Chapter 5

[English text for this chapter is available]

vyāsa uvāca |
ye pāpaniratā jīvā mahānarakahetavaḥ |
bhagavaṃstānsamācakṣva brahmaputra namo'stu te || 1 ||
[Analyze grammar]

sanatkumāra uvāca |
ye pāpaniratā jīvā mahānarakahetavaḥ |
te samāsena kathyaṃte sāvadhānatayā śṛṇu || 2 ||
[Analyze grammar]

parastrīdravyasaṃkalpaścetasā'niṣṭaciṃtanam |
akāryābhiniveśaśca caturddhā karma mānasam || 3 ||
[Analyze grammar]

avibaddhapralāpatvamasatyaṃ cāpriyaṃ ca yat |
parokṣataśca paiśunyaṃ caturddhā karma vācikam || 4 ||
[Analyze grammar]

abhakṣyabhakṣaṇaṃ hiṃsā mithyākāryya niveśanam |
parasvānāmupādānaṃ caturddhā karma kāyikam || 5 ||
[Analyze grammar]

ityetadvā daśavidhaṃ karma proktaṃ trisādhanam |
asya bhedānpunarvakṣye yeṣāṃ phalamanaṃtakam || 6 ||
[Analyze grammar]

ye dviṣaṃti mahādevaṃ saṃsārārṇavatārakam |
sumahatpātakaṃ teṣāṃ nirayārṇavagāminām || 7 ||
[Analyze grammar]

ye śivajñānavaktāraṃ nindaṃti ca tapasvinam |
gurūnpitṝnathonmattāste yāṃti nirayārṇavam || 8 ||
[Analyze grammar]

śivanindā gurornindā śivajñānasya dūṣaṇam |
devadravyāpaharaṇaṃ dvijadravyavināśanam || 9 ||
[Analyze grammar]

haraṃti ye ca saṃmūḍhāśśivajñānasya pustakam |
mahāṃti pātakānyāhuranantaphaladāni ṣaṭ || 10 ||
[Analyze grammar]

nābhinandaṃti ye dṛṣṭvā śivapūjāṃ prakalpitām |
na namaṃtyarcitaṃ dṛṣṭvā śivaliṃgaṃ stuvaṃti na || 11 ||
[Analyze grammar]

yatheṣṭaceṣṭā niśśaṃkāssaṃtiṣṭhaṃte ramaṃti ca |
upacāravinirmuktāśśivāgre gurusannidhau || 12 ||
[Analyze grammar]

sthānasaṃskārapūjāṃ ca ye na kurvaṃti parvasu |
vidhivadvā gurūṇāṃ ca karmmayogavyavasthitāḥ || 13 ||
[Analyze grammar]

ye tyajaṃti śivācāraṃ śivabhaktāndviṣaṃti ca |
asaṃpūjya śivajñānaṃ ye'dhīyaṃte likhaṃti ca || 14 ||
[Analyze grammar]

anyāyataḥ prayacchaṃti śṛṇvantyuccārayaṃti ca |
vikrīḍaṃti ca lobhena kujñānaniyamena ca || 15 ||
[Analyze grammar]

asaṃskṛtapradeśeṣu yatheṣṭaṃ svāpayaṃti ca |
śivajñānakathā''kṣepaṃ yaḥ kṛtvānyatprabhāṣate || 16 ||
[Analyze grammar]

na bravīti ca yaḥ satyaṃ na pradānaṃ karoti ca |
aśucirvā'śucisthāne yaḥ pravakti śṛṇoti ca || 17 ||
[Analyze grammar]

gurupūjāmakṛtvaiva yaśśāstraṃ śrotumicchati |
na karoti ca śuśrūṣāmājñāṃ ca bhaktibhāvataḥ || 18 ||
[Analyze grammar]

nābhinandaṃti tadvākyamuttaraṃ ca prayacchati |
gurukarmaṇyasādhyaṃ yattadupekṣāṃ karoti ca || 19 ||
[Analyze grammar]

gurumārttamaśaktaṃ ca videśaṃ prasthitaṃ tathā |
vairibhiḥ paribhūtaṃ vā yassaṃtyajati pāpakṛt || 20 ||
[Analyze grammar]

