarmaṇi |
śrīmāturjñānino yāni na tyajanti kadācana || 5 ||
[Analyze grammar]

sūta uvāca |
dhanyā yūyaṃ mahātmānaḥ kṛtakṛtyāḥ stha sarvadā |
yatpṛcchatha parāmbāyā umāyāścaritaṃ mahat || 6 ||
[Analyze grammar]

śṛṇvatāṃ pṛcchatāṃ caiva tathā vācayatāṃ ca tat |
pādāmbujarajāṃsyeva tīrthāni munayo viduḥ || 7 ||
[Analyze grammar]

te dhanyā kṛtakṛtyāḥ syurdhanyā teṣāṃ prasūḥ kulam |
yeṣāṃ cittaṃ bhavellīnaṃ śrīdevyāṃ parasaṃvidi || 8 ||
[Analyze grammar]

ye na stuvanti deveśīṃ sarvakāraṇakāraṇām |
māyāguṇairmohitāssyurhatabhāgyā na saṃśayaḥ || 9 ||
[Analyze grammar]

na bhajanti mahādevīṃ karuṇārasasāgarām |
andhakūpe patantyete ghore saṃsārarūpiṇi || 10 ||
[Analyze grammar]

gaṃgāṃ vihāya tṛptyarthaṃ maruvāri yathā vrajet |
vihāya devīṃ tadbhinnaṃ tathā devāntaraṃ vrajet || 11 ||
[Analyze grammar]

yasyāḥ smaraṇamātreṇa puruṣārthacatuṣṭayam |
anāyāsena labhate kastyajettāṃ narottamaḥ || 12 ||
[Analyze grammar]

etatpṛṣṭaḥ purā medhāssurathena mahātmanā |
yaduktaṃ medhasā pūrvaṃ tacchṛṇuṣva vadāmi te || 13 ||
[Analyze grammar]

svārociṣentare pūrvaṃ viratho nāma pārthivaḥ |
surathastasya putro'bhūnmahābalaparākramaḥ || 14 ||
[Analyze grammar]

dānaśauṇḍaḥ satyavādī svadharmma kuśalaḥ kṛtī |
devībhakto dayāsindhuḥ prajānāṃ paripālakaḥ || 15 ||
[Analyze grammar]

pṛthivīṃ śāsatastasya pākaśāsanatejasaḥ |
babhūburnava ye bhūpāḥ pṛthvīgrahaṇatatparāḥ || 16 ||
[Analyze grammar]

kolānāmnīṃ rājadhānīṃ rurudhustasya bhūpateḥ |
taissamantumulaṃ yuddhaṃ samapadyata dāruṇam || 17 ||
[Analyze grammar]

yuddhe sa nirjito bhūpaḥ prabalaistairdviṣadgaṇaiḥ |
ujjāsitacca kolāyā hṛtvā rājyamaśeṣataḥ || 18 ||
[Analyze grammar]

sa rājā svapurīmetyākarodrājyaṃ svamaṃtribhiḥ |
tatrāpi ca mahaḥpakṣairvipakṣaissa parājitaḥ || 19 ||
[Analyze grammar]

daivācchatrutvamāpannai ramātyapramukhairgaṇaiḥ |
kośasthitaṃ ca yadvittaṃ tatsarvaṃ cātmasātkṛtam || 20 ||
[Analyze grammar]

tatassa nirgato rājā nagarānmṛgayā chalāt |
asahāyo'śvamāruhya jagāma gahanaṃ vanam || 21 ||
[Analyze grammar]

itastatastatra gacchanrājā munivarāśramam |
dadarśa kusumārāmabhrājitaṃ sarvatodiśam || 22 ||
[Analyze grammar]

vedadhvanisamākīrṇaṃ śāntajantusamāśritam |
śiṣyaiḥ praśiṣyaistacchiṣyaissamantātpariveṣṭitam || 23 ||
[Analyze grammar]

vyāghrādayo mahāvīryā alpavīryānmahāmate |
tadāśrame na bādhante dvijavaryyaprabhāvataḥ || 24 ||
[Analyze grammar]

uvāsa tatra nṛpatirmahākāruṇiko budhaḥ |
satkṛto munināthena suvaco bhojanāsanaiḥ || 25 ||
[Analyze grammar]

ekadā sa mahārājaściṃtāmāpa duratyayām |
aho me hīnabhāgyasya durbuddherhīnatejasaḥ || 26 ||
[Analyze grammar]

hṛtaṃ rājyamaśeṣeṇa śatruvargairmadoddhataiḥ |
matpūrvai rakṣitaṃ rājyaṃ śatrubhirbhujyate'dhunā || 27 ||
[Analyze grammar]

mādṛśaścaitravaṃśesminna kopyāsīnmahīpatiḥ |
kiṃ karomi kva gacchāmi kathaṃ rājyaṃ labhemahi || 28 ||
[Analyze grammar]

amātyā maṃtriṇaścaiva māmakā ye sanātanāḥ |
na jāne kaṃ ca nṛpatiṃ samāsādyādhunāsate || 29 ||
[Analyze grammar]

vināśya rājyamadhunā na jāne kāṃ gatiṃ gatāḥ |
raṇabhūmimahotsāhā arivarganikartanāḥ || 30 ||
[Analyze grammar]

māmakā ye mahāśūrā nṛpamanyaṃ bhajanti te |
parvatābhā gajā aśvā vātavadvegagāminaḥ || 31 ||
[Analyze grammar]

pūrvapūrvārjitaḥ kośaḥ pālyate tairnavādhunā |
evaṃ mohavaśaṃ yāto rājā paramadhārmikaḥ || 32 ||
[Analyze grammar]

etasminnaṃtare tatra vaiśyaḥ kaścitsamāgataḥ |
rājā papraccha kastvaṃ bhoḥ kimarthamiha cāgataḥ || 33 ||
[Analyze grammar]

durmanā lakṣyase kasmādetanme brūhi sāmpratam |
ityākarṇya vaco ramyaṃ narapālena bhāṣitam || 34 ||
[Analyze grammar]

dṛgbhyāṃ vimuṃcannaśrūṇi samādhirvaiśyapuṃgavaḥ |
pratyuvāca mahīpālaṃ praṇayāvanato giram || 35 ||
[Analyze grammar]

|| vaiśya uvāca |
samādhirnāma vaiśyohaṃ dhanivaṃśasamudbhavaḥ |
putradārādibhistyakto dhanalobhānmahīpate || 36 ||
[Analyze grammar]

sa vanamabhyāgato rājanduḥkhitaḥ svena karmaṇā |
sohaṃ putraprapautrāṇāṃ kalatrāṇāṃ tathaiva ca || 37 ||
[Analyze grammar]

bhrātṝṇāṃ bhrātṛputrāṇāṃ pareṣāṃ suhṛdāṃ tathā |
na vedmi kuśalaṃ samyakkaruṇāsāgara prabho || 38 ||
[Analyze grammar]

rājovāca |
niṣkāsito yaiḥ putrādyairdurvṛttairdhanagardhibhiḥ |
teṣu kiṃ bhavatā prītiḥ kriyate mūrkhajantuvat || 39 ||
[Analyze grammar]

vaiśya uvāca |
samyaguktaṃ tvayā rājanvacaḥ sārārthabṛṃhitam |
tathāpi snehapāśena mohyate'tīva me manaḥ || 40 ||
[Analyze grammar]

evaṃ mohākulau vaiśyapārthivau munisattama |
jagmaturmunivaryasya medhasaḥ sannidhintadā || 41 ||
[Analyze grammar]

sa vaiśyarājasahito nararājaḥ pratāpavān |
praṇanāma mahāvīraḥ śirasā yogināṃ varam || 42 ||
[Analyze grammar]

baddhvāñjalimimāṃ vācamuvāca nṛpatirmunim |
bhagavannāvayormohaṃ chettumarhasi sāmpratam || 43 ||
[Analyze grammar]

ahaṃ rājaśriyā tyakto gahanaṃ vanamāśritaḥ |
tathāpi hṛtarājyasya toṣo naivābhijāyate || 44 ||
[Analyze grammar]

ayaṃ ca vaiśyassvajanairdārādyairniṣkṛto gṛhāt |
tathāpyetasya mamatā na nivṛttiṃ samaśnute || 45 ||
[Analyze grammar]

kimatra kāraṇaṃ brūhi jñāninorapi no manaḥ |
mohena vyākulaṃ jātaṃ mahatyeṣāṃ hi mūrkhatā || 46 ||
[Analyze grammar]

ṛṣi uvāca |
mahāmāyā jagaddhātrī śaktirūpā sanātanī |
sā mohayati sarveṣāṃ samākṛṣya manāṃsi vai || 47 ||
[Analyze grammar]

brahmādayassurāssarve yanmāyāmohitāḥ prabho |
na jānanti parantattvaṃ manuṣyāṇāṃ ca kā kathā || 48 ||
[Analyze grammar]

sā sṛjatyakhilaṃ viśvaṃ saiva pālayatīti ca |
saiva saṃharate kāle triguṇā parameśvarī || 49 ||
[Analyze grammar]

yasyopari prasannā sā varadā kāmarūpiṇī |
sa eva mohamatyeti nānyathā nṛpasattama || 50 ||
[Analyze grammar]

rājovāca |
kā sā devī mahāmāyā yā ca mohayate'khilān |
kathaṃ jātā ca sā devī kṛpayā vada me mune || 51 ||
[Analyze grammar]

ṛṣiruvāca |
jagatyekārṇave jāte śeṣamāstīrya yogarāṭ |
yoganidrāmupāśritya yadā suṣvāpa keśavaḥ || 52 ||
[Analyze grammar]

tadā dvāvasurau jātau viṣṇau karṇamalena vai |
madhukaiṭabhanāmānau vikhyātau pṛthivītale || 53 ||
[Analyze grammar]

pralayārkaprabhau ghorau mahākāyau mahāhanū |
daṃṣdrākarālavadanau bhakṣayantau jaganti vā || 54 ||
[Analyze grammar]

tau dṛṣṭvā bhagavannābhipaṅkaje kamalāsanam |
hananāyodyatāvāstāṃ kastvaṃ bhoriti vādinau || 55 ||
[Analyze grammar]

samālokyaṃ tu tau daityau surajyeṣṭho janārdanam |
śayānaṃ ca payombhodhau tuṣṭāva parameśvarīm || 56 ||
[Analyze grammar]

brahmovāca |
rakṣarakṣa mahāmāye śaraṇāgatavatsale |
etābhyāṃ ghorarūpābhyāṃ daityābhyāṃ jagadambike || 57 ||
[Analyze grammar]

praṇamāmi mahāmāyāṃ yoganidrāmumāṃ satīm |
kālarātriṃ mahārātriṃ moharātriṃ parātparām || 58 ||
[Analyze grammar]

tridevajananīṃ nityāṃ bhaktābhīṣṭaphalapradām |
pālinīṃ sarvadevānāṃ karuṇāvaruṇālayam || 59 ||
[Analyze grammar]

tvatprabhāvādahaṃ brahmā mādhavo girijāpatiḥ |
sṛjatyavati saṃsāraṃ kāle saṃharatīti ca || 60 ||
[Analyze grammar]

tvaṃ svāhā tvaṃ svadhā tvaṃ hrīstvaṃ buddhirvimalā matā |
tuṣṭiḥ puṣṭistvamevāmba śāntiḥ kṣāntiḥ kṣudhā dayā || 61 ||
[Analyze grammar]

viṣṇu māyā tvamevāmba tvameva cetanā matā |
tvaṃ śaktiḥ paramā proktā lajjā tṛṣṇā tvameva ca || 62 ||
[Analyze grammar]

bhrāntistvaṃ smṛtirūpā tvaṃ mātṛrūpeṇa saṃsthitā |
tvaṃ lakṣmīrbhavane puṃsāṃ puṇyākṣarapravartinām || 63 ||
[Analyze grammar]

tvaṃ jātistvaṃ matā vṛttirvyāptirūpā tvameva hi |
tvameva cittirūpeṇa vyāpya kṛtsnaṃ pratiṣṭhitā || 64 ||
[Analyze grammar]

sā tvametau durādharṣāvasurau mohayāmbike |
prabodhaya jagadyone nārāyaṇamajaṃ vibhum || 65 ||
[Analyze grammar]

ṛṣiruvāca |
brahmaṇā prārthitā seyaṃ madhukaiṭabhanāśane |
mahāvidyājagaddhātrī sarvavidyādhidevatā || 66 ||
[Analyze grammar]

dvādaśyāṃ phālgunasyaiva śuklāyāṃ samabhūnnṛpa |
mahākālīti vikhyātā śaktistrailokyamohinī || 67 ||
[Analyze grammar]

tato'bhavadviyadvāṇī mā bhaiṣīḥ kamalāsana |
kaṇṭakaṃ nāśayāmyadya hatvājau madhukaiṭabhau || 68 ||
[Analyze grammar]

ityuktvā sā mahāmāyā netravaktrādito hareḥ |
nirgamya darśane tasthau brahmaṇo'vyaktajanmanaḥ || 69 ||
[Analyze grammar]

uttasthau ca hṛṣīkeśo devadevo janārdanaḥ |
sa dadarśa puro daityo madhukaiṭabhasaṃjñakau || 70 ||
[Analyze grammar]

tābhyāṃ pravavṛtte yuddhaṃ viṣṇoratulatejasaḥ |
pañcavarṣasahasrāṇi bāhuyuddhamabhūttadā || 71 ||
[Analyze grammar]

mahāmāyāprabhāveṇa mohito dānavottamau |
jajalpatū ramākāntaṃ gṛhāṇa varamīpsitam || 72 ||
[Analyze grammar]

nārāyaṇa uvāca |
mayi prasannau yadi vāṃ dīyatāmeṣa me varaḥ |
mama vadhyāvubhau nānyaṃ yuvābhyāṃ prārthaye varam || 73 ||
[Analyze grammar]

ṛthiruvāca |
ekārṇavāṃ mahīṃ dṛṣṭvā procatuḥ keśavaṃ vacaḥ |
āvāṃ jahi na yatrāsau dharaṇī payasā' 'plutā || 74 ||
[Analyze grammar]

tathāstu procya bhagavāṃścakramutthāpya sūjjvalam |
ciccheda śirasī kṛtvā svakīyajaghane tayoḥ || 75 ||
[Analyze grammar]

evante kathito rājankālikāyāssamudbhavaḥ |
mahālakṣmyāstathotpattiṃ niśāmaya mahāmate || 76 ||
[Analyze grammar]

nirvikārādi sākārā nirākārāpi devyumā |
devānāṃ tāpanāśārthaṃ prādurāsīdyugeyuge || 75 ||
[Analyze grammar]

yadicchāvaibhavaṃ sarvaṃ tasyā dehagrahaḥ smṛtaḥ |
līlayā sāpi bhaktānāṃ guṇavarṇanahetave || 78 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ madhukaiṭabhavadhe mahākālikāvatāravarṇanaṃ nāma paṃcacatvāriṃśo'dhyāyaḥ || 45 ||
[Analyze grammar]