Chapter 37

[English text for this chapter is available]

sūta uvāca |
pūrvatastu manorjajñe ikṣvākurghrāṇatassutaḥ |
tasya putraśataṃ tvāsīdikṣvākorbhūridakṣiṇam || 1 ||
[Analyze grammar]

teṣāṃ purastādabhavannāryyāvarte nṛpā dvijāḥ |
teṣāṃ vikukṣirjyeṣṭhastu so'yodhyāyāṃ nṛpo'bhavat || 2 ||
[Analyze grammar]

tatkarma śṛṇu tatprītyā yajjātaṃ vaṃśato vidheḥ |
śrāddhakarmmaṇi coddiṣṭo hyakṛte śrāddhakarmaṇi || 3 ||
[Analyze grammar]

bhakṣayitvā śaśaṃ śīghraṃ śaśādatvamato gataḥ |
ikṣvākuṇā parityaktaśśaśādo vanamāviśata || 4 ||
[Analyze grammar]

ikṣvākau saṃsthite rājā vasiṣṭhavacanādabhūt |
śakunipramukhāstasya putrāḥ pañcadaśa smṛtāḥ || 5 ||
[Analyze grammar]

uttarāpathadeśasya rakṣitāro mahīkṣitaḥ |
ayodhasya tu dāyādaḥ kakutstho nāma vīryyavān || 6 ||
[Analyze grammar]

arinābhaḥ kakutsthasya pṛthuretasya vai sutaḥ |
viṣṭarāśvaḥ pṛthoḥ putrastasmādiṃdraḥ prajāpatiḥ || 7 ||
[Analyze grammar]

iṃdrasya yuvanāśvastu śrāvastasya prajāpatiḥ |
jajñe śrāvastakaḥ prājñaḥ śrāvastī yena nirmitā |
śrāvastasya tu dāyādo bṛhadaśvo mahāyaśāḥ || 8 ||
[Analyze grammar]

yuvanāśvassutastasya kuvalāśvaśca tatsutaḥ |
sa hi dhuṃdhuvadhādbhūto dhuṃdhumāro nṛpottamaḥ || 9 ||
[Analyze grammar]

kuvalāśvasya putrāṇāṃ śatamuttamadhanvinām |
babhūvātra pitā rājye kuvalāśvaṃ nyayojayat || 10 ||
[Analyze grammar]

putrasaṃkrāmitaśrīko vanaṃ rājā samāviśat |
tamuttaṃko'tha rājarṣi prayāṃtaṃ pratyavārayat || 11 ||
[Analyze grammar]

uttaṃka uvāca |
bhavatā rakṣaṇaṃ kāryaṃ pṛthivyā dharmataḥ śṛṇu |
tvayā hi pṛthivī rājanrakṣyamāṇā mahātmanā || 12 ||
[Analyze grammar]

bhaviṣyati nirudvignā nāraṇyaṃ gaṃtumarhasi |
mamāśramasamīpe tu himeṣu marudhanvasu || 13 ||
[Analyze grammar]

samudravālukāpūrṇo dānavo baladarpitaḥ |
devatānāmavadhyo hi mahākāyo mahābalaḥ || 14 ||
[Analyze grammar]

aṃtarbhūbhigatastatra vālukāṃtarhitaḥ sthitaḥ |
rākṣasasya madhoḥ putro dhuṃdhunāmā sudāruṇaḥ || 15 ||
[Analyze grammar]

śete lokavināśāya tapa āsthāya dāruṇam |
saṃvatsarasya paryante sa niśvāsaṃ vimuṃcati || 16 ||
[Analyze grammar]

yadā tadā bhūścalati saśailavanakānanā |
savisphuliṃgaṃ sāṃgāraṃ sadhūmamapi vāruṇam || 17 ||
[Analyze grammar]

tena rāyanna śaknomi tasmiṃssthātuṃ sva āśrame |
taṃ vāraya mahābāho lokānāṃ hitakāmyayā || 18 ||
[Analyze grammar]

lokāssvasthā bhavaṃtvadya tasminvinihate tvayā |
tvaṃ hi tasya vadhāyaiva samarthaḥ pṛthavīpate || 19 ||
[Analyze grammar]

viṣṇunā ca varo datto mahānpūrva yuge'nagha |
tejasā svena te viṣṇusteja āpyāyayiṣyati || 20 ||
[Analyze grammar]

pālane hi mahādharmaḥ prajānāmiha dṛśyate |
na tathā dṛśyate'raṇye mā te'bhūdbuddhirīdṛśī || 21 ||
[Analyze grammar]

