Chapter 13

[English text for this chapter is available]

|| sanatkumāra uvāca |
tapastapati yo'raṇye vanyamūlaphalāśanaḥ |
yo'dhīte ṛcamekāṃ hi phalaṃ syāttatsamaṃ mune || 1 ||
[Analyze grammar]

śruteradhyayanātpuṇyaṃ yadāpnoti dvijottamaḥ |
tadadhyāpanataścāpi dviguṇaṃ phalamaśnute || 2 ||
[Analyze grammar]

jagadyathā nirālokaṃ jāyate'śaśibhāskaram |
vinā tathā purāṇaṃ hyadhyeyamasmānmune sadā || 3 ||
[Analyze grammar]

tapyamānaṃ sadājñānānniraye yo'pi śāstrataḥ |
sambodhayati lokaṃ taṃ tasmātpūjyaḥ purāṇagaḥ || 4 ||
[Analyze grammar]

sarveṣāṃ caiva pātrāṇāṃ madhye śreṣṭhaḥ purāṇavit |
patanāttrāyate yasmāttasmātpātramudāhṛtam || 5 ||
[Analyze grammar]

martyabuddhirna kartavyā purāṇajñe kadācana |
purāṇajñassarvavettā brahmā viṣṇurharo guruḥ || 6 ||
[Analyze grammar]

dhanaṃ dhānyaṃ hiraṇyaṃ ca vāsāṃsi vividhāni ca |
deyaṃ purāṇavijñāya paratreha ca śarmmaṇe || 7 ||
[Analyze grammar]

yo dadāti mahāprītyā purāṇajñāya sajjanaḥ |
pātrāya śubhavastūni sa yāti paramāṃ gatim || 8 ||
[Analyze grammar]

mahīṃ gāṃ vā syaṃdanāṃśca gajānaśvāṃśca śobhanān |
yaḥ prayacchati pātrāya tasya puṇyaphalaṃ śṛṇu || 9 ||
[Analyze grammar]

akṣayānsarvakāmāṃśca paratreha ca janmani |
aśvamedhamakhasyāpi sa phalaṃ labhate pumān || 10 ||
[Analyze grammar]

mahī dadāti yastasmai kṛṣṭāṃ phalavatīṃ śubhām |
sa tārayati vai vaṃśyāndaśa pūrvāndaśāparān || 11 ||
[Analyze grammar]

iha bhuktvākhilānkāmānaṃte divyaśarīravān |
vimānena ca divyena śivalokaṃ sa gacchati || 12 ||
[Analyze grammar]

na yajñaistuṣṭimāyāṃti devāḥ prokṣaṇakairapi |
balibhiḥ puṣpapūjābhiryathā pustakavācanaiḥ || 13 ||
[Analyze grammar]

śaṃbhorāyatane yastu kārayeddharmapustakam |
viṣṇorarkasya kasyāpi śṛṇu tasyāpi tatphalam || 14 ||
[Analyze grammar]

rājasūyāśvamedhānāṃ phalamāpnoti mānavaḥ |
sūryalokaṃ ca bhittvāśu brahmalokaṃ sa gacchati || 15 ||
[Analyze grammar]

sthitvā kalpaśatānyatra rājā bhavati bhūtale |
bhuṃkte niṣkaṃṭakaṃ bhogānnātra kāryā vicāraṇā || 16 ||
[Analyze grammar]

aśvamedhasahasrasya yatphalaṃ samudāhṛtam |
tatphalaṃ samāvāpnoti devāgre yo japaṃ caret || 17 ||
[Analyze grammar]

itihāsapurāṇābhyāṃ śambhorāyatane śubhe |
nānyatprītikaraṃ śaṃbhostathānyeṣāṃ divaukasām || 18 ||
[Analyze grammar]

tasmātsarvaprayatnena kāryaṃ pustakavācanam |
tathāsya śravaṇaṃ premṇā sarvakāmaphalapradam || 19 ||
[Analyze grammar]

purāṇaśravaṇācchaṃbhorniṣpāpo jāyate naraḥ |
bhuktvā bhogānsuvipulāñchivalokamavāpnuyāt || 20 ||
[Analyze grammar]

rājasūyena yatpuṇyamagniṣṭomaśatena ca |
tatpuṇyaṃ labhate śaṃbhoḥ kathāśravaṇamātrataḥ || 21 ||
[Analyze grammar]

sarvatīrthāvagāhena gāṃ koṭipradānataḥ |
tat phalaṃ labhate śaṃbhoḥ kathāśravaṇato mune || 22 ||
[Analyze grammar]

ye śṛṇvaṃti kathāṃ śaṃbhossadā bhuvanapāvanīm |
te manuṣyā na maṃtavyā rudrā eva na saṃśayaḥ || 23 ||
[Analyze grammar]

śṛṇvatāṃ śivasatkīrtiṃ satāṃ kīrtayatāṃ ca tām |
padāmbujarajāṃsyeva tīrthāni munayo viduḥ || 24 ||
[Analyze grammar]

gaṃtuṃ niḥśreyasaṃ sthānaṃ ye'bhivāṃchanti dehinaḥ |
kathāṃ paurāṇikīṃ śaivīṃ bhaktyā śṛṇvaṃtu te sadā || 25 ||
[Analyze grammar]

kathāṃ paurāṇikīṃ śrotuṃ yadyaśaktassadā bhavet |
niyatātmā pratidinaṃ śṛṇuyādvā muhūrtakam || 26 ||
[Analyze grammar]

yadi pratidinaṃ śrotumaśakto mānavo bhavet |
puṇyamāsādiṣu mune śṛṇuyācchāṃkarīṃ kathām || 27 ||
[Analyze grammar]

śaivīṃ kathāṃ hi śṛṇvānaḥ puruṣo hi munīśvara |
sa nistarati saṃsāraṃ dagdhvā karmamahāṭavīm || 28 ||
[Analyze grammar]

kathāṃ śaivīṃ muhūrtaṃ vā tadarddhaṃ kṣaṇaṃ ca vā |
ye śṛṇvati narā bhaktyā na teṣāṃ durgatirbhavet || 29 ||
[Analyze grammar]

yatpuṇyaṃ sarvadāneṣu sarvayajñeṣu vā mune |
śaṃbhoḥ purāṇaśravaṇāttatphalaṃ niścalaṃ bhavet || 30 ||
[Analyze grammar]

viśeṣataḥ kalau vyāsa purāṇaśravaṇādṛte |
paro dharmo na puṃsāṃ hi muktidhyānaparaḥ smṛtaḥ || 31 ||
[Analyze grammar]

purāṇaśravaṇaṃ śambhornāmasaṃkīrtanaṃ tathā |
kalpadrumaphalaṃ ramyaṃ manuṣyāṇāṃ na saṃśayaḥ || 32 ||
[Analyze grammar]

kalau durmedhasāṃ puṃsāṃ dharmācārojhjhitātmanām |
hitāya vidadhe śambhuḥ purāṇākhyaṃ sudhārasam || 33 ||
[Analyze grammar]

eko'jarāmarasyādvai pibannevāmṛtaṃ pumān |
śambhoḥ kathāmṛtāpānātkulamevājarāmaram || 34 ||
[Analyze grammar]

yā gatiḥ puṇyaśīlānāṃ yajvanāṃ ca tapasvinām |
sā gatissahasā tāta purāṇaśravaṇātkhalu || 35 ||
[Analyze grammar]

jñānavāptiryadā na syādyogaśāstrāṇi yatnataḥ |
adhyetavyāni paurāṇaṃ śāstraṃ śrotavyameva ca || 36 ||
[Analyze grammar]

pāpaṃ saṃkṣīyate nityaṃ dharmmaścaiva vivarddhate |
purāṇaśravaṇājjñānī na saṃsāraṃ prapadyate || 37 ||
[Analyze grammar]

ataeva purāṇāni śrotavyāni prayatnataḥ |
dharmārthakāmalābhāya mokṣamārgāptaye tathā || 38 ||
[Analyze grammar]

yajñairdānaistapobhistu yatphalaṃ tīrthasevayā |
tatphalama samavāpnoti purāṇaśravaṇānnaraḥ || 39 ||
[Analyze grammar]

na bhaveyuḥ purāṇāni dharmamārge kṣaṇāni tu |
yadyatra yadvratī sthātā cātra pāratrakī kathām || 40 ||
[Analyze grammar]

ṣaḍviṃśatipurāṇānāṃ madhye'pyekaṃ śṛṇoti yaḥ |
paṭhedvā bhaktiyuktastu sa mukto nātra saṃśayaḥ || 41 ||
[Analyze grammar]

anyo na dṛṣṭassukhado hi mārgaḥ purāṇamārgo hi sadā variṣṭhaḥ |
śāstraṃ vinā sarvamidaṃ na bhāti sūryyeṇa hīnā iva jīvalokāḥ || 42 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ purāṇamāhātmyavarṇanaṃnāma trayodaśo'dhyāyaḥ || 13 ||
[Analyze grammar]