Chapter 40

[English text for this chapter is available]

vyāsa uvāca |
ityākarṇya śrāddhadevaḥ sūryānvayamanuttamam |
paryyapṛcchanmuniśreṣṭhaśśaunakassūtamādarāt || 1 ||
[Analyze grammar]

śaunaka uvāca |
sūtasūta ciraṃjīva vyāsaśiṣya namostu te |
śrāvitā paramā divyā kathā paramapāvanī || 2 ||
[Analyze grammar]

tvayā proktaḥ śrāddhadevassūryyaḥ sadvaṃśavarddhanaḥ |
saṃśayastatra me jātastaṃ bravīmi tvadagrataḥ || 3 ||
[Analyze grammar]

kuto vai śrāddhadevatvamādityasya vivasvataḥ |
śrotumicchāmi tatprītyā chiṃdhi me saṃśayaṃ tvimam || 4 ||
[Analyze grammar]

śrāddhasyāpi ca māhātmyaṃ tatphalaṃ ca vada prabho |
prītāśca pitaro yena śreyasā yojayaṃti tam || 5 ||
[Analyze grammar]

etacca śrotumicchāmi pitṝṇāṃ sargamuttamam |
kathaya tvaṃ viśeṣeṇa kṛpāṃ kuru mahāmate || 6 ||
[Analyze grammar]

sūta uvāca |
vacmi tatte'khilaṃ prītyā pitṛsargaṃ tu śaunaka |
mārkaṇḍeyena kathitaṃ bhīṣmāya paripṛcchate || 7 ||
[Analyze grammar]

gītaṃ sanatkumāreṇa mārkaṇḍeya dhīmate |
tatte'haṃ saṃpravakṣyāmi sarvakāmaphalapadam || 8 ||
[Analyze grammar]

yudhiṣṭhireṇa saṃpṛṣṭo bhīṣmo dharmabhṛtāṃ varaḥ |
śaraśayyāsthitaḥ proce tacchṛṇuṣva vadāmi te || 9 ||
[Analyze grammar]

yudhiṣṭhira uvāca |
puṣṭikāmena puṃsāṃ vai kathaṃ puṣṭiravāpyate |
etacchrotuṃ samicchāmi kiṃ kurvāṇo na sīdati || 10 ||
[Analyze grammar]

|| sūta uvāca |
yudhiṣṭhireṇa saṃpṛṣṭaṃ praśnaṃ śrutvā sa dharmavit |
bhīṣmaḥ provāca suprītyā sarveṣāṃ śṛṇvatāṃ vacaḥ || 11 ||
[Analyze grammar]

bhīṣma uvāca |
ye kurvaṃti narāśśrāddhānyapi prītyā yudhiṣṭhira |
śrāddhaiḥ prīṇāti tatsarvaṃ pitṝṇāṃ hi prasādataḥ || 12 ||
[Analyze grammar]

śrāddhāni caiva kurvanti phalakāmāssadā narā |
abhisaṃdhāya pitaraṃ pituśca pitaraṃ tathā || 13 ||
[Analyze grammar]

pituḥ pitāmahaścaiva triṣu piṃḍeṣu nityadā |
pitaro dharmakāmasya prajākāmasya ca prajām || 14 ||
[Analyze grammar]

puṣṭikāmasya puṣṭiṃ ca prayacchanti yudhiṣṭhira || 15 ||
[Analyze grammar]

yudhiṣṭhira uvāca |
vartaṃte pitaraḥ svarge keṣāṃcinnarake punaḥ |
prāṇināṃ niyataṃ cāpi karmajaṃ phalamucyate || 16 ||
[Analyze grammar]

tāni śrāddhāni dattāni kathaṃ gacchanti vai pitṝn |
kathaṃ śaktāstamāharttuṃ narakasthā phalaṃ punaḥ || 17 ||
[Analyze grammar]

devā api pitṝnsvarge yajaṃta iti me śrutam |
etadicchāmyahaṃ śrotuṃ vistareṇa bravīhi me || 18 ||
[Analyze grammar]

bhīṣma uvāca |
atra te kīrtayiṣyāmi yathā śrutamarindama |
pitrā mama purā gītaṃ lokāntaragatena vai || 19 ||
[Analyze grammar]