tadbhāryyāputramitreṣu yaścāvajñāṃ karoti ca |
evaṃ suvācakasyāpi gurordharmānudarśinaḥ || 21 ||
[Analyze grammar]

etāni khalu sarvāṇi karmāṇi munisattama |
sumahatpātakānyāhuśśivanindāsamāni ca || 22 ||
[Analyze grammar]

brahmaghnaśca surāpaśca steyī ca gurutalpagaḥ |
mahāpātakinastvete tatsaṃyogī ca paṃcamaḥ || 23 ||
[Analyze grammar]

krodhāllobhādbhayāddveṣādbrāhmaṇasya vadhe tu yaḥ |
marmāṃtikaṃ mahādoṣamuktvā sa brahmahā bhavet || 24 ||
[Analyze grammar]

brāhmaṇaṃ yaḥ samāhūya dattvā yaścādadāti ca |
nirddoṣaṃ dūṣayedyastu sa naro brahmahā bhavet || 25 ||
[Analyze grammar]

yaśca vidyābhimānena nistejayati sudvijam |
udāsīnaṃ sabhāmadhye brahmahā sa prakīrtitaḥ || 26 ||
[Analyze grammar]

mithyāguṇairya ātmānaṃ nayatyutkarṣatāṃ balāt |
guṇānapi nirudvāsya sa ca vai brahmahā bhavet || 27 ||
[Analyze grammar]

gavāṃ vṛṣābhibhūtānāṃ dvijānāṃ gurupūrvakam |
yassamācarate vipra tamāhurbrahmaghātakam || 28 ||
[Analyze grammar]

devadvijagavāṃ bhūmiṃ pradattāṃ harate tu yaḥ |
pranaṣṭāmapi kālena tamāhurbrahmaghātakam || 29 ||
[Analyze grammar]

devadvijasvaharaṇamanyāyenārjitaṃ tu yat |
brahmahatyāsamaṃ jñeyaṃ pātakaṃ nātra saṃśayaḥ || 30 ||
[Analyze grammar]

adhītya yo dvijo vedaṃ brahmajñānaṃ śivātmakam |
yadi tyajati yo mūḍhaḥ surāpānasya tatsamam || 31 ||
[Analyze grammar]

yatkiṃciddhi vrataṃ gṛhya niyamaṃ yajanaṃ tathā |
saṃtyāgaḥ pañcayajñānāṃ surāpānasya tatsamam || 32 ||
[Analyze grammar]

pitṛmātṛparityāgaḥ kūṭasākṣyaṃ dvijānṛtam |
āmiṣaṃ śivabhaktānāmabhakṣyasya ca bhakṣaṇam || 33 ||
[Analyze grammar]

vane niraparādhānāṃ prāṇināṃ cāpaghātanam |
dvijārthaṃ prakṣipetsādhurna dharmārthaṃ niyojayet || 34 ||
[Analyze grammar]

gavāṃ mārge vane grāme yaiścaivāgniḥ pradīyate |
iti pāpāni ghorāṇi brahmahatyāsamāni ca || 35 ||
[Analyze grammar]

dīnasarvasvaharaṇaṃ narastrīgajavājinām |
gobhūrajatavastrāṇāmauṣadhīnāṃ rasasya ca || 36 ||
[Analyze grammar]

candanāgarukarpūrakastūrīpaṭṭavāsasām |
vikrayastvavipattau yaḥ kṛto jñānād dvijātibhiḥ || 37 ||
[Analyze grammar]

hastanyāsāpaharaṇaṃ rukmasteyasamaṃ smṛtam |
kanyānāṃ varayogyānāmadānaṃ sadṛśe vare || 38 ||
[Analyze grammar]

putramitrakalatreṣu gamanaṃ bhaginīṣu ca |
kumārīsāhasaṃ ghoramadyapastrīniṣevaṇam || 39 ||
[Analyze grammar]

savarṇāyāśca gamanaṃ gurubhāryyāsamaṃ smṛtam |
mahāpāpāni coktāni śṛṇu tvamupapātakam || 40 ||
[Analyze grammar]

iti śrīśivamahāpurāṇe paṃcamyāmumāsaṃhitāyāṃ mahāpātakavarṇanaṃ nāma paṃcamo'dhyāyaḥ || 5 ||
[Analyze grammar]