Chapter 28

[English text for this chapter is available]

devyuvāca |
devadeva mahādeva kathitaṃ kālavaṃcanam |
śabdabrahmasvarūpaṃ ca yogalakṣaṇamuttamam || 1 ||
[Analyze grammar]

kathitaṃ te samāsenacchāyikaṃ jñānamuttamam |
vistareṇa samākhyāhi yogināṃ hitakāmyayā || 2 ||
[Analyze grammar]

|| śaṃkara uvāca |
śṛṇu devi pravakṣyāmicchāyāpuruṣalakṣaṇam |
yajjñātvā puruṣaḥ samyaksarvapāpaiḥ pramucyate || 3 ||
[Analyze grammar]

sūryyaṃ hi pṛṣṭhataḥ kṛtvā somaṃ vā varavarṇini |
śuklāmbaradharassragvī gaṃdhadhūpādivāsitaḥ || 4 ||
[Analyze grammar]

saṃsmarenme mahāmaṃtraṃ sarvakāmaphalapradam |
navātmakaṃ piṃḍabhūtaṃ svāṃ chāyāṃ saṃnirīkṣayet || 5 ||
[Analyze grammar]

dṛṣṭvā tāṃ punarākāśe śvetavarṇasvarūpiṇīm |
sa paśyatyekabhāvastu śivaṃ paramakāraṇam || 6 ||
[Analyze grammar]

brahmaprāptirbhavettasya kālavidbhiritīritam |
brahmahatyādikaiḥ pāpairmucyate nātra saṃśayaḥ || 7 ||
[Analyze grammar]

śirohīnaṃ yadā paśyetṣaḍbhirmāsairbhavetkṣayaḥ |
samastaṃ vāṅmayaṃ tasya yoginastu yathā tathā || 8 ||
[Analyze grammar]

śukle dharmaṃ vijānīyātkṛṣṇe pāpaṃ vinirdiśet |
rakte baṃdhaṃ vijānīyātpīte vidviṣamādiśet || 9 ||
[Analyze grammar]

vivāho baṃdhunāśassyāddvituṃḍe caiva kṣudbhayam |
vikaṭau naśyate bhāryyā vijaṃghe dhanameva hi || 10 ||
[Analyze grammar]

pādābhāve videśassyādityetatkathitaṃ mayā |
tadvicāryyaṃ prayattnena puruṣeṇa maheśvari || 11 ||
[Analyze grammar]

samyaktaṃ puruṣaṃ dṛṣṭvā saṃniveśyātmanātmani |
japennavātmakaṃ maṃtraṃ hṛdayaṃ me maheśvari || 12 ||
[Analyze grammar]

vatsare vigate maṃtrī tannāsti yanna sādhayet |
aṇimādiguṇānaṣṭau khecaratvaṃ prapadyate || 13 ||
[Analyze grammar]

punaranyatpravakṣyāmi śaktiṃ jñātuṃ durāsadām |
pratyakṣaṃ dṛśyate loke jñānināmagrataḥ sthitam || 14 ||
[Analyze grammar]

ajñeyā likhyate loke yā sarpīkṛtakuṇḍalī |
sā mātrā yānasaṃsthāpi dṛśyate na ca paṭhyate || 15 ||
[Analyze grammar]

brahmāṇḍamūrdhnigā yā ca stutā vedaistu nityaśaḥ |
jananī sarvavidyānāṃ guptavidyeti gīyate || 16 ||
[Analyze grammar]

khecarā sā vinirdiṣṭā sarvaprāṇiṣu saṃsthitā |
dṛśyādṛśyācalā nityā vyaktāvyaktā sanātanī || 17 ||
[Analyze grammar]

avarṇā varṇasaṃyuktā procyate biṃdumālinī |
tāṃ paśyansarvadā yogī kṛtakṛtyo'bhijāyate || 18 ||
[Analyze grammar]

sarvatīrthakṛtasnānādbhaveddānasya yatphalam |
sarvayajñaphalaṃ yacca mālinyā darśanāttadā || 19 ||
[Analyze grammar]

prāpnotyatra na saṃdehassatyaṃ vai kathitaṃ mayā |
sarvatīrtheṣu yatsnātvā dattvā dānāni sarvaśaḥ || 20 ||
[Analyze grammar]

sarveṣāṃ devi yajñānāṃ yatphalaṃ tallabhetpumān |
kiṃ bahūktyā maheśāni sarvānkāmānsamaśnute || 21 ||
[Analyze grammar]

tasmājjñānaṃ yathāyogamabhyasetsatataṃ budhaḥ |
abhyāsājjāyate siddhiryogo'bhyāsātpravardhate || 22 ||
[Analyze grammar]

saṃvittirlabhyate'bhyāsādabhyāsānmokṣamaśnute |
abhyāsassatataṃ kāryo dhīmatā mokṣakāraṇam || 23 ||
[Analyze grammar]

ityetatkathitaṃ devi bhuktimuktiphalapradam |
kimanyatpṛcchyate tattvaṃ vada satyaṃ bravīmi te || 24 ||
[Analyze grammar]

sūta uvāca |
iti śrutvā brahmaputravacanaṃ paramārthadam |
prasanno'bhūdati vyāsaḥ pārāśaryyo munīśvarāḥ || 25 ||
[Analyze grammar]

sanatkumāraṃ sarvajñaṃ brahmaputraṃ kṛpānidhim |
vyāsaḥ paramasaṃtuṣṭaḥ praṇanāma muhurmuhuḥṣa || 26 ||
[Analyze grammar]

tatastuṣṭāva taṃ vyāsaḥ kāleyassa munīśvaraḥ |
sanatkumāraṃ munayaḥ suravijñānasāgaram || 27 ||
[Analyze grammar]

vyāsa uvāca |
kṛtārtho'haṃ muniśreṣṭha brahmatvaṃ me tvayā kṛtam |
namaste'stu namaste'tu dhanyastvaṃ brahmavittamaḥ || 28 ||
[Analyze grammar]

sūta uvāca |
iti stutvā sa kāleyo brahmaputraṃ mahāmunim |
tūṣṇīṃ babhūva suprītaḥ paramānaṃdanirbharaḥ || 29 ||
[Analyze grammar]

brahmaputrastamāmaṃtrya pūjitastena śaunakaḥ |
yayau svadhāma suprīto vyāso'pi prītamānasaḥ || 30 ||
[Analyze grammar]

iti me varṇito viprāḥ sukhadaḥ paramārthayuk |
sanatkumārakāleyasaṃvādo jñānavarddhanaḥ || 31 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ chāyāpuruṣadarśanavarṇanaṃ nāmāṣṭāviṃśo'dhyāyaḥ || 28 ||
[Analyze grammar]