Chapter 16

[English text for this chapter is available]

sanatkumāra uvāca |
teṣāṃ mūrddhopariṣṭādvai narakāṃstāñchṛṇuṣva ca |
matto munivaraśreṣṭha pacyaṃte yatra pāpinaḥ || 1 ||
[Analyze grammar]

rauravaśśūkaro rodhastālo vivasanastathā |
mahājvālastaptakuṃbho lavaṇopi vilohitaḥ || 2 ||
[Analyze grammar]

vaitaraṇī pūyavahā kṛmiṇaḥ kṛmibhojanaḥ |
asipatravanaṃ ghoraṃ lālābhakṣaśca dāruṇaḥ || 3 ||
[Analyze grammar]

tathā pūyavahaḥ prāyo bahirjvālo hyadhaśśirāḥ |
saṃdaṃśaḥ kālasūtraśca tamaścāvīciro dhanaḥ || 4 ||
[Analyze grammar]

śvabhojano'tha ruṣṭaśca mahārauravaśālmalī |
ityādyā bahavastatra narakā duḥkhadāyakāḥ || 5 ||
[Analyze grammar]

pacyaṃte teṣu puruṣāḥ pāpakarmaratāstu ye |
kramādvakṣye tu tān vyāsa sāvadhānatayā śṛṇu || 6 ||
[Analyze grammar]

kūṭasākṣyaṃ tu yo vakti vinā viprān surāṃśca gāḥ |
sadā'nṛtaṃ vadedyastu sa naro yāti rauravam || 7 ||
[Analyze grammar]

bhrūṇahā svarṇahartā ca gorodhī viśvaghātakaḥ |
surāpo brahmahaṃtā ca paradravyāpahārakaḥ || 8 ||
[Analyze grammar]

yastatsaṃgī sa vai yāti mṛto vyāsa gurorvadhāt |
tataḥ kuṃbhe svasurmāturgoścaiva duhitustathā || 9 ||
[Analyze grammar]

sādhvyā vikrayakṛccātha vārddhakī keśavikrayī |
taptaloheṣu pacyaṃte yaśca bhaktaṃ parityajet || 10 ||
[Analyze grammar]

avamaṃtā gurūṇāṃ yaḥ paścādbhoktā narādhamaḥ |
devadūṣayitā caiva devavikrayikaśca yaḥ || 11 ||
[Analyze grammar]

agamyagāmī yaścāṃte yāti saptabalaṃ dvija |
cauro goghno hi patito maryādādūṣakastathā || 12 ||
[Analyze grammar]

devadvijapitṛdveṣṭā ratnadūṣayitā ca yaḥ |
sa yāti kṛmibhakṣaṃ vai kṛmīnatti duriṣṭakṛt || 13 ||
[Analyze grammar]

pitṛdevasurān yastu paryaśnāti narādhamaḥ |
lālābhakṣaṃ sa yātyajño yaśśastrakūṭakṛnnaraḥ || 14 ||
[Analyze grammar]

yaścāṃtyajena saṃsevyo hyasadgrāhī tu yo dvijaḥ |
ayājyayājakaścaiva tathaivābhakṣya bhakṣakaḥ || 15 ||
[Analyze grammar]

rudhiraughe pataṃtyete somavikrayiṇaśca ye |
madhuhā grāmahā yāti krūrāṃ vaitaraṇīṃ nadīm || 16 ||
[Analyze grammar]

navayauvanamattāśca maryādābhedinaśca ye |
te kṛtyaṃ yāṃtyaśaucāśca kulakājīvinaśca ye || 17 ||
[Analyze grammar]

asipatravanaṃ yāti vṛkṣacchedī vṛthaiva yaḥ |
kṣurabhrakā mṛgavyādhā vahnijvāle pataṃti te || 18 ||
[Analyze grammar]

bhraṣṭācāro hi yo vipraḥ kṣatriyo vaiśya eva ca |
yātyaṃte dvija tatraiva yaḥ śvapākeṣu vahnidaḥ || 19 ||
[Analyze grammar]

vratasya lopakā ye ca svāśramādvicyutāśca ye |
saṃdaṃśayātanāmadhye pataṃti bhṛśadāruṇe || 20 ||
[Analyze grammar]

