Chapter 39

[English text for this chapter is available]

śaunaka uvāca |
sagarasyātmajā vīrāḥ kathaṃ jātā mahābalāḥ |
vikrāṃtāḥ ṣaṣṭisāhasrā vidhanā kena vā vada || 1 ||
[Analyze grammar]

sūta uvāca |
dve patnyo sagarasyāstāṃ tapasā dagdhakilviṣe |
aurvastayorvaraṃ prādāttoṣito munisattamaḥ || 2 ||
[Analyze grammar]

ṣaṣṭiputrasahasrāṇi ekā vavre tarasvinām |
ekaṃ vaṃśakaraṃ tvekā yatheṣṭaṃ varaśālinī || 3 ||
[Analyze grammar]

tatraivāgatya tāṃ labdhvā putrāñśūrānbahūṃstadā |
sā caiva suṣuve tumbaṃ bījapūrvaṃ pṛthakkṛtam || 4 ||
[Analyze grammar]

te sarve hi svadhātrībhirvavṛdhuśca yathākramam |
ghṛtapūrṇeṣu kumbheṣu kumārāḥ prītivarddhanāḥ || 5 ||
[Analyze grammar]

kapilāgnipradagdhānāṃ teṣāṃ tatra mahātmanām |
ekaḥ paṃcajano nāma putro rājā babhūva ha || 6 ||
[Analyze grammar]

tataḥ paṃcajanasyāsīdaṃśumānnāma vīryavān |
dilīpastanayastasya putro yasya bhagīrathaḥ || 7 ||
[Analyze grammar]

yastu gaṃgā saricchreṣṭhāmavātārayataḥ prabhu |
samudramānayaccemāṃ duhitṛtvamakalpayat || 8 ||
[Analyze grammar]

bhagīrathasuto rājā śrutasenaḥ iti śrutaḥ |
nābhāgastu sutastasya putraḥ paramadhārmikaḥ || 9 ||
[Analyze grammar]

aṃbarīṣastu nābhāgissiṃdhudvīpastato'bhavat |
ayutājittu dāyādassiṃdhudvīpasya vīryavān || 10 ||
[Analyze grammar]

āyutājitsutastvāsīdṛtuparṇo mahāyaśāḥ |
divyākṣahṛdayajño'sau rājā nalasakho'bhavat || 11 ||
[Analyze grammar]

ṛtuparṇasutastvāsīdanuparṇo mahādyutiḥ |
tasya kalmāṣapādo vai nāmnā mitrasahastathā || 12 ||
[Analyze grammar]

kalmāṣapādasya sutassarvakarmeti viśrutaḥ |
anaraṇyastu putro'bhūdviśrutassarvaśarmaṇaḥ || 13 ||
[Analyze grammar]

anaraṇyasuto rājā vidvānmuṃḍidruho'bhavat |
niṣadhastasya tanayo ratiḥ khaṭvāṅga ityapi || 114 ||
[Analyze grammar]

yena svargādihāgatya muhūrtaṃ prāpya jīvitam |
trayo'pi saṃcitā lokā buddhyā satyena cānagha || 15 ||
[Analyze grammar]

dīrghabāhussutastasya raghustasyābhavatsutaḥ |
ajastasya tu putro'bhūttasmāddaśaratho'bhavat || 16 ||
[Analyze grammar]

rāmo daśarathājjajñe dharmātmā yo mahāyaśāḥ |
sa viṣṇvaṃśo mahāśaivaḥ paulastyo yena ghātitaḥ || 17 ||
[Analyze grammar]

taccaritaṃ ca bahudhā purāṇeṣu pravarṇitam |
rāmāyaṇe prasiddhaṃ hi nātaḥ proktaṃ tu vistarāt || 18 ||
[Analyze grammar]

rāmasya tanayo jajñe kuśa ityapi viśrutaḥ |
atithistu kuśājjajñe niṣadhastasya cātmajaḥ || 19 ||
[Analyze grammar]

niṣadhasya nalaḥ putro nabhāḥ putro nalasya tu |
nabhasaḥ puṃḍarīkaśca kṣemadhanvā tatasmṛtaḥ || 20 ||
[Analyze grammar]

kṣemadhanvasutastvāsīddevānīkaḥ pratāpavān |
āsīdahīnagurnāma devānīkātmajaḥ prabhuḥ || 21 ||
[Analyze grammar]

ahīnagostu dāyādassahasvānnāma vīryavān |
vīrasenātmajastasya yaścaikṣvākukulodbhavaḥ || 22 ||
[Analyze grammar]

vīrasenasya dāyādaḥ pāriyātro babhūva ha |
tato balākhyastanayassthalastasmādabhūtsutaḥ || 23 ||
[Analyze grammar]