śrāddhakāle mama piturmayā piṃḍassamudyataḥ |
matpitā mama hastena bhittvā bhūmimayācata || 20 ||
[Analyze grammar]

naiṣa kalpavidhirdṛṣṭa iti niścitya cāpyaham |
kuśeṣveva tataḥ piṃḍaṃ dattavānavicārayan || 21 ||
[Analyze grammar]

tataḥ pitā me saṃtuṣṭo vācā madhurayā tadā |
uvāca bhārataśreṣṭha prīyamāṇo mayānagha || 22 ||
[Analyze grammar]

tvayā dāyādavānasmi dharmajñena vipaścitā |
tāritohaṃ tu jijñāsā kṛtā me puruṣottama || 23 ||
[Analyze grammar]

pramāṇaṃ yaddhi kurute dharmācāreṇa pārthivaḥ |
prajāstadanu vartaṃte pramāṇācaritaṃ sadā || 24 ||
[Analyze grammar]

śṛṇu tvaṃ bhārataśreṣṭha vedadharmāṃśca śāśvatān |
pramāṇaṃ vedadharmasya putra nirvarttitaṃ tvayā || 25 ||
[Analyze grammar]

tasmāttavāhaṃ suprītaḥ prītyā varamanuttamam |
dadāmi tvaṃ pratīkṣasva triṣu lokeṣu durlabham || 26 ||
[Analyze grammar]

na te prabhavitā mṛtyuryāvajjīvitumicchasi |
tvattobhyanujñāṃ saṃprāpya mṛtyuḥ prabhavitā punaḥ || 27 ||
[Analyze grammar]

kiṃ vā te prārthitaṃ bhūyo dadāmi varamuttamam |
tad brūhi bharataśreṣṭha yatte manasi vartate || 28 ||
[Analyze grammar]

ityuktavati tasmiṃstu abhivādya kṛtāñjaliḥ |
avocaṃ kṛtakṛtyo'haṃ prasanne tvayi mānada |
praśnaṃ pṛcchāmi vai kaṃcidvācyassa bhavatā svayam || 29 ||
[Analyze grammar]

sa māmuvāca tad brūhi yadīcchasi dadāmi te |
ityuktetha mayā tatra pṛṣṭaḥ provāca tannṛpaḥ || 30 ||
[Analyze grammar]

śaṃtanuruvāca |
śṛṇu tāta pravakṣyāmi praśnaṃ te'haṃ yathārthataḥ |
pitṛkalpaṃ ca nikhilaṃ mārkaṇḍeyena me śrutam || 31 ||
[Analyze grammar]

yattvaṃ pṛcchasi māṃ tāta tadevāhaṃ mahāmunim |
mārkaṇḍeyamapṛcchaṃ hi sa māṃ provāca dharmavit || 32 ||
[Analyze grammar]

mārkaṇḍeya uvāca |
śṛṇu rājanmayā dṛṣṭaṃ kadācitpaśyatā divam |
vimānaṃ mahādāyāṃtamantareṇa girestadā || 33 ||
[Analyze grammar]

tasminvimāne paryakṣaṃ jvalitāṃgāravarcasam |
mahātejaḥ prajvalaṃtaṃ nirviśeṣaṃ manoharam || 34 ||
[Analyze grammar]

apaśyaṃ caiva tatrāhaṃ śayānaṃ dīptatejasam |
aṃguṣṭhamātraṃ puruṣamagnāvagnimivāhitam || 35 ||
[Analyze grammar]

so'haṃ tasmai namaḥ kṛtvā praṇamya śirasā prabhum |
apṛcchaṃ caiva tamahaṃ vidyāmastvāṃ kathaṃ vibho || 36 ||
[Analyze grammar]

māmuvāca dharmātmā tena tadvidyate tapaḥ |
yena tvaṃ budhyase māṃ hi mune vai brahmaṇassutam || 37 ||
[Analyze grammar]

sanatkumāramiti māṃ viddhi kiṃ karavāṇi te |
ye tvanye brahmaṇaḥ putrāḥ kanīyāṃsastu te mama || 38 ||
[Analyze grammar]

bhrātarassapta durdharṣā yeṣāṃ vaṃśāḥ pratiṣṭhitāḥ |
vayaṃ tu yatidharmāṇassaṃyamyātmānamātmani || 39 ||
[Analyze grammar]

yathotpannastathaivāhaṃ kumāra iti viśrutaḥ |
tasmātsanatkumāraṃ me nāmaitatkathitaṃ mune || 40 ||
[Analyze grammar]