vīryaṃ svapneṣu skaṃdeyurye narā brahmacāriṇaḥ |
putrā nādhyāpitā yaiśca te pataṃti śvabhojane || 21 ||
[Analyze grammar]

ete cānye ca narakāḥ śataśo'tha sahasraśaḥ |
yeṣu duṣkṛtakarmāṇaḥ pacyate yātanāgatāḥ || 22 ||
[Analyze grammar]

tathaiva pāpānyetāni tathānyāni sahasraśaḥ |
bhujyaṃte yāni puruṣairnarakāṃtaragocaraiḥ || 23 ||
[Analyze grammar]

varṇāśramaviruddhaṃ ca karma kurvaṃti ye narāḥ |
karmaṇā manasā vācā niraye tu pataṃti te || 24 ||
[Analyze grammar]

adhaśśirobhirdṛśyaṃte nārakā divi daivataiḥ |
devānadhomukhānsarvānadhaḥ paśyaṃti nārakāḥ || 25 ||
[Analyze grammar]

sthāvarāḥ kṛmipākāśca pakṣiṇaḥ paśavo mṛgāḥ |
dhārmikāstridaśāstadvanmokṣiṇaśca yathākramam || 26 ||
[Analyze grammar]

yāvaṃto jaṃtavassvarge tāvaṃto narakaukasaḥ |
pāpakṛdyāti narakaṃ prāyaścittaparāṅmukhaḥ || 27 ||
[Analyze grammar]

gurūṇi gurubhiścaiva laghūni laghubhistathā |
prāyaścittāni kāleya manussvāyambhuvo'bravīt || 28 ||
[Analyze grammar]

yāni teṣāmaśeṣāṇāṃ karmārṇyuktāni teṣu vai |
prāyaścittamaśeṣeṇa harānusmaraṇaṃ param || 29 ||
[Analyze grammar]

prāyaścittaṃ tu yasyaiva pāpaṃ puṃsaḥ prajāyate |
kṛte pāpe'nutāpo'pi śivasaṃsmaraṇaṃ param || 30 ||
[Analyze grammar]

māheśvaramavāpnoti madhyāhnādiṣu saṃsmaran |
prātarniśi ca saṃdhyāyāṃ kṣīṇapāpo bhavennaraḥ || 31 ||
[Analyze grammar]

muktiṃ prayāti svargaṃ vā samastakleśasaṃkṣayama |
śivasya smaraṇādeva tasya śaṃbhorumāpateḥ || 32 ||
[Analyze grammar]

pāpantarāyo viprendra japahomārcanādi ca |
bhavatyeva na kutrāpi trailokye munisattama || 33 ||
[Analyze grammar]

maheśvare matiryasya japahomārcanādipu |
yatpuṇyaṃ tatkṛtaṃ tena devendratvādikaṃ phalam || 34 ||
[Analyze grammar]

pumānna narakaṃ yāti yaḥ smaranbhaktito mune |
aharniśaṃ śivaṃ tasmātsa kṣīṇāśeṣapātakaḥ || 35 ||
[Analyze grammar]

narakasvargasaṃjñāye pāpapuṇye dvijottama |
yayostvekaṃ tu duḥkhāyānyatsukhāyodbhavāya ca || 36 ||
[Analyze grammar]

tadeva prītaye bhūtvā punarduḥkhāya jāyate |
tatsyādduḥkhātmakaṃ nāsti na ca kiṃcitsukhātmakam || 37 ||
[Analyze grammar]

manasaḥ pariṇāmo'yaṃ sukhaduḥkhopalakṣaṇaḥ |
jñānameva paraṃ brahma jñānaṃ tattvāya kalpate || 38 ||
[Analyze grammar]

jñānātmakamidaṃ viśvaṃ sakalaṃ sacarācaram |
paravijñānataḥ kiṃcidvidyate na paraṃ mune || 39 ||
[Analyze grammar]

evametanmayākhyātaṃ sarvaṃ narakamaṇḍalam |
ata ūrdhvaṃ pravakṣyāmi sāṃprataṃ maṃḍalaṃ bhuvaḥ || 40 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ brahmāṇḍavarṇane narakoddhāravarṇanaṃ nāma ṣoḍaśo'dhyāyaḥ || 16 ||
[Analyze grammar]