arkāṃśasaṃbhavastasmātputro yakṣaḥ pratāpavān |
tatsutastvaguṇastvāsīttasmādvidhṛtirātmajaḥ || 24 ||
[Analyze grammar]

hiraṇyanābhastatputro yogācāryyo babhūva ha |
sa śiṣyo jaiminimunerhyātmavidyāviśāradaḥ || 25 ||
[Analyze grammar]

kauśilyo yājñavalkyotha yogamadhyātmyasaṃjñakam |
yato'dhyagānnṛpavarāddhṛdayagraṃthibhedanam || 26 ||
[Analyze grammar]

tatsuto puṣpanāmā hi dhruvasaṃjñastadātmajaḥ |
agnivarṇassutastasya śīghranāmā sutastataḥ || 27 ||
[Analyze grammar]

marunnāmā sutastasya yogasiddho babhūva ha |
asāvāste'dyāpi prabhuḥ kalāpagrāmasaṃjñake || 28 ||
[Analyze grammar]

tadvāsibhiśca munibhiḥ kaleraṃte sa eva hi |
punarbhāvayitā naṣṭaṃ sūryavaṃśaṃ viśeṣataḥ || 29 ||
[Analyze grammar]

pṛthuśrutaśca tatputrassaṃdhistasya sutaḥ smṛtaḥ |
amarṣaṇassutastasya marutvāṃstatsuto'bhavat || 30 ||
[Analyze grammar]

viśvasāhvassutastasya tatsuto' bhūtprasenajit |
takṣakastasya tanayastatsuto hi bṛhadbalaḥ || 31 ||
[Analyze grammar]

eta ikṣvākuvaṃśīyā atītāḥ saṃprakīrtitāḥ |
śṛṇu tānāgatānbhūtāṃstadvaṃśyāndharmavittamān || 32 ||
[Analyze grammar]

bṛhadbalasya tanayo bhavitā hi bṛhadraṇaḥ |
bṛhadraṇasutastasyorukriyo hi bhaviṣyati || 33 ||
[Analyze grammar]

vatsavṛddhassutastasya prativyomasutastataḥ |
bhānustattanayo bhāvī divāko vāhinīpatiḥ || 34 ||
[Analyze grammar]

sahadevassutastasya mahāvīro bhavi ṣyati |
tatsuto bṛhadaśvo hi bhānumāṃstatsuto balī || 35 ||
[Analyze grammar]

suto bhānumato bhāvī pratīkāśvaśca vīryavān |
supratīkassutastasya bhaviṣyati nṛpottamaḥ || 36 ||
[Analyze grammar]

marudevassutastasya sunakṣatro bhaviṣyati |
tatsutaḥ puṣkarastasyāṃtarikṣastatsuto dvijāḥ || 37 ||
[Analyze grammar]

sutapāstatsuto vīro mitracittasya cātmajaḥ |
bṛhadbhājassutastasya barhināmā tadātmajaḥ || 38 ||
[Analyze grammar]

kṛtaṃjayassutastasya tatsuto hi raṇaṃjayaḥ |
saṃjayastu mayastasya tasya śākyo hi cātmajaḥ || 39 ||
[Analyze grammar]

śuddhodastanayastasya lāṃgalastu tadātmajaḥ |
tasya prasenajitputrastatsutaḥ śūdrakāhvayaḥ || 40 ||
[Analyze grammar]

ruṇako bhavitā tasya surathastatsutaḥ smṛtaḥ |
sumitrastatsuto bhāvī vaṃśaniṣṭhāṃta eva hi || 41 ||
[Analyze grammar]

sumitrāṃtonvayo'yaṃ vai ikṣvākūṇāṃ bhaviṣyati |
rājñāṃ vaicitravīryyāṇāṃ dharmmiṣṭhānāṃ sukarmmaṇām || 42 ||
[Analyze grammar]

sumitraṃ prāpya rājānaṃ tadvaṃśaśśubhaḥ kalau |
saṃsthāṃ prāpsyati tadbrāhme varddhiṣyati punaḥ kṛte || 43 ||
[Analyze grammar]

etadvaivasvate vaṃśe rājāno bhūridakṣiṇāḥ |
ikṣvākuvaṃśaprabhavāḥ prādhānyena prakīrtitāḥ || 44 ||
[Analyze grammar]

puṇyeyaṃ paramā sṛṣṭirādityasya vivasvataḥ |
śrāddhadevasya devasya prajānāṃ puṣṭidasya ca || 45 ||
[Analyze grammar]

paṭhañchṛṇvannimāṃ sṛṣṭimādityasya ca mānavaḥ |
prajāvāneti sāyujyamiha bhuktvā sukhaṃ param || 46 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ vaivasvatavaṃśodbhavarājavarṇanaṃ nāmaikonacatvāriṃśo'dhyāyaḥ || 39 ||
[Analyze grammar]