yadbhaktyā te tapaścīrṇaṃ mama darśanakāṃkṣayā |
eṣa dṛṣṭo'smi bhadraṃ te kaṃ kāmaṃ karavāṇi te || 41 ||
[Analyze grammar]

ityuktavantaṃ taṃ cāhaṃ prāvocaṃ tvaṃ śṛṇu prabho |
pitṝṇāmādisargaṃ ca kathayasva yathātatham || 42 ||
[Analyze grammar]

ityuktassa tu māṃ prāha śṛṇu sarvaṃ yathātatham |
vacmi te tattvatastāta pitṛsargaṃ śubhāvaham || 43 ||
[Analyze grammar]

sanatkumāra uvāca |
devānpurāsṛjadbrahmā māṃ yakṣadhvaṃ sa cāha tān |
tamutsṛjya tamātmānamayajaṃste phalārthinaḥ || 44 ||
[Analyze grammar]

te śaptā brahmaṇā mūḍhā naṣṭasaṃjñā bhaviṣyatha |
tasmātkiṃcidajānaṃto naṣṭasaṃjñāḥ pitāmaham || 45 ||
[Analyze grammar]

procustaṃ praṇatāssarve kuruṣvānugrahaṃ hi naḥ |
ityuktastānuvācedaṃ prāyaścittārthameva hi || 46 ||
[Analyze grammar]

putrānsvānparipṛcchadhvaṃ tato jñānamavāpsyatha |
ityuktā naṣṭasaṃjñāste putrānpapracchurojasā || 47 ||
[Analyze grammar]

prāyaścittārthamevādhilabdhasaṃjñā divaukasaḥ |
gamyatāṃ putrakā evaṃ putrairuktāśca te'nagha || 48 ||
[Analyze grammar]

abhiśaptāstu te devāḥ putrakāmena vedhasam |
papracchuruktāḥ putraiste gatāste putrakā iti || 49 ||
[Analyze grammar]

tatastānabravīddevo devānbrahmā sasaṃśayān |
śṛṇudhvaṃ nirjarāssarve yūyaṃ na brahmavādinaḥ || 50 ||
[Analyze grammar]

tasmādyaduktaṃ yuṣmākaṃ putraistairjñānisattamaiḥ |
maṃtavyaṃ saṃśayaṃ tyaktvā tathā na ca tadanyathā || 51 ||
[Analyze grammar]

devāśca pitaraścaiva yajadhvaṃ tridivaukasaḥ |
parasparaṃ mahāprītyā sarvakāmaphalapradā || 52 ||
[Analyze grammar]

sanatkumāra uvāca |
tataste chinnasaṃdehāḥ prītimaṃtaḥ parasparam |
babhūvurmuniśārdūla brahmavākyātsukhapradāḥ || 53 ||
[Analyze grammar]

tato devā hi procustānyaduktāḥ putrakā vayam |
tasmādbhavaṃtaḥ pitaro bhaviṣyatha na saṃśayaḥ || 54 ||
[Analyze grammar]

pitṛśrāddhe kriyāṃ kaścitkariṣyati na saṃśayaḥ |
śrāddhairāpyāyitassomo lokānāpyāyayiṣyati || 55 ||
[Analyze grammar]

samudraṃ parvatavanaṃ jaṃgamājaṃgamairvṛtam |
śrāddhāni puṣṭikāmaiśca ye kariṣyaṃti mānavāḥ || 56 ||
[Analyze grammar]

tebhyaḥ puṣṭipradāścaiva pitaraḥ prīṇitāssadā |
śrāddhe ye ca pradāsyaṃti trīnpiṃḍānnāmagotrataḥ || 57 ||
[Analyze grammar]

sarvatra vartamānāste pitaraḥ prapitāmahāḥ |
bhāvayiṣyaṃti satataṃ śrāddhadānena tarpitāḥ || 58 ||
[Analyze grammar]

iti tadvacanaṃ satyaṃ bhavatvatha divaukasaḥ |
putrāśca pitaraścaiva vayaṃ sarve parasparam || 59 ||
[Analyze grammar]

evaṃ te pitaro devā dharmataḥ putratāṃ gatāḥ |
anyonyaṃ pitaro vai te prathitāḥ kṣitimaṇḍale || 60 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ śrāddhakalpe pitṛprabhāvavarṇanaṃnāma catvāriṃśo'dhyāyaḥ || 40 ||
[Analyze grammar]