īdṛśo nahi rājendra kvaciddharmaḥ pravidyate |
prajānāṃ pālane yādṛk purā rājarṣibhiḥ kṛtaḥ || 22 ||
[Analyze grammar]

sa evamukto rājarṣiruttaṃkena mahātmanā |
kuvalāśvaḥ sutaṃ prādāttasmai dhundhunivāraṇe || 23 ||
[Analyze grammar]

bhagavannyastaśastrohamayaṃ tu tanayo mama |
bhaviṣyati dvijaśreṣṭha dhundhumāro na saṃśayaḥ || 24 ||
[Analyze grammar]

ityuktvā putramādiśya yayau sa tapase nṛpaḥ |
kuvalāśvaśca sottaṅko yayau dhundhuvinigrahe || 25 ||
[Analyze grammar]

tamāviśattadā viṣṇurbhagavāṃstejasā prabhuḥ |
uttaṃkasya niyogādvai lokānāṃ hitakāmyayā || 26 ||
[Analyze grammar]

tasminprayāte durddharṣe divi śabdo mahānabhūt |
eṣa śrīmānnṛpasuto dhundhumāro bhaviṣyati || 27 ||
[Analyze grammar]

divyairmālyaiśca taṃ devāssamaṃtātsamavārayan |
praśaṃsāṃ cakrire tasya jaya jīveti vādinaḥ || 28 ||
[Analyze grammar]

sa gatvā jayatāṃ śreṣṭhastanayaissaha pārthivaḥ |
samudraṃ khanayāmāsa vālukārṇavamadhyataḥ || 29 ||
[Analyze grammar]

nārāyaṇasya viprarṣestejasāpyāyitastu saḥ |
babhūva sumahātejā bhūyo balasamanvitaḥ || 30 ||
[Analyze grammar]

tasya putraiḥ khanadbhistu vālukāṃtargatastu saḥ |
dhundhurāsādito brahmandiśamāśritya paści mām || 31 ||
[Analyze grammar]

mukhajenāgninā krodhāllokānsaṃvartayanniva |
vāri susrāva vegena vidhoḥ kadhirivodaye || 32 ||
[Analyze grammar]

tato'nalairabhihataṃ dagdhaṃ putraśataṃ hi tat |
traya evāvaśiṣṭāśca teṣu madhye munīśvara || 33 ||
[Analyze grammar]

tatassa rājā viprendra rākṣasaṃ taṃ mahābalam |
āsasāda mahātejā dhundhuṃ vipravināśanam || 34 ||
[Analyze grammar]

tasya vārimayaṃ vegamāpīya sa narādhipaḥ |
vahnibāṇena vahniṃ tu śamayāmāsa vāriṇā || 35 ||
[Analyze grammar]

taṃ nihatya mahākāyaṃ balenodakarākṣasam |
uttaṃkasyekṣayāmāsa kṛtaṃ karma narādhipaḥ || 36 ||
[Analyze grammar]

uttaṃkastu varaṃ prādāttasmai rājñe mahāmune |
adadaccākṣayaṃ vittaṃ śatrubhiścāparājayam || 37 ||
[Analyze grammar]

dharme matiṃ ca satataṃ svarge vāsaṃ tathākṣayam |
putrāṇāṃ cākṣayaṃ lokaṃ rakṣasā ye tu saṃhatāḥ || 38 ||
[Analyze grammar]

tasya putrāstrayaśśiṣṭāḥ dṛḍhāśvaḥ śreṣṭha ucyate |
haṃsāśvakapilāśvau ca kumārau tatkanīyasau || 39 ||
[Analyze grammar]

