Chapter 27

[English text for this chapter is available]

devyuvāca |
vāyostu padamāpnoti yogākāśasamudbhavam |
tanme sarvaṃ samācakṣva prasannastvaṃ yadi prabho || 1 ||
[Analyze grammar]

|| śaṃkara uvāca |
purā me sarvamākhyātaṃ yogināṃ hitakāmyayā |
kālaṃ jigāya yassamyagvāyorliṃgaṃ yathā bhavet || 2 ||
[Analyze grammar]

tena jñātvā dinaṃ yogī prāṇāyāmaparaḥ sthitaḥ |
sa jayatyāgataṃ kālaṃ māsārddhenaiva suṃdari || 3 ||
[Analyze grammar]

hṛtstho vāyussadā vahnerdīpakasso'nupāvakaḥ |
sa bāhyābhyaṃtaro vyāpī vāyussarvagato mahān || 4 ||
[Analyze grammar]

jñānavijñānamutsāhaḥ sarvaṃ vāyoḥ pravartate |
yeneha nirjito vāyustena sarvamidaṃ jagat || 5 ||
[Analyze grammar]

dhāraṇāyāṃ sadā tiṣṭhejjarāmṛtyujighāṃsayā |
yogī yogarataḥ samyagdhāraṇādhyānatatparaḥ || 6 ||
[Analyze grammar]

lohakāro yathā bhastrāmāpūryya mukhato mune |
sādhayedvāyunā karma tadvadyogī samabhyaset || 7 ||
[Analyze grammar]

devassahasrake netrapādahastasahasrakaḥ |
graṃthīnhi sarvamāvṛtya so'gre tiṣṭheddaśāṃgulam || 8 ||
[Analyze grammar]

gāyatrīṃ śirasā sārddhaṃ japedvyāhṛtipūrvikām |
trivāramāyataprāṇāḥ prāṇāyāmassa ucyate || 9 ||
[Analyze grammar]

gatāgatā nivartaṃte candrasūryādayo grahāḥ |
adyāpi na nivartaṃte yogadhyānaparāyaṇāḥ || 10 ||
[Analyze grammar]

śatamabdaṃ tapastaptvā kuśāgrāpaḥ pibeddvijaḥ |
tadāpnoti phalaṃ devi viprāṇāṃ dhāraṇaikayā || 11 ||
[Analyze grammar]

yo dvijaḥ kalyamutthāya prāṇāyāmaikamācaret |
sarvaṃ pāpaṃ nihaṃtyāśu brahmalokaṃ sa gacchati || 12 ||
[Analyze grammar]

yo'taṃdritassadaikāṃte praṇāyāmaparo bhavet |
jarāṃ mṛtyuṃ vinirjitya vāyugaḥ khecarīti saḥ || 13 ||
[Analyze grammar]

siddhasya bhajate rūpaṃ kāṃtiṃ medhāṃ parākramam |
śauryaṃ vāyusamo gatyā saukhyaṃ ślāghyaṃ paraṃ sukham || 14 ||
[Analyze grammar]

etatkathitamaśeṣaṃ vāyossiddhiṃ yadāpnute yogī |
yattejaso'pi labhate tatte vakṣyāmi deveśi || 15 ||
[Analyze grammar]

sthitvā sukhāsane sve śete janavacanahīne tu |
śaśiraviyutayā tejaḥ prakāśayanmadhyame deśe || 16 ||
[Analyze grammar]

vahnigataṃ bhrūmadhye prakāśate yastvataṃdrito yogī |
dīpahīnadhvāṃta paśyennyūnamasaṃśayaṃ loke || 17 ||
[Analyze grammar]

netre karaśākhābhiḥ kiṃcitsaṃpīḍya yatnato yogī |
tāraṃ paśyandhyāyenmuhūrtamarddhaṃ tamekabhāvo'pi || 18 ||
[Analyze grammar]

tatastu tamasi dhyāyanpaśyate jyotiraiśvaram |
śvetaṃ raktaṃ tathā pītaṃ kṛṣṇamindradhanuṣprabham || 19 ||
[Analyze grammar]

bhuvormadhye lalāṭasthaṃ bālārkasamatejasam |
taṃ viditvā tu kāmāṃgī krīḍate kāmarūpadhṛk || 20 ||
[Analyze grammar]

kāraṇapraśamāveśaṃ parakāyapraveśanam |
aṇimādiguṇāvāptirmanasā cāvalokanam || 21 ||
[Analyze grammar]

dūraśravaṇa vijñānamadṛśyaṃ bahurūpadhṛk |
satatābhyāsayogena khecaratvaṃ prajāyate || 22 ||
[Analyze grammar]

śrutādhyayanasaṃpannā nānāśāstraviśāradāḥ |
jñānino'pi vimuhyaṃte pūrvakarmavaśānugāḥ || 23 ||
[Analyze grammar]

paśyaṃto'pi na paśyaṃti śṛṇvānā badhirā yathā |
yathāṃdhā mānuṣā loke mūḍhāḥ pāpavimohitāḥ || 24 ||
[Analyze grammar]

vedāhametaṃ puruṣaṃ mahāṃtamādityavarṇaṃ tamasaḥ parastāt |
tameva viditvātimṛtyumeti nānyaḥ paṃthā vidyate prāyaṇāyaḥ || 25 ||
[Analyze grammar]

eṣa te kathitaḥ samyaktejaso vidhiruttamaḥ |
kālaṃ jitvā yathā yogī cāmaratvaṃ prapadyate || 26 ||
[Analyze grammar]

punaḥ parataraṃ vakṣye yathā mṛtyurna jāyate |
sāvadhānatayā devi śṛṇuṣvaikāgramānasā || 27 ||
[Analyze grammar]

turīyā devi bhūtānāṃ yogināṃ dhyānināṃ tathā |
sukhāsane yathāsthānaṃ yogī niyatamānasaḥ || 28 ||
[Analyze grammar]

samunnataśarīro'pi sa baddhvā karasaṃpuṭam |
cañcvākāreṇa vaktreṇa pibanvāyuṃ śanaiśśanaiḥ || 29 ||
[Analyze grammar]

prasravaṃti kṣaṇādāpastālusthā jīvadāyikāḥ |
tā jighredvāyunādāyāmṛtaṃ tacchītalaṃ jalam || 38 ||
[Analyze grammar]

pibannanudinaṃ yogī na mṛtyuvaśago bhavet |
divyakāyo mahātejāḥ pipāsā kṣudvivarjitaḥ || 31 ||
[Analyze grammar]

balena nāgasturago javena dṛṣṭyā suparṇassuśrutistu dūrāt |
ākuṃcitākuṃḍalikṛṣṇakeśo gaṃdharvavidyādharatulyavarṇaḥ || 32 ||
[Analyze grammar]

jīvennaro varṣaśataṃ surāṇāṃ sumedhasā vākpatinā samatvam |
evaṃ caran khecaratāṃ prayāti yatheṣṭacārī sukhitassadaiva || 33 ||
[Analyze grammar]

punaranyatpravakṣṇami vidhānaṃ yatsurairapi |
gopitaṃ tu prayatnena tacchṛṇuṣva varānane || 34 ||
[Analyze grammar]

samākuṃcyābhyasedyogī rasanāṃ tālukaṃ prati |
kiṃcitkālāṃtareṇaiva kramātprāpnoti laṃbikām || 35 ||
[Analyze grammar]

tataḥ prasravate sā tu saṃspṛṣṭā śītalāṃ sudhām |
pibanneva sadā yogī so'maratvaṃ hi gacchati || 36 ||
[Analyze grammar]

rephāgraṃ laṃbakāgraṃ karatalaghaṭanaṃ śubhrapadmasya bindostenākṛṣṭā sudheyaṃ patati parapade devatānaṃdakārī |
sāraṃ saṃsāratāraṃ kṛtakaluṣataraṃ kālatāraṃ satāraṃ yenedaṃ plāvitāṃgaṃ sa bhavati na mṛtaḥ kṣutpipāsāvihīnaḥ || 37 ||
[Analyze grammar]

ebhiryuktā caturbhiḥ kṣitidharatanaye yogibhirvai dharaiṣā dhairyyānnityaṃ kuto'ntaṃ sakalamapi jagadyatsukhaprāpaṇāya |
svapne dehī vidhatte sakalamapi sadā mānayanyacca duḥkhaṃ svarge hyevaṃ dharitryāḥ prabhavati ca tato vā sa kiñciccaturṇām || 38 ||
[Analyze grammar]

tasmānmaṃtraistapobhirvrataniyamayutairauṣadhairyogayuktā dhātrī raktā manuṣyairnayavinayayutairdharmavidbhiḥ krameṇa |
bhūtānāmādi devo na hi bhavati calaḥ saṃyuto vai caturṇāṃ tasmādevaṃ pravakṣye vidhimanugaditaṃ chāyikaṃ yacchivākhyam || 39 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ kālavaṃcanaśivaprāptivarṇanaṃ nāma saptaviṃśo'dhyāyaḥ || 27 ||
[Analyze grammar]