Chapter 41

[English text for this chapter is available]

sanatkumāra uvāca |
sapta te tapatāṃ śreṣṭha svarge pitṛgaṇāssmṛtāḥ |
catvāro mūrttimaṃto vai trayaścaiva hyamūrtayaḥ || 1 ||
[Analyze grammar]

tānyajaṃte devagaṇā ādyā viprādayastathā |
āpyāyayaṃti te pūrvaṃ somaṃ yogabalena vai || 2 ||
[Analyze grammar]

tasmācchrāddhāni deyāni yogināṃ tu viśeṣataḥ |
sarveṣāṃ rājataṃ pātramatha vā rajatānvitam || 3 ||
[Analyze grammar]

dattaṃ svadhāṃ purodhāya śrāddhe prīṇāti vai pitṝn |
vahnerāpyāyanaṃ kṛtvā somasya tu yamasya vai || 4 ||
[Analyze grammar]

udagāyanamapyagnāvagnyabhāve'psu vā punaḥ |
pitṝnprīṇāti yo bhaktyā pitaraḥ prīṇayaṃti tam || 5 ||
[Analyze grammar]

yacchaṃti pitaraḥ puṣṭiṃ prajāśca vipulāstathā |
svargamārogyavṛddhiṃ ca yadanyadapi cepsitam || 6 ||
[Analyze grammar]

devakāryādapi mune pitṛkāryyaṃ viśiṣyate |
pitṛbhakto'si viprarṣe tena tvamajarāmaraḥ || 7 ||
[Analyze grammar]

na yogena gatissā tu pitṛbhaktasya yā mune |
pitṛbhaktirviśeṣeṇa tasmātkāryā mahāmune || 8 ||
[Analyze grammar]

mārkaṇḍeya uvāca |
evamuktvā''śu deveśo devānāmapi durlabham |
cakṣurdattvā savijñānaṃ jagāma yaugikīṃ gatim || 9 ||
[Analyze grammar]

śṛṇu bhīṣma purā bhūyo bhāradvājātmajā dvijāḥ |
yogadharmamanuprāpya bhraṣṭā duścaritena vai || 10 ||
[Analyze grammar]

vāgduṣṭaḥ krodhano hiṃsraḥ piśunaḥ kavireva ca |
svasṛṣaḥ pitṛvartī ca nāmabhiḥ karmabhistathā || 11 ||
[Analyze grammar]

kauśikasya sutāstāta śiṣyā gargasya cābhavan |
pitaryuparate sarve pravasaṃtastadābhavan || 12 ||
[Analyze grammar]

viniyogādgurostasya gāṃ dogdhrīṃ samakālayan |
samānavatsāṃ kapilāṃ sarve'nyāyāgatāstadā || 13 ||
[Analyze grammar]

teṣāṃ pathi kṣudhārtānāṃ bālyānmohācca bhārata |
krūrā buddhissamutpannā tāṃ gāṃ tai hiṃsituṃ tadā || 14 ||
[Analyze grammar]

tāṃ kavisasvasṛpaścaiva yācete naiti vai tadā |
na cāśakyāstu tābhyāṃ vā tadā vārayituṃ nijāḥ || 15 ||
[Analyze grammar]

pitṛvartī tu yasteṣāṃ nityaṃ śrāddhāhniko dvijaḥ |
sa sarvānabravītkopātpitṛbhaktisamanvitaḥ || 16 ||
[Analyze grammar]

yadyaśakyaṃ prakartavyaṃ pitṝnuddiśya sādhyatām |
prakurvaṃto hi śrāddhaṃ tu sarva eva samāhitāḥ || 17 ||
[Analyze grammar]

evameṣā ca gaurdharmaṃ prāpsyate nātra saṃśayaḥ |
pitṝnabhyarcya dharmeṇa nādharmo no bhaviṣyati || 18 ||
[Analyze grammar]

evamuktāśca te sarve prokṣayitvā ca gāṃ tadā |
pitṛbhyaḥ kalpayitvā tu hyupāyuṃjata bhārata || 19 ||
[Analyze grammar]

upayujya ca gāṃ sarve gurostasya nyavedayan |
śārdūlena hatā dhenurvatsā vai gṛhyatāmiti || 20 ||
[Analyze grammar]

ārtavatsa tu taṃ vatsaṃ pratijagrāha vai dvijaḥ |
mithyopacārataḥ pāpamabhūtteṣāṃ ca goghnatām || 21 ||
[Analyze grammar]

tataḥ kālena kiyatā kāladharmamupāgatāḥ |
te sapta bhrātarastāta babhūvussvāyuṣaḥkṣaye || 22 ||
[Analyze grammar]

te vai krūratayā haiṃstryātsvānāryyatvādgurostathā |
ugrahiṃsāvihārāśca jātāssapta sahodarāḥ || 23 ||
[Analyze grammar]

lubdhakasya sutāstāvadbalavaṃto manasvinaḥ |
jātā vyādhā daśārṇeṣu sapta dharmavicakṣaṇāḥ || 24 ||
[Analyze grammar]

svadharmaniratāssarve mṛgā mohavivarjitāḥ |
āsannudvegasaṃvignā ramye kālaṃjare girau || 25 ||
[Analyze grammar]

tamevārthamanudhyāya jñānaṃ maraṇasaṃbhavam |
āsanvanacarāḥ kṣāṃtā nirdvaṃdvā niṣparigrahāḥ || 26 ||
[Analyze grammar]

te sarve śubhakarmāṇassaddharmāṇo vanecarāḥ |
vidharmācaraṇairhīnā jātismaraṇasiddhayaḥ || 27 ||
[Analyze grammar]

pūrvajātiṣu yo dharmaḥ śruto gurukuleṣu vai |
tathaiva cāsthitā buddhau saṃsāre'pya nivartane || 28 ||
[Analyze grammar]

girimadhye jahuḥ prāṇāṃllabdhāhārāstapasvinaḥ |
teṣāṃ tu patitānāṃ ca yāni sthānāni bhārata || 29 ||
[Analyze grammar]

tathaivādyāpi dṛśyaṃte girau kālañjare nṛpa |
karmaṇā tena te jātāḥ śubhāśubhavivarjakāḥ || 30 ||
[Analyze grammar]

śubhā'śubhatarāṃ yoniṃ cakravākatvamāgatāḥ |
śubhe deśe śaradvīpe saptaivāsañjalaukasaḥ || 31 ||
[Analyze grammar]

tyaktvā sahacarīdharmaṃ munayo dharmadhāriṇaḥ |
nissaṃgā nirmamāśśāṃtā nirdvaṃdvā niṣparigrahāḥ || 32 ||
[Analyze grammar]

nivṛttinirvṛtāścaiva śakunā nāmataḥ smṛtāḥ |
te brahmacāriṇassarve śakunā dharmadhāriṇaḥ || 33 ||
[Analyze grammar]

jātismarāssusaṃvṛddhāssaptaiva brahmacāriṇaḥ |
sthitā ekatra saddharmā vikārarahitāssadā || 34 ||
[Analyze grammar]

viprayonau tu yanmohānmithyāpacaritaṃ gurau |
tiryyagyonau tathā janma śrāddhājjñānaṃ ca lebhire || 35 ||
[Analyze grammar]

tathā tu pitṛkāryyārthaṃ kṛtaṃ śrāddhaṃ vyavasthitaiḥ |
tadā jñānaṃ ca jātiṃ ca kramātprāptaṃ guṇottaram || 36 ||
[Analyze grammar]

pūrvajādiṣu yadbrahma śrutaṃ gurukuleṣu vai |
tathaiva saṃsthitajñānaṃ tasmājjñānaṃ samabhyaset || 37 ||
[Analyze grammar]

sumanāśca suvākchuddhaḥ pañcamaśchidradarśakaḥ |
svataṃtraśca suyajñaśca kulīnā nāmataḥ smṛtāḥ || 38 ||
[Analyze grammar]

teṣāṃ tatra vihaṃgānāṃ caratāṃ dharmacāriṇām |
suvṛttamabhavattatra tacchṛṇuṣva mahāmune || 39 ||
[Analyze grammar]

nīpānāmīśvaro rājā prabhāveṇa samanvitaḥ |
śrīmānantaḥpuravṛto vanaṃ tatrāviveśa ha || 40 ||
[Analyze grammar]

svataṃtraścakravākassaspṛhayāmāsa taṃ nṛpam |
dṛṣṭvā yāṃtaṃ sukhopetaṃ rājyaśobhāsamanvitam || 41 ||
[Analyze grammar]

yadyasti sukṛtaṃ kiṃcittapo vā niyamo'pi vā |
khinnohamupavāsena tapasā niścalena ca || 42 ||
[Analyze grammar]

tasya sarvasya pūrṇena phalenāpi kṛtena hi |
sarvasaubhāgyapātraśca bhaveyamahamīdṛśaḥ || 43 ||
[Analyze grammar]

mārkaṇḍeya uvāca |
tatastu cakravākau dvāvāsatussahacāriṇau |
āvāṃ vai sacivau syāva tava priyahitaiṣiṇau || 44 ||
[Analyze grammar]

tathetyuktvā tu tasyāsīttadā yogātmano gatiḥ |
evaṃ tau cakravākau ca svavākyaṃ pratyabhāṣatām || 45 ||
[Analyze grammar]

yasmātkarmabruvāṇasvaṃ yogadharmamavāpya tam |
evaṃ varaṃ prārthayase tasmādvākyaṃ nibodha me || 46 ||
[Analyze grammar]

rājā tvaṃ bhavitā tāta kāṃpilye nagarottame |
etau te sacivau syātāṃ vyabhicārapradharṣitau || 47 ||
[Analyze grammar]

na tānūcustrayo rājyaṃ caturassahacāriṇaḥ |
saprasādaṃ punaścakre tanmadhye sumanābravīt || 48 ||
[Analyze grammar]

aṃtarvo bhavitā śāpaḥ punaryogamavāpsyatha |
sarvasattvaḥ suyajñaśca svataṃtro'yaṃ bhaviṣyati || 49 ||
[Analyze grammar]

pitṛprasādādyuṣmābhissaṃprāptaṃ sukṛtaṃ bhavet |
gāṃ prokṣayitvā dharmeṇa pitṛbhyaścopakalpitāḥ || 50 ||
[Analyze grammar]

asmākaṃ jñānasaṃyogassarveṣāṃ yogasādhanam |
idaṃ ca kāryaṃ saṃrabdhaṃ ślokamekamudāhṛtam || 51 ||
[Analyze grammar]

puruṣāntaritaṃ śrutvā tato yogamavāpsyatha |
ityuktvā sa tu maunobhūdvihaṃgassumanā budhaḥ || 52 ||
[Analyze grammar]

mārkaṇḍeya uvāca |
lokānāṃ svastaye tāta śantanupravarātmaja |
ityuktaṃ taccaritraṃ me kiṃ bhūyaśśrotumicchasi || 53 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ pitṛsargavarṇanaṃ saptavyādhagati varṇanaṃnāmaikacatvāriṃśo'dhyāyaḥ || 41 ||
[Analyze grammar]