dhauṃdhumārirdṛḍhāśvo yo haryyaśvastasya cātmajaḥ |
haryaśvasya nikuṃbhobhūtputro dharmaratassadā || 40 ||
[Analyze grammar]

saṃhatāśvo nikuṃbhasya putro raṇaviśāradaḥ |
akṣāśvaśca kṛtāśvaśca saṃhatāśvasuto'bhavata || 41 ||
[Analyze grammar]

tasya haimavatī kanyā satāṃ mānyā vṛṣadvatī |
vikhyātā triṣu lokeṣu putrastasyāḥ prasenajit || 42 ||
[Analyze grammar]

lebhe prasenajidbhāryāṃ gaurīṃ nāma pativratām |
abhiśaptā tu sā bhartrā nadī sā bāhudā kṛtā || 43 ||
[Analyze grammar]

tasya putro mahānāsīdyuvanāśvo mahīpatiḥ |
māṃdhātā yuvanāśvasya triṣu lokeṣu viśrutaḥ || 44 ||
[Analyze grammar]

tasya caitrarathī bhāryā śaśabiṃdusutā 'bhavat |
pativratā ca jyeṣṭhā ca bhrātṝṇāmayutaṃ ca saḥ || 45 ||
[Analyze grammar]

tasyāmutpādayāmāsa māndhātā dvau sutau tadā |
purukutsaṃ ca dharmajñaṃ mucukuṃdaṃ ca dhārmikam || 46 ||
[Analyze grammar]

purukutsasutastvāsīdvidvāṃstrayyāruṇiḥ kaviḥ |
tasya satyavrato nāma kumāro'bhūnmahābalī || 47 ||
[Analyze grammar]

pāṇigrahaṇamaṃtrāṇāṃ vighraṃ cakre mahātmabhiḥ |
yena bhāryyā hṛtā pūrvaṃ kṛtodvāhaḥ parasya vai || 48 ||
[Analyze grammar]

balātkāmācca mohācca saṃharṣācca yadotkaṭāt |
jahāra kanyāṃ kāmācca kasyacitpuravāsinaḥ || 49 ||
[Analyze grammar]

adharmasaṃginaṃ taṃ tu rājā trayyāruṇistyajan |
apadhvaṃseti bahuśo'vadatkrodhasamanvitaḥ || 50 ||
[Analyze grammar]

pitaraṃ so'bravīnmuktaḥ kva gacchāmīti vai tadā |
vasa śvapākanikaṭe rājā prāheti taṃ tadā || 51 ||
[Analyze grammar]

sa hi satyavratastena śvapākavasathāṃtike |
pitrā tyakto'vasadvīro dharmapālena bhūbhujā || 52 ||
[Analyze grammar]

tatastrayyāruṇī rājā viraktaḥ putrakarmaṇā |
sa śaṃkaratapaḥ karttuṃ sarvaṃ tyaktvā vanaṃ yayau || 53 ||
[Analyze grammar]

tatastasya sva viṣaye nāvarṣatpākaśāsanaḥ |
samā dvādaśa viprarṣe tenādharmeṇa vai tadā || 54 ||
[Analyze grammar]

dārāṃ tasya tu viṣaye viśvāmitro mahātapāḥ |
saṃtyajya sāgarānūpe cacāra vipulaṃ tapaḥ || 55 ||
[Analyze grammar]

tasya patnī gale baddhvā madhyamaṃ putramaurasam |
śeṣasya bharaṇārthāya vyakrīṇādgośatena ca || 56 ||
[Analyze grammar]

tāṃ tu dṛṣṭvā gale baddhaṃ vikrīṇaṃtī svamātmajam |
maharṣiputraṃ dharmmātmā mocayāmāsa taṃ tadā || 57 ||
[Analyze grammar]

satyavrato mahābāhurbharaṇaṃ tasya cākarot |
viśvāmitrasya tuṣṭyarthamanukrośārthameva ca || 578 ||
[Analyze grammar]

tadārabhya sa putrastu viśvāmitrasya vai muneḥ |
abhavadgālavo nāma galabaṃdhānmahātapāḥ || 59 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ manuvaṃśavarṇanaṃnāma saptatriṃśo'dhyāyaḥ || 37 ||
[Analyze